初見

营业中

休息中

初見 (荃灣)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•初見香草吉列牛 $128•安格斯牛肉鍋 味增湯配白飯 $88•套餐升級 +$35 （包括刺身/沙津+湯品+熱茶）•罐裝汽水 （跟餐轉飲+$5）••••••••••••••••••••••••••••••♥️食評：好耐無食吉列牛啦🤤呢間吉列牛好出名最近終於有機會試吓啦！呢到嘅吉列牛同傳統嘅吉列牛唔一樣，係香草味嘅吉列牛！牛肉係板上面燒完都食到佢個吉列炸皮嘅香脆，同時唔會成口油。店舖更準備咗鹽同特制醬汁，大家燒完可以隨自己口味點醬呢，以呢個價錢嚟講真係可以一試！安格斯牛肉鍋真係幾有驚喜，牛肉食落好有肉汁，牛肉份量適中。鍋入面仲有鳴門卷、獅子竹輪及大量蔬菜等，最後都食唔晒全部添🤣！套餐配嘅刺身質素唔錯，相信大家睇相都睇得出㗎啦！當日嘅湯可以揀南瓜湯或者麵豉湯，我哋揀咗南瓜湯，味道都唔錯😚••••••••••••••••••••••••••••••♥️特色：餐廳以吉列牛著名，但同時有好多唔同類

假日12點左右到，原來都有lunch set提供。去到岩岩好full哂，有食客已經食緊野添。坐左冇耐，門口已經大排長龍，所以要食就要早d到。叫左初見香草吉列牛($128)，扇貝三文魚海鮮蕃茄鍋配白飯($68)。一客有好多塊已切好既肉，肉內仲帶粉嫩色。件碟仲有溏心蛋，蛋白帶茶香味(?)，蛋黃流心甜甜地。牛肉外層包住香草綠色炸粉，用火燒一燒，肉嫩口唔鞋。外層唔算脆身，如果做到焦焦地既感覺最好，可能燒得唔夠耐。鍋物好抵食，超多唔同種類既海鮮，仲要價錢平好多。蕃茄湯濃稠，邊煮邊稠糊。海鮮有青口、扇貝、已去殼蝦、三文魚等，鮮甜。仲有竹輪、大量蔬菜，配飯好飽肚。整體，侍應做野快手，樓底高，所以感覺開揚。lunch set附送飲品，假日都有set menu好難得。燒物set仲有好多款肉可以揀，價錢好似平d添。

今次黎到呢間人氣小店 想試佢個吉列牛估唔倒平日夜晚 店外都企咗一班人等位香港人果然識食 好彩等咗唔算耐就入座喇初見香草吉列牛 ($128)呢個set配白飯同溏心蛋 如果有埋味噌湯就完美了呢款同平時食開嘅唔同 炸粉外面仲多咗一層香草味道自然更加有層次 而且牛肉味都幾濃郁牛肉脂肪分怖好靚 輕輕燒完兩面 肉質嫩滑安格斯牛肉鍋 ($88)呢個鍋係味噌湯底 本身配白飯我地加$8轉烏冬原來佢地係俾一碗湯烏冬 唔洗自己烚 有啲意外鍋物配料都唔少 加入大量椰菜 娃娃菜 菇 同魚卷安格斯牛肉睇樣都知高質 牛肉嘅絞路好靚食落除咗濃郁牛肉味 仲有滿滿油香 又香又滑呢間小店用料幾高質 兩款牛肉同樣咁正 分唔出高下

呢間係荃灣福來邨嘅人氣餐廳，長期都好多人排隊。好在今日早收工，好快已經可以入座。.初見香草吉列牛-配白飯、溏心蛋一睇餐牌就俾呢個石燒吉列牛吸引，有飯有溏心蛋都係$128。雖然咁抵食，但質素一啲都唔馬虎，之前食過其他餐廳嘅吉列牛，質素都不及這間咁好。外皮炸得香脆，而肉質亦都夠林，油脂分布平均，牛肉味都算唔錯。另外，仲可以加錢再追加肉同菜。.日式咖喱吉列豬扒配白飯 $78咖喱汁係日式甜咖喱，撈飯食一流，入邊仲有少少蔬菜粒。而吉列豬扒亦炸得好香脆，如果厚身啲就更好。仲配有芝麻醬沙律菜，可以清下熱氣。.另外加$35仲可以套餐升級，可以揀刺身或沙律，加餐湯同飲品。不過我地無加到，因為見份量都好多，應該都夠飽。而且餐廳都好衛生，用上即棄餐具，可以唔使特別消毒清潔。

