初見

营业中

休息中

今天剛好跟約了朋友去荃灣逛街，想說找找看荃灣有咩好食，見到呢間評價吾錯，所以想黎試下。雖然距離地鐵站一段路，但係跟住地圖搵都吾會話好難搵到，呢排因為疫情關係，一入到餐廳要量體溫，我們黎既時候仲有午市套餐，於是我們就叫午市套餐。我叫左月見牛肉味噌湯配白飯，連飲品先68蚊，朋友就叫左個赤蝦三文魚剌身丼配味噌湯。賣相就十分好，味道要試真d先知係咪一樣樣我十分推薦呢個火鍋，牛肉認真好味，油脂同肉既比例很好，不會話煮完之後太柴，個湯底就普通了點，沒喝到出黎係味噌湯，有一隻生蛋係上而，煮煮下會熟左，我就係隻蛋煮到半熟既時候，攪散佢，連埋牛肉一齊食，又係一番新滋味，套餐有配一個醬係用黎點牛肉食，我覺得個醬汁有少少咸咸地又帶點薑味，點牛肉也是個吾錯既選擇牛肉份量算係幾多，而且個鍋入面既其他配料份量也很足夠，有少量竹輪切片，又有娃娃菜，椰菜，芋絲等等既配料，的確很夠飽，仲有一碗飯，睇餐牌好像加6蚊可以轉拉麵或者烏冬。野飲方面我簡左柚子蜜，甜甜地又吾會話好膩，，就是普通的柚子蜜，飲落都吾錯朋友叫既剌赤蝦三文魚剌身丼配味噌湯睇落好好食，佢話好新鮮，睇落去三文魚比得好多下剌身完全蓋過個飯，都係68蚊，剌身丼黎

我地兩個人叫咗兩個套餐同埋一份小食。主食加35蚊可以轉套餐，有刺身或沙律可揀，跟餐附送味噌湯或者南瓜湯，仲有一杯熱飲。南瓜湯飲落去好重南瓜味，仲有啖啖南瓜蓉，口感好creamy。刺身食落尚算新鮮，不過不失。跟餐的熱果茶飲落味道清新，可以中和返食物嘅油膩同飽滯感。📌野菜豆腐鍋配白飯野菜鍋是味噌湯底，入面有豐富的菇類同蔬菜，全部都好新鮮，偶爾食清一點對身體都好啲。餐廳另外有海鮮同牛肉鍋選擇，鍾意食肉嘅朋友都可以一試。📌和風燒餅汁吉列豬扒漢堡包配炸薯條成個餐望落去好大份，入面嘅薯條用上新鮮薯仔直接切條去炸，食落去好有薯仔味。無諗過漢堡包配上大阪燒嘅醬汁原來都幾好味，中間夾住大大塊吉列豬扒，炸過的豬扒都算juicy，伴隨住大量生菜同蕃茄令油膩感大減，我同朋友都好鍾意。📌炸雙拼雞翼炸雞翼有兩種口味，一款在雞翼入面釀左餃子餡而另一款則釀了明太子餡。餃子那款想不到還加入了芝士作餡，食落芝味濃郁，而明太子那款則帶少少辣味，比較香口惹味。整體來說，食物價錢貼地而且味道不俗，下次會再來試其他菜式！

今日去荃灣福來邨附近搵親戚食飯， 老人家話從來都冇去過嗰間日本嘢， 於是我就帶佢去食啦。原來呢間餐廳仔唔好睇佢 外表細細， 原來入面裝修好得體。 餐廳牆壁上面嘅綠化設計點綴 有木材主導嘅原色。年少少嘅餐具盒都好 簡約溫馨 嘅感覺每一個細嘅擺設都獨特挑選過， 老人家仲問我乜啲公仔咁得意打開餐牌第一頁， 人生若只如初見， 非常有詩意 餐牌入面影嘅嘢都非常之靚， 好似呢個雙式雞翼咁樣就吸引咗我哋啦上枱之後見到無論明太子雞翼定係餃子雞翼， 都炸得好靚好脆， 入面既咸整到雞翼脹卜卜老人家叫咗碗日式叉燒拉麵， 叉燒非常之大塊， 而且拉麵個糖心蛋做得特別好食， 老人家話好滑， 而且仲有兩塊大紫菜喺度老人家話佢唔食紫菜畀曬我食我就叫咗呢個牛肉漢堡， 係好特色嘅日式煮法， 加咗大阪燒燒餅嘅汁， 再加埋口口嘅漢堡牛肉， 食完夠曬飽， 順帶一提薯條都係高質素嘅， 口口嘅薯條炸皮好脆， 入面就軟淋淋， 非常之唔錯

