凡高廚房

营业中

休息中

想同好友食個舒服晚餐，揀左呢間富有特色的西餐餐。銅鑼灣時代廣場行少於3分鐘便到了，很就腳。到門口已看到很多藝術作品，入內完全置身於其中一幅畫，本人並不熟悉凡高這一幅畫，不過很少在美式酒吧外見到一張桌球桌，鄰近有一張千秋和極多凡高不同時期的作品及擺設，夠特別。98%野菌磨菇湯 - 將數種磨菇打至細碎，加上適量的奶油令口味異常濃郁，有點期待主菜呢！炭燒香草羊架 - 6成熟鮮嫩羊肉連骨帶著一些肉汁和薄荷醬真是絕配。值得一讚是完全沒有羶味，外脆內軟令人回味無窮。伴碟的薯仔亦好味，先炸再焗很有咬囗之餘不會乾身。4片羊架有點不夠喉梳乎厘 - 造型有趣，喜歡它不太甜及不膩，比坊間的出色。服務友善貼心，環境優美，期待下次試其他菜式！

有別於連鎖式西餐廳，做私房菜的凡高廚房別有一番風味。餐廳每個角落都展示不少畫作，透露出店主熱愛藝術的程度，亦令餐廳帶出藝術的氛圍。 餐牌菜式不少，先來海鮮龍蝦拼盤。二人份龍蝦拼盤B ($398)拼盤非常豐富，包括波士頓龍蝦、加拿大翡翠螺、法國藍青口、虎蝦和生蠔。最吸引的是龍蝦，非常新鮮，肉質彈牙。 食完拼盤之後點了一份和羊餐($398)。 頭盤是挪威三文魚酸雜菜卷沙律菜預先拌上酸甜的醬汁，再用三文魚包着，然後在旁邊加上香草醬汁，擺設出色，味道清新，是不錯的頭盤。餐湯是98%野菌忌廉湯野菌味道濃郁，忌廉湯口感順滑。主菜是澳洲頂級配蒜蓉香草醬薯角和羊架的肉質柔軟，滲出濃郁的羊肉香，而不會過於羶味。羊架火候處理得好，外皮乾脆，內裏保留原有肉汁，非常好味。甜品是意式芝士餅芝士味道突出，口感柔軟。焦糖燉蛋焦糖面脆身，燉蛋入口即溶

今日放左工同同事一齊去搵野食，見到呢間餐廳係openrice d相幾有情調，就去啦！ 重點係有桌球打！！食完打番鋪👍🏻環境真係好靚好古典，醬上掛左好多名畫，連燈都好別緻，播住外語情歌，約會一流。可惜我係同男同事去叫左兩個dinner set, 加左一客鵝肝，加$48升級左一客心太軟同埋焦糖燉蛋，又加左$28升級左一杯mocktail，好豐富呀！前菜係水牛芝士蕃茄沙律，幾清新餐湯係洋蔥清湯，平時幾驚食洋蔥嘅我都飲左成碗，佢去左洋蔥嘅生味，都幾好飲嘅餐包配嘅牛油竟然係自家手打嘅香草牛油，第一次聽人自制牛油！ 好香香草味香煎法國鵝肝 ，無油膩感，多士好脆口，如果鵝肝再大塊d就好啦！食唔夠喉（因為我地兩人食一份）意式馬賽海鮮飯 食落係帶點蒜味嘅risotto,飯粒夠濕潤，仲有兩隻大蝦、兩個青口同一粒大帶子。海鮮一d都唔老，幾新鮮。個飯好好味！ 平時食黑松露risotto食得多，轉下口味又幾唔錯！燒美國豬肋骨， 豬肋骨嘅肉真係好嫩口，好易切，入晒BBQ醬嘅味道。最驚喜係個薯角，煎到表皮香脆之後再加左cream cheese之類，口感偏淋，但真係好好食甜品方面，心太軟一切開就流晒朱古力醬！ 焦糖燉

