六十六十火鍋 (已結業)

凍凍地最岩就係打邊爐，上網見到呢間好似幾吸引，粥底火鍋的話200幾蚊就有幾款海鮮同邊爐配料，雖然唔係任食，不過勝在有海鮮呀嘛！諗諗下我地幾個又想食雞，於是就轉咗個椰子文昌雞鍋黎試下！落完單好快手就陸續上菜～等咗十分鐘左右就齊料，相機食先！每張枱都貼咗煮海鮮嘅貼士，邊款要煮幾耐一目了然，唔使下下問人，可以自己慢慢炮製個海鮮鍋啦～文昌雞上面兜青檸係畀你唧落豉油度。呢度大概係半隻雞，望落去個樣都好靚好新鮮咁，我地食咗海鮮先放落去煮，吸晒又鮮又甜嘅湯底，睇啲雞皮就知隻雞好fit😂雞皮唔會油淋淋，冇過多嘅脂肪，好爽皮。而雞肉食落就好有雞味，唔係得陣冰鮮味，加上keep住煮都唔會好老，肉質仲好有彈性，是文昌雞無誤！海鮮蜆殼類有分花甲同沙白，但我估呢個係沙白，花甲就扁身啲。放落湯底之後好快就食得，今次啲沙白非常新鮮，因為全部都開晒口，食落清甜無沙。扇貝同大蚌啲肉好大粒好飽滿，兩隻味道分別唔太大，都係鮮甜爽口，不過大蚌就多啲肉食😂知道佢係肉蟹就冇期望好多膏，但估唔到肉質係咁鮮甜架！！特別係中間蟹身部份，雖然食落係麻煩啲，但實在太好味，所以我花咗好多時間去食蟹，甜到連啖湯都覺得特別濃咗，推薦愛蟹之人試試

上網睇到有人介紹呢間位於長沙灣嘅粥底火鍋，以新鮮海產同埋平民價位做噱頭，之前試過walk in都冇曬位，想試既朋友記得要提早訂位呀！椰子雞湯附帶既雞件，份量比想像中多，唔似其他火鍋店咁是但比兩三舊你就算數，相比之下呢到真係誠意十足大肉蟹，一開二，啱啱送到你面前既時候仲識郁嫁，超新鮮！同埋清理得好好，完全冇腮，咀同埋腸魷魚，比想像中更加好食，淥到啱啱好熟嘅時候非常彈牙有咬口最後既黑豚肉有小小失色，從顏色上睇都似放左段時間，但味道都ok既食物質素整體都唔差，最緊要係價錢超抵食！

前排行過見到價錢都幾吸引，200零蚊又有火鍋料又有各種海鮮可以簡，雖然唔係任食但份量同質量都acceptable～好多海鮮～蠔仔每粒唔算太大，但勝左份量好足同新鮮，放到全碟滿曬，食極都仲有～不過記任放落火鍋分幾鐘就食得，如果唔係就過熟縮水啦～蜆夠大隻新鮮，份量又夠多，餐廳處理好好，粒粒都有肉，又無沙，味道唔錯～肉蟹大大隻，全隻斬件上，就咁睇都覺得好多蟹肉同蟹膏，而且餐廳做足工夫有去鰓，配合佢嘅椰子湯底，食落啖啖肉，鮮甜爽口～

之前同朋友試過呢到ge椰子雞，真係好好味。今次想試下其他野，於是叫左番茄湯底配脆米泡飯套餐。蕃茄湯一滾起就聞到濃濃ge蕃茄香，即刻試左一啖，然後篤爛晒d蕃茄等個湯繼續煲。個套餐有自選海鮮同火鍋配料。自選海鮮我揀左肉蟹，沙白，鮮魷，大蚌，蠔。沙白開口就可以食，一黎就落晒落去，好香濃ge鮮味。睇住肉蟹轉色，即刻攞起摵黎食，真係好好味，好多膏，正。鮮魷煮到少少縮水就食，好新鮮，軟得黎夠彈牙。大蚌只要甩就要食，咬落軟綿綿，一d都唔痴牙。到重要戲蠔啦，我習慣食生少少，唔會太熟，煲得耐就縮到好細隻，個人覺得大大隻咁食正好多🤤自選火鍋配料就揀左美國肥牛，花膠仔，魚皮餃，響鈴，手打墨魚丸。打邊爐食肥牛是常識吧，呢到d美國肥牛紋理好靚，比例岩岩好，唔太肥唔太瘦，再加上充滿海鮮精華ge湯底，正🤤花膠仔放左落去最後先食，吸晒所有味，精華中ge精華。魚皮餃係小編私心想食，同行友人並唔太鍾意食，煲到皮透透地就可以食，成粒軟綿綿，全部比小編自私食晒😙響鈴係另一個打邊爐必叫ge配料，個人偏好食正宗ge炸3秒，脆卜卜得黎都吸到海鮮蕃茄味，你地都可以學下小編ge食法。手打墨魚丸好滑，食落好彈牙，最鍾意食呢d彈力十足ge

