六丸(居食屋)日本料理 (已結業)

今次係第四次去呢一間餐廳，係一間幾唔錯嘅日本料理。我地叫左一個蛋包飯，味道幾好，入面仲有青口同一啲海鮮，份量都唔少，至少有一碗半飯。另外，叫左一個牛肉鍋，入面有粉絲、菜、豆腐等等，牛肉都有幾多，有七八塊左右，牛肉都幾香，不過有一兩塊有d硬，我仲系牛肉鍋到加左15蚊嘅稻庭烏冬，加埋成個份量都幾多下，個人認為，至少夠兩個女仔食，最多加個小食已經夠。呢個牛肉鍋真系覺得唔錯。我地之後叫多左個小食－紫芋金栗餅，外面嘅粉唔厚，係炸到外脆內軟，甜甜地都幾好食。呢到嘅服務都唔錯，侍應會keep住主動幫我地收走食完嘅野同加茶。我會繼續去呢間餐廳食野。

今日又出左旺角，不過唔知食咩好，所以又去左通菜街個邊d小店周圍睇，行行下見到呢間日本野好似唔錯，加上門口個姨姨係咁話好好味，叫我地入去試下，所以半推半就入左去。入去環境少少暗，見到好多人都叫左個鍋，應該都幾好味，我地又跟住叫左兩個鍋物，一個係鰻魚同雞肉，另一個係豬軟骨。一上檯個時其實都嚇一嚇，睇人地檯個鍋好似正常size，但原來放係自己面前都幾大份，個下都幾肯定食唔哂，不過既然叫左就食左先算。鰻魚呢個又幾好味，估唔到入口個時幾乎feel唔到有骨，就算有骨都係燒到綿左，加埋個唔會太鹹的燒汁，意外地好食。其實雞肉都唔錯架，係嫩滑的雞扒，不過已經俾鰻魚吸引左，所以俾分鰻魚多d。呢個豬軟骨真係好軟，軟骨位已經好似jelly咁，好耐無係街食到呢個質素的豬軟骨，煮得又軟又入味，呢個下次再黎都會食！

I have come here a number of times and it never fails to amaze me each time. Each time I come here I find something new to try on the menu, I haven't tasted a bad item yet and each time I have returned the quality keeps getting better.The price is pretty reasonable considering that it's in Mong Kok and the quality of food. The quality of the salmon in particular is really high, they always have a thick cut and it melts in your mouth. The fried prawn and mango roll is also another favourite; huge

😓我懷疑d野食係微波爐叮熱出黎，叫左無耐就即刻有，炸雞厚粉又唔脆又唔太熱又無肉，鍋物完全無滾過既跡象😤😤😤無誠意無心做，垃圾，自己煮好食過佢100000倍，好嬲！唔洗有下次！

全數中伏！生蠔半打有兩隻係臭既，魚生飯（三文、玉子、蟹柳）$52呢啲咁既平價材料，三文魚仲俾埋啲魚背，魚尾位，勁多根，咁不如叫份三文腩好過，唔只唔值呢個價，根本係唔見得人，最後諗住油甘魚剌身實穩陣，點知又中伏，唔單只唔新鮮，呢間係我食咁多日本料理既油甘魚最差既一間，喺秋冬食魚最肥美既季節下，竟然可以食到咁瘦既油甘，真係忍無可忍，小弟第一次寫食評，呢獲野實在忍唔住要同大家分享下。市面上大把日料理都肯定好過佢，因為大前提品質有問題

海膽有臭味，有一款壽司沙律醬多過咩🌚唯一收得夜，飲品正常，侍應幾好態度十時後有discount..收十二魷魚筒最正常冇伏三文魚48蚊十件，幾平，冇見曱甴不過下次吾洗黎😅

和朋友在旺角鬧市試了一間日本料理。七點半左右去到，不用排隊，還有卡位坐。點了3個菜，海膽炒飯沒有什麼海膽味，但是分夠份量。三文魚十分新鮮，價錢也不貴，滿足我這個三文魚愛好者。牛肉鍋偏咸，味道不錯，可惜只是單個鍋沒有白飯送。整體性價比不錯，會再去的餐廳～

