初見

营业中

休息中

每次經過這小店，都見到有人等位。今晚終於可以和朋友來試下。菜牌一見到都覺吸引，食物款式多，价錢合理，一定可揀到合心水的食物。叫了個季節海鮮鍋，龍蝦湯配白飯。湯頗濃郁鮮甜，個鍋的海鮮如三文魚，蝦，青口，鱿魚，蚌等都鮮美。湯內的菜，豆腐和菇等都新鮮好味。加埋個飯吃得好幸福。朋友欣賞他叫的日式义燒豚骨湯拉麵。佢話湯底濃郁拉麵滑，义燒不肥不瘦啱佢口味。主菜轉餐追加的刺身如三文魚，帶子和吞拿魚算肥美。南瓜湯和柚子茶都不錯。小食也出色。和風章魚燒大大粒好味道，章魚粒有咬口。炸芝士餃子釀雞翼有特色，必食之選。兩個人吃得開懷滿足只需322元。這日式餐廳是個飯聚不錯的選擇。