凡高廚房

营业中

休息中

人大左，同朋友食飯除咗講求食物質素外，餐廳好唔好坐都成為左一個好重要嘅因素。今次朋友介紹左呢間餐廳，佢話都OK好坐，同埋冇限時，所以就嚟試吓。未入去已經見到梵高嘅畫，好有藝術氣氛。和牛就食得多，和羊真係未食過，既然呢個菜係呢到招牌，點都要試吓！所以我地就叫咗個和羊餐$398。頭盤係挪威三文魚雜菜卷，外層酥皮鬆脆，食落味道唔錯。餐包上枱時仲熱辣辣，好軟熟，陪埋佢個香草牛油一齊食，味道幾夾。野菌忌廉湯飲落會食到一粒粒菇菇，都幾足料。食咗好幾樣後，終於到主角羊架啦！羊架烤得啱啱好，係我地要求嘅7成熟！食落唔會有羶味，而且唔會韌，另外仲可以配埋我最鍾意既薄荷醬一齊食，唔錯。唯一問題係份量比較適合女仔！另外，我仲叫咗個帶子鮮蝦伴墨魚汁扁意粉。意粉軟硬度適中，帶子鮮蝦都算大隻，而且味道爽甜。最後就到甜品藍莓芝士蛋糕啦，食落有少少檸檬香，唔會太甜！而且攞盤攞得好靚，食起嚟都特別開心食完飯我地仲傾到計10點先走期間侍應仲肯主動不停加水，都算唔話得啦！

呢日約咗朋友係銅鑼灣行街，於是我地決定係附近度覓食~上openrice search見到呢間好評如潮嘅餐廳，最後就揀左呢間~食物價錢合理，不過胃口比較大嘅人個行政set lunch就可能未必夠飽！餐廳門外同內裡嘅佈置都充滿濃郁既藝術氣氛！可能咁岩落雨，再加上餐廳吾係地鋪，所以客吾多，吾會太嘈~我地order左兩個行政set, 兩款主菜都整得好企理，賣相同味道都吾錯！

前排食薯仔屋時店員介紹佢地分店凡高廚房，聽落好吸引，所以約埋男友再出銅鑼灣撐枱腳。餐廳裝潢好別緻，一踏入店鋪就見到一張桌球檯及一室桃紅色既牆身, 仔細留意發現到原來參照梵高的一張名畫（夜間咖啡座）而設計。 餐廳內隨處都見到梵高既著作，擺設都好有心思，可以一邊欣賞名畫，一邊品嚐美食，頓時感覺到文藝浪漫既氣氛。得知呢道既頂級和羊好出名，仲要係拎過獎，連周中師傅都推介，當然要試下，所以叫左個頂級和羊扒套餐同一個大蝦帶子墨魚汁扁意粉套餐。98%蘑菇忌廉湯，店方利用多種蘑菇磨製出黎，愛菇菇人士必飲。😋每一啖都飲到豐富質感，菌味道非常香濃，混合忌廉一齊煮，質感濃厚，但又唔會過杰👍🏻👍🏻南瓜湯，用南瓜蓉打製而成，所以南瓜味道極為鮮濃突出，真材實料，鮮南瓜既香甜，令人飲唔停口。煙三文魚酸菜捲，擺放好靚好有心思，煙三文魚包住一酸菜，食落去鹹鹹酸酸，估唔到味道又幾襯，蝦新鮮爽口，整個菜色令人好開胃。蛋餅黎到時以為禁快上甜品🤣因為外型好似芝士蛋糕, 食落甜甜地，蛋香味好濃，感覺好似玉子燒，但蛋餅口感更creamy 軟滑。加左$128食鵝肝，鵝肝大大塊，仲要厚切，配上多士食簡直一流。鵝肝煎到好香口，油潤豐腴，