記得上次在凡高午餐已是好幾個月前，仍掂掛食物的美味，於是決定和同事再次前往凡高。餐廳的佈置依舊富有藝術氣息，到處都是凡高的作品。凱撒沙律沙律菜色澤鮮艷，味道清新。98%野菌忌廉湯野菌經已完全攪碎，融入湯中，有淡淡菇香。炭燒澳洲肉眼扒配紅酒濃汁牛扒超大件，肉質鬆軟，一點都不韌，配以紅酒醬汁，份外滋味。凍奶茶餐飲選了凍奶茶，甜度可自行調配。芝士蛋糕味道帶有濃郁的芝士味，質感柔軟。焦糖燉蛋頂層是燒硬了的焦糖，底層有香滑的燉蛋，一硬一軟的口感是升了味道的層次。

是日放工與友人黎到銅鑼灣搵食想搵個環境好d既餐廳傾下計 食下飯就黎到凡高 餐廳環境好優雅 好多畫作 氣氛唔錯 枱上仲有小燭光 增添氣氛當然唔少得呢幅名作邊欣賞環境之餘 當然要醫下五臟廟啦我地二人分別叫左二個唔同既dinner set亦有前菜 湯 餐包 甜品同飲品啦前菜方面 係一件帶香草味既蛋餅平時比較少有呢類型蛋餅 味道都唔錯口感實實地 再上 洋蔥湯 滿滿既洋蔥 煮得好軟熟 好入味配上 熱辣辣餐包 一枱時仍好熱 抵讚餐飲加少少錢 叫左杯橙汁 主菜出場海鮮意大利飯 蝦夠爽 帶子合到好處 唔會過熟配菜好味飯有香濃既蒜香味 有一片片蒜片食到好惹味既飯如果鐘意蒜香味 呢個一定岩你另一主菜係 烤豬肋骨 配薯角豬助骨個汁好味 唔會好咸 幾好食薯角有個醬mix埋 就略略淋身左d再升級左二樣甜品薑汁梳乎厘 好特別 淡淡薑汁味 係每一啖之中可以一試友人叫既心太軟擺盤幾有心思 唔錯味道方面心太軟溝雪糕一啖食 正 冷熱交替好味 推介 下方仲有店名 門口好易認 特別既裝修

今次來到位於銅鑼灣鬧市中的西餐廳， 入到去店內有充滿着歐陸式嘅感覺， 餐廳大門直入有一張美式桌球檯， 還有一張歐陸式嘅搖搖凳可給客人做佈景板作拍照用途 ， 環境擺設相當特別美麗 。我們坐低後order了兩個set，分別係當天廚師推介之「炭燒美國頂級Prime牛肉眼伴牛肉燒汁餐」同「勺草三文魚扒牛油忌廉汁餐」。套餐包含頭盤、餐湯、主菜、甜品同埋飲品，非常豐富，首先來兩個熱辣辣的餐包， 加埋牛油好好味。餐湯分別係「洋蔥湯」同好濃郁的「龍蝦湯」， 洋蔥湯很鮮甜很清新， 一啲都唔油膩，有好濃郁嘅洋蔥味道。而濃郁的龍蝦湯入面有幾隻小蝦仔， 飲落去新鮮鮮甜，好濃郁嘅龍蝦湯味道， 屬於高質素的餐湯，正！之後就係頭盤「大蝦三文魚沙律」， 賣相非常吸引，佢將三文魚卷成一個波波的物體，大蝦就喺三文魚上面，加埋啲沙律一齊食， 好滿足， 好Creamy。另外一個好似雞蛋餅嘅頭盤，味道都幾特別，唔錯唔錯。之後當然梗係食主菜， 「炭燒美國頂級Prime牛肉眼伴牛肉燒汁」好大件，燒得好靚， 而且牛扒上面有牛油，再配埋旁邊薯蓉同埋露筍條， 賣相非常吸引。除此之外，牛扒燒到七成熟， 一切落去牛扒的汁迅速流出， 一口食落