聽聞呢間香草吉列牛非常出名 今日大長征特別來試食 同男朋友兩個人 叫左兩款主食加一個小食招牌香草吉列牛 $128因為系lunch 唔可以升級套餐 但有野飲吉列牛份量多 食到肉味 不會去到太重燒熟點汁或鹽 好食 可惜size 比較細 不太過癮燒既時間自己控制 肉質不會太過韌 不會太多脂肪 岩岩好 板上雪花牛肉配日式素飯$98 午市套餐 有跟野飲 牛肉比香草牛大 但比較薄身 牛肉惹味 但香草牛比較重肉味 易入口 易咬 燒時比香草牛更易出油 但味道不差 紫薯餅 $30一塊30銀 真系好貴😂算正常吧 味道🥸

今天來了十分有文藝氣息的初見，因為六點已經到達，人流並不算多，餐廳裝潢十分漂亮，空間廣闊，適合與朋友聊天敍舊。🍽安格斯牛肉鍋 (味增湯配白飯) HKD 88 (+$8轉烏冬)不得不說，以這個價錢享用這份量及質素的牛肉鍋實在是十分值！！，牛肉是鮮紅色，看上去十分新鮮，肉味濃，肥瘦適中，吃下肚不會太有罪惡感。鍋底有鳴門卷、獅子狗、蒟蒻、豆腐、冬菇、金針菇、紅蘿蔔、娃娃菜、椰菜，十分豐富。鍋底清甜，不會搶走牛肉味道。評分：4.5/5🍽季節海鮮鍋 (龍蝦湯配白飯) HKD 88 (+$8轉烏冬)鍋中有非常多海鮮，包括海蝦、普通蝦、青口、沙白、魷魚、三文魚，及新鮮蔬菜，令湯味更加鮮甜。海鮮控必吃！烏冬份量很大，口感彈牙，加上粒粒粟米令湯底更加清甜。評分：4.5/5炸雞軟骨餃子5隻 HKD 48皮炸得有點硬了，不過仍然香口，而且遮掩不了餃子內餡的美味，雞軟骨香脆，建議趁熱吃！評分：3/5味道 ★ ★ ★ ★ ☆環境 ★ ★ ★ ★ ★抵食 ★ ★ ★ ★ ★服務 ★ ★ ★ ★ ☆

放工後來到荃灣日式餐廳潮聖，7半到步，已經看到門口有很多人。好不容易，終於進店了！😆店內的裝修都很別緻，除有木系草系裝飾之外，還有擺放酒的高身陳架，充滿着日系🇯🇵感覺。看完餐牌之後就點了以下菜色：🌿🥩🍚🥚初見香草吉列牛配白飯、溏心蛋 $128綠色外層的香草吉列牛，放上鐵板上面燒，感覺相當惹味，牛不肥不瘦，口感剛好。它更準備特製醬汁，令味道提升。而它更貼心配備豬油，那就不易燒燶了。加上冷冷的溏心蛋，配上白飯就更開胃了！😋🦞🥣🍚季節海鮮龍蝦湯配白飯 $88我們先吃龍蝦湯內的娃娃菜、金菇、椰菜、豆腐、冬菇等，菜很新鮮，配上龍蝦湯，一個淡、一個濃，配搭得宜。之後我們再放海鮮去煮，當中包括蝦、青口、蜆、三文魚等等，一人份量來說也是挺多。而沾上龍蝦湯來吃，也是別有一番風味。🤪總數$216埋單，性價比也挺高，難怪這麼多人排隊。😚😚