凡高很多出色的作品如星空、吶喊等還有一幅叫做「夜間咖啡座」有一次在網上意外發現香港竟然有間餐廳參考這畫來裝修非常有特色的概念難得今天老婆仔要到銅鑼灣上班今天就特意預約了在這裡晚餐享受一下在名畫晚餐的感覺果然一入門就看到桌球枱整間餐廳的燈光也很配合那幅名畫還意外發現用上的時鐘都是畫中呈現的那種確實很有特色我們安排坐在近牆的一邊看著菜單最後點了428元的廚師精選套餐 (肉眼)以及268元的豬肋骨晚餐套餐兩者都分別有頭盤、餐湯、餐飲和甜品先來的是頭盤這個菠菜蛋批簡單的菠菜炒蛋卻用批的方法製作香味更突出這個充滿法式感覺的頭盤伴著的也是菜和肉同樣簡單的食材用上有心思的製法我們都感到很美味其中一份餐湯是南瓜湯味道很濃南瓜味也很突出調配得洽到好處而另外的是洋蔥湯我略嫌洋蔥味太過多雖然感覺很真材實料可是可能因為我不太愛洋蔥味感覺有點怪之後是主菜這份是炭燒美國頂級Prime牛肉眼 伴 牛肉濃汁選了五成熟其實本來覺得這份套餐有點貴不過不得不承認的是這肉眼製作得太美味了肉汁全都鎖住了一咬下去完全感到那肉汁選了五成熟也把肉質控制得剛剛好雖然很厚但完全很輕易就能咬開吃得出本來就是很上乘的牛肉至於這份燒美國豬肋骨

還記得在四年前, 已想到此吃飯, 但一直沒有機會. 終於, 這天就相約舊同事到此飯聚, 談談大家近況, 聽聽她的待嫁心情.餐廳裡的裝修帶點歐陸式, 燈光微暗, 很舒服.這兒不單止掛了梵高的畫作, 更有電視機, 桌球檯, 可以給食客耍樂.前菜有挪威三文魚酸雜菜卷. 菜並不是太酸, 反而它和三文魚也是一樣的清新冰涼. 哈, 這個菜卷竟然有一隻凍蝦作伴哩.98%野菌忌廉湯是集多種菇類一起攪拌而成, 因此它質地濃稠卻不粗糙, 菇味是超級強烈的, 每喝一啖, 也有著滿滿的菇碎, 很是滿足. 意式馬賽海鮮飯內的海鮮雖然只有大蜆, 大青口, 帶子和大蝦, 尤幸飯粒夠黏稠, 亦帶有海鮮味道, 絕不欺場.和牛已吃過不少, 但這是第一次吃和羊. 這客澳洲頂級和羊, 羊膻味不算過份強烈, 質地軟嫩而又保持彈牙口感. 每咬一口, 羊肉中也滲出豐富肉汁, 蠻不錯啊.甜品有小小的一杯奶凍, 既冰凍, 又滿是奶滑香甜, 如果, 份量再多一點就好了. 據說, 梵高的《星夜》會讓人看得暈眩. 曾經, 我也被《星夜》弄得有點眼昏了. 但過了一些時間, 你會發現, 其實有其他畫作, 也會令人看得頭暈, 看得多, 就自然會習

由於是日去會展聽講座,午餐我們選擇這間經常經過但從未曾嘗試的西餐廳-凡高廚房我們入到店,就見到一張美式桌球台在面前, 我們坐位對著窗可以觀看街景,望餐廳入面有歐陸掛畫裝飾,搖籃椅子,連小擺設都充滿歐陸風情.我們玩了一局美式桌球彼,食物就一一送到南瓜餐湯很好味,是十分足料的,既香又滑.牛肋條意大利飯, 牛肋條口感比較似牛肉乾,略嫌乾身,可以加些燒汁就更好.鵝肝配合新嘗試菠蘿粒,的確有解膩作用, 可惜煎得唔夠香,略嫌淡口,可以加少許鹽吊味.煙肉芝士香草意大利面,看相片就見到汁太多太稀.下次希望改善下.有機會下次再試下晚餐.