中同聚會，同學仔揀左呢間喺長沙灣嘅火鍋店。餐廳裝修都幾特別，有小小懷舊feel，估唔到長沙灣有間出色火鍋醬料盤都多選擇，有必備ge生熟蒜蓉，辣椒，蔥等等，值得一讚，竟然有青檸，其他火鍋店好似少見。椰子雞湯底店員好好服務，會留意個鍋，睇水滾未幫落雞件，食得又會同我地講，好細心!! 雞脾口感彈牙唔鞋口，湯底好清好香椰子味，飲左幾碗湯已經飽飽地飲完當然要打邊爐la。到左招牌靚海鮮！嘩！超大隻蟹，肉質很爽滑彈牙，彈牙之餘有咬口，不需任何調味，味道恰到好處，口感不錯，蟹膏的味道仍在口中留戀。肥牛大概涮到5-7成熟就是最好最重牛味，如果全熟反而牛味會減少，牛肉都不會太乾太韌。切得薄薄一片, 烚幾下都已經熟la, 油脂分佈唔錯, 食落唔靭魷魚我的最愛，熟了之後，咬下去爽囗感覺非常過隱！ 蠔雖然雞煲味道很濃，也蓋不過它的鮮甜味， 口感也很好 ，爽脆彈牙。豚肉食落較爽, 不會有肥的感覺;蜆一食落口既味道就知海鮮用料全部都係用活既海鮮，完全無腥臭味。食落爽口彈牙。菜都好新鮮，而且洗得好乾淨，冇沙或者 爛葉

天氣轉涼了後，就是不斷打邊爐的時間。今次與朋友去了長沙灣這間抵食的店鋪。湯底方面，我們選擇了粥底，只需$200 就可以有8款海鮮和6款配料。粥底像是粥水一般，但我是第一次食粥底邊爐，不知是否正常。海鮮有鮑魚，肉蟹，扇貝，蠔，魷魚，貝類和蝦，種類豐富，而且都很新鮮。先食海鮮，待食完海鮮就可以放入芋頭和南瓜。之後就可以食其他配料，我們叫了肥牛，花膠，墨魚丸，芝士腸，響鈴和炸魚皮。每樣食材都很美味，其中響鈴和魚皮都有驚喜，炸得很脆，很美味。

睇openrice已經成為左我既習慣, 每晚去邊, 都搵下個頭有咩好食!今次就試下六十六十火鍋, 因為網上面既圖片真係好吸引, 海鮮亦望落好正咁~價錢都唔貴, 有$200蚊餐兩個 (粥底火鍋 or 蕃茄脆米鍋), 亦有$248蚊既椰子雞煲餐!近排凍凍地, 椰子雞煲真係好吸引, 所以貴少少都要揀椰子雞煲每個餐都係可以自選8款海鮮, 同另外6款配料~ 250蚊都唔洗就有咁多海鮮食, 真係唔錯~海鮮我地揀左肉蟹, 扇貝, 活魚, 花甲, 蜆x2, 鮮魷, 貴妃蚌!而配料方面就有西班牙梅頭肉, 美國肥牛, 唐生菜, 花膠仔, 手打墨魚丸, 金菇~海鮮真係超新鮮, 而配料份量真係好多!!!其中下面幾種大家真係一定要試試:1. 肉蟹: 每人有半隻肉蟹, 真係好多肉好大隻! 而且仲食得出好新鮮. 蟹肉唔梅, 又冇縮, 可以大啖大啖食蟹, 好爽2. 花甲: 大大隻, 超新鮮, 未煮之前仲郁緊!!! 因為我技術好, 煮既時間岩岩好, 所以食落去真係超甜啊~~~3. 花膠仔: 份量唔算多, 但加落椰子雞煲入面簡直係絕配4. 美國肥牛: 望落係有D瘦, 但食落又OK BO! 牛味香, 唔會太鞋, 比想像中好

