影片
更多
2018-10-12
69 浏览
未夠 8:30 的入座時間，門口已經爆多人，睇黎真係好抵食，先可以吸引到咁嘅人流！好彩我哋有訂位。可選 8 款海鮮 ＋ 6 款配料，湯底三選一，價錢只係 $200 - $248 一位 ja！我們選了番茄濃湯底脆米泡飯套餐，湯底連火鍋配料＋海鮮只係每位 $200，仲不設加一收費添，真係好平下喎！先來的是肉蟹和蜆，蟹劏得非常乾淨，放入湯底仲識得郁，證明真係好新鮮！蟹肉結實味濃，食到我地舔舔脷。兩種蜆都乾淨無沙，蜆亦令湯底增加了很多的鮮味。雖然細粒，但份量超多，每人都食到十幾粒。之後來的是鮮魷和蠔，鮮魷彈牙爽甜，蠔烚熟後變得極為飽滿，粒粒爆汁之餘，蠔味仲好濃郁。再來的是海蝦，上菜的時候要用蓋吸實，防止啲蝦跳出黎！真係超生猛，不時聽到牠們在碗內掙扎的聲音。烚的時候也要用鉗夾實，避免蝦在鍋內反彈做成危險。蝦肉結實甜美可口，新鮮得無話可說！平常的火鍋店收取數十元一隻的扇貝和鮑魚，這裡也可以選啊，而且每位每款有兩隻，質素仲要唔錯添，扇貝同鮑魚都一樣係肉厚甜美，真係抵到爛。店員見我們吃完海鮮，就會自動自覺上埋其他配料。先來的西班牙梅頭肉，肥脂花紋好靚，肉味香濃之餘，仲一啲都唔鞋，正！美國肥牛也是很漂亮
未夠 8:30 的入座時間，門口已經爆多人，睇黎真係好抵食，先可以吸引到咁嘅人流！好彩我哋有訂位。
可選 8 款海鮮 ＋ 6 款配料，湯底三選一，價錢只係 $200 - $248 一位 ja！
我們選了番茄濃湯底脆米泡飯套餐，湯底連火鍋配料＋海鮮只係每位 $200，仲不設加一收費添，真係好平下喎！
先來的是肉蟹和蜆，蟹劏得非常乾淨，放入湯底仲識得郁，證明真係好新鮮！蟹肉結實味濃，食到我地舔舔脷。
兩種蜆都乾淨無沙，蜆亦令湯底增加了很多的鮮味。雖然細粒，但份量超多，每人都食到十幾粒。
之後來的是鮮魷和蠔，鮮魷彈牙爽甜，蠔烚熟後變得極為飽滿，粒粒爆汁之餘，蠔味仲好濃郁。
再來的是海蝦，上菜的時候要用蓋吸實，防止啲蝦跳出黎！真係超生猛，不時聽到牠們在碗內掙扎的聲音。烚的時候也要用鉗夾實，避免蝦在鍋內反彈做成危險。蝦肉結實甜美可口，新鮮得無話可說！
平常的火鍋店收取數十元一隻的扇貝和鮑魚，這裡也可以選啊，而且每位每款有兩隻，質素仲要唔錯添，扇貝同鮑魚都一樣係肉厚甜美，真係抵到爛。
店員見我們吃完海鮮，就會自動自覺上埋其他配料。先來的西班牙梅頭肉，肥脂花紋好靚，肉味香濃之餘，仲一啲都唔鞋，正！
美國肥牛也是很漂亮的，牛味濃郁，肉質細嫩。
萵筍大大片，清甜可口無渣。炸魚皮酥脆香口，齋食或者點湯食都一樣咁正。
魚皮餃很的骰，內裡卻充滿豬油香。花膠配蕃茄湯也是很美味。
很滿足，正想起身埋單之際，店員把這一小碟放下，然後說會幫我們弄泡飯！碟內的是脆米和豬油渣。
店員把白飯加入湯底烹煮一會，湯底嘅海鮮精華同埋蕃茄濃湯索晒入啲飯度，再加入豬油渣提升香氣和味道，脆米增加了泡飯的口感，呢碗泡飯真係超級讚，而且仲極為邪惡添！
食埋泡飯真係超滿足，二百蚊一位嘅價錢黎講，仲有咁多海鮮，質素仲要唔差，真係超級抵食！
张贴
