凡高廚房

营业中

休息中

偶然間醒起有家餐廳以凡高做主題，朋友話幾有興趣，我們就想約去食晚餐！餐廳門口已經見到凡高的畫，入到去見到更多，還有不同裝飾，好適合打卡影相，好有藝術氣息！原來餐廳有買一送一Sangria，一路食一路飲有路傾計，幾開心！紅酒加上不同新鮮水果粒，幾fresh！餐牌有不同的set！想不到有健康晚餐的set，貼心之處是每款食物都標示了卡路里，要keep fit的朋友仔都可以放心選擇！我都想試下！頭盤有挪威雪蟹田園沙律，好鮮甜的蟹肉，份量也不少，令平淡的沙律生色不少！沙律菜好新鮮！野菜湯酸酸地，開胃又健康！微微烘過的蕃茄包，鬆軟！主菜我選了炭燒美國Prime護心肉柳、刺身帶子伴乾菌及法國黃菌！賣相已經相當吸引，屬於油分不多的部位，所以感覺較健康，應該蛋白質都豐富，肉味濃郁，沒有肥膩感！加上燒汁味道更提升！帶子都好鮮甜！炭燒大啡菇上有芝士，juicy又香，還有意大利青黃瓜和火箭菜，健康！朋友點了Set dinner。Parma ham 沙律，蜜瓜幾甜！餐湯+$38 轉野菌忌廉湯，好香濃的菌味，creamy，又好滑！值得一試！主菜點了煎刁草挪威三文魚柳伴白豆牛油檸檬，魚皮脆脆地，三文魚超嫩滑，加了香

凡高廚房用梵高既畫作做主題，成間餐廳都怖滿梵高既唔同名作，燈光微暗，非常有格調同氣氛！呢到亦接受包場，所以見到有好大張桌球枱，仲有唔同既boardgame環境一流，菜式都一流當晚唔多人，真係好似包左場咁，我地每人叫左一份晚餐前菜係麵包以及巴馬火腿蜜瓜，麵包鬆軟，巴馬火腿幾大塊，咸香十足，味道比較重身，蜜瓜爽甜多汁，加埋一絕！其中一份餐湯加$38，可以升級做野菌忌廉湯野菌味道香濃，湯身保持少少杰，好足料證明唔係溝多水Like佢地社交平台仲會送一份鵝肝醬多士味道清新第一份主菜係意式海鮮飯，青口同蝦大大隻，新鮮，飯粒有嚼頭，粒粒分明。帶子彈牙另一份主菜係燒美國豬肋骨，肉質嫩滑，完全唔韌見到外皮顏色好靚，做到微焦，剛剛恰到好處，好入味。甜品：朱古力心太軟好軟滑，一切開，入面既朱古力湧晒出黎，甜而不膩，真係會食到停唔到！

🌟🌟🌟🌟🌟🌟🌟🌟🌟🌟🌟🌟🌟🌟🍽 凡高廚房 📍銅鑼灣軒尼詩道451-457號勝華樓2樓B室 🌟🌟🌟🌟🌟🌟🌟🌟🌟🌟🌟🌟🌟🌟經常聽朋友講話呢間凡高廚房又靚又好食，之前都一直心思思想食，今日終於有機會黎試試佢😍環境好靚，好有藝術氣息💜首先會上前菜同埋湯，分別係香蝦三文魚芝士捲配pesto sauce、哈密瓜parma ham、98%野菌忌廉湯同薯仔湯，仲有意式香草餐包，餐包超好食😋98%野菌忌廉湯真係真材實料，用8種磨菇打成蓉，啖啖香噴噴菇味🤎招牌澳洲頂級和羊配蒜蓉香草醬薯角 HKD468愛羊之人必點！我都係第一次食和羊，佢比起一般羊架更香羊味但唔係羶味👍🏻點上餐廳嘅grovy，但加好食！medium啱啱好😋伴碟嘅串茄同zucchini 同好新鮮呢另一個set男朋友就要左set dinner嘅C餐，意式馬賽海鮮飯（大蝦，帶子，青口，燈籠椒配海鮮汁）Marseille Paella（Prawn，Scallop，Mussel，Bell pepper）HKD258佢大讚risotto整得好好，咬口啱啱好，而且sauce同海鮮配搭得好好，risotto仲有落少少蒜粒去增加翻個口感👍🏻👍🏻最後上甜品，有