愈接近聖誕就愈多聚會~ 朋友上次經過六十六十, 已心思思想試!所以約了一個月, 終於大家有時候出來一邊聚聚一邊食火鍋了~六十六十的菜單很簡單, 就只有3個鍋底, 而我們就選了中間的椰子文昌雞湯底套餐($248/人)。可選擇的配菜不多不少, 反而海鮮相對比較多!椰子文昌椰子雞湯_ 推薦指數: 4/5湯底剛來是真的很清甜, 可以飲到椰子水的味道~而文昌雞真的不錯, 雞皮薄而且皮下油份不多, 放在清甜的椰子雞湯入面剛剛好肉蟹 _ 推薦指數: 5/5必食, 每人有半隻肉蟹, size頗大, 不用怕不夠!蟹膏未算多但都是適中的, 而蟹肉飽滿, 肉質結實, 可食出有多新鮮蜆 _ 推薦指數: 4/5Size適中, 根據教學中的2-2.5分鐘煮熟, 蜆肉香甜鮮嫩又飽滿~ 活魚 & 貴妃蚌 _ 推薦指數: 3/5活魚用的是左口, 選擇不錯, 放湯食都很嫩滑, 但份量我覺得少了一點~而貴妃蚌都很不錯, 但比較難掌握熟度所以煮得沒有普通蜆般好食!!帶子 & 花甲 _ 推薦指數: 4/5帶子三件都是大大粒, 帶子位厚實, 整粒放入口中很滿足花甲跟蜆一樣鮮嫩, 而且很新鮮, 未煮前還會動呢~鮮魷魚 _ 推薦指數

朋友介紹青山道六十六十火鍋，海鮮新鮮，味道正，去之前最好訂位，於是提早2日訂了位。餐廳晚市有分甲乙丙時段，我們揀了乙時段20:30。來到餐廳門口，見到非常多人，原來都是訂了位旳，正等候入座呢。餐廳裝修整齊，座位寬敞舒適，我們被安排到卡位的二人座位，位置寬敞。有3款海鮮火鍋套餐，我們揀了蕃茄濃湯底脆米泡飯套餐，$200/位，真是非常期待哦。配料自選六款。我們要了美國肥牛，鮮淮山，花膠仔，日本烏冬，唐生菜，鮮雞件。花膠仔，不用滾太久，入口煙韌感覺到骨膠原的質地，非常抵食又可補充骨膠原。鮮雞件雞肉新鮮嫩滑。美國肥牛顏色鮮豔，牛肉味濃。海鮮我們要了肉蟹，鮮魷及蠔，扇貝，蜆，鮑魚及左口魚。鮑魚也是每人一隻，爽口又有鮑魚味。肉蟹其實就是糕蟹，非常多糕，肉質新鮮味鮮甜，非常讚。還有鮮魷及蠔，蜆都非常新鮮清甜。扇貝每人一隻大大隻，食落啖啖肉又夠鮮，真是超正。還有新鮮左口魚，肉質嫩滑。最後加入白飯及脆米，雖然我已經非常飽，但我都一定要試下今晚的鮮甜的番茄湯泡飯，泡飯吸收了整個海鮮及雞等肉類湯底的鮮甜及精華，令番茄湯泡飯非常精彩，有口感之余又鮮甜美味，這個泡飯為今晚非常新鮮又美味的海鮮火鍋更添完美。

