六安居

营业中

休息中

大包整多兩籠！🫨🫨🫨今次韓國同事黎香港玩，我就帶佢黎到間好懷舊嘅茶樓：六安居我地去咗3樓個層，啲裝修好有老香港味道。我地比人安排坐低之後，就等啲推車仔姐姐黎。真係超多唔同點心，我地嗌咗叉燒包、鹹水角、蝦餃、魚翅餃、燒賣。叉燒包：一拎出黎，熱辣辣，入面啲餡好入味。蝦餃：一啲都唔小氣，入面好多蝦肉芝蔴糕：芝麻味好濃郁，糕身軟糯，煙煙unun 香港嘅懷舊味道真係買少見少，難得呢到仲保到推車仔呢個特色，作為香港人好應該黎試一次

由細到大都好鍾意食點心到底香港仲剩返幾多間推點心車嘅茶樓？呢間吸引不少港人同遊客 來懷緬 嘅舊式茶樓仍有姐姐推緊點心車除咗環境同食物味道不變之外依舊用緊已絕跡嘅大銅煲揀咗幾款點心都尋獲返小時候嘅味道車仔一推出來所有點心都熱騰騰．冒著煙大中小特點頂點都是貼地價錢．價格唔會特別貴難怪早午晚市．也全場爆滿除咗本地食客．仲吸引外地遊客以後飲茶又多個聚腳點✨山竹牛肉✨豉汁蒸鳳爪 ✨豉汁蒸排骨✨蝦餃✨棉花雞✨潮蓮燒鵝米粉

唔好睇我成日食西餐，其實中餐都好鍾意食，尤其傳統菜式。今次試吓位於上環前身蓮香居既 ”六安居”。 🥢家鄉煎釀鯪魚呢道菜簡直挑起了對家人既思念，已經好耐無食過了！ 將鯪魚「煎皮拆骨」再還原魚形，真正係手工菜。釀鯪魚，入口陳皮香味明顯，冬菇粒、馬蹄粒、豬肉、蝦米，味道有層次。 鯪魚外皮煎得甘香。 🥢蒜香脆炸雞食中菜，不得不點雞，二人點了半隻。外皮薄身炸得香脆，肉質嫩滑，雞胸部份飽滿juicy，特調甜豉油都好味。 🦐大花蝦有3種食法，除左我地揀既豉油王，仲可以點椒鹽，茄汁。 整隻大蝦都吸收晒豉油汁油泡過既大蝦香口惹味，入味到蝦殼都想食埋 肉質爽口彈牙。 下次帶埋家人一定要試埋六安霸王鴨😻

這間位於上環的「六安居」前身是有近百年歷史的老店「蓮香居」，歷史相當悠久❣️現已改名為「六安居」，由原班人馬繼續經營，早茶及午茶時間的點心車叫賣等老式廣東茶樓文化仍得到保留，充滿懷舊港式風味😊今天我同米飯班主慕名到「六安居」食晚飯，甫出𨋢就見到一張張的圓桌並排，裝潢光猛平實，充滿老式廣東茶樓特色🫖好彩我地早左食晚飯，到晚上7點幾都差不多滿座，第時再來食晚飯時都要訂定位先得。米飯班主話下次要先來飲茶品嚐下點心😁❗️川貝杏汁燉白肺 $65/位這碗川貝杏汁燉白肺湯呈奶白色，味道十分濃郁鮮美，飲落有濃厚的杏仁香氣，沒有半點油膩，絕對是女士喜愛的滋陰養顏靚湯之一🥰晚飯優惠孖寶B $268🔹️紅燒BB鴿 (2隻) BB鴿是最骨軟肉嫩富油脂，經過秘製用滷水汁浸熟醃製入味，然後把BB鴿風乾後再炸，炸到鴿皮香脆，鴿肉嫰滑多汁，食起上來無騷味👍一人一隻，真係過足口癮😋🔹️上湯焗花蝦 (伊麵底)上湯焗花蝦伊麵份量好足，有8隻大蝦鋪在伊麵上，大蝦肉鮮甜彈牙，啖啖肉又掛滿湯汁，而伊麵吸收曬湯汁，超好食呢🤩晚飯茶位 $8/位✨️呢度晚飯散座係免加一服務費的❣️