冇藝術細胞嘅我特意去凡高廚房感受下藝術氣息😌餐廳隨處都係梵谷作品夜間咖啡座、在阿爾的臥室、星夜✨等畫作唔少得嘆下美國頂級Prime牛肉眼🐮肉眼扒5成熟 切開呈粉嫩色 肉汁鎖實好juicy淋上牛肉濃上 啖啖牛肉味🤤配菜伴蒜蓉香草醬薯角 蒜蓉香草味濃郁 好滿足啊Appetizer同soup都有私房菜嘅水準特別從而忌廉蘑菇湯 粒粒蘑菇 好有口感🍄我鐘意食刺身帶子虎蝦墨魚汁意大利粉帶子大大粒 用刺身帶子口感更爽口👍🏻墨魚汁帶出鮮墨魚味道 出色有驚喜！食完墨魚汁意粉記得抹返個嘴食甜品啊😛甜品係士多啤梨蛋糕同焦糖燉蛋味道唔算太甜 剛剛好 🥰

呢間以梵高畫作做主題嘅餐廳，將一幅幅梵高嘅名畫融入餐廳之中，色彩繽紛又充滿藝術感，好多打卡位，非常用心，香港咁有格調嘅餐廳愈來愈買少見少，而且重點食物質素亦好高呢！💛意式馬賽海鮮飯 (set dinner) $258Set dinner 包括左一個歐陸式前菜小食，是日餐湯，主菜，是日甜品同咖啡/茶，呢個意式馬賽海鮮飯煮非常入味，配上大蝦、帶子、青口、燈籠椒等配料，飯亦煮得好有咬口，上碟賣相美觀，岩哂打卡⭐️味道都令人非常開胃☺️🦞波士頓龍蝦及法國香蔥忌廉汁意大利粉(Chef's dinner selection ) $498而呢一個廚師晚餐推介嘅套餐就更豐富，先來前菜有煙三文魚帶子塔，普羅旺斯式炒田螺，一款凍食一款熱食，兩款都很好好味，尤其鍾意田螺加上香滑嘅薯蓉，超級正！再來廚師精選餐湯，今次就係蘑菇湯，味道非常香濃，又creamy，正！來到主菜波士頓龍蝦，啖啖肉，加上芝士更香口， 配香蔥忌廉汁意粉十分匹配，擺盤都非常有份量🍽好睇又好味！最後再食埋廚師精選甜品，cream brulee，好香滑又香蛋味，滿足唒🥰！

今日個朋友帶我去左一間充滿藝術氣息嘅餐廳餐廳裡面掛滿左好多畫作，仲有好多打卡位添店員安排好座位之後就向我地推介餐廳既招牌菜式我哋最後叫咗2個晚宴套餐，分別係意式馬賽海鮮飯同埋火焰美國PRIME護心肉牛柳串套餐包括左歐陸式前菜小食同埋餐湯店員向我哋介紹每日嘅小食都會唔同，今日嘅係炸芝士，旁邊配咗少少果醬，沾埋一齊食味道會豐富d同埋冇咁膩今日既餐湯係意式雜菜湯，另外可以加$38升級餐湯做磨菇湯，蘑菇湯係佢哋嘅招牌！佢哋將唔同嘅菌類打成碎，然後再加入忌廉落去煮，所以個湯好creamy好滑，仲食到粒蘑菇第一個主菜係火焰美國PRIME護心肉牛柳串，店員上菜前會加入酒再係我地面前燒一燒，除咗味覺嘅享受，仲多咗視覺享受！護心肉係心臟附近嘅部位，比起其他部位相對較有咬口，但唔會韌，肉味香第二道主菜係意式馬賽海鮮飯，有青口、帶子、魷魚、大蝦等等嘅海鮮！飯粒相對我哋平時食嘅意大利飯大粒，所以更加煙韌然後就係甜品，今次既是日甜品係鮮果撻，另外我哋加錢升級左心太軟！佢哋連甜品都整得好靚，藝術感重！心太軟好好食，一切開裏面嘅朱古力醬流哂出黎，配埋雲呢拿雪糕一齊食味道好夾最後就到飲品，佢哋用嘅杯碟都經過細心嘅挑選