最近忙到冇點出去食嘢難得得閒就約咗朋友去荃灣食飯初見係荃灣都算出名既黃店當然要試下🐮初見香草吉列牛+套餐 $128+$35一份的吉列牛大概有14件左右會跟一個飯同湯(可加錢轉其他主食)其實食得會有少少急因為個火大既15分鐘就會冇所以我就一次過燒曬先再慢慢食牛方面係特別但味道就正常但牛係新鮮同唔會有太大SO味套餐會有刺身/沙律+湯+飲品刺身就比咗三文魚同吞拿魚都幾厚同所以依個價錢算抵🍲安格斯牛肉鍋(地獄湯) $88+$5推介大家食依個因為份量都算多味道同牛肉都有質素加咗$5要咗地獄湯🔥🔥唔太辣但夠濃牛肉大概有6-7大片2個餐的質素都不錯但我同朋友都覺得鍋物好食啲下次可以再試下其他鍋自助落單沒有加一

初見荃灣海壩街22號華達樓地下F號舖通常出開黎荃灣食飯都係去大鴻輝，荃灣廣場，路德圍個堆，但今日朋友帶左我黎呢間係海壩街既隱世餐廳🍽️我地大約7點半黎到，已經好多人排隊，好彩朋友醒目book左檯但都等左一陣先可以入座一入到餐廳望到牆身用一片綠色既植物☘️🍀做裝飾感覺好舒服，而且好有文青feel, 幾適合打咭 打開精緻嘅menu見到樣樣都好吸引，不過朋友極力推介一定要試呢到既吉列牛🥩最後我地揀左3款主食再加多2款小食🤤另外，點左呢到既主食仲可以加多$35蚊upgrade做套餐，包埋是日刺身/沙律+餐湯+飲品。。刺身非常厚切唔會將價就貨，而餐湯方面有麵豉湯同南瓜湯揀，我自己就比較鍾意南瓜湯多啲飲落好creamy初見香草吉列牛---呢個真係招牌貨必食😍見到差唔多每一檯都有點，牛肉既脂肪分佈平均，表面上鋪滿曬香草，食落口感一流，而且份量都幾多有成15片，而生熟程度全部由自己控制仲有隻凍既溏心蛋都非常吸引安格斯牛肉鍋---呢個價錢非常抵，牛肉既質素都幾高肥瘦均勻，而且數量都幾多，本身鍋入面亦都有好多配菜，包括有冬菇，椰菜，娃娃菜，獅子狗，蒟蒻，豆腐，紅蘿蔔，非常豐富 小食方面，炸軟殼蟹反卷都好有驚

初見香草吉列牛🥩今次係為咗依個香草吉列牛慕名而來，翠綠嘅吉列外層非常搶眼首先將牛脂塗勻喺石板度，然後按自己喜好燒到啱嘅生熟程度～我就鍾意燒耐少少，等到邊邊嘅吉列外層變得焦脆，可以更加香口，而且因為塊牛肉本身嘅油脂比例頗高，燒耐啲都唔會靭，之但係食落嘅香草味冇望落咁突出，可以點少少醬汁或者鹽提一提味季節海鮮鍋龍蝦湯🦞餐牌嘅圖片只供參考，因為真實嘅海鮮比餐牌幅相更加豐富！！海鮮有青口、蝦、蜆、三文魚等等，龍蝦湯嘅湯頭幾鮮甜，加埋海鮮越滾越濃，非常抵食👍👍

荃灣其實我好少去，但最近聽好幾個朋友講，去開荃灣嘅話要去食🤨🤨心諗係咪咁堅呀，好啦，反正約朋友食生日飯又想行DONKI.其實望荃灣鐵路站都有段距離架，不過都無後悔，都真心好味。而且由佢地嘅餐具就反映到餐廳嘅細心。我地試左安格斯鍋，諗住只係幾片仔，點知一上枱，真係哇左聲，食極都未見底😅😅粗略估計都有16塊，仲要係好有牛味又夠嫩，配埋個地獄湯真心好過癮😋😋😋我地見好多枱都有跟刺身，都+$35轉左餐，有4片刺身跟，都算係好厚身架，拍得住大型超市賣過百質素。另外仲試左個初見香草吉列牛，之前上網睇過好多人推介，我地梗係唔執輸都要試啦🤣首先石鍋有舊真牛脂肪跟埋的確好好，煎完出黎片片都有香草吉列包住邊，真係片片都會脆邊架，同時跟左海鹽同醬汁一齊，我自己就中意沾海鹽，更能食出牛的香味。

經過荃灣，比餐廳嘅招牌吸引住，大大隻”初見”二字，周圍有啲葉圍住，簡約得來清新✨。入到去餐廳尚算寬躺，有一面假葉嘅牆用黎打卡影相📸️✨ 🍽初見燒香草吉列牛 配溏心蛋🥚、白飯🍚吉列牛嘅邊邊有綠色嘅香草圍住，望落去油脂分佈平均。食落香草味唔突出，但玩味十足😆可以自己控制生熟程度✨白飯份量勁足，食晒啲吉列牛仲有好多飯淨(本人係有餸先食得落飯🙈)所以就偷食一下朋友嘅海鮮鍋 🤣🍽季節海鮮鍋 龍蝦湯配白飯🦞龍蝦湯味道濃郁，湯底材料亦非常豐富✨有娃娃菜、嗚門卷、豆腐、冬菇、蒟蒻，就咁用個湯底黎送飯已經好夠食🤣 另外仲有啲雜錦海鮮可以shabu shabu一下🍲(不過2隻去殻嘅蝦同蜆肉應該係急凍嘅，食得出有陣雪味)另外我地加左$35 升級套餐，可以揀 刺身/沙律🥗+湯。 湯就揀左南瓜湯，口感濃稠 好香南瓜味 🎃。我地各要左刺身同沙律🥗，有2片三文魚同吞拿魚🤤 刺身厚切，魚油味十足，非常之新鮮✨ 本來以為吉列牛係主打，其他食物會較遜色，但估唔到刺身真係好驚喜啊✨😍

之前已經食過一次呢間，今日路過竟然唔洗排隊，完全無唔食嘅理由食物種類真係好多友人今日腸胃麻麻，陪佢食清淡啲，下次先再戰燒肉類野菜豆腐鍋 味增湯底（+$35轉套餐）$58 + $38滿滿的雜菜鍋，加上滑身的豆腐，配上雜菇同竹崙卷，有朋友一齊share食就最好。出街都可以食到咁多菜，正。因為好想食烏冬，所以加咗讚岐烏冬（+$12)，烏冬爽身，有質素加$35可轉套餐，就會有沙律/刺身+湯。湯係手打南瓜湯，口感濃郁，啖啖南瓜味軟殼蟹卷物（$68)每件都有大大件軟殼蟹，配上青瓜加埋外層嘅三文魚子，口感非常豐富順帶一提，呢一間餐廳可以用手機落單，好方便總結，雖然今次冇食到佢哋好出名嘅菜式，但發現佢其他嘢其實都好正，推介

吉列牛就食得多呢個好似生左青苔嘅就第一次食👀個賣相綠色加紅色好靚😍✨初見香草吉列牛✨ $128（配白飯、溏心蛋）🐂🍀牛肉選用左美國prime級牛肩胛肉🇺🇸肉味較重👍🏻肉質好腍無筋😋脂肪比例相對高🥩(比較肥😆)入口帶淡淡嘅香草味比傳統吉列牛少左份油膩感吉列牛切得比較薄身一啖一塊就岩岩好😜✨煙三文魚明太子炒扁意粉✨$88呢個好濃厚好足料☺️每條意粉都掛哂汁(我最期待嘅畫面)意粉食得出有明太子嘅咸香🤪唔錯唔錯👍🏻

這是不存在在lunch menu的菜式，通常我在午餐時間來這裡吃都直接問侍應拿regular（晚市）的菜單，而非午市套餐，選擇更多，而且我覺得晚市menu上的食物更好吃。 每次來都一定吃 #吉列牛 就不用多說，反正就是好吃，小竅門就是把牛煎得越熟越好吃！因為越熟，牛和旁邊的香草都會煎得越香脆，比半熟的牛來得更惹味。另一款必點的菜式是 #季節海鮮鍋 ，湯底是 #龍蝦湯 ，龍蝦味超濃，鮮蝦肉又很爽，青口也很鮮甜！ 只需$88，CP值超高。