朋友食完青山道六十六十火鍋，讚不绝口，令我大爲心癢癢的，於是提早訂了位，與太太一齊今晚去六十六十火鍋。餐廳是分3個時段食的，我們约了20:30，來到餐廳門口，非常多人正等候入座。3款海鮮火鍋套餐都非常吸引，我們決定試朋友推薦的$200/位的蕃茄濃湯底脆米泡飯套餐。㒣先送上醬料自行調配，有我最喜歡的几款配料，有辣椒，芫茜，蔥，蒜蓉及豉油等，按各人喜好自行調配。先選海鮮，當然揀肉蟹，蜆，鮑魚鮮魷及蠔，還有扇貝及左口魚。各款海鮮都非常新鮮，味道鮮甜味美。其中最讚的是肉蟹，蟹肉鮮甜，蟹糕香濃，非常正哦。還有扇貝，肉質鮮甜又美味。及鮑魚也是爽口够鮮，鮑味濃郁。除了海鮮配料，還可以自選六款火鍋配料，這個由太太選擇了 鮮雞件，唐生菜，花膠仔，日本烏冬，鮮淮山，美國肥牛。平時餐廳食的都是冰鮮雞多，現在已經很難食到新鮮雞了，雞件食得出是新鮮雞的味道，雞肉新鮮，吸收海鮮湯底更顯鮮味。還有充滿骨膠原的花膠仔及食火鍋必食的美國肥牛等都非常正。大食的朋友，還有更精彩美味的是食完火鍋吸收火鍋湯底精華的泡飯呢，真是美味非常，多謝朋友的推薦，令我今晚可以品嚐到如此美味及超讚的海鮮火鍋及泡飯。

係長沙灣收工就諗住搵間火鍋店食餐豐富啲既，見到呢間六十六十有海鮮套餐價錢又唔貴就決定試下。蕃茄濃湯底: 好濃郁既蕃茄湯亦都真係有蕃茄可以食。肉蟹: 肉質彈牙吸哂湯既味道，而且拆出黎既蟹肉都幾多，唯一係要拆蟹有啲麻煩。鮑魚: 有咬口，點少少豉油食好好味蜆: 份量好多，食極都食唔哂咁，細細隻有啲咬口蠔: 每一隻都好juicy脹卜卜既，咬落去蠔味同湯底味會湧出黎鮮魷: 味道普通，有咬口貴妃蚌: 係咁多款海鮮最鮮甜，而且吸哂啲湯好夠味，要注意唔好煮太耐會韌美國肥牛: 牛味好重，食落唔會韌，有啲脂肪令牛肉質感更豐富鮮雞件: 除左就咁食都可以用黎煮湯底，雞肉比較結實，唔好煮太耐會韌唐生菜: 正常味道芝士腸: 正常味道蜂巢豆腐: 吸哂湯既味，食落好似海綿日本烏冬: 正常味道脆米泡飯: 全晚最重點既脆米泡飯，加左大概兩至三碗飯同好大碗既脆米同豬油渣落啲湯，煲出黎既份量有啲嚇人，兩個人係唔會食得哂。泡飯好香，食每一啖都會食到脆米，係兩種截然不同既質感，但脆米好似太多。蕃茄湯都好適合煮呢個泡飯，同其他配料味道好夾。

友人終於等到樓市跌，開始睇樓，順便約定在附近晚餐。友人提議到新開的火鍋店，食早場，六時入席，即刻有得食。平日早場，竟然爆滿。而我倆二人於六人長枱就座，跟一對夫婦搭枱。看到他們枱面的食物，萬分期待稍後的火鍋。　餐牌共有三款鍋底，而自己堅持要粥水鍋底配粥膽。　　兩三年前，於佐敦首嚐粥底海鮮打邊爐，對此念念不忘，所以首選粥水鍋底。粥水密度高，所以Boiling　point亦高，可以在最短時間內煮熟美食，保持食物嫩滑和鮮味。　在天寒地凍之時，粥又可暖胃。而在煮熟各款食物之時，粥水同時也吸收了各食材的精華，到最後加入粥膽，一同品嚐，保證汁都撈埋，又是一絶。粥水鍋底真身上來了！粥水的濃度很高，很有米味的粥水囉！海鮮類先呈上！　　共有3款貝類：蜆，沙白，帶子搪瓷盤內，放著大大小小的蜆和沙白。二款都倒進鍋內，煮至打開，再夾走外殼，只剩下肉身。一匙一口，可享用多件蜆肉沙白肉。三角形外殼的帶子，這個熟悉的外表，容易認出。在學生時代，常到街市買這種帶子，回家烹調冬陰公海鮮鍋。當年還以為海鮮檔主呃學生，原來這個真是帶子。帶子煮熟後會收縮，收縮後的呎寸還算大件。　　鮑魚　　鮑魚邊位會收縮，即係仲識郁。蠔仔　　蠔

