其實之前食過兩次，都覺得都ok。但今日食完晏，就覺得以後都唔會再黎。
一入間鋪好大陣漂白水味，加上後面廁房應該有師傅食煙成大陣煙味，之後就調位，其實都算啦。
咁我叫左個三文魚海膽丼，朋友叫左鍋物，隔左3個字先話冇海膽再叫其他，都唔緊要。
再坐多陣，突然見到手指公咁大既曱甴！即刻叫人黎，但佢地反應係好施施然...之後再次調位...
調左位，朋友個鍋物都食左3分1，我個飯都未黎！都坐左成5個字.. 要再催，佢先話幫我跟.. 個飯黎到我已經等左半個鐘...
咁拿拿聲食完打算走，之前埋單都冇話要出去埋，今次佢叫我出去埋，出去埋唔係問題，問題係你態度勁差，加西面「埋單出黎埋喎！」..
最嬲係因為餐廳問題令到我地兩次調位，加上等個飯等左半個鐘，仲要態度差加西面！
我明餐廳點都有昆蟲，但咁大隻曱甴係鋪面周圍走！證明間野有幾污糟！
以上食记乃用户个人意见 , 并不代表OpenRice之观点。
赞好
用餐日期
2019-08-07
用餐途径
堂食
人均消费
$60 (午餐)
