凡高廚房

营业中

休息中

約左朋友聚餐，今次黎到位於銅鑼灣嘅凡高廚房食晚餐，餐廳環境擺滿左多款梵高嘅畫作，充滿藝術氣息，好適合打卡。食物款式都有多款選擇，以套餐為主。晚宴套餐前菜係炸芝士配田園沙律，炸芝士外皮香脆，味道鹹香。而健康晚餐前菜係挪威雪蟹田園沙律蟹肉鮮甜，配新鮮爽口嘅沙律菜，清新開胃。餐包烘得夠熱，麵包鬆軟，配埋香滑嘅牛油，食落更加分。98%野菌忌廉湯一上枱已經聞到陣陣嘅野菌香，飲到啖啖既蘑菇味，仲食到蘑菇碎，口感creamy，味道香濃，果然係招牌。意式馬賽海鮮飯海鮮幾多幾足料，帶子厚肉鮮甜，外面煎得焦香，青口同虎蝦都幾鮮味爽口，意大利飯軟硬適中，煮得好入味，吸收晒海鮮嘅鮮甜味，好正!意式輕煎虎蝦紐西蘭牛柳粒蒜片意大利粉虎蝦大大隻，爽口彈牙，仲食到濃濃既蝦膏。牛柳粒份量都幾多，面頭焦脆，肉質軟淋，幾重肉味。意粉香蒜油味，幾濃郁。焦糖燉蛋入口滑嫩，微甜不膩，味道香甜朱古力心太軟蛋糕質感鬆軟，流心夠多，朱古力味道濃郁，唔會好甜，配雪糕好正。洋甘菊三高茶 好香洋甘菊味，茶味香醇。熱咖啡咖啡味道香濃順喉。

今日為左慶祝相識紀念日，千挑細選😅記得以前同朋友嚟過“凡高”，有高質嘅食物，仲有有好多打卡點，可為特別嘅日子增添氣氛和回憶😍 特別日子緊要‘蠔’下先得嘅🤩 澳洲生蠔$248澳洲生蠔色澤鮮明，新鮮是也👍雖然吾係好大隻，但海水味濃、味道鮮甜、肉質嫩滑😋 M7和牛套餐$63898%野菌忌廉湯野菌製成濃湯，忌廉與野菌比例恰到好處，令到口感及味道都好夾，野菌味濃郁，忌廉香滑😍 帶子塔微微煎過嘅帶子刺生，下面就係煙三文魚卷著香濃嘅芝士，還有凍蝦和沙律菜👍 普羅旺斯田螺田螺肉口感Q彈有嚼勁，薯蓉既香且滑，很特別的前菜😍 M7和牛外貌好正，份量超大，足夠兩個人食😜大理石紋理清晰可見，油花均勻分佈在肉排之上，入口之後牛味被激發出來，真的一食難忘。 更要一提的是配菜焗薯，飽腹之餘真的好好味道👍 焦糖燉奶用匙羹輕輕敲碎焦糖衣，和下方綿柔的燉蛋一起送入口中，那甜蜜又豐富的口感，整個人被溶化了😋😋😋 豬肋骨餐$298餐湯 頭盤沙律 豬肋骨配薯菜烤豬肋骨可算是人人都愛的主菜。骨與骨之間的肉香味濃，肉質軟腍，還有外層酸甜濃膩的燒烤醬，原本已經好飽，但都能全份KO😜可想味道有幾好🤩 泡芙一口泡芙，涼透入心🤩 喺社交平