炒賣蘋果後，到先達對面的女人街搵食。細個冇咩錢又想食日本野時，就真係成日黎呢間，時至今日再黎，禮貌一樣欠奉，可幸係價錢唔係加得好勁咖哩一般啦，甜甜地的，吉列豬新鮮炸起，外脆內腍，一流！加上炒蛋，絕配！三十幾蚊要左一碟刺身，肉好厚，食落都算新鮮雖然係雜錦刺身，但一d都唔hea，有甜蝦有吞拿魚，算係咁啦！預左用料唔會最上乘，要靚野都唔駛呢度搵啦！整體黎講，平到震的一餐！

食午市d職員態度好差，舉手望到兩次都唔應仲走咗去…但明明成間餐廳得三張枱…我點咗網燒牛扒，成$50，以為都會好似張圖咁，點知得個幾塊又薄仲要好似好似水浸汁咁，見到完全無哂胃口…

朋友話食過呢間野，話生日佢想食返，咁我地4個人就去左女人街果頭既六丸食日整本野！帆立貝好淡，d菇都好淡，麻麻地！海膽無咁鮮，唔甘甜！但三文魚好好味，好新鮮，40蚊勁抵但花之戀既三文魚無刺身咁鮮，三文魚籽都好好味！池魚同劍魚腩都唔腥！唔錯！大阪燒，份量細，但上面既沙律醬同平時食開唔同，入面菜唔夠多！有點失望芝士薯餅，薯仔味濃，芝士味唔夠，但都ok既墨魚咀串燒，完全無味，又韌！不過食物總括黎既都不過不失！熟食就麻麻地，建議點壽司刺身，水準會好d👍🏼

平時想食日本野我諗都唔諗就會食呢間，雖然唔係太出名，但野食真係好好味一個魚生飯或者拉麵都係大約50-60蚊左右，晚餐時段食夠100蚊就可以加40蚊叫一份三文魚刺身，塊塊都大舊又好味小食既話最推介芝士薯餅，每次黎都要叫，因為真係超級好食啊

呢間餐廳我嚟過好多次,每次都唔駛等位我試過呢到的好多款食物,我最愛這兒的蒜香牛柳粒、三文魚生飯和稻庭湯烏冬。稻庭烏冬的湯底夠入味 牛柳粒味道唔錯,夠香,d汁好用嚟撈飯食真係一流但牛柳粒如果可以切得再細粒d會更好;燒魷魚賣相不錯,但味道一般。今次我介紹我的餓鬼男友嚟呢間,我地叫咗個牛肉火鍋、刺身、蒜香牛柳粒、燒雞翼和豬軟骨飯,刺身幾新鮮,但豬軟骨飯就一般,因為d豬軟骨似豬肉多過似豬軟骨,而燒雞翼和牛肉火鍋也不錯,雖則牛肉火鍋的湯底有點油膩...整體來說都幾滿意,物超所值 男友仲話呢間野可以收得再貴少少

星期六夜晚同朋友黎食野，一路坐緊都覺得隻腳好痕，點知食食下野發現大脾有隻蟑螂，我吓到個人即刻尖叫，但無侍應過黎理我，之後我朋友去搵個侍應過黎同佢講呢個情況，點知佢就咁幫我地調枱，一句吾好意思都無。。。一路望住隻蟑螂係餐廳行黎行去，仲點食得落丫，所以我地都埋單走人。其實間野幾抵食，質素都幾好，但我因為本身太驚昆蟲，有陰影，所以我都吾會再去了

好耐無黎呢間餐廳食野~我地嗌左芝士海鮮烏冬，汁燒薄牛扒，什菌，香芒乳酪炸蝦卷&三文魚刺身最好食梗係三文魚刺身，入口好滑，同埋無渣，好鮮味同埋都係$40/10塊，好抵呀，必食第二好食係汗燒薄牛扒，無諗過咁大碟，加$8就有飯同湯，好juicy，正呀~之後個蝦卷同什菇都係正常水平，係特價，唔可以計落果$100度haha今次失色嘅係芝士烏冬，上次明明好濃芝士味，仲起晒斯，但今次就無，同埋淡口啲啲~不過會再黎架!!

燒三文魚頭值得一讚…！不過外賣就有待改善…經常無跟餐具…到有跟餐具就無飲管，或者食壽司無俾豉油！！！😬今日叫餐跟凍飲…凍央…嚟左杯好似可樂咁黑，打電話叫佢換…語氣唔信我…話一定係凍央，我同佢講唔好爭辯…攞一杯凍央俾我…依杯攞返去慢慢研究！！！