朋友同我慶生，專登揀選了這間極多like的餐廳。到了二樓電梯大堂，好像進入了時光隧道一樣，一幅一幅梵高名畫展現眼前，到了梵高的藝術世界！餐廳裝修雅緻，梵高名畫、吊燈、向日葵、書籍、輕快的背景音樂......營造出與別不同的artistic feel！先來了蘑菇湯，果然真材真料，每啖都有粒粒蘑菇肉，十分鮮甜美味！我和朋友不約而同地點了「美國安格斯牛肉漢堡伴香草薯角」。麵包外脆內軟，牛肉份量十足，熱呼呼的，十分juicy，實在太好吃，忘了將牛肉漢堡影出來。薯角很有薯味﹝雖然這個評語好像很行貨，但極能反映事實！﹞最後是甜品，我們加錢轉creme brulee，果然沒令人失望，富有濃濃的雞蛋味，超香滑，配合微酸的士多啤梨和藍莓，味道就剛剛好，不會太甜，讓這頓午餐劃上完滿的句號！這餐飯實在非常好味，吃得出廚師花了不少心思煮出來，謝謝朋友請客！備註：這間餐廳果然能貫徹始終，連枱墊和洗手間也充滿藝術氣息！

今天下午在銅鑼灣的凡高廚房為中學同學興生，嚐了一頓好玩又好食的午餐 👨🏻‍🎨👨🏻‍🎨👨🏻‍🎨我哋 order 咗 set lunch, starter 可以選沙律或是日餐湯，我哋都點了蘑菇湯，味道不俗，不會有很漏的感覺！🫕🫕🫕Main Course 不約而同都點咗美國安格斯牛肉漢堡 (6 onz) 配香草薯角，麵包烤得外脆內軟，美國安格斯牛肉也毫不欺場肉質鮮嫩多汁，配上芝士蕃茄等食材，滋味十足！ 🍔🍔🍔甜品則吃了心太軟，主要是想寫上祝賀朋友生日的字句，給了她一大驚喜，事實上那心太軟也水準不俗，不嗜甜也把它吃個精光！🍮🍮🍮最值得一提的是服務員的殷勤招待，主動幫我們在打卡位拍合照，笑容也非常親切！ 😄😄😄由於每個 dish 都份量十足，原本想叫的火焰牛柳串只好留待有機會再幫襯時品嚐唷！ 😋😋😋

今晚喺銅鑼灣行完街見肚餓，搵吓附近有乜食，諗起呢間位於軒尼詩道嘅「凡高廚房」，店內裝修以畫家梵高為主題，甚具藝術氣息。餐廳有進行離子消毒過程，確保店內環境乾淨衛生，疫情下食客都能食得安心又放心❤️另外見餐廳亦都做埋外賣🥡Sweet Love 同 Red Sangria 做緊$68買一送一優惠～ 想chill啲，叫咗兩杯Red Sangria飲吓先。 用香醇紅酒調製，加入鮮果，甜甜的，啱哂同朋友happy share。歐陸式前菜小食芝士蕃茄伴沙律，雜錦沙律菜新鮮爽脆，蕃茄夠哂fresh，配芝士味道好夾，開胃前菜👍🏻。98%野菌忌廉湯由八種磨菇同黑松露打磨成蓉後加入奶油忌廉而製成。質感濃稠，每一啖都能細味到粒粒蘑菇蓉，口感豐富，菇菌香氣亦非常香濃。椰菜花忌廉湯用新鮮椰菜花加入忌廉熬製，口感順滑，充滿鮮味。香草蕃茄包烘至金黃香脆，塗抹牛油後更加香口，個人喜歡配湯吃，不過蕃茄包唔熱有點失色。紙包焗銀鱈魚由於煎刁草挪威三文魚柳售罄，所以老闆轉左銀鱈魚比我地，用紙包焗的方法炮製魚柳，保留左魚肉鮮嫩口感，啖啖肉，味道好鮮甜！配上白豆牛油檸檬忌廉汁，更能提昇魚肉美味。火焰美國Prime護心肉牛柳串🇺🇸配