欣賞初見的精心製作❤️入內環境幾有空間感，設計讓人感到舒服😌午時餐牌選擇多，性價比頗高。花茶整得好靚，香味俱全。味增湯都顯得特別有心機......重頭戲板燒雪花牛配日式味素飯，從小便愛味素，食多多都唔夠😂先燒菇再燒牛，菇香撲鼻就唔少得啦，加上每片牛都切得厚薄適中，油脂分布均勻。每啖都可以食到肉質的香滑甜。最後介紹埋個魚生飯，大家都見到三文魚切得好厚好靚嫲新鮮！加上蟹子帶子甜蝦甜蛋蟹柳同油甘魚，令口感非常豐富！一絕！

行街經過見到呢間日本料理，個名改得好特別，叫初見日本料理，所以就入咗去試吓，喺度叫左個香草吉列牛，同埋蒲燒鰻魚飯，等左一陣之後嚟到見到真係竟然同Menu上嘅圖片一模一樣咁制，色香味俱全，吉列牛有啲香草粉包圍着，不過燒熟少少後入口唔太大香草味，牛肉入口即溶，不過略嫌唔夠牛味，不過整體都OK，依家真係超級興石版燒牛嘅餐廳，佢又唔算太過貴，所以可以試一試，而另外嘅蒲燒鰻魚飯嚟到之後真係全條鰻魚咁上，鰻魚好大條，燒得好香口，再配埋有漬物嘅飯簡直一流👍🏻👍🏻👍🏻其實佢個Menu上面都仲有好多款式嘅食物選擇，每一款都好靚好想食，下一次都會再去試多一次其他嘢食。😻😻😻😻

難得早收工，當然要孖公仔撐枱腳第一次來食，就試吓安格斯牛肉得唔得。安格斯牛肉豚骨湯拉麵比想像中大碗，牛肉超薄切，但都好多，食極都有，湯底同麵質OK安格斯牛肉鍋配白飯，轉地獄湯牛肉賣相都靚，湯底好吸引，確實幾辣但好惹味。牛肉都好新鮮，唔錯炸和風甘栗紫薯餅出奇地入面真係有幾粒栗子，炸得外脆内軟，平時少食炸嘢今次我都食晒炸香草北海道南瓜餅又係外脆内軟，但食唔出有香草，但南瓜都好味但我覺得紫薯餅好味啲特別d 整體來講都唔錯，餐廳都滿座，下次再黎食

今晚好耐冇見嘅閨蜜約我去荃灣食好西😚 佢話依度套餐cp值高同好抵食， 全日不用加一 😆餐廳樓底高，環境舒適，小食、火鍋、刺身、燒物、意粉…… 連漢堡套餐都有，夠曬多元化👍我哋叫咗初見香草吉列牛、季節海鮮鍋配龍蝦湯，兩個餐升級加$35.00有湯，沙律刺身跟特飲(另加$12.00) share一齊食😊南瓜湯甜滑，香草吉列牛外邊脆身，牛味、油份👌幾有咬口同質感😋海鮮龍蝦湯鍋~ 材料新鮮， 龍蝦湯鮮味可口~正😊另外炸和風甘粟紫薯餅~very good~❤❤熱辣辣，最鐘意佢既鬆脆口感， 裏面甜糯 紫薯跟粒粒粟子， 好自癒呀🤗🤗

