六福菜館

营业中

休息中

榮獲米芝蓮一星推介多年的「六福菜館」，水準自然有返咁上下，印象最深嘅係佢哋嘅椒鹽鮑魚、風沙雞及炒斑球，真係冇得輸！早前好友約去西貢食午餐，第一間便想到這裏，人多好辦事，叫多幾味試吓是自然不過的事。首先叫返碗鮮甜美味嘅「西貢地道魚湯」解解喝，湯中加入切粒蕃茄及薯仔薯，令味道更加香甜有質感，好喝。「奇脆椒鹽豆腐」外層炸得香脆，中間係熱辣辣又嫰滑的豆腐，確實唔錯。最期望的「椒鹽焗大連鮮鮑魚」隨後上場，鮑邊食落微脆，椒鹽味道恰到好處，惹味又不會過鹹，肉質煙韌爽彈，不愧是這裏的招牌菜。「米湯低溫慢煮元貝」肉質緊緻、有嚼勁又不失細嫩，同時保留元貝的鮮甜味；米湯微鹹，與元貝相結合，更帶有濃郁的海鮮風味。這味一魚兩吃的「野生海斑龍吐珠」，分別係碧綠炒斑球 及 鹽酥骨腩，魚肉大大件，鮮嫩滑溜，旁邊伴有翠綠的西蘭花；鹽酥魚骨就放在碟旁，食落酥脆香口，淨食或送酒也很不錯。天婦羅蠔伴生菜～大大隻的桶蠔，加上粉漿，製作成香脆的天婦羅外衣，吃時加上生菜及沙律醬一起吃，味道更佳及有效減低油膩的感覺。採用新鮮雞製作至成的「脆皮風沙雞」，自然要看高一線，雞皮酥脆，肉質嫩滑有咬口，大大隻，忍不住吃了很多件；新鮮雞就是新鮮

朋友係半個西貢地膽，咁耐無食過六福又要去，中間有兩次朋友食過都話好，幫人搞局多，自己心癢又要去食下。先上場的西貢地道魚湯，甜到不得了，薯仔同蕃茄其實好正，可惜太多野食，唔夠膽食湯渣。呢度嘅名物椒鹽焗大連鮮鮑魚，食過就知市面上雖然都有出品，但都唔夠呢度做得好。例牌嘅魚湯粉絲浸花甲鮮甜到一個點，粉絲一條都無剩。我好耐無食嘅前菜生扣北菇雞腳同客家鹹菜木耳炆腩仔，都係呢度嘅出色出品，前菜計，北菇大隻到嚇死人，仲有超入味嘅雞腳，鹹菜木耳炆腩仔就又係可以送一碗大白飯。呢個野生海斑龍吐珠，兩吃係碧綠炒斑球同鹽酥骨腩，又靚又夠啖啖肉，鹽酥骨腩送杯啤酒一流。呢個薑蔥炒蟶子皇配煎米粉係朋友F推薦，熱辣辣用個煲仔上，至少蟶子皇夠壯同襯上個啲薑蔥醬汁撈米粉先係最正。席上有熟人好搞作，本身叫菜想睇下可以加乜嘢伴菜，西蘭花原來只能單點，但識人off menu可以加帶子。尾聲想食飯，都係點西貢艇仔蒸飯，有臘味，吊桶仔，蝦米，加上蝦醬同配料，唔駛撈，就咁食已經好精彩。唔夠喉，整多個豉油王炒麵 ，多芝麻夠香，麵又炒得夠好，次次無失拖。而家要單點的椰靑大菜糕又係好精彩，不過跟人食就當然有得送，怪不得六福都會開甜品店，由泰