認真講句呢到環境真係好靚好適合拍拖或者係兩個朋友傾計。佢嘅環境充滿着梵高嘅畫作好藝術嘅感覺係香港真係好少咁樣嘅地方去食飯。你一個挪威三文魚雜菜卷佢嘅汁酸酸甜甜配埋挪威三文魚非常之夾，同埋好開胃真係好適合做前菜錢莊一集菜蕃茄濃湯幾好飲好多蕃茄蓉我好鍾意。呢個雜菜湯相對淡少少叫咗一個豪華至尊Pizza，佢好薄新好脆口而且有好多配料包括一啲蘑菇青椒火腿仲有cheese同埋辣肉腸口感好豐富不過真係幾大建議叫細分一啲如果係兩至三個人食。呢一個炭燒美國頂級牛肉濃汁配肉眼扒非常之好食係我食過其中一間最好食嘅肉眼扒佢肌肉一食落去已經有好強嘅炭燒香味所以同平時食開嘅steak 有啲唔同。配埋佢嗰個牛肉濃汁命嗰啲牛肉嘅口感上加濃郁好好味,只不過我唔算太鍾意佢嗰個上面嘅唔知係咪藍芝士仲有呢一個墨魚汁帶子蝦嘅意粉都好好食，佢嘅墨魚汁好濃郁鹹鹹地而且我好creamy , I like it , I帶子好大粒而且都好鮮甜唔係平價嘅帶子 甜品焦糖燉蛋我覺得不過不失啦但係反而佢嘅朱古力慕絲我覺得整得真係好好食喎好好夠濃朱古力味總括依然我真心覺得呢一間係好值得去幾間餐廳無論係環境服務定係食物

難得放假搵相識多年嘅好友敍敍，聽朋友講凡高廚房不錯就即管上去試試。地點係大街之上，交通繁忙但一入到餐廳就完全聽唔到外面嘅噪音。一入門口就見到桌球枱，同三五知己嚟就最啱喇！我哋叫咗兩客午餐連餐湯加左58蚊要個海鮮拼盤。味道都可以，以＄58來計算係超值，另外叫咗豬肋骨配薯菜同黑松露西蘭花露筍意粉。豬肋骨有少少Dry 但意粉味道很好，聽個名好似好齋但食落有驚喜。甜品有梳乎厘同Tiramisu, 味道都ok!兩個人食咗around $300連加一。 Reasonable price!

上個星期朋友話會帶我去一間充滿歐陸風情嘅浪漫滿屋餐廳....佢話呢間餐廳唔單止浪漫入到去仲會有好柔和嘅音樂....令到你進入一個舒適嘅境地....好似置身一個歐陸風情嘅恬靜桃園....今晚真係一個好特別嘅體驗....雖然我唔係同男朋友黎...但係我同我呢一個好朋友來我都有一個好愉快嘅經驗....真係好浪漫好浪漫而且佢哋老闆亦都係酒店級嘅主廚用嘅食材唔單止新鮮獨特而且好多亦都係自家研製調汁既...呢一間咁特別嘅浪漫餐廳係坐立於銅鑼灣軒尼詩道451-457號勝華樓2樓B室....雖然係樓上餐廳....但係整體門面都感受到老闆為呢間餐廳所添上嘅歐陸色彩入到去真係充滿浪漫氣氛你會比佢哋嘅歐陸風情嘅裝修格調令你好似去咗外國一樣亦都感受到外國人品嚐美食嘅休閑雅致佢地整間餐廳都有好多唔同嘅燈飾..油畫...鋼琴...角色林林總總嘅特別擺設令你除咗想食野之外....都希望影相下like我諗我大大話話都影咗60-70張相而且佢哋亦有個落地大玻璃💐💐💐當你晚上同情人嚟到呢度把酒談心除咗有你智商當中嘅浪漫氣氛...仲可以睇到街外嘅䌓萱鬧市....亦都形成一個強烈對比你唔好睇呢個包咁簡單...其實係呢間餐廳老

「嘩，好多凡高的畫，其實凡高是咪法國人？」坐在旁邊的我忍俊不禁。凡高在香港無人不知，但其實他是荷蘭人。只是在法國留有不少畫作，包括《夜間咖啡館》凡高廚房原來正正用了《夜間咖啡館》作為靈感，滿滿的畫，擺設佈局用了不少心思吧？打開餐牌就知道，招牌大概是頂級和羊了吧！Menu說這是澳洲頂級穀飼羊肉，使用釀製紅酒的葡萄渣作為飼料。「香而不羶」四個字，非常吸引，不妨試試。首先上檯是兩個香軟的餐包,香草牛油很香很smooth留下一個好印象挪威三文魚釀雜菜卷首先上檯的是挪威三文魚釀雜菜卷相當迷你的冷盤，一口KO，蝦三文魚包著雜菜粒粒，感覺輕怡，作為頭盤頗為清新開胃。98%野菌忌廉湯這個野菌忌廉湯獲得不少推介，食落令我想起Chef de Eddie Chu的野菌忌廉湯。每口都有野菌粒粒，咬口十足。而且入口有馥郁的菇香氣，亦帶薄薄的忌廉smooth口感。很正！招牌澳洲頂級和羊配蒜蓉香草醬薯角($398)果然不同凡響，切下去的一刻的確是不一樣，肉質嫩滑，與平時食到的羊肉完全不同完全沒有羶味，反而炭燒肉汁香味，咬下去的口感更是完全不韌，沒有一絲肉渣，非常完美！強烈推介！地中海式火焰牛柳串燒配牛肉燒汁伴蒜蓉香

凡高雖然不是我最喜歡的畫家之一，但作為半個偽術家，除了會逛逛畫展，遇到跟藝術有關的東西少不免會特別留意，而最近我就留意到銅鑼灣有一間以凡高作主題的西餐廳，不單用凡高作店名，連店內都放滿凡高先生的仿畫。沒有機會看真跡，被凡高畫作包圍下用餐應該也是不錯的體驗。＊＊＊＊＊＊＊＊＊＊＊＊＊＊＊＊不知是否凡高的魅力，或是餐廳食物的高水準，是晚雖然是平日，加上大雨滂沱，但仍無阻食客的熱情，餐廳幾乎滿座。除了牆上掛上凡高的仿畫，每張餐桌上都放有一小幅畫作，旁邊的小花瓶亦插上一枝扇筆，往往就是這些小細節令食客感到有點不一樣。餐廳有多款套餐提供，全部都包括前菜、餐湯、主菜、甜品和餐茶，價錢由$208至$298，另外亦可以選擇單點，或任何主菜加$68轉套餐。意式蛋批作為一個二百多元的套餐前菜，以蛋批作前菜都有點驚喜，因為單看份量都不算少，有一件cake的份量。蛋批中間夾雜了一些洋蔥、蔬菜，食得蛋味之餘口感亦不會過鞋，味道不賴。餐前麵包餐前麵包觸手微暖，麵包軟熟，牛油是軟身香草牛油，非常易塗，還帶有點點香草味。番茄忌廉湯番茄忌廉湯夠熱有濃濃番茄酸香味，但因為質地都creamy，所以飲完都有兩分飽。98%野菌

今晚同朋有黎慶生，就試下呢間有格調既西餐廳啦，一入到去果然每個擺設都係離不開凡高既作品，佈置非常用心！我同朋有點了一份極之牛盛宴同埋一份晚餐墨汁帶子蝦意粉首先上左個水牛芝左伴番茄，之後就到煙三文魚沙律帶子塔。我覺得帶子塔有創意，將煙三文魚包埋沙律食，好fresh . 之後就到上田螺，田螺配薯蓉無得輸然後就上了洋蔥湯同磨菇湯，洋蔥湯是有別於外面既煮法，成個湯都好濃味既清湯，做味簡單，但味道夠濃而不油。 至於個磨菇湯真係98%用菇煮成，非常濃郁，每啖都係菇。好飲！然後到主菜墨魚汁意粉,個汁好重芝士味，海鮮亦新鮮。牛扒比想像中薄了點，但黑松露汁好香，配塔一起都不錯。至於甜品是焦糖布到同心太軟。畫上完美既句號