再訪六安居，同👩🏻飲茶通常都算六安居，有懷舊的味道也有店員的欣勤服務❤️ 煎腸粉外表金黃香脆，咬落去有種酥脆感，裡面嘅腸粉滑滑的，口感非常好。加上少少醬油，味道更加提升，搭配細細的蔥花，更加提味蝦餃皮薄透亮，裡面包住新鮮嘅蝦肉，咬落去有種彈牙感，蝦肉鮮甜多汁。准山雞扎咬落去肉汁就流出來，真係好味。裡面嘅雞肉鮮嫩多汁，味道更加豐富。 山竹牛肉味道醇厚。馬蹄夠爽，最正係喼汁😆腐皮夾裡面包住新鮮嘅餡料，咬落去，腐皮嘅柔和配合餡料嘅鮮味，真係好有層次。 灌湯餃灌湯餃一咬就會流出熱辣辣嘅湯汁，裡面包住鮮美嘅餡料，口感滑嫩。每一口都有湯汁嘅香味，加上外皮嘅彈性，最好加埋醋，令味道更加突出，食完肯定想再來一籠！ 牛肉腸粉滑滑的腸粉包住嫩滑嘅牛肉，咬落去就有肉汁流出，味道非常好。

一直都好鍾意飲茶，特別係啲自己煮唔到嘅功夫菜。今次嚟到六安居嘅體驗真係好滿意，試過嘅菜每一樣都好好味，包括脆皮肉嫩嘅乳鴿，熱辣辣，點椒鹽食就最正仲有大大份、好多大蝦嘅上湯伊面。啲蝦食落都好有鮮味，而且伊面調味幾好。呢度必點嘅係一款市面上少見嘅功夫菜——杏汁豬肺湯，真係幾乎每檯都有叫啊！除了滿滿的杏仁味，還有處理好的豬肺和瘦肉湯料可以吃，感覺超級養生。餐廳裝修好懷舊，有啲假雀係籠裡面，真係好有香港老味道。而且服務都幾好，人手充足，添茶添水都好主動，難怪咁受歡迎。

好耐冇踏足過咁懷舊的環境， 係囡囡介紹我去的，我以為呢啲咁嘅模式已經消失咗，原來還在， 試咗幾樣嘢最好味，真係超級懷舊嘅炸芋頭，唔係間間整得好食，抵讚環境好像幾十年前， 我亦會帶我媽媽過去體會一吓那様懷舊嘅環境👍👍

舊式茶樓系香港買少見少 今日一於黎個老派約會之必要🤪試下六安居既晚飯小菜👫🏻 孖寶三重奏(A餐）有3️⃣個set 每個都有海鮮同埋家禽 可以大魚大肉🤣我地簡左A餐🔸️清蒸海班仔都幾大條 肉質結實 有彈性 感覺生猛新鮮好多蔥絲 超級香👃🏼豉油汁撈飯冇得輸🔸️蒜香脆燒雞(半隻）外皮真系幾脆 皮下脂肪又少 食完吾guilty😚雞肉帶點蒜香 好入味💭餐廳服務吾錯 店員主動換過幾次碟 環境有特色 食物味道好👍🏻

