六丸(居食屋)日本料理 (已結業)

午市以為旺角應該多人，但來到女人街真的幾冷清。一間沾麵店多人有人龍，走過隔離日本餐廳—六丸⋯餐牌上午市選擇十分多，價錢中價，看來幾吸引。一進店，更冷清，不過咁就舒服得多。叫了刺身、天婦羅餐，$71。刺身有三文魚、吞拿魚及油甘魚各兩片。天婦羅🍤有兩隻，南瓜、茄子同蕃薯。刺身唔算薄切，正常厚度，味道屬正常，沒有特別鮮味。質地也不會霉。天婦羅🍤炸得不錯，皮鬆而唔硬。不過，蕃薯同南瓜就炸不透，很實及硬，我放棄了。午市冇加一，環境同食物算合格，但不予高評。

又到快食晏晝既時間啦今日介紹一個中伏lunch set🤣餐連兩粒壽司加熱飲 共$66內容包括兩粒三文魚壽司，🍣網燒美國牛仔扒🥩，亦有一碗飯同麵鼓湯熱檸水一杯☕️先講三文魚壽司$5兩粒，唔會有要求，亦正常普通野重點黎啦，網燒美國牛仔扒，🥩網燒......我上下左右搵過哂，都冇燒過既跡象大家睇相應該感受到，明既，圖片只供參考，而且每一塊都好似沾滿醬汁既牛肉乾，仲好多根🙄飯粒生米骨🙄即係煮唔透，麵豉湯夠哂清，😑好似話比人知佢唔夠粉開咁，啖啖清新既開水👍但基於我唔鍾意浪費食物，我盡食🤧🤧可能有人話 咁服務可能好好呢，話比大家知，🤓我一入門口就見到一個男模特兒，🚶好型咁背依靠住正中心既一張枱，然後佢會chor一下眼神望你一眼，然後佢利落咁轉身走去我睇唔到既位置🚶🚶好啦 明既忙呀嘛 無問題 我自己搵位坐之前比我再遇到佢，我想點餐既時候，佢一聲’好‘👍然後再用佢身輕如燕既輕功，直到我食完埋單都冇見過佢啦👍👍👍講到哩到 我都唔評分啦如果大家餓到有所不適，或有生命危險，可以入去食下😂😂😂😂多謝哂

😮😮誤打誤撞入左來？衰啲講其實本身想食隔離嘅沾麵🤫但係人太多 要系門後排隊 加上熱辣辣既天氣⋯朋友建議不如食隔離既日本菜好想極速停止流汗既我💦💦就即刻入咗去✳️角切魚生飯 $62呢個價錢 食到咁大碗嘅魚生飯 唔錯既入面魚生最多就係三文魚仲有就係魚生飯入面⋯點解既？食到有蟹柳？😂😂😂我都真心第一次蟹柳都算魚生一種咩？笑左✳️雞泡魚乾味道唔錯既 燒得好香👍🏼不過個人唔太鍾意食呢啲咬口 朋友們覺得好食

本來係想食隔離個間一生懸麵 但要排隊同天氣太熱就食隔離個間 要坐底未睇完餐牌 店員就問食咩 食日式料理 都係想好好輕鬆下咁CHUR 不如食快餐🧐仲要加一1）芒果軟殼蟹沙律卷（50幾左右）新鮮即製 軟殼蟹仍是熱的不過食到有其中一舊嘅芒果仲係未融雪🥲2）炭燒牛舌（$35串）呢個價錢有啲貴囉 但真係好想食小食 燒得都剛剛好牛舌爽口彈牙3）地獄叉燒拉麵（$65）辣到真係冇味覺正常叉燒拉麵都好應該有3塊叉燒姐呢碗得兩塊 有小小失望糖心蛋方面 應該係有少少流心成份可惜蛋黃已熟並跟蛋白部分分離4）花之戀（$35）好在都係新鮮嘅不過size偏細 一口就可以吃掉荔枝梳打 另外加錢$10冇乜梳打味 甜過糖水🙃