凱撒沙律千祈唔好睇小個沙律，沙律菜、藜麥、蕃茄再加埋啲黑醋，為你的晚餐增添胃口。蘑菇風乾火腿薄餅薄餅個皮做得好薄好脆，加上有少少香料嘅味道，再加埋蘑菇和風乾火腿，令到薄餅嘅層次更豐富。98%野菌忌廉湯伴黑松露呢個忌廉湯個蘑菇味十足，加上小小嘅黑松露。大家都知道黑松露的味道很濃烈，份量多咗就會搶咗蘑菇嘅味，廚師加入黑松露嘅份量剛好，個湯蘑菇味十足 ，少少黑松露嘅味道，吊起左成個湯嘅層次。燒美國豬肋骨燒豬肋骨呢度餸菜，最緊要就係啲豬肋骨唔靱啦，內裏Juice，這個餸剛好做到了😋炭燒紐西蘭寶雲酥香草羊架、配蒜蓉香草醬薯角我相信好多朋友都好怕羊肉嘅臊味，呢個羊架一啲都唔臊，仲好好味。食物固然重要，但是如果餐廳嘅環境靚，會令你食得特別開心，呢間餐廳完全做到 ，餐廳內嘅佈置掛了很多梵高嘅作品，令到大家忍唔住不停影相不停打卡，好食之餘，大家都好似玩得好開心。一舉兩得。

正所謂天生我才必有用，梵高絕對有資格講，因為佢天生我才比d你用，並唔係普通人，而係特異功能。不過一命二運三風水，藝術感呢樣野我今世就無啦，二訪「凡高廚房」，話哂都叫做沾一沾餐廳裡面既藝術氣息，頂住先啦好嗎？👇🏻📌Set · Dinner - ▪️ Appetizer -▪️ Soup of the Day - ▫️ 前菜先黎個「魚子醬蛋餅」，底部蛋餅入口鬆軟，面頭落左d魚子醬香味濃突，更加刺激整個食慾；而今日既set dinner既是日餐湯「雜菜湯」岩哂鍾意清新既我，熱辣辣上枱，大量菜粒口感豐富。▪️ Linguini Alle Vongole · Garlic Chili · Italian herbs · White Wine - ▫️ 第一道主菜必試「澳洲鮮BB青口仔扁意大利粉」，青口仔份量十足，啖啖鮮甜；意粉配搭意大利蕃茜、辣椒、蒜蓉，惹味感加倍，再加上贊左白酒，淡淡既酒香揮之不去，好食。▪️ Spaghetti Grilled Australian Scallops · Big Clam · Tiger Prawn · Fresh Squid Ink Sauce  - ▫️ 第二道主菜「燒

同事就黎last day，見佢都冇乜幾多日子就同佢食返餐好既當踐行～行政套餐🥗沙律用左新鮮羅馬生菜，入口清甜爽脆，仲加左炒過既煙肉，增添左一份油香味🥣98%野菌忌廉湯啖啖都係野菌肉，夠哂足料，冇落太多調味，可以食到野菌既鮮味🐐招牌炭燒澳洲羊架（$198）烤到好香，炭痕除左美觀之外仲令到入口有淡淡既焦香味，羊騷味唔太重，怕騷既都可以食到🐮炭燒美國安格斯西餐牛扒（$208）叫左5成熟，切開仲見到鮮嫩既粉紅色，入口肉味濃而且充滿肉汁，墊底既薯蓉亦都好幼滑🎂是日甜品今日既甜品係Tiramisu，需頭既芝士好軟滑，入口仲有濃濃既咖啡香味

餐廳充滿藝術氣息, 掛滿梵高作品, 鮮紅色嘅牆同桌球枱呼應梵高其中一幅作品The Night Cafe in the Place Lamartine in Arles, 設計真係好有心思! 餐廳樓底高, 有一半落地玻璃窗, 感覺非常開揚, 枱與枱之間嘅距離亦好舒適。𓊈行政套餐 $𝟷𝟿𝟾𓊉𓆹 是日頭盤煙肉芝士沙律配沙律醬, 味道較濃, 幾重芝士味, 麵包粒脆卜卜。𓆹 98% 野菌忌廉湯整碗湯充滿野菌香味, 裡面亦有好多野菌碎粒, 忌廉味不重, 但好飲!𓆹 招牌炭燒澳洲新鮮羊架5 成熟嘅羊架好粉嫩, 味道完全唔會覺得羶, 充滿羊肉汁, 而且肉質好軟腍。𓆹 是日甜品奶凍唔會覺得太甜, 有淡淡奶香味, 作為結尾非常滿足!𓊈健康午餐 $𝟷𝟼𝟾𓊉𓆹 蘋果田園沙律估唔到田園沙律同是日頭盤完全不同, 田園沙律真的走健康風, 沙律菜加蕃茄仔, 有少少青蘋果碎, 感覺好 fresh!𓆹 蕃茄法包法包新鮮焗起, 所以熱辣辣, 好軟熟。𓆹 烤加州鱸魚柳血橙蜂蜜汁伴意式雜菜份量比想像中多, 有2條鱸魚柳, 鱸魚皮輕輕炙燒過所以比較薄脆, 魚肉好結實, 完全唔會有腥味, 好好食!𓆹 Natvia 法式焦糖燉蛋焦糖