舊式茶樓依家越黎越少見，試過下午黎飲茶，未試過食晚飯。今晚收工和朋友試下去食晚飯。去到感到喜出望外😃，因為晚飯茶位每位$8重要免加一服務費。❤️豉汁蒸魚雲蒸得夠熱，份量多，魚肉滑嫩唔鯹，啖啖肉。加了豉汁，甜中帶鹹，很入味～👍🏻❤️（例）桶子油雞雞夠新鮮，雞肉嫩滑有雞味～❤️冰鎮鵝掌翼（晚小食） 好少食凍食嘅鵝掌翼，好特別👍🏻。點埋白醋同食滋味又開胃！😋埋單諗住走之際，侍應竟然緩緩給我和朋友送上兩碗桑寄生茶。夠熱又微甜～真好！🥰食完飯和朋友一人嗌左一罐汽水清一清口。

🍱餐廳：六安居🏫地址：上環德輔道西40-50號2-3樓菜式: 粵菜(廣東)/燒臘/點心/酒樓蓮香居我幫襯過好多次啦，改名為「六安居」後就第一次來，食物的高水準依然保持不變，招呼就更勝從前👍～椒鹽大老虎蝦大花蝦有三種食法，椒鹽、豉油王同茄汁。我哋揀香口的椒鹽做法，有4大隻，蝦很新鮮甜美，爽口彈牙，證明材料新鮮，我估廚師都應該很有經驗，火候控制得很好，蝦外層煎炸得很甘香，配上椒鹽的香氣，超級美味，好正🥰～鹹排骨大芥菜煲排骨食得出係新鮮的，感覺就好似食飲茶嗰啲蒸排骨一樣咁滑，肉質鬆軟滑嫩，實在難得❤️另外材料充足，排骨同芥菜份量充足，配以草菇同薑片等配料，湯底很甜，也非常開胃，值得大讚😍～香煎蓮藕餅蓮藕餅煎至金黃色，很香口，內裡蓮藕夠鮮甜，免治豬肉口感也新鮮，上枱香氣四溢，美味之選👍整體嚟講，六安居這間懷舊酒家的粵菜真係整得好好味，今晚點的椒鹽大老虎蝦新鮮甜美，爽口彈牙；鹹排骨大芥菜煲的排骨新鮮肉嫩；香煎蓮藕餅香氣四溢，食得好滿足😍

飲茶呢個香港文化隨著時代都改變了，而家嘅酒樓都係劃點心紙。要體驗懷舊酒樓，自己拎點心咭去睇下點心車有咩食，真係買少見少。嘈雜人聲，碗碟嘅鏗鏘，點心姨姨叫賣聲，大水煲煙氣上騰，呢啲聲響景象如進入時光隧道，回到小時候。今日嚟到又遇上懷舊點心--豬潤燒賣，點都要試下。🥢豬潤燒賣成塊豬潤橫放係冇燒賣皮嘅燒賣上，好豪氣。豬潤味較濃，不是個個能接受😅，豬肉蝦肉爽口。🥢腐皮盒未見過正方盒子嘅點心，原來叫腐皮盒，姨姨會幫你剪開四份，食落似腐皮卷，味道唔錯。🥢沙翁入口香甜鬆化，見到就要拎，必食。🥢炸雲吞香脆唔油膩，好食。🥢蝦餃正正常常。🥢雞包仔唔錯。🥢叉燒賴粉(碗) 係懷舊味道嘅蜜汁叉燒，賴粉滑，大碗。

在今晚的安排中，我約定了醫生朋友一同前往六安居用餐。這家酒樓原先名為蓮香居，在整體裝修上並未有太大的改變。當我們七點入座時，八點卻已經幾乎滿座。食物的味道保持了過去的高水準，而招待態度似乎比以前更好了。我們首先點了一盅🌿西洋菜陳腎燉生魚：這道燉湯足夠兩人享用，裡面還有蜜棗和果皮，湯頭清甜潤澤，喝下去非常舒適。接著我們又點了一個孖寶：- 🌿香煎筍殼魚：很少有酒樓供應筍殼魚，這是一道比較高價的菜式。魚煎得香脆，淋上少許豉油調味，外脆內軟的魚肉讓人享受。- 🌿蜜汁叉燒：原本想試試他們的古法鼓味腩叉，但很可惜孖寶不接受點這個菜。這份蜜汁叉燒風味地道，使用新鮮豬肉製作，帶有些許肥油，肉質鬆軟滑嫩。最後，我們享用了一碗🌿桑寄生茶甜品作為結尾。