對於藝術，只懂皮毛，在油畫方面，比較認識較多的畫家，要算是凡高，他的作品比畢加索的容易看懂，也是我喜歡他的原因。知道有一間餐廳是以凡高為主題的餐廳，約兒子去吃個午餐。來到門外，看見了Starry  Night 的名畫複製品，而餐廳內裏像個小型收藏館，也可欣賞更多「名畫」，包括 Night Cafe 和自畫像等。兒子只得一小時午膳時間，我抓緊時間點餐，每人點了午餐，加一個海鮮拼盤。海鮮拼盤是小型的，只是$58，有生蠔，虎蝦，翡翠螺，青口。我和兒子各自選了自己喜歡的，質素過得去，南瓜湯看來不錯，沒有水汪汪的樣子，南瓜味道濃，喝到纖維，也夠熱。兒子的薯仔沙律，薯仔切成骰仔般，堆砌疊起，另一邊有一堆沙律菜，不過不失。我主菜選了西班牙百里香蟹肉忌廉汁天使麵，每一款意大利麵都有特性，不同粗幼形狀，而幼細的天使麵最能吸索醬汁，加了蟹肉煮成的忌廉汁，放天使麵於其中煮一煮，使每一條麵都沾上醬汁，沾上蟹肉的味道，麵條軟硬度合適，忌廉汁也不過膩，好吃。兒子點了加拿大刺身級帶子露筍忌廉汁意大利飯，他第一次吃 rissoto，感到飯的硬度比我們慣常吃的硬，我嚐了一口，中心點稍偏硬，實屬是正常煮法，加了露筍和帶子

今晚約了一班朋友去一間凡高廚房吃晚餐，沒有想過喺鬧市中竟然有一間裝修得很有藝術特色嘅餐廳。 一進入餐廳，侍應嘅熱情款待，再加上週邊嘅環境，給人很舒服嘅感覺，這地方很適合三五知己來談天說地。由於好多菜式都想試，所以我們點了deluxe set dinner。蘑菇，風乾火腿薄餅配以紅酒， 簡直係一個絕配。喜歡食羊嘅朋友不妨試下羊架，幼嫩多汁，沒有羊騷味 ，我不太愛吃羊也吃了一件，真的不错。蒜香牛柳粒蕃茄忌廉汁扁意粉。 惹味嘅牛肉粒配以香濃嘅番茄汁， 非常惹味，簡直停不到口。是日甜品簡直令人眼前一亮 ， 有朱古力慕絲，焦糖燉蛋，芝士蛋糕，和雜果奶凍，可以滿足唔同人嘅口味。

之前在樓下巴士站等車已發現這間叫"凡高"的餐廳 , 一直都想試, 同埋我現在比較喜歡幫襯一些樓上鋪 , 有一種寧靜感, 今日終於試到了 , 不過提提大家最好提前訂位 , 因為都幾full, 我當然有提早訂啦 , 唔係我可能都試唔到餐廳位於大廈的２樓 , 門口的裝修設計已經好靚好特別走入餐廳 , 裝修充滿歐陸風情 , 牆上掛著油畫 , 有一些音樂的擺設, 還有華麗的吊燈 , 再加上暗暗的燈光, 真是很舒服, 非常之適合情侶喔其實一大班朋友也會喜歡 , 因為它有一張桌球提供給客人玩set lunch 分兩種 , 有行政套餐及精選午餐 , 我們就選擇了兩個行政套餐前菜-凱撒沙律 , 菜清甜脆口 , 加上不少煙肉碎麵包粒增加了不少味道熱辣辣的香草麵包 , 讚98%野菌忌廉湯 - 它是用八種不同的菇煮成 , 飲落非常之濃郁的菇味 , 仲有菇粒在裏面 , 非常好味,                                          我飲完個湯已經飽了招牌炭燒澳洲新鮮羊架配羊肉濃汁 - 叫了七成熟剛好 , 肉質非常嫩 , 充滿肉汁 , 再加上羊肉濃汁 , 讚炭燒澳洲肉眼扒配紅酒濃汁