首先要介紹一下呢度嘅環境，有好多張梵高嘅名畫圍住我哋，好有高調嘅氣氛😆 我同男朋友分別嗌咗兩個餐！特別嘅位係餐廳有健康餐選擇幫你計埋卡路里。第一個頭盤係蝦同三文魚芝士卷，蝦好新鮮煙嘅三文魚包住淡淡的芝士香味，入口即溶🙌🏻第二個頭盤係蟹肉沙律，蟹肉冇乜雪藏味，味道鮮甜。第一碗餐湯係餐廳主打嘅98%野菌忌廉湯，係用八款蘑菇打成嘅，非常濃郁😊另一碗湯是雜菜湯，呢個湯比我想像中有驚喜，有好濃既蕃茄同埋菜味，配料亦都十分多，好好飲。要讚一讚嗰餐包，餐廳話係每日新鮮製造！第一款主菜係招牌澳洲頂級和羊配蒜蓉香草薯角。我哋第一次食和羊，嗌咗六成熟，嫩滑得來，唔會話特別騷，好正！薯角亦都烹調得好有心機，唔會乾爭爭😆第二款主菜係炭燒護心牛肉，配大啡菇。牛肉充滿有炭燒的香味，肉質鮮嫩，啖啖肉，真係非常特別。大啡菇肉汁很多，好香口。我哋亦都做左餐廳嘅會員，所以有sangria同雞翼送，一樣係高水準食物! 做左會員就緊係會再encore啦！甜品有焦糖布丁、同栗子蛋糕。兩款甜品冇超級超級甜，但係捉到嗰款甜品嘅精髓，作個完美嘅收尾。

二訪呢間餐廳✌🏻上次已經覺得呢到食物質素高 景又靚🌌員工亦都好好禮貌🫶🏻午餐有分行政套餐, 健康午餐同精選午餐 一定有款啱食🥰.〰️精選午餐.📌餐包燕麥包鹹鹹地 質地偏結實🌾.📌精選餐湯雜菜湯望落有啲似羅宋湯 不過就辣嘅🌶有紅蘿蔔🥕洋蔥🧅同雜菜🥬味道好清 感覺好健康 落咗好多蔬菜去煲💚.📌是日頭盤吞拿魚長通粉煙煙韌韌 味道同平時差唔多🐟但個沙律菜就好特別 應該係烚左一烚 再雪凍佢❄️食落比生嘅沙律菜更加清甜 易入口🥬.📌意大利辣肉腸配美式燒烤醬芝士夾餅 $88上次食過好好味 所以再encore‼️餅皮煙煙韌韌 炭燒味好香🔥餡料有辣肉腸, 芝士, 生菜🌯但辣肉腸嘅存在感比較低 可能俾醬汁同大量蔬菜搶咗佢個味☹️醬汁係甜甜地嘅bbq醬加羅勒醬 份量適中 薄薄一層搽喺餅皮到 不過都好濃味🍖夾餅仲有好多沙律菜喺側邊 成個餐好清新🥗.📌香煎帶子鴨胸意大利飯 $148上到枱熱辣辣香噴噴 食嗰下特別好食😋risotto帶點咬口得嚟唔會過硬 加埋洋蔥 好fresh 更有口感🧅忌廉味好香濃 食落creamy又唔漏 恰到好處🤍四片煙鴨胸煙燻味好香🔥鴨胸外面微脆 入面鎖住咗個肉汁🦆帶子大大粒 超鮮甜😚.📌是日甜品忌