打開餐牌其實好想食漢堡包，刺身，又想打邊爐。。。係疫情期間，當然打下邊爐啦～不過係一人邊爐🍲。原價88，加38有刺身三片，餐湯（南瓜湯或者面豉湯），仲送一杯餐飲。甘掋食，當然加啦～忍左一個月，食左塊三文魚、吞拿魚同油甘魚，感覺好開心，雖然魚味道淡淡，但肉質還新鮮。估佢唔到，唔係用Wasabi而係用山葵，而鼓油都唔會太鹹。我諗🤔如果唔係疫情下物流影響，餐廳的魚生應該係好有自信的，能以鮮味取勝。火鍋海鮮都算鮮甜，有青口，同3種蝦，6粒手指尾甘細的蜆肉等等。而估唔到有三文魚腩。本身個窩有白菜、竹輪、豆腐同椰菜等蔬菜，食完先有位落肉類😁。湯底唔會太濃味，好香龍蝦味。有菜有肉，配上珍珠米，食到好飽了！花茶係熱玫瑰茶，無糖，中和剛才的味道。

最喜歡小店，因為每間小店都有佢獨特嘅風格而初見呢間日式小店，一進門見到餐廳以木同草園的田園風格裝飾，就有一種清新舒服的感覺Menu第一頁，更加明白老闆起店名的意思餐廳除咗日式食物之外，仲有西式供選擇非常多元化*初見香草吉列牛賣相已經好吸引，牛的外層以香草包圍住切開一片片俾客人自己燒從牛的色澤及紋理已經覺得好新鮮鐵板的賣相亦十分精緻燒完即食嘅感覺好正，牛的肉汁仲鎖係入面香草的味道不是很強烈，牛就好嫩滑配上日式飯，好滿足！*季節海鮮鍋配龍蝦湯好豐富的套餐，加錢轉咗烏冬，海鮮分開上，有蝦，三文魚，蜆，青口，魷魚，全部都好新鮮最正係個龍蝦湯，真材實料的龍蝦湯味😋飲落完全無味精，鍋入面有好多疏菜，菇，豆腐，吸收哂龍蝦湯的精華，烏冬仲可以加埋龍蝦湯一齊食，倍添味道！食完一次已經好想再encore🤭

最近發現荃灣海霸街附近有間隱世既日本餐廳，朋友帶左我去食，入面餐廳好似置身响叢林一樣，好大片綠色植物既牆壁同埋餐廳上面有樹枝裝飾，都幾特別，午餐選擇都幾多，我地揀左一個板燒雪花牛肉配日式味素飯，$98有甘多片雪花牛肉真係好抵食呀～而且每片都好有肉味，自己燒有得玩又有得食，仲有燒菇同南瓜，燒至金黃色，之後仲叫左個月見牛肉味噌煱配飯$68，好大煲嫁個鍋，入面有菜同埋牛肉好足料，仲有飲品跟餐，唔夠喉再叫多左個小食明太子雞翼辣辣地幾惹味嫁。全日免加一。

第一次光顧 18:30到達都要等位 我諗如果唔係有疫情 應該都要book 位或等位一段時間內面不是很大 應該有十張四人枱左右 但如果坐了二人落去再搭枱應該會感覺逼d講返食物 不用懷疑是正貨 正牛和正刺身 全日免加一 值得推介

人生若只如初見，我們初見的一次約會，一次聚餐，都令我想起，荃灣的日本料理餐廳——初見。 今日再次同朋友嚟到荃灣的初見，回味上次一起食飯的情境，我們有講有笑。我們點了一份初見四色刺身飯配味噌湯，一份五色刺身盛,,初見之溏心蛋，還有和風章魚燒。四色刺身飯非常豐富，有鮮蝦，蟹柳，三文魚腩等幾款不同魚生配搭一起，份量十足，加上一碗味增湯暖下個胃先再食魚生飯，吃起來胃口更好。我的主食係五色刺身盛，大大碟魚生上台時還有煙霧做效果，令成個魚生都昇華左，每件魚生有四件，分別有三文魚腩，吞拿魚，帶子，海膽等，塊塊大大塊，切片夠厚身又新鮮，真係好抵食。我還點了支葡萄汽水，配搭魚生是十分夾，食住咁好味的魚生，同朋友在初見聊著舊事，真係人生一大樂事。