今日與朋友去西貢行下，出法前當然要食餐好先有氣有力。我們到六福菜館，食一食一間連續多年米之蓮餐廳睇下係咪咁正先。我們點了一個海鮮4人餐當中有椒鹽鮑魚，脆皮豆腐，天婦羅桶蠔生菜包，米湯浸時蔬，菠蘿生炒骨，薑蔥炒蟶子皇，上湯焗開邊龍蝦配伊麵。椒鹽鮑魚：超大隻厚身入口爽口彈牙加上鮮甜可口而椒鹽既香味令到鮑魚口感更多層次。脆皮豆腐：薄薄脆口外皮加上椒鹽香味,豆腐嫩滑可口,好一個外脆內嫩的感覺。天婦羅桶蠔生菜包：超級大隻桶蠔睇到目定口呆炸完都保持到蠔入面鮮味蠔汁加上生菜有著清新同鮮味的口感,蠔鮮味十足。米湯浸時蔬：青嫩菜芯加上蒜頭粒。菠蘿生炒骨：肉質好唔會太肥，脆漿夠薄唔會成口粉。火喉剛剛好，三色椒同菠蘿加上甜酸汁都非常惹味開胃。薑蔥炒蟶子皇：蟶子皇一大條,快炒火喉控制得剛剛好,完全鎖住蟶子皇之鮮甜肉汁肉質鮮嫩彈牙,薑蔥更加係令到海鮮鮮味再提高一點。上湯焗開邊龍蝦配伊麵：龍蝦肉質爽口彈牙,厚似既龍蝦加上上湯去煮鮮味一下子都落到伊麵上,而伊麵簡直係吸收左日月精華咁,啖啖似既鮮味龍蝦令人想一食再食。果然食物非常有水準，服務態度都好好。

連續多年榮獲米芝蓮一星推介餐廳榮譽的「六福菜館」，是我來西貢吃海鮮的首選之地，這一天，我又再和多位好友一同在這米芝蓮星級菜館一嚐它的拿手好戲「椒鹽焗鮑魚」和其他美味菜式。第一道上桌的是「奇脆椒鹽豆腐」。這豆腐新鮮炸起，熱辣燙口，外層恰如其名，奇脆無比，內裡卻又軟滑無比，外金黃而內雪白，色澤吸引，刺激食欲，椒鹽亦下得恰到好處，夠味道而不過鹹，是這天我最喜歡的菜式之一。「西貢地道魚湯」用的雖只是魚仔，但味道不失鮮甜，下了大量蕃茄和薯仔的魚湯，看似家常，已是相當美味的湯水。同樣用上了椒鹽烹調的招牌菜「椒鹽焗大連鮮鮑魚」厚身而彈力十足，無論口感還是味道都是上乘之作，絕對是一流的出品。「米湯低溫慢煮元貝」特別地以粥水低溫慢煮原隻元貝，鮮甜的元貝浸潤在同樣鮮甜的粥水中，既是新穎的配搭，也是一個好主意。一魚兩食的「野生海斑龍吐珠」，足有26兩重，份量十足，「碧綠炒斑球」魚肉結實白滑，「鹽酥骨腩」骨香酥脆，配以嫩綠的西蘭花，又是一道讓人十分滿意的菜式。帶有中日合璧味道的「天婦羅桶蠔伴生菜」的桶蠔超級大隻，炸得香口，塗以少許沙律醬，以爽脆的玻璃西生菜夾著吃，充實而滿足。「脆皮風沙雞」用的是新鮮雞，雞肉滑

為母親慶生豪擲三千幾品嚐米其林一星海鮮盛宴！💸 坦言：初見4人套餐$3288的價格確實有點遲疑但為慶祝母親大壽，終究預訂了這家連續16年榮獲米芝蓮一星的六福菜館品嚐後必須說——每道菜都在重新定義「高端餐飲」的價值‼️1️⃣ 椒鹽奇脆豆腐（驚艷開場）外酥香口，內嫩似豆花，堪稱豆腐料理的極致演繹。2️⃣ 薑蔥炒蟶子王（鮮嫩驚人）鑊氣十足！蟶肉鮮嫩彈牙，連配菜薑蔥蒜都飽吸海鮮精華。3️⃣ 椒鹽焗鮑魚（全場之最）外層酥香，內裡溏心，連配料的蒜酥都美味得令人難忘。4️⃣ 天婦羅桶蠔生菜包（創意融合）超巨大桶蠔爆漿程度令人驚嘆，外層炸煎天婦羅酥脆更添層次，加上沙律醬及生菜清新又不油膩。5️⃣ 上湯焗開邊龍蝦（絕妙搭配）龍蝦肉鮮甜、彈牙就不在話下，伊麵完全吸收龍蝦膏醬的精華，個人認為風味甚至勝過龍蝦本身！一定要留肚食伊麵！6️⃣鮮菠蘿生炒骨（粵菜經典）做得相當出色！排骨外脆內嫩，裹著酸甜適中的醬汁，最驚喜的是新鮮菠蘿果香自然清甜，完全不是罐頭菠蘿的假甜味。7️⃣ 米湯浸時蔬（營養豐富）菜心清甜爽脆，完全沒有一般水煮蔬菜的寡淡。媽媽這個老饕一口就吃出玄機：「這米湯是用炒香的米熬的」難怪這麼香濃！米湯裡還飄著細細的薑絲和大蒜，我們最

西貢係一個充滿回憶的地方，當年做學生時，就經常同學去收集標本，到做暑期工，就個個禮拜去宿營，到有了小朋友，每逢放假就一家人去西貢海邊挖蜆，好多時都會順路係西貢食埋飯。 當年都仲未有米芝蓮，但家陣有間六福菜館可以連續16年拎米芝蓮一星，真厲害。 早排就同幾位朋友食個lunch，因為有位朋友都好幾年無見，大家聚下都好。 奇脆椒鹽豆腐（$48）坊間好多都係一粒粒上，但六福卻係一長條，炸得色澤金黃淡雅，明顯是用上了新油，吃起來不單沒有千年油的異味，外脆內軟的感覺真好。 西貢地道魚湯（$248）出外用餐多年，飲魚湯除了家母的湯水永遠是首席外，相信六福及多年前的漁市場能及得上，濃稠的質感，乳白的湯色，洋溢著陣陣魚香，毫無腥味，好飲。 椒鹽焗大連鮮鮑魚（4隻）（海鮮 $380 + 加工費  $130 = $510）店方名物，半隻手掌大新鮮鮑魚，肉質軟熟柔韌，椒鹽下得恰到好處，用來佐酒無得輸。 米湯低溫慢煮元貝（4隻）（海鮮 $360 + 加工費  $120 = $480）元貝洗得好乾淨，低溫慢煮令肉質保持嫩滑，米湯輕盈，帶出了元貝的鮮味。 天婦羅桶蠔伴生菜（4隻）（海鮮 $220 + 加工費 $13

好耐無食海鮮，屋企人提議去西貢一間連續16年榮獲米芝蓮一星嘅餐廳，於是星期六就約咗去呢度食飯。我哋叫咗4人海鮮餐C，包括以下菜式:椒鹽奇脆豆腐 - 豆腐外層薄脆唔油膩，豆腐嫩滑有豆香味，好味道。薑蔥炒蟶子皇 - 蟶子皇爽脆鮮甜，薑蔥爆炒後，令蟶子增添一份香味。椒鹽焗鮑魚 - 鮑魚好大隻，足足有成個拳頭大，好彈牙，外層炸得焦香，加埋炸蒜同椒鹽味，更惹味。天婦羅桶蠔生菜包 - 桶蠔又係好大隻，差不多有成隻手掌咁大，炸得鬆脆，配上沙律醬及生菜一齊食，平衡了油膩感，感覺很清新。上湯焗開邊龍蝦配伊麵 - 龍蝦肉質結實，鮮甜彈牙，伊麵吸收晒上湯及龍嘅精華，令人食到停唔到口。菠蘿生炒骨 - 生炒骨肥瘦適中，外皮掛汁後仍能保持酥脆，菠蘿用上新鮮菠蘿，唔會死甜，食落酸酸甜甜，很開胃。米湯浸時蔬 - 菜心又爽又甜，這道菜清爽又解膩。自家製甜品 - 椰青大菜糕有濃濃嘅椰青香氣，食落爽口又清甜，剛好為呢餐畫上完美句號。餐廳海鮮十分新鮮，食材處理得恰到好處，味道唔會過濃，蓋過食物原味，服務人員親切有禮，而且十分細心，餐廳獲得米芝蓮一星係實至名歸，下次食海外都會過嚟呢度encore!

同屋企人約咗好耐，終於可以去西貢遊玩兼食海鮮大餐🦞 椒鹽奇脆豆腐（8件）外層炸得金黃酥脆，內裡仍保留豆腐的嫩滑，椒鹽調味恰到好處，香口不膩。薑🫚蔥炒蟶子皇（4隻）蟶子肉質爽滑，薑蔥爆炒後香氣四溢，帶出海鮮的鮮甜。火候掌握得宜，沒有一絲腥味。椒鹽焗鮑魚（4隻）鮑魚外層微脆，內裡彈牙，椒鹽香氣滲入每一口，鹹香中帶點甘甜。天婦羅桶蠔生菜包（4隻）炸蠔外脆內嫩，搭配爽脆生菜包裹，口感層次豐富，既有油香又不失清新，是一道令人驚喜的創意菜式。上湯開邊龍蝦伊麵（2隻）龍蝦與伊麵的組合一向是經典，這道上湯濃郁，伊麵吸滿湯汁，龍蝦肉質依然彈牙，是一道既飽肚又滿足的主食。🍍 鮮菠蘿生炒骨酸甜適中，肉質鬆化，菠蘿的果香與排骨的鹹香交織，是一道老少咸宜的經典粵菜。米湯浸時蔬 為整餐帶來平衡，米湯浸菜清甜順口，為豐富的海鮮大餐畫上清爽句號。