我今日放工近近地去左梵高主題餐廳, 呢間餐廳開左十幾年, 一定有特別之處! 門口有3隻好可愛既雀仔, 同講講野佢會應你, 哈哈! 先講下餐廳環境，梵高主題餐廳嘅裝修好精美，令人有置身畫廊嘅感覺，仲有board game,卓球等娛樂設施，好搞笑。 再嚟講吓食物, 選擇好豐富，每道菜色都有佢獨特嘅風味 蝦沙律：蝦子鮮甜，清脆爽口，與新鮮的蔬菜一起拌勻，沙律醬汁香濃可口，酸甜適中，加上蝦味更是好吃。 98%野菌忌廉湯：湯汁濃郁，口感順滑，而且湯內的野菌份量十足，吃起來讓人有種迷人的味道，經驗豐富的廚師將湯煮得很好，味道濃郁而不膩。 美國頂級穴格斯肉眼扒：肉眼扒肉質鮮嫩，味道濃郁，而且烤岩岩好，每一口都讓人回味無窮，加上牛肉濃汁提味更佳。 美國豬肋骨配燒烤汁：肋骨烤得恰到好處，口感鮮嫩，沾上燒烤汁更是讓人垂涎欲滴，口味不會過甜，而且微辣，味道非常平衡。 芝士蛋糕：芝士味道香濃，質地綿密細膩，不膩口，餅底鬆脆可口，入口即化，讓人愛不釋手。 總括來講，梵高主題餐廳好值得推介，環境好靚，菜式豐富，味道細緻，仲有娛樂設施，好啱約埋朋友嚟食。大家一定要嚟試下！

凡高係我至愛既畫家，而呢一間凡高廚房亦都係我至愛既餐廳因為係呢到你除左可以欣賞住凡高既作品之外，仲有同佢作品一樣咁令人回味既食物一入黎就見到兩對好可愛既雀店內裝修非常靚，牆上仲有大大幅凡高既作品，可以睇住黎食真係令人好開心前菜小食係魚子醬蛋餅呢個真係一個好聰日既配搭因為蛋餅清清地既香可以同魚子醬香濃既鮮味好夾香煎勺草格寧蘭比目魚柳 伴 白豆牛油檸檬忌廉汁好有水準既一道比目魚柳魚柳勁大塊，就算係男士食都唔怕唔飽最正係佢既外皮煎到香脆得黎，入面都仲保持到嫩滑火焰美國Prime護心肉牛柳串 配 牛肉燒汁 伴 蒜蓉香草醬薯角呢道菜係上之前，會係你面前倒燒著左既酒落去，等佢燒一燒，令佢不論係味道定係口感都更上一層肉燒得岩岩好，外面有燒過既焦香既同時入面都仲好juicy而且護心肉呢個部位食落軟嫩得黎唔會多脂肪，仲要肉味好濃郁配菜亦因為燒過令佢添左一份焦香甜品係一個好有心思既泡芙配埋味道高雅既桂花茶就fit晒啦

早排同frd子行街，想搵一間靚靚打卡cafe，靜靜地坐低傾吓偈、影吓相😉誤打誤撞去咗一間好有藝術氣息嘅餐廳🎨佢就係位於銅鑼灣鬧市嘅凡高餐廳啦～💁🏻‍♀️我哋一行兩人order咗兩個set lunch🥗 :🥩行政午餐一打開見到menu有牛牛🐮，諗都冇諗就叫咗呢個啦hehe牛味好濃，有咬口，唔會煮得太乾，啲肉汁鎖住哂喺入面，食落好juicy!!我係request咗7成熟嘅，食落都唔會太韌，剛剛好💓！套餐仲跟埋沙律🥗+餐湯+甜品+飲品，沙律有驚喜！係比較少見嘅無花果沙律，食落好refreshing，而餐湯方面係野菌忌廉湯，飲落有好濃菇菌味，長野菌打碎後口感好滑溜，相當足料呢！😎🍝健康午餐朋友就order咗香煎虎蝦蒜片意粉，一上碟就聞到陣陣蒜香味🤎上面有兩大隻虎蝦，肉質鮮甜爽口，意粉口感彈牙，不過份量略嫌過小😶，但整體嚟講唔錯唔錯！套餐仲配咗雜菜湯，味道酸酸甜甜，絕對係開胃之選！😙💜