呢間餐廳喺銅鑼灣開業多年，真係唔簡單！今次去食晚餐🍴上到去環境非常特別，色彩繽紛，充滿藝術氣息，仲有唔少打卡位 🎨餐廳仲有桌球🎱適合包場開party或者公司、家庭聚會等等。想浪漫晚餐或者同三五知己嚟食都相當不錯👍🏻 晚餐選擇有好多，基本上有多款不同套餐：有單人餐、雙人餐及散叫等等，菜式選擇非常多！ 我哋揀咗兩個一人餐，店員推介呢度嘅M7牛扒，所以叫咗嚟試。✴️極緻牛之盛宴餐$598▶️前菜：煙三文魚帶子塔有煙三文魚、煎帶子及熟蝦🦐帶子煎得幾香，蝦都爽口～▶️普羅旺斯式炒田螺有以前舊式西餐嘅風味，配上薯蓉及少少沙律菜🥗▶️升級左98%野菌忌廉湯+$38呢個係餐廳signature，用上不同嘅嘢菌類，有粒粒菇嘅口感，夠creamy ▶️炭燒澳洲M7和牛有炭燒味，牛扒揀咗5成，大大塊。配有法國黑松露醬、阿拉斯加岩鹽，仲有車厘茄及瓜類。▶️甜品Crème brûlée用上低糖做法，唔會太甜，女士之選！面上有焦糖，燉蛋幾滑。▶️飲品叫咗機沖即磨咖啡☕️✴️晚宴套餐$248▶️前菜Parma ham 配哈蜜瓜擺盆都幾精美，做前菜幾開胃～▶️升級左98%野菌忌廉湯+$38▶️燒澳洲刺身級帶子及虎蝦伴墨魚汁意大利粉🍝有兩粒帶

我係今日(年初四)黎幫襯，依間餐廳真係好麻麻，建議大家真係唔好去。首先，嗰侍應一開頭同我地講甜品除左心太軟之外其他都有供應，咁我哋就叫左其他甜品啦，點知隔多陣佢同我地講其他甜品都冇供應，浄係有跟餐嘅甜品，唔可以加錢轉其他甜品。第二，我地已經係叫節日menu， suppose間餐廳係要可以預到足夠食材供應。我地叫左米蘭焗波士頓龍蝦意大利粉，直到我地飲緊餐湯嘅時候，侍應先同我地講冇龍蝦，得蟹腳，咁我地已經飲緊餐湯，冇理由而家起身走，其他菜式又唔係好啱食嘅情況之下，唯有接受啦。我同屋企人都試過碟意粉，根本就係蕃茄汁，而唔係龍蝦忌廉汁。如果今日有叫過依個菜式嘅人，我都想知你地試唔試得出個汁有龍蝦味，老實講我完全試唔出。同埋，依碟意粉都唔值200幾蚊，咁嘅價錢肯定會有更加好嘅選擇。大家可以睇下啲相，feel free去評論下值唔值200幾蚊。明白年初四來貨供應可能冇咁穩定或者人手唔夠，但係你打得開門做生意既，好應該一開頭講清楚，等啲客人決定係唔係到食，而唔係等啲客人落曬order ，飲緊餐湯先同人講依樣冇嗰樣冇。我覺得依個做法完全唔可以接受，我唔知平日依間餐廳係咪咁，但係我就一定唔會再黎食依間餐