今日黎到一家一直都想試好耐既餐廳, 每次打去都話full booking, 感覺好似好難book朋友預早預約左不過都可能因為係平日關係, 相對比較容易, 不過足以證明左佢地係有一定實力吧! 餐廳以酒紅色做主, 餐廳上掛左數幅梵高既名畫, 當然係彷製品, 不過成個環境好有西式格調至於燈光方面比較暗, 感覺好有情調Menu既野食都幾多, 叫左2個餐之後先見到隔離枱叫左至尊海鮮拼盤, 好吸引! 不過因為係for 5-6人, 下次多人可以試下 凡高頂級和羊餐 &+ $128香煎法國鵝肝 挪威三文魚酸雜菜卷蝦肉爽口, 煙燻過既三文魚帶點鹹香, 而三文魚包住蘿蔔, 酸菜, 椰菜絲, 口感極其豐富, appetizing! 蛋餅外型好似一件蛋糕, 但其實呢個係一道前菜, 以帶甜嘅蛋餅用黎做前菜, 配埋沙律一齊食感覺頗特別 香煎法國鵝肝呢個係另外加錢叫的, 厚切鵝肝賣相真係好吸引!因為單鵝肝會比較膩, 一般都會配上多士鵝肝細膩嫩滑, 入口即化 散發出一陣陣特有的油脂的香氣💃🏻另外因有菠蘿佐底, 菠蘿嘅味道將鵝肝嘅膩口感覺瓦解, 增添口感層次之餘仲可以一解膩口感覺 98%野菌忌廉湯以八種不同菇類材料打碎

今天約了大阪六人組的成員談天，風花雪月的一晚，最好不過的地點莫如銅鑼灣的凡高廚房呀，因為這裏的感覺很有私房菜的感覺!我們剛好三男三女，我自己就很想吃豪氣一点，剛好加了人工，就請我女友和她的朋友們吃一個Deluxe Dinner, 因為女友們的同事都很大方的，也常常請客! 第一轉開了一枝法國紅酒，大家很開心地互相碰杯，感覺很開懷!開始有一点醉意，大家先來吃一客又香又開胃的煙三文魚沙律，空姐們對沙律興趣很大!我們男士即比較喜歡法式田螺和澳州的青口，因為很新鮮呀!而且青口也很大隻，啖啖白酒混上青口的鮮，真的不錯!一邊吃酒送上脆脆的麿菇風乾火煺pizza, 很夾亦有一份豪氣!女孩子們較愛喝濃味的黑松露野菌忌廉湯，用上幾種不同的菇混合在一起，真材實料!另外的意式海鮮飯很足料，用海鮮汁混合在海鮮如有青口及大蝦，又有帶子及魷魚，口中啖啖海鮮，真的滿足極了!我也很喜歡蕃茄牛柳粒意粉，厚似牛柳夠香，而且啖啖牛柳的肉香，夠滿足了!豬肋骨伴羊架是主角，而且賣相一絕，也没令我失望，很有肉香! 羊架也勁有水準!女孩子一下子搶光了最後的奶凍和芝士蛋糕，今晚我做了老闆，也風花雪月的開心了一個晚上，凡高廚房真的很有私

自從上個月去完了巴黎，對藝術品又有另一番體會，今晚又心思思想再去梵高廚房裏吃過痛快!我們四大美女又出動了，七點己準時到凡高廚房，我們很欣賞在一間又漂亮又浪漫的餐廳談談心，所以叫了一個Deluxe Dinner for 4首先先來了4杯白酒，既清純又誘惑!前菜是煙三文魚凱撒沙律，煙三文魚一点也不欺場，份量很多，而沙律既新鮮又爽口，我們覺得很健康!法式忌廉薯茸焗田螺很入味，而且田螺很鮮甜，很有法式的口味'、澳州鮮BB青口仔用上白酒煑，令我記起在巴黎的餐廳吃的一盤又一盤的青口，簡得來說有法式的感覺!Pizza 是磨菇風乾薄餅，材料有風乾火煺加上鮮磨菇，口感一流!湯是90%野菌忌廉湯，用上野菌和黑松露，味道很配，口中充滿濃濃的野菌味!我們三選二，選了意式馬賽海鮮飯，用上很多大蝦，帶子，青口，魷魚配海鮮汁，海鮮很新鮮而且自家醬汁很惹味!蒜香牛柳粒蕃茄忌廉汁意大利粉，牛柳粒醃得很味而且蕃茄酸酸甜甜令意大利粉更添口感!主菜終於出場是燒美國豬肋骨，火喉很好而且招牌炭燒香草羊架燒得很香，配上蒜蓉香草薯角真的令人唾咦三呎，吃過番尋味!最後的甜品奶凍我們4大美女也覺得又香又滑，凡高廚房真的不簡單呀1.

今日同音樂朋友黎凡高廚房食LUNCH, 順便暢談音樂~餐廳就在電車路大街, 很容易找門口已經好靚~有關音樂的佈置非常有氣派有大玻璃門, 可看到電車路~裝修非常有古典氣派呢~似去了一個博物館, 或是一個畫廊欣賞完展品之後, 我地坐底order 食物啦Menu 介紹羊架是必選, 所以我們2人1人點了羊架, 1人點牛扒單係餐湯磨菇湯已經好滿足, 入面的磨菇好足料, 湯又夠香夠濃!!!very Delicious~沙律很清新, 用料豐富!!!是日的羊架!!!!賣相非常精緻~行政A餐為羊架 $178羊架營養價值也十分高, 且含有豐富的蛋白質，鋅質，非常有益 有肉味又不"蘇", 入口之後肉會慢慢滲透出來 ， 有 juicy感 至於肉眼扒是我的至愛之一行政套餐B-肉眼扒有點點厚切, 七成熟，夠火喉, 肉質腍, 肉味香濃, 豐實, 屬靚扒, 勝價比高!!!食飽, 慢慢品嚐餐飲及甜品先~呢度環境舒適, 實在是用餐不二之選~

久聞銅鑼灣樓上餐廳有酒店級水準，特意試試呢間最多好評推介凡高，果然無失望，室內設計高檔有美感，食物別緻，服務優質！西餐自然先黎冷盤同湯包，擺盤靚之餘三文魚同熟蝦新鮮鮮甜，開胃一流。另外呢個香草餐包熱騰軟熟，特製牛油格外香口，同外間餐廳完全唔同，非常有心思。98%野菌忌廉湯 - 上檯就已經菇香撲鼻，由八種菇類熬製而成，野菌味濃稠鮮香，入口啖啖野菌碎末，口感厚重濃郁，絕對飲得出係真材實料98%。凡高香草羊架餐（7成熟）- 羊架完全唔會騷但無甚羊味，若配合燒烤汁稍嫌太重口味，但原來羊架同薄荷醬係絕配！薄荷醬晶瑩淡綠，味道略似酸梅醬，清新酸甜食極唔膩為羊肉帶黎另一種味覺層次，未試過配薄荷醬強烈建議一試！薄餅兒童餐 - 自選配料（青瓜菠蘿辣肉腸）迷你薄餅加小食拼盤。薄餅皮薄而脆，青瓜清新不膩，菠蘿酸甜，辣肉腸肉香微辣，配合各種炸物同小禮物一份，小朋友好有驚喜。別緻甜品 - 特色芝士餅芝味香濃，質感濃滑，擺盆VanGogh字眼夠曬藝術；焦糖燉蛋滑溜焦香；其中最推介是日甜品士多啤梨。啖啖都有士多啤梨酸甜味道，令人胃洞大開，欲罷不能！食到捧住個肚走，埋單都係每人四百，果然係無黎錯地方。