初見

营业中

休息中

夜晚好多人等位 我哋本身想食七點鐘 但6:30嚟到已經見到門口好多人我留意到全間餐廳八成人都食香草牛肉 所以一行入餐廳已經有一浸浸燒肉嘅味道香草吉列牛牛肉其實份量好多 我之前有食過其他餐廳 份量都係相對之下比較少 依間既牛肉份量多 令到個餐性價比好高👍🏻👍🏻啲牛肉俾香草炸粉包圍住 個顏色好吸引😻😻😻牛肉既油脂分布好靚 燒個陣發出既聲簡直會令人口水都流晒出嚟😂😂我覺得燒完既吉列牛就咁沾少少鹽就好好食 想要濃味啲可以配肉個醬汁有微酸 都好夾🤩🤩海鮮鍋（龍蝦湯配白飯）龍蝦湯底有得加$5轉地獄湯湯底飲到龍蝦味 但係係淡淡的 海鮮份量都算多 都好抵食最好嘅係全日免加一呀🥳🥳🥳🥳

位於荃灣海壩街22號華達樓地下F號舖的初見 (Shoken)，主打日本菜。餐廳在晚上頗為旺場，當晚在門口約等待了十分鐘才能入座。餐廳的空調頗強勁，用膳時感覺舒適。除了單點主菜，也可以升級為套餐，頗為化算。套餐會包括刺身/沙津、餐湯及指定飲品。。約幾分鐘後，侍應端來了刺身，一個小碟裡盛載著二人份量的刺身，刺身質感冰凍爽口，而且刺身相當大件。餐湯則可以選南瓜湯或味噌湯，前者質感幼滑，而朋友則覺得後者略為淡了點點。蒲燒原條鰻魚配日式味素飯(Grilled Eel with Appetizer & Furikake Rice)這款鰻魚套餐的賣相頗為吸引，原條鰻魚震撼地奉上眼前。鰻魚的表面烤得微脆微焦，肉質彈牙。筆者喜愛在日式超市買急凍鰻魚，這裡的鰻魚比超市買的鰻魚的質感更有彈力，可見用料新鮮。同時奉上的，還有一客中華沙津(前菜)、日式味素飯。白飯撒滿了味之素，而且飯粒軟硬適中。安格斯牛肉鍋 (味噌湯)配白飯(Angus Beef Hot Pot with Miso Soup & Rice)安格斯牛肉份量十足，有六、七大片，而且不會有太多筋。鍋內也有不少配菜，有娃娃菜、金菇、蘿蔔等。。煮至後期，

疫情之下好耐冇出街 難得今日係荃灣有嘢要做 於是順便去試下之前經過嘅餐廳店面 之前陪男友踢完波係附近經過就比個名吸引左 望埋個餐牌咁多選擇就一直心思思想試依個時期 消毒酒精唔少得餐牌真係琳瑯滿目 日式西式都有疫情之下轉左用一次性餐具最後揀左招牌香草吉列牛 同煙三文魚明太子意粉+$35轉套餐有埋沙律/刺身+湯同熱茶個意粉味道有驚喜 小小辣辣地嘅明太子令個汁濃得黎一D都唔漏 配埋煙三文魚十分惹味招牌香草吉列牛 醬汁有鹽同燒汁每次燒到3-4片 咩生熟程度都可以自己控制D牛肉質鮮嫩 完全冇筋 兩邊輕輕一燒就食得 灑少少鹽配埋淡淡香草味就最好食😋埋單$256 性價比很高 滿足嘅一餐🥰