每次响巴士站等車，總會留意到對面上樓鋪”凡高＂，去試一次係遲早嘅事，而家因為晚市無得堂食，只好外賣返家食，估唔到價錢超抵，平均每人$100都唔駛，已經非常豐富。🍴98%野菌忌廉湯x4 ⭐️⭐️⭐️⭐️⭐️太耐無飲呢啲高質素野菌湯喇，野菌香濃而質地唔會太杰或太稀，啖啖都有粒粒菇口感，實在太好味，極力推介🍴挪威煙三文魚黑松露忌廉汁意粉 $59⭐️⭐️⭐️⭐️雙色意粉煙韌度適中，松露忌廉汁好香滑，呢個價錢有兩片煙三文魚真係非常超值🍴蒜片牛柳粒蘑菇炒意粉 $59⭐️⭐️⭐️意粉炒得幾乾身，蒜片牛柳好香又唔會韌，不錯選擇🍴炭燒美國prime 護心肉柳，刺身帶子伴肝菌及法國黃菌配炭燒大啡菇，意大利黃青瓜 $179⭐️⭐️所有配料都好味，唯獨個主角護心肉柳唔o得，口感實在太韌，可能焗得太耐變熟咗啦，所以超失望，因為堂食食評唔錯架🍴香煎法國煙鴨胸墨西哥烤餅 $59⭐️⭐️⭐️⭐️呢個真係有驚喜，本身個烤餅真係烤得好香，加上芝士鴨胸超惹美，真係無得輸，4個人share一份真係唔夠喉四人共消費：$376 (OpenRice 自取優惠)

同朋友食個生日lunch平日兩點黎到，無咩人有三款lunch set menu~~選擇都算多我地叫左兩款share餐湯係雜菜湯，足料又夠味，酸酸地好開胃蕃茄餐包份量岩岩好，而且都好軟熟牛肉漢堡， 牛肉食得出係自家製，有牛味而個口感岩岩好，唔會太鬆散除左芝士可以再溶多d 之外，其他配料都配合得唔錯，漢堡包皮都係外脆內軟，好食無影到薯角，好有薯味，同埋似有新鮮薯仔整，好好食！！出面完全食唔到依種薯角依個失色左少少，龍利柳同上面芝士好鹹，溝埋薯蓉一齊食都ok薯蓉夠哂滑又夠薯味，係鹹度扣左分lunch set 包是日甜品mousse cake, 面頭有d 百香果汁酸酸地，下面mousse 好滑，估唔到依個都有d 驚喜另一個加左$38 轉cheese cake, 成個擺盤都好靚， 而且cheese cake 都好味餐飲我叫左普通熱啡就偏苦澀左d值得一提係服務， 侍應跟得好足，時不時就過黎加水，成餐lunch 都好enjoy

今日諗唔到食咩上左eatixx app睇下有咩平靚平野見到依間野15:00有50%off就即刻book左係樓下見佢有8折單又攞埋上到去環境幾好幾靚又得意職員話eatixx app 訂位就只有主菜單有半價野飲甜品等等就冇係價錢計算過之後發現Eatixx app book台既折扣都唔夠佢本身個原價set平仲要本身佢地自己做緊set有8折仲抵當我地落單要8折set既時候職員就話唔俾因為我地係app book台所以一定要食貴野感覺搶錢....Super bad feeling....好多餐廳都有依個問題，只要係app book台就只可叫主菜單但冇一間係唔可以叫佢地既折扣set 囉只可以話佢地係特別既一間咁特別咁我就留返俾其他人食啦

早前到訪凡高廚房，發現比幾年前嚟過嘅相唔同，原來係因為佢有少少裝修咗，靚咗，特登坐新裝修嘅圓枱，好有藝術風味！健康餐是日精選：至尊墨魚汁pizza$168，11寸😍🤤食到Lamlam脷，仲有健康餐食完夜晚唔怕肥🤩第一次見墨魚汁pizza，黑色咁好搞笑，但係估唔到又幾好食，有墨魚香味，表面嘅材料都好豐富添！同朋友仔食健康餐，雜菜湯都幾大份，好多雜菜嘅蔬菜，幾清香。沙律都比想像中豐富，可以自己家黑醋同埋橄欖油，仲有少少水果片，蕃茄等等好新鮮而且亦都小清新。主菜方面就朋友食為主，不過見到賣相好靚，個粉好吸引呀！最後食甜品呢個都係卡路里好低嘅焦糖燉蛋，表面同樣香脆，味道香甜又滑。健康餐仲有杯茶，洋甘菊同玫瑰都唔錯！MENU: