六丸(居食屋)日本料理 (已結業)

呢日喺旺角做野，本身打算行去Moko新世紀廣場食元氣壽司，但喺途經通菜街嘅時候就見到呢間嘢 － 六丸日本料理😻，門口望佢餐牌覺得唔錯，就入去試下！鋪頭啲位好闊落下，入面多數都係卡位👍🏻，得中間同一入去嘅位唔係😹如果同朋友黎食下野傾下計都唔錯架！佢有午餐set menu同散叫嘅餐牌，咁午餐黎到緊係叫set啦！😆我叫左 壽司烏冬(松) 呢個餐👇🏻，就係圖上左下角個餐，73蚊有12件壽司、1碗淨烏冬或者淨拉麵，而且唔洗加一！！壽司黎講，啲魚生唔會太薄，啖啖肉，食落新鮮😹👍🏻而麵我就揀左拉麵，味道正正常常😺唔知係我細食定咩啦，呢個餐份量係食唔晒嘅😹另外飲品嘅話普通咖啡、奶茶、檸茶、汽水個啲加$3，特飲例如柚子茶、生薑茶加$4👍🏻我就揀左生薑茶，真係有好多塊薑片，味道濃郁！

2020.08.30放寛後第三日，去了旺角搵食。原來限制下，食店重新裝修⋯變得比以前更光亮。之前靠兩邊牆的坐位，全換上沙發。看起來，地方整潔不少，亦可有助防疫。今晚點了1. 一份牛油果軟殼蟹手卷⋯足料、味道亦不錯。只是紫菜略欠脆身。2. 胡麻醬豆腐沙律⋯豆腐嫩滑、汁醬剛剛好份量。3. 壽司食咗一件先記得影相4. 牛油炒雜菌5. 串燒牛脷⋯味道、口感一流。爽口又唔太稔。6. 雞泡魚干⋯必點之食。佐酒一流。7. 三文魚刺身⋯夠凍、油脂分布平均。

之前嚟食六丸，都係食刺身同壽司，啲魚生都幾新鮮，幾好食，而且可以坐喺度同朋友吹吓水，所以性價比都尚算唔錯今次嚟就冇咩點叫壽司，反而試左幾個熟食不過就有啲失望...-清酒牛油煮蜆- (discount$38)性價比: 6/10個湯底都幾好，清酒味都幾濃，但係個湯唔夠熱，啲蜆都唔係好新鮮。整體嚟講，因為有discount，所以都ok-鹽燒鯖魚- ($48)性價比: 4/10呢個就真係好失望啦首先，條魚上得好慢，上到枱發現條魚個皮燒得好唔均勻，有一啲位軟瀨瀨，唔夠脆魚肉乾爭爭，一啲都唔juicy，薩莉亞$29嗰條鯖魚都好食過佢好多... -雜錦牛肉鍋-($58+$12白飯，麵豉湯=$70)性價比: 3/10呢個鍋有個定食($78)，係以上所講嘅嘢加一個前菜(中華沙律+三文魚2片)不過我哋冇叫到個set，淨係加咗白飯同麵豉湯雜錦牛肉鍋個鍋底係味噌湯底，可能係因為肥牛嘅關係，湯底好油，但係味噌落得太多所以，好甜，好膩啲牛肉好韌，仲好多肥膏... 整體來講呢煲嘢似烚完菜嘅水加咗豉油... 總括嚟講，熟身嘅質素比刺身同壽司真係低好多，如果你熟食嚟計，性價比就有啲低

人生入面食過最伏最噁心既餐廳週六旺角大部分餐廳晚市都full哂，行過見到呢間日本野唔洗排隊就試下。點知一入到去只見小貓三四隻，裝修殘舊燈光昏暗。開頭都冇特別為意，仲覺得裝修同食物質素係兩回事。點知一上餐後杯野飲已經疑似有蟲然後一打開個筷子盒仲見到有蟲係上面爬去廁所果陣見到旁邊既廚房係極度污糟，入面D野亂咁放，都唔知點解做食肆都可以咁污糟！而跟餐既三文魚刺身仲有魚鱗癡係上面，完全唔敢食！仲有麵豉湯唔知係壞左定真係咁難食，酸酸地又帶點苦味，認真令人反胃唔知心理作用定太污糟，最後食完個胃好似仲有少少唔舒服。唔想食物中毒嘅話，就千奇唔好入黎食呢間垃圾！已經即刻Blacklist，希望唔好再有人比佢伏到，真係好噁心！

好耐無出旺角食野 行過見到依間野同左個阿叔落單 佢話落住先點知加單個時 另一個人又話無落過單 仲要態度差 大聲夾惡咁 真心嬲都唔係做生意垃圾餐廳 又唔係多人幫襯下次唔會再幫襯了

喺旺角中心叫外賣11分鐘就到直情同堂食差唔多時間$50嘅蔥三文魚生飯三文魚多到喊我真係未試過$50食咁多三文魚認真多到食唔曬仲有少少飽到想嘔嘅感覺仲送一碗麵鼓湯不過碗湯就冇乜味

夜晚做野做到9點幾，同朋友經過旺角行陣，肚餓經過女人街 就係到揾野食。 見到間六丸居酒屋日本料理，夜晚宵夜時段10點 有6折 ，就即刻入去食啦。 叫左呢啲野食！ 一黎就黎左黑松露帶子炒飯，先比我地暖暖肚松露味都有既，帶子係元貝柱 細細粒果啲，炒飯夠乾身，都係粒粒企，少油不硬，幾好！食左油甘魚先，油脂味淡 ，飯較多 不合中和。吞那魚一樣 味淡，而且乾 。蟹膏亦然，味淡，但都有綿軟漿感。左口魚邊 係正！ 去到邊有得叫 都會叫入口油脂滿益 ，七味粉令魚油加點變化。海膽 出奇地好 鮮味無苦澀，份量都算多，厚 。見到有兩層，價錢折後幾平！ 呢個 扺叫香芒蟹子沙津， ok既都幾多蟹棒肉絲，青瓜絲切得好爽。呢個芝士大蝦焗牛油果 🥑 太多沙津醬，夾落牛油果有d搶味， 一pat pat 咁冇左口感不過側面痴住啲芝士 硬左一塊塊幾好食！So far so good la因為海膽 我比3/5分啦

女人街兩旁食店很多, 經過旺角都會來吃午飯晚飯.一開始在店外看到餐牌選擇很多, 有拉麵壽司刺身丼飯. 才有興趣進內但是沒想到這間餐廳是我吃過之中質素最差的一間.  店內燈光陰暗, 裝修殘舊, 食客稀少.之後選了個親子丼, 整體味道普通, 勉強可以入口可能跟醬料有關係, 與正宗口味難以比較.而麵鼓湯更加是沒味, 可以說只是跟開水沒分別.不清楚是燈光抑或其他問題, 親子丼顏色並不是呈黃色, 看上去怪怪的飯後上OpenRice才看到不少負評, 下次還是看清楚先入....

行過女人街，是但揾一間唔多人既食下野，都係為左吹下水入到去個環境係好大既，唔算坐左好多人比侍應發配左去邊疆到坐非常貼心咁比左幾杯水，等我地一路飲一路諗記住，心情要似外國食飯咁，唔好急，用內心既念力呼喚，再加上殷切既眼神佢地就會知你ready叫野食呢間日本野貫徹左港式日本菜既奧義首先係吉烈豬扒飯然後，黎一個豬扒滑蛋飯唔好睇錯呀，唔同野黎嫁 都算多野揀既，唔想諗都可以參考下是日套餐吖大致黎講幾好，冇人會係你身邊行來行去，又唔會話好急咁叫你落柯打啱曬啲選擇困難重症病人，同埋站長們一齊黎食，又唔怕阻到其他客人