雜菌海鮮配龍蝦汁煮意大利飯78hkd意大利飯份量真係唔算非常多，適中有一個女仔食 ，鍾意食開白汁，同意大利飯，嘅我當然都係依然曬口水， 蘑菇汁味道中間夾雜著龍蝦汁嘅味道， 入面有好多海鮮配菜，飯菜夠熱。yummy 日式炸吉列豬扒烏冬 58hkdtop! 最好食食過咁多次，都係呢一塊豬扒最正， 豬扒炸得非常吉列，脆口， 食唔出有粉嘅口感， 咬落去嘅時候好似食薯片一樣有聲音， 豬扒方面做到juicy效果， 可以煮到咁嘅質素，真係一星期食一次都冇問,, 題扇貝三文魚海鮮番茄配白飯( 鍋物 )68hkd火鍋下面嘅火燃燒足 全程， 完全冇熄過，抵讚 ，啱曬鍾意食熱嘢食嘅人， 性價比嚟講我諗呢一碟食物嘅性價比係非常高，因為佢哋用得嘅海鮮都係大隻足料， 三文魚都大大嚿。 食到底嘅時候會發現仲底好多菜 ，入曬味，正....另收加一服務費

疫情好轉，同時難得T小姐冇咁忙，我地就約好去去食日式料理😂 每次經過初見係都見到都排哂隊好多人，每次睇完menu都因為太多人就放棄話下次先食😂 但今日放假，可以早啲去排隊等位，終於食到喇！初見香草吉列牛飯 半熟蛋真係好鍾意好鍾意好鍾意食吉列牛，有師傅炸好既外層吉列，之後再自己係石板到燒，可以自己控制火候，每件都熱辣辣襯熱食，真係好正！呢度既整法好到特別呀，加左香草落個吉列度，之前係其他地方食既吉列牛都無加香草，今日先發現原來加左香草真係更加惹味架！呢個配搭絕對值得下次再過黎排隊食😝個半熟蛋都非常好味，食得岀師傅既用心！安格斯牛肉鍋味噌湯底 烏冬 朋友食左安格斯牛肉鍋，係味噌湯底，我偷飲左幾啖，覺得有啲古怪，點解個湯底特別好飲既呢？食到最後既時候先發現，原來湯底加左白蘿蔔呀，大家都知白蘿蔔同牛肉好夾架喇，所以呢個湯底真係好好飲！配埋超有肉味既安格斯牛肉真係無得彈呀！咁既價錢，咁既份量，性價比極高，值得一試！+$35 有得配魚生同湯加35蚊就可以頂下我既魚生癮喇！魚生好新鮮，我已經諗定下次去要試壽司拼盤😝 仲有是日既湯，特濃南瓜湯，$35 有多兩樣野食，好抵

「人生若只如初見何事秋風悲畫扇」納蘭性德 用簡單直白的詩句說出了人與人之間複雜的關係.初進初心 給我的感覺更像一家CAFÉ因為裝潢是走文青路線桌與桌之間不會太近有適當的距離.初見香草吉列牛 $128配白飯 溏心蛋吉列牛表面用香草包著香草味淡淡的 不會太濃牛肉的脂肪不多 牛肉味淡所以在煎之前先把提供的牛油在板上煎一煎要不然很容易焦白飯不是用日本米 口感不算飽滿煮飯的時候 水放太多 影響了水準溏心蛋不錯.安格斯牛肉 豚骨湯拉麵 $68口味貫徹始終 比較淡一點安格斯牛肉像是肥牛但沒那麼多油脂 比較乾一點如果加了七味粉會好吃一點.初見邪惡炸薯條 $45衝著蛋黃的名義點的它的蛋黃更像是雞蛋黃而不是咸蛋黃上面的蛋黃不是流質的能保持薯條的脆度吃到最後 還是燙咀的

今日去咗荃灣揾個朋友仔食dinner，佢推介咗呢間日式餐廳「初見」，入面有石板燒牛、鍋物、咖喱、拉麵、漢堡，乜都有得你食😆 但朋友就特別推介一人一鍋，我哋一人嗌咗一個。F1. 季節海鮮鍋 （$88）海鮮鍋嘅湯底係龍蝦湯，龍蝦味非常香濃，好正😋海鮮有超多款，有蝦、青口、蜆等等，好真材實料，抵食！F2. 安格斯牛肉鍋 （$88）牛肉鍋嘅湯底係味噌湯，味噌湯唔會太鹹，清清哋～牛肉加埋特製牛肉汁好香好好味。兩個鍋入面都有好多蔬菜，食得飽之餘又唔肥，開心😙