經常聽到別人提及長壽福、富裕福、康寧褔、美德福、和合福、子孝福，不過論到口福，必然是上天安排了一班愛吃愛飲的朋友於我人生當中。適逢雨天的星期六，我們又相約到西貢享受口福與「六福」。已忘記至今進入第幾個翳焗的雨天，正好以西貢地道魚湯 HK$372（例半) 清爽腸胃。一口蕃茄薯仔伴隨順口濃郁的魚湯，有著家裡的滋味，即時叫人舒暢起來！大抵是雨天經常性黐𣲷𣲷的緣故，奇脆椒鹽豆腐 HK$120 （12件) 的外脆內嫩，真有點提升精神之妙效。上次試過非常嫩滑的低溫米水煮元貝 HK$880 (8隻)，今次再 Encore! 元貝的火喉掌控得剛好，口感依舊十分嫩彈圓滑；以簡單的蔥、荽茜和爆香的蒜末作提味，將元貝的鮮甜表露無遺，當然不忘呷一口充滿精華的米水。重達三斤的野生海斑龍吐珠 HK$1,538，以碧綠炒斑球和鹽酥骨腩、一味兩吃來製作，香脆與魚鮮共享！啖啖肉的斑球，當然是吃得過癮，最欣賞其不油、沒有稠密的芡汁，輕淡的調味盡量將自然的魚鮮呈現出來。而伴斑球而來的西蘭花，既爽脆、又入味，不單是主角的斑球美味，配菜也同樣吸引！一向喜歡啃骨頭的我，鹽酥的魚背鰭、腹鰭和胸鰭均成了我的「獵物」，香酥脆口，吃得非

難得假期又係入西貢好時機都係揀返上次大家一致讚好六福菜館西貢地道魚湯(例半) 上次飲過念念不忘，新鮮魚煲起，再加上番茄同薯仔，鮮甜無比椒鹽焗大連鮮鮑魚 炸醬非常薄身，鮑魚新鮮彈牙椒鹽惹味加分魚湯粉絲浸花甲 鮮甜到一滴湯都不淨生扣北菇雞腳 ，炆得好軟淋野生海斑龍吐珠賣相精緻，一魚兩食有碧綠炒斑球/鹽酥骨腩鹽酥骨腩炸到好酥脆，碧綠炒斑球啖啖肉薑蔥炒蟶子皇配煎米粉熱辣辣用煲仔上，蟶子皇夠大隻，再加上薑蔥汁同煎米粉真係好好味豉油王炒麵 大大碟炒得乾身唔油膩，鑊氣十足西貢艇仔蒸飯(細)用上蝦乾，銀魚仔，吊筒仔，臘腸等等再配上大量薑絲，芫荽，蔥，蝦醬咸鮮味十足，回味無窮最後由泰國人主理嘅椰青大菜糕又係好出色

美味嘅餐廳永遠都會令人留下深刻印象，而且一定有會下次。西貢地道魚湯依個係其中一個值得回味的魚湯，看似平平無奇嘅蕃茄薯仔湯，但湯頭味道濃郁，鮮甜無比。椒鹽焗大連鮮鮑魚依到嘅食材件件新鮮，大連鮑魚炸得金黃酥脆，入口勁熱，內裡仍保持細嫰，好正。魚湯粉絲浸花甲 $268花甲隻隻鮮甜，粉絲盡魚湯、花甲精華，唔會有得輸。生扣北菇雞腳雞腳炆得好淋、勁入味，北菇隻隻大到癲，啖啖爆汁，勁滿足。野生海斑龍吐珠(碧綠炒斑球/鹽酥骨腩，例牌) 將海斑起肉炒成碧綠炒斑球，肉質爽彈，魚朋當然唔會浪費，將魚骨炸成鹽酥骨腩，立即變成一道搶手菜，入口香脆。薑蔥炒蟶子皇配煎米粉一上枱已感受到佢嘅鑊氣，大家都唔好掛住影相打卡，因為蟶子再煮耐左就會出事，裡面嘅米粉焦香惹味，就連薑蔥都成為依道菜嘅其中一位主角。另外叫左豉油王炒麵和一份細嘅西貢艇仔蒸飯豉，豉油王炒麵炒得夠乾身，配上佢個辣油，味道提昇不炒。艇仔飯嘅配料非常豐富，有大量蝦米、臘腸、吊桶仔、蝦醬等，開頭食會覺得平平無奇，但食兩啖開始停唔到口，鮮味漸漸充斥你嘅味蕾。千祈唔好錯過佢地嘅椰青大菜糕，由泰國師傅制作，入口清甜，裡面重有啖啖嘅椰青肉令口感更豐富。