同朋友約了好耐的晚餐聚會今日終於來到了, 朋友說要帶我們去一個特別的地方食嘢, 個名叫"凡高廚房", 聰到呢個名, 我都覺得有些藝術氣息, 雖然此凡高不同彼竼高, 但都好期待同好朋友聚會, 亦都好期待去品嚐這間特別的餐廳.來到銅鑼灣, 滿街的食肆招牌卻不見有一個是叫"凡高廚房"的, 朋友們陸續到齊, 於是帶我們進入一座大廈, 搭電梯上2樓, 原來是間樓上鋪, 一行入餐廳, 裡面竟然有一張桌球枱, 香港尺土寸金, 間間食肆都希望可以摆多D枱, 可以做多D生意, 這間竟然在餐廳內放了張Ball 枱, 俾朋友食飯聚會之余, 還可以在這裡篤下Ball 消磨下時間, 確實是一間很寫意的餐廳, 頓時覺得這餐廳俾人一種很Relax的感覺.座低看餐牌, 菜式及用料都非常不錯, 很多菜式都想試試, 有澳洲頂級羊架, 有挪威三文魚....從頭盤到甜品, 搭配上一D都唔馬虎, 於是我同其中一個朋友叫了一個2人餐, 可以Share來食, 頭盤是精選廚師沙律, 煎勺草三文魚沙律包, 香草蟹肉伴芒果鮮蝦, 白色的大園碟裝住紅色的三文魚, 黃色的芒果, 白色的蟹肉, 青綠色的沙律菜, 再淋了些汁在碟上, 見到都覺

我同女朋友終於食咗呢間朋友高度推介嘅餐廳，聽到個名你都知道呢間餐廳係圍繞着一個畫家，入到去見到佢裝修佈局主題亦都係非常之歐式風格，都幾浪漫同有氣氛。我哋叫咗一個肉眼扒餐同帶子蝦伴墨魚汁扁意大利粉，仲叫左佢哋嘅豪華至尊Pizza前菜: 三文魚卷鹹鹹地食落去肥美，而蝦亦都新鮮彈牙。令一款就係蛋餅配黑醋汁沙律，非常開胃。兩個餐有唔同嘅餐湯，肉眼扒嘅係番茄湯，女朋友話好濃郁，應該用咗好多蕃茄佢好鍾意。另一個係洋蔥清湯正正常常都OK。個Pizza用咗好多配料，有辣肉腸嘅惹味，芝士嘅香味，青紅椒洋蔥既口感，皮底亦都好薄好脆，成哥食落去好好食口感好豐富。終於到肉眼扒，肉質juicy嫩滑，大塊而且厚，配合岩鹽味道非常之濃，旁邊嘅薯件外脆內軟熟，一流到個意粉，帶子大粒而且煎香好食，墨魚汁好滑唔會杰，包實每一條扁意粉好好食。到甜品，朱古力慕絲好好食，入口好滑而且唔會太甜，而焦糖布甸都好食，正常。總結各個菜式水準都高，睇到放左好多心機落去，而環境亦都舒服，會再encore。

今日黎到凡高餐廳，本身對凡高呢個藝術家都有d認識，心思思想試下呢間餐廳喇。Van Gogh係一位好有名既現代派藝術家，一入到黎，就見到好多幅凡高出名既仿畫作，成間餐廳充滿住藝術感，好似至身係歐洲咁，空間都好寬敞，令人好calm好relax。餐廳燈光比較幽暗，有幾串係落地大玻璃邊既星星燈，連同枱上既蠟燭，營造出一種十分浪漫且好有情調既感覺，好岩情侶黎拍拖同慶祝。原來餐廳仲係早幾年拎過獎，果然唔同d！同男朋友每人叫左一個set，分別係意大利馬賽海鮮飯餐，同埋頂級羊架set dinner。有餐包食～首先，staff先上飯餐既前菜appetizer，每日都會唔同，而今日就係「野菌蛋餅」食落好有蛋味，不過不失，唔係好濃味，可能唔想我地前菜就食到飽哂。而羊架餐既前菜係「挪威三文魚酸雜菜卷」三文魚唔會好咸，味道適中，生菜好爽口，賣相都幾好。我地仲加錢要左塊鵝肝，煎得岩岩好，配埋法包食，可以無咁油膩，而有菠羅係底幾fresh幾特別，賣相都係好靚！之後就到餐湯啦，一個係野菌忌廉湯，幼滑香濃。一個係洋蔥湯，我覺得仲出色過cream湯，真係估佢唔到，又幾fresh幾入味。到主菜啦，個意大利飯，好入味好cre