好耐之前同男朋友仔食完對於佢既椰子雞同海鮮一直念念不忘上次見到隔離枱既蕃茄濃底脆米泡飯套裝都好似好正一直心郁郁想一試再試忙左甘耐終於有時間再來了！每次來食都覺得餐廳個Slogan好正“一個價錢滿足晒你，超抵食，包你食到飽”上次來既時候係新開張今次隔左幾個月再來 餐廳已經好旺果然係好東西 好快被人通傳！蕃茄濃底脆米泡飯套裝 $200到都一樣係包6款海鮮同埋6款配料每期既海鮮都有唔同，而今次有：牛角蚌、蠔、肉蟹、沙白+蜆、魷魚、魚當中最特別既係平時唔會食到既海鮮 ─ 牛角蚌牛角蚌係我人生第一次食佢既外表好似牛角仔 但入面就好似帶子甘樣但佢既味道更加鮮甜同埋爽口~而肉蟹依然一樣甘令我地回味萬分！仲係大大隻~啖啖肉蟹膏激多~大愛之選！今次我地揀左魚魚好鮮甜~而口感好幼滑但建議唔好煮太耐~因為魚好鮮嫩如果煮太耐~就會浪費了！配料：美國肥牛、花膠仔、響鈴、魚皮餃、唐生菜、手打墨魚丸上次食過西班牙梅頭肉相當唔錯所以今次就試美國肥牛亦都不負所望！牛味濃郁~而且十分新鮮手打墨魚丸都係十分推介口感彈牙同鮮味十足~仲有細細粒既墨魚肉而花膠仔係我每次打邊爐都必點因為加入左花膠仔個膠底會更濃郁鮮甜到最後落泡飯時

已經11月底，天氣chill chill地 ，一家三口食火鍋最啱。我個精打細算嘅大爺最愛茶餐廳，人均消費超過$70嘅都要再3考慮，今次佢就揾左間人均2百幾，嘩!佢應該考慮左3日><;。收工去到長沙灣都已經6點2，大爺同肥仔已經攞左枱，坐卡位，夠寬，坐左2 個人仲夠位畀我放手袋，一d都唔迫。我哋揀左粥底，海鮮有鮑魚，蟹，蝦，帶子，蜆，蠔(蚵仔)，加左$30三隻北寄貝，d蝦上枱時仍然生猛，蟹肉好鮮甜，鮑魚洗得好乾淨，碟蜆同北寄貝仲噴緊水，係d蚵仔弱左d。張枱有timer 仲有埋張表話你聽多種海鮮嘅烹調時間，包冇失手。仲有火鍋必食嘅肥牛(紙咁薄)，腩肉(一樣咁薄)份量有d少，烏冬2包(肥仔話要)，手打墨魚丸(大爺話好食，一粒都冇留比我)，一棵生菜(都好靚~甜呀)，食哂所有野，有侍應落粥膽煮埋粥(但太咸，如果唔落菜脯可能好d)，額外點左兩罐汽水(如果有酸梅湯就好啦～)。埋單$642，雖然唔係特別飽，但絕對抵食(似走薄利多銷路線)。海鮮夠新鮮，又靚，唔使自己洗餐死，又食到不同種類嘅海鮮，一定比自己買返屋企整好好多。當日係平日，時限2小時，6至8點餐廳8成滿，冇客等位，過左鐘都冇催

This is my first time ever having dinner in Cheung Sha Wan and this hotpot resto really impressed me with their delicious and great value hotpot!!At less than $300 per head, we went home with a super full stomach!! The seafood was all fresh and delicious. I particularly liked the crabs, oysters and the shell ones. The oysters were so juicy that their juice literlly exploded in our mouth!! And the portion was a lot bigger than we expected👍🏻We picked their signature coconut chicken soup as the bas