在地友人帶路半日遊，晚餐首推這家非臨海卻便利的海鮮餐廳。如今西貢海鮮店都係套餐制，免去「海鮮價」煩惱，吃得安心又盡興！薑蔥炒蟶子 蟶子肉鮮甜飽滿，裹著薄脆的炸薑片，蔥香徹底滲入肉中，鑊氣十足火候精準，大家都識食，食埋吸晒味嘅薑蔥。椒鹽奇脆豆腐 金黃外衣輕薄酥香，內裡豆腐嫩滑如BB肌膏，鹹香椒鹽更突顯豆香原味。 天婦羅桶蠔生菜包 蠔肉炸衣比豆腐更顯鬆脆，用冰涼生菜與沙律醬包著食，油膩盡消又夠清爽。 椒鹽鮑魚 厚身鮑魚彈牙得驚人，餐刀輕切即開，入口味道出奇清淡，椒鹽提鮮不奪味，盡顯鮑魚的鮮味。上湯焗龍蝦伊麵 龍蝦肉浸潤奶黃色上湯，龍蝦肉鮮味十足，肉質清甜又彈牙，鮮甜與彈牙兼具，最緊要個伊麵，伊麵吸盡精華，好吃到不得了。 菠蘿咕嚕肉最考師傅功夫的一道菜，外皮炸得香脆，個咕嚕汁味道好自然，唔會過酸，加上新鮮菠蘿，係幾出色嘅一道菜。米湯浸菜心 菜心只取嫩莖無渣，米湯稠度介乎高湯與琉璃芡之間，青菜入口感格外清甜及柔滑。 最後一個清甜嘅椰青甜品凍，味道清新，全餐人均八百餘元，比海邊排檔貴得有理—從刀工技法到火候，特別是炸物，掌控皆見功力，難怪有米芝蓮嘅一星及成為街坊推介的隱藏名單

天氣幾熱都無阻去食好西嘅決心今日約咗幾個朋友入西貢食一間連續多年米芝蓮一星嘅中菜館：六福菜館菜館位置唔算顯眼，响海鮮街牌坊右手邊轉入一條小巷，但都算容易搵同朋友商量後覺得簡單唔想煩，就食咗個四人套餐首先上枱有椒鹽奇脆豆腐，係店舖嘅名物，豆腐表皮炸到香脆仲加咗椒鹽去炒香，而豆腐入面仍然保持嫩滑，但食嘅時候要小心燙嘴，因為真係新鮮即叫即整薑蔥炒蟶子王，蟶子通常食豉椒炒比較惹味，今次試薑蔥炒，只係加咗適量嘅豉油吊味，反而食到蟶子本身嘅鮮甜。而蟶子子又大隻又厚肉，炒到剛剛熟非常好食椒鹽焗鮑魚又係新嘗試，鮑魚應該係用南非，本身已經非常腍，用椒鹽爆炒過，惹味之餘又唔太濃味，唔會搶咗鮑魚嘅鮮味，大大隻食得好滿足天婦羅桶蠔生菜包係店家嘅另一名物，桶蠔本身已經夠大隻，用日式天婦羅嘅整法，個脆漿非常薄非常脆，加埋沙律醬食特別滋味上湯焗開邊龍蝦加伊麵底，龍蝦先走油再用上湯燴煮，生熟程度啱啱好。上湯嘅芡汁加埋伊麵一齊食非常夾又唔會太滯鮮菠蘿生炒骨，果然係用新鮮菠蘿，味道特別鮮味。生炒骨個芡汁調得啱啱好掛到上啲肉度唔會水汪汪，酸甜鹹味都適中，係合格以上嘅生炒骨米湯浸菜芯，食完咁多濃味嘢食返個清清地嘅米湯浸菜芯，