今日走左去銅鑼灣同表姐食lunch，揀左佢推介既私房小店， 餐廳既裝修好有特色，好似走左入油畫裡面。98% 蘑菇湯， 有超濃郁既蘑菇，加左d忌廉、又加左少少橄欖油，溝勻咁飲又滑又香。意大利雜菜湯，有少少開胃既酸，加左d香草，比較係清清地。頭盤-蛋餅配沙律菜，蛋餅煎得啱啱好，有少少蛋汁，熱辣辣，沙律菜又好fresh。行政套餐-炭燒美國安格斯西冷牛扒因為係西冷，牛扒比較有口感，但好香牛味，就咁食都好正，燒得好正，五成熟但又唔係好多血水。配菜則有意大利青瓜、沙律菜，重有個勁有牛油香既薯蓉。精選午餐-香煎帶子鴨胸意大利飯Creamy 嘅意大利飯，又香又濃郁，口感啱啱好，帶子厚肉，鴨胸啖啖肉，而且都煎香過。甜品應該係野莓慕絲，唔會好甜，質地厚厚地，但又好滑😋配埋咖啡，好滿足～

是日同客戶開完會，帶佢黎試下我最愛嘅凡高廚房。第一次Late Lunch時間黎，難得唔使等位。個客話啲裝修好有格調，好有藝術氣息。叫左個行政套餐一齊share，前菜係好新鮮嘅水耕菜同埋吞拿魚長通粉，個長通粉加左檸檬汁酸甜開胃。98%野菌忌廉湯非常香濃，但但都係蘑菇嘅香味。主菜叫左招牌炭燒澳洲新鮮羊架配羊肉濃汁，羊架七成熟燒得正好，完全唔騷肉質肥美軟嫩，薯蓉配搭羊肉濃汁風味特別，加上燒香過嘅茄子同瓜菜，呢個主菜非常滿足！是日甜品係士多啤梨慕斯果凍，濃郁嘅士多啤梨果醬蓋住冰冰滑滑嘅慕斯，口感一流。Share完一個套餐仲有個甜品胃，叫左個下午茶「凡高小品6重奏」，有得揀6道小品，有鹹有甜，我地揀左挪威煙三文魚伴忌廉芝士卷、巴拿馬火腿拼鮮蜜瓜王、鵝肝醬伴黑魚子醬多士、法式焦糖燉蛋、迷你一口泡芙、雜果幕斯拿破崙。鹹點我最鍾意煙三文魚卷，魚生新鮮內餡濃郁；甜點我最鍾意法式焦糖燉蛋，甜度適中，口感嫩滑。最後來一杯Latte同Earl Grey。用藍黃色宮廷式高身杯，非常有意境。客人非常滿意，有機會下次都想試埋個漢堡。

今日放工嘅時間去到銅鑼灣，見那個非常之有藝術氣息嘅餐廳，原來就係梵高廚房上到去完完全全好似入咗一個夢幻世界入面，簡直好似充滿咗藝術氣息裏邊掛滿晒梵高嘅畫作好似入咗個藝術嘅世界，不過其實梵高係有精神病，睇完之後個人都精神晒之後佢哋嘅餐廳入面佢哋嘅套餐蘑菇湯用用8種蘑菇製作而成，包括黑松露 ，草菇牛肝菌雞油菌所以入邊嘅蘑菇未到，簡直係一個炸彈咁炸開咗佢嘅味道雜菜湯入面非常之撳捉摸每一種蔬菜東涌，當佢哋嘅角色非常之撳入味首先入邊就叫咗佢哋嘅意式馬賽海鮮飯入面嘅海鮮非常之咁多，唔單止有大蝦青口仲有魷魚　另外再叫咗一份牛扒，就係美國嘅prime grade牛扒估唔到呢款牛扒肉質非常咁滑食落充滿牛肉嘅味道，而且仲有牛肉嘅質感非常之咁好食最後甜品就食咗焦糖燉蛋甜甜地非常之咁香滑估唔到呢間餐廳環境靚之餘，食物非常之咁