疫情後再開工第一日，和同事三人去食呢一間日本野，冇咩胃口唔想食太多，就叫左呢碗拉麵，仲嗌左熱檸蜜添。紫菜好脆口，叉燒有3塊，味道是正常的，但我略嫌湯底有點過鹹。但整體來說這個價錢都算好合理。

約了舊同事食飯，選了眾多食店的荃灣，原以為海霸街那邊餐廳不多（始終不近地鐵站，附近亦冇商場及天橋連接），但原來都有不少選擇。最後選了有不少好評的「初見」，餐廳樓底頗高，就算座位較迫，都不會焗促。🔸 初見香草吉列牛（配白飯、溏心蛋）餐牌有三款燒牛肉，選了推介的香草吉列牛。吃的時候，要先將牛脂放到已預熱的石板上，再將牛肉片置於石板，按自己的喜好去燒，以決定牛肉的生熟程度。牛肉表面很脆（因為有香草及炸粉），不用點附送的醬汁都夠味，但如燒得太耐就會乾身。🔸 照燒豬軟骨、豚骨湯拉麵一碗約有五、六嚿豬軟骨，頗淋及入味，拉麵不會太淋，而豚骨湯底亦不錯。🔸 炸雙拼雞翼漲卜卜的雞翼，分別是明太子及餃子，但兩者味道分別不大。

初見 #荃灣❗️荃灣人龍親民價刺身吉列牛❗️吉列牛喺香港掀起一陣熱潮，呢間初見亦都係其中一間大排長龍嘅吉列牛餐廳。除咗吉列牛之外佢哋仲有刺身飯shabu shabu甚至漢堡包意粉等等，選擇都幾多。餐廳下晝休息，夜晚6:00再開，嗰日六點未夠已經排緊隊，超受歡迎！初見香草吉列牛 $128難得嚟到梗係要一嘗佢哋嘅吉列牛！特別用上香草炸粉，炸皮唔算厚，但依然感受到脆脆地，同吉列豬扒嘅炸粉唔一樣，呢一款係比較實在啲，相對較似炸雞皮多啲。牛用上高質USDA PRIME，肥瘦分布平均，每塊都好淋，而且份量多，的確唔錯。初見特選蟹黃刺身丼 $148呢個價錢來講都算足料，又有蟹肉、蟹膏、海膽、吞拿魚茸、帶子同埋玉子燒，尤其是啲蟹膏真係多到唔駛錢咁！特別欣賞佢嘅海膽真係好鮮甜，而且啲飯仲加上左一啲日式拌飯嘅香料，令到個飯頓時好味左好多！整體來講呢間餐廳性價比都幾高，不過真係長期好多人，想食嘅就要預時間排下隊！

之前已經喺度食過1次覺得好好食，所以今日同朋友喺荃灣附近行完山就黎左初見食晚餐，大約6點半左右去到已經見到門口有人等位，而附近其他餐廳都唔洗等位咁大家都知咩事啦😏，拎完位等左半個鐘左右已經可以入座。咁行完山同朋友都有啲肚餓，我地大家都叫左安格斯牛肉鍋$88，因為我地驚唔夠飽所以再加$35轉套餐(套餐包刺身/沙津+麵鼓湯/南瓜湯+飲品)咁個鍋喺會跟左一碗白飯，咁我地大家都唔想食飯，所以再加多$8轉拉麵同烏冬，令外我地再叫左個炸雙拼雞翼小食$68份餐上到枱我同朋友都嘩左聲，完來咁大份，個湯底就係味噌湯，入面都有好多蔬菜同日式鍋物，牛肉塊塊又大又厚仲好有牛肉味👍🏻個汁都同牛肉好夾好好食，可以試下原味同點左汁嘅感覺喺唔同，而個烏冬入口煙韌唔似有啲餐廳一夾就斷。佢啲刺身都好新鮮，帶子好鮮甜，三文魚正路但師傅都砌得幾厚下👍🏻，吞拿魚無筋，油甘魚肥美無腥味好好食😋(之前食過有啲餐廳嘅油甘魚係好大陣腥味👎🏻🤮令到我怕怕) 整體黎講我覺得依間餐廳嘅刺身都好新鮮好好食👍🏻😋到小食方面，雞翼拼盤有兩款雞翼，分別係明太子雞翼同餃子雞翼，因為我地放到凍曬先食，但味道都幾好，如果襯佢熱辣辣咁食會好食好多，不過掛住