初見是荃灣一間文青風的日本菜餐廳。一到達餐廳門口，看見門口這個設計，已經可以深深感受到初見這種味道，令人不禁定格在其中，迫不急待想到餐廳感受一番。的菜式尤其多樣化，不僅有日式燒烤、火鍋、拉麵，也有刺身和漢堡，能一次過配合各人不同的口味。而我和朋友分別叫了日式燒烤和漢堡。初見特上漢堡飽配炸薯條$88初見特上漢堡飽餐十分足料，内層夾著厚片牛肉、香濃芝士片、流心玉子、煙肉和青菜，配搭著新鮮沙拉和大條薯條，食落飽口，不會太油膩。再配搭埋跟餐飲品時日花茶, 更能解膩。 板燒雪花牛肉配日式味素飯$98板燒雪花牛肉餐都非常豐富，12塊大大片雪花牛肉片、一大碟菇和南瓜、一碗白飯，跟餐果茶茶包，分量十分多，即使同朋友happy share也不用擔心唔夠食！而且雪花牛很嫩口，燒至半熟時配搭牛肉醬汁、鹽燒汁和海鹽，更是一流，香滑多汁，食完十分滿足。此外，不得不讚及的是店員十分貼心！不但在上菜時建議我們先燒配料菇和南瓜後飽嘗板燒雪花牛，更在我和朋友閑聊期間先後幫我們添加了3次板燒火種，服務質素非常好！初秘溏心蛋1隻$12另外，由於朋友十分好溏心蛋，我們更特登點了1隻秘製溏心蛋，味道香濃，口感不錯。總括而已，初

黎荃灣搵朋友食飯～諗唔到食乜好，四圍行下就見到呢間日式西餐廳，就試試啦先點份小食share, 「炸和風甘粟紫薯餅」（$28）即點即炸，吉列外皮好鬆脆，紫薯蓉香軟鮮甜，中間仲有一粒粒煮淋了的甘粟，軟綿綿甜甜地既口感好正之後係我成晚最中意既「溏心蛋卡邦尼扁意粉」（$78）卡邦尼醬包裹每條扁意粉，每啖扁意粉都充滿了奶油🧈豐盈creamy的口感，連同咸香的煙肉🥓和少許調味的香草🌿非常滋味呢！季節海鮮鍋（$88）火鍋要了龍蝦湯底，配上多種海鮮，如大蝦🍤、三文魚、螺肉、青口等等，鍋中也有不少蔬菜🥬，配上白飯一碗，份量非常足夠～ 味道正正常常啦，$88黎講性價比唔錯

人生若只如初見.....初次預見那種感覺總是令人回味...其實人同食物都一樣，好味的食物也會令人一試難忘～就是這個店名吸引了我來到光顧，呢度主打西日式fusion菜~餐牌上種類繁多，最後我哋揀咗呢幾款～🐮初見香草吉列牛（配白飯、溏心蛋）吉列牛係香港都興起了一陣子，加埋香草的吉列炸面就第一次見。上菜時牛肉約三成熟，自己在鐵板上加熱至自己喜愛的熟成度～ 有得食有得玩！個人認為五成熟就剛剛好～🐮安格斯牛肉鍋（味噌湯底、轉烏冬）鍋仔細細但材料十足～ 冬菇金菇獅子狗椰菜日式魚蛋～ 薄切安格斯牛肉份量多肉味濃～ 其後仲放上鐵板燒嚟食一樣正！🐟煙三文魚沙律靚靚玫瑰花煙三文魚～伴以清新醒胃沙律菜～ 🥔初見邪惡炸薯條咁邪惡既炸薯條、我真係第一次見呀！係本人極愛既粗薯條上加上牛油炒香過的鹹蛋黃！蛋黃控表示食到停唔到口！令我深刻的是餐牌最後一頁，是一段令人感動的文字。。 🥺相信有故事的人都會感受到當中意義。。還記得初見時彼此的微笑嗎？