踏入六安居，彷彿時光倒流。老式裝潢、熱鬧的環境、親切的服務員，處處洋都溢著老香港的氛圍。這間百年老字號，承載著無數港人的味蕾記憶。這次品嚐了幾道經典菜色：金錢雞這道菜的組合實在經典，雞肝、肥肉、叉燒串在一起叉燒的香甜、肥豬肉的軟嫩、雞肝的鮮美，用叉燒汁慢火燒，蜜糖和麻油也剛好，爽口甘香。每一口都是多重口感的享受。-六安居小炒皇個人超喜歡這道菜，料多實在，西芹清脆、蝦乾的大隻又甘香、腰果的香脆，配上大蝦和魷魚的彈牙，微微辣好惹味。- 脆皮燒鵝配雪花啤酒套餐價超抵食！.脆皮燒鵝外皮香脆，肉質細嫩多汁，-配上一瓶冰鎮的雪花啤酒，絕配！- 雞蛋焗魚腸- 傳統茶樓的經典之作，即叫即焗，魚腸處理得非常乾淨，口感滑嫩，又有啖啖陳皮香去掉腥味，配上香濃的蛋汁，好食好食。每裡道菜都除了充滿傳統風味，更是一個承載著香港飲食文化的地方。下次還要來吃點心，感受老香港的氛圍。

六安居係西營盤一間好出名嘅餐廳🍴，我哋今次去試咗佢哋嘅招牌菜，真係冇令我哋失望😋。首先講下佢哋嘅香片茶，茶香四溢，入口清新，真係好適合用嚟解膩🍵豉油王鵝腸，呢道菜真係好正👍鵝腸煮得啱啱好😋唔會太硬亦唔會太軟😌豉油味道濃郁但又唔會搶走鵝腸嘅鮮味🤤每一口都充滿咗豉油嘅香氣😋配上爽甜嘅芽菜😋真係令人食指大動🤤金錢雞真係唔係度度都食到❤️口感豐富🥰🥰又夠入味😍最驚喜嘅係魚香海鮮豆腐鍋，呢個鍋真係超級豐富，有新鮮彈牙嘅魚肉同鮮蝦🦐，仲有魷魚🦑同豆腐。湯底超入味，每一口都充滿咗海鮮嘅鮮甜味道。配埋白飯一齊食，真係一流配搭🍚。呢個鍋真係值得一試，無論你係鍾意食海鮮定係鍾意食豆腐，都一定會滿意最後，我哋仲好好彩俾我地叫到最後2個蓮茸焗布甸🍮呢個布甸外脆內軟😋蓮茸餡料甜而不膩😌每一口都充滿咗蓮茸嘅香味😋呢個甜品真係完美地為我哋嘅晚餐畫上咗一個完美嘅句號😊總括嚟講，六安居真係一間值得推薦嘅餐廳，無論你係想同朋友聚餐定係同家人食飯，都一定會有一個愉快嘅用餐體驗😊

臨近中秋佳節，特意走到蓮香居原班人馬負責經營的舊式茶樓應應節餐廳歷史悠久，多次獲得香港米芝蓮必比登推薦！香港傳統酒樓裝修，擺設以懷舊為主，古色古香二樓一律免加一服務費，店員熱情有人情味！一桌桌的圓桌非常寬敞源自廣州鼎鼎大名的港式飲茶百年老字號，晚市供應多款懷舊菜式花膠火鴨羹入口花膠、冬菇與火鴨絲混合一起又各有口感蒜香肉排香濃惹味，鮮嫩紮實的排骨有嚼勁滑蛋蝦球帶子飯有大量芡汁，咕溜的口感讓人停不下來