今日去左荃灣約朋友仔食lunch，佢話想試下呢間主打日式西餐既初見。餐廳有一片綠油油既仿草牆，樓底高，座位寬敞，坐得舒適。午市餐牌選擇多元化，有壽司、刺身、拉麵烏冬、意粉、鍋物等等。初見壽司拼盤配味噌湯 HK$887件特選壽司件件新鮮肥美，推薦鮮甜細膩甜蝦，厚實滑嫩帆立貝，同埋甘甜口感極佳既北寄貝!味噌湯有大量昆布，鹹度剛好。初見特選海皇蟹刺身丼配味噌湯 HK$98一上枱好吸晴，材料豐富好足料，蔥吞拿魚蓉入口即融、蟹肉爽甜、蟹膏濃郁、海膽豐腴鮮甜、帶子鮮美、蟹柳質感厚實、玉子香甜。食材新鮮高質，性價比極高，推薦!!蟹柳小卷 HK$18味道鮮甜，一啖一舊好滋味。餐茶揀左玫瑰花茶，淡淡玫瑰幽香，味道芬芳。另一杯揀左玄米茶，口感淡而不澀。

搵野食既時候見黃色邊吉列牛就見得多，而綠色邊既吉列牛都係第一次見，所以就要黎試下😆😆😆要提前打去book位既👍🏻一去到就即刻入得啦😆😆一黎到一望，嘩～顏色好靚呀😆😆佢咁樣係一個套餐，自己燒牛鍾意食幾熟就自己決定😋😋😋個牛係唔錯既👍🏻👍🏻但佢個醬汁出左事🙁🙁🙁非常唔好食😰😰唔點個醬都食到有牛味既😅😅再叫左個肥牛鍋配烏冬，湯底淡，牛都係好食既，都係個醬料出事，令到成個餐都覺得麻麻地😅😅😅

呢間餐廳，同事早前推介，佢話這餐廳係荃灣嚟講，人氣都幾高，食材新鮮又抵食，叫我一定要試今日開始，公司實施彈性返工時間，所以早咗放工，就行過海壩街，食咗嘢先返屋企餐廳真係好有人氣，晚市6點開門，大概30分鐘，已滿座，後到嘅要取號等位，雖然有疫情，但好嘅餐廳，真係會有好多捧場客安格斯牛肉鍋，轉烏冬，升級套餐包湯，沙律/刺身+飲品，飲品可加錢再升級南瓜湯，入口好有質感，有南瓜味沙律菜新鮮，有蝦籽同蟹柳絲 ，清新開胃安格斯牛肉鍋鍋底有紹菜，豆腐，日本魚蛋，芋絲，同好多菜絲，牛肉有5大片，油脂分佈平均，厚薄適中，牛肉淥一淥好快熟，入口有咬口，有牛香味，蘸一蘸醬汁，加上彈牙烏冬，非常美味最後飲品升級叫咗咸檸7，一路食熱熱啲牛肉鍋，飲一口冰凍咸檸7，除透心涼快外，仲可消除一天疲勞

第一次同吉列牛係日本初見就愛上左佢喇！番黎香港試過好多間，大家都做到相似既味道，但係今日竟然試到新款既吉列牛—— 香草吉列牛炸到香脆既外層，放係石板上燒既吱吱聲，仲有特別既香草味，真係好吸引！一試難忘呀！而店家亦好有心，除餐附上半熟蛋！安格斯牛肉鍋朋友就點左安格斯牛肉鍋除左份量好足之外肉味超濃，值得一試！而鍋底用左味噌湯亦算特別，同坊間既日式湯底有少少唔同最後性價比最高既之就係加$35 就有魚生同湯送喇，大讚！下次一定要試埋壽司盛！