其實無睇過佢間野食評見外面menu 選擇多 就入去試下喇👽午市$68魚生飯加凍檸茶午市定食選擇多但真心覺得就好一般件件魚生都薄如紙 隻蝦又細隻到暈 原全錯哂商品說明條例薄到紙 無口感 易食到咩味道 其實真係重慘過食mtr 既壽司吾知係我黑仔 定師傅刀功了得一度食一度覺得有無搞錯飯實而過凍及硬硬地檸茶 茶同檸檬都吾夠味講少冰 又係多冰CP 值負分吾會再去喇其實好少寫食評真係第一次寫失望到暈 完全吾推介😣浪費左得$68早知去食呀肥潮州魷魚

想搵一間有海膽同生蠔食嘅餐廳，結果就嚟咗呢一度，因為放題多數都冇海膽同埋生蠔食嘅另外仲帶咗一個壽司拼盤，蟹子沙律，燒三文魚頭壽司拼盤一般啦，蟹子沙律幾好食有埋沙律菜，燒三文魚頭反而有少少驚喜，個三文魚頭算大，同埋好食過元氣個三文魚頭買單五百幾 人均175抵過放題

其實之前食過兩次，都覺得都ok。但今日食完晏，就覺得以後都唔會再黎。一入間鋪好大陣漂白水味，加上後面廁房應該有師傅食煙成大陣煙味，之後就調位，其實都算啦。咁我叫左個三文魚海膽丼，朋友叫左鍋物，隔左3個字先話冇海膽再叫其他，都唔緊要。再坐多陣，突然見到手指公咁大既曱甴！即刻叫人黎，但佢地反應係好施施然...之後再次調位...調左位，朋友個鍋物都食左3分1，我個飯都未黎！都坐左成5個字.. 要再催，佢先話幫我跟.. 個飯黎到我已經等左半個鐘...咁拿拿聲食完打算走，之前埋單都冇話要出去埋，今次佢叫我出去埋，出去埋唔係問題，問題係你態度勁差，加西面「埋單出黎埋喎！」.. 最嬲係因為餐廳問題令到我地兩次調位，加上等個飯等左半個鐘，仲要態度差加西面！我明餐廳點都有昆蟲，但咁大隻曱甴係鋪面周圍走！證明間野有幾污糟！

由於lunch後有野要做加上已經好肚餓, 所以就好快咁揀左一間日式餐廳食個快飯, 入到去間鋪都算大, 不過人就唔多, 同男朋友一人點左一個定食嚟食😊 吉列豬扒🍱, 有個飯🍚同麵豉湯, +3蚊有熱飲☕, 豬扒係岩岩炸起左所以都燙口嘅, 味道不過不失, 麵豉湯有d淡😣 一休炸雞球🍱, 雞球都係岩岩炸好嘅, 調味係夠嘅, 不過味道就一般般, 汽水+3蚊🥤由於我同男朋友睇menu果陣都覺得果兩個set嘅份量唔多, 所以都叫左跟餐+5蚊, 一碟有3件嘅加洲卷同一碟有2件嘅三文魚壽司, 味道正常, 不過不失總括嚟講味道都ok嘅, 份量就一般, 價錢都屬平價日本野, 服務質素都ok同埋出餐速度都算快嘅😊 賣單果陣仲送左張10蚊嘅coupon比你下次用!

今日放工路經出名多野食既女人街，就搵左間成日經過既—六丸🇯🇵🇯🇵好鍾意食日式小店多花樣揀👍🏻👍🏻因爲有時除左壽司外你仲想有其他選擇，就可以一次過滿足你三個願望😆😆首先壽司我地叫左三款，蟹膏軍艦，海膽軍艦，同三文魚子軍艦。蟹膏同海膽都唔腥而已量都夠多🥰刺身方面叫左份油甘魚刺身不過不失😆炸墨魚咀。好味，炸粉唔厚👍🏻地獄海鮮拉麵。都係正常野，唔好拎專食拉麵既鋪頭黎比😆芝士焗餃子。明太子鑲無骨雞翼。好味道，照燒醬汁👍🏻

同太太二人路過女人街，突然想食日本野，就入左尼間六丸，叫左地獄豚肉拉麵，三文魚剌身，海鮮沙律， 壽司$40三文魚剌身好大碟，味道都吾錯，地獄豚肉拉麵 辣味適中，海鮮沙律材料豐富，味道喜出望外，比想像中好味職員服務態度吾錯