當日太夜收工我同男朋友都超肚餓，差不多夜晚九點先到旺角，所以就衝左入就近嘅一間餐廳食飯。並唔係第一次幫襯呢間餐廳，今次都係因為唔需要排隊，所以再次黎食。其實食物質素唔可以話差，只係你唔可以對佢有太大期望🤣今次我order左個壽司set，叫做《梅》。如果姐姐一放低就話：「你好，《梅》嘅壽司。」笑到我同男朋友完全食唔到野😆😂😂😂😂😂至於食物質素，可能人肚餓咩都覺得好食，我覺得好味嘅🙊另外仲叫咗炸蠔、炒雞腎&軟殼蟹手卷，不過太肚餓既關係都無影到相⋯⋯🙈 炸蠔食落口並唔會覺得酸或者有臭味😌 炒雞腎嘅份量係成座山咁，份量取勝🤣

星期日旺角lunch, 見到有啲餐廳已經排曬人龍，見佢餐牌野食都幾好，又唔洗排隊就入去食啦入到去其實都已經覺得伏伏地，間舖都幾大，但食客得3-4枱...anyway 入左去就坐低叫野食啦，點知我叫野食既時候，睇漏左原來有得揀拉麵定烏冬，猶豫左下，即刻比個落單呀叔jip 我，一臉勁不耐煩既樣，心諗餐廳都係得3-4枱客你有幾忙呀，洗唔洗咁呀...不過其實餐廳有另一個女人，雖然佢無招呼我，但就見佢招呼其他人態度好好多，好落力，可能係我今日黑仔先遇到個呀叔叫左個壽司盆（松）（$73)，和牛壽司ok,其他刺身類就感覺唔太新鮮（特別係件三文魚...)最後叫左拉麵（份量足）總結：呢個份量，呢個價錢，係平既，但質素真係好一般，服務真係好睇自身運氣

我已經下午2點先入去食，店員話刺身bar比較忙，問介唔介意等耐少少。最後一等，等左50分鐘，要催先上個刺身轉個烏冬仲要加8蚊等到2046，劣評我蠢，等20分鐘好催

去到通菜街永遠有一條長長嘅人落喺銀龍嘅尾端就係人氣店！.......嘅隔離一間唔起眼嘅舖頭 😂😂係openrice睇下，就會發現呢間咁controversial嘅餐廳。笑哈哈同喊差唔多1：1係咩玩法🤣餐廳走平價日本料理路線，衛生麻麻哋～地板有啲笠笠地🥄●「角切魚生飯定食」($62)●絕對係我食過最平嘅，沒有之一。坦白講，咁嘅價錢，絕對唔會expect好好質素，好鮮甜掛？不過佢加咗蟹柳落去扮晒蟹又真係搞笑咗啲😂😅有3種魚生，味道不過不失，魚質素麻麻， 色澤 味道都唔係上等，飯都一般。純粹想食日本野也ok. 62蚊送埋湯真係抵到爛🤘conclusion，唔難食，糧尾救星💭💭💭好味(6/⑩)抵食 (9/⑩)💭💭💭

餓極失去理智，走咗入一間唔使等位嘅港式日本餐廳，d阿姐好chur，一坐低就問你食乜，你答得細聲啲，佢又會高八度咁問你講乜嘢，好似軍訓咁。黑蒜蝦烏冬嘅湯底就係出前一丁嘅黑蒜湯底，味精好重，烏冬可以揀讚岐烏冬或稻庭烏冬，讚岐烏冬幾煙韌，但啲蝦全部都營養不良，流心蛋非常流，算係咁。呢個牛肉飯係全餐飯最正常嘅，配埋一碗麵豉湯，牛肉飯嘅醬汁偏甜，裏面有金菇、鮮冬菇同洋蔥，算係惹味食得落。呢塊雞扒上枱嘅時候真係呆咗，睇相好似好大塊，但其實同我手掌心差唔多，而且又乾又柴又硬，搞唔掂。呢個係出前一丁嘅另一款湯底，即係豬骨湯底，冇乜嘢想補充。正常可以接受嘅味道。

六點幾七點同周圍店舖都唔多人，搵間日本野試試，咁就坐低左。座位好闊落好舒服。食物方面尚可，職員態度極佳。1.角切魚生飯魚生種類三四種魚生，味道不過不失，希靈魚質素比較麻麻。飯也是一般。純粹想食日本野也ok.2.網燒牛扒定食牛扒切得薄唔會韌，黑椒味濃好香。肉附有一d脂肪亦食落香口而又唔會覺好肥。牛扒本身質素就普通勝在烹調搭救。套餐有飯有湯亦有兩塊三文魚魚生，另有少少海哲。麵豉湯比出面飲算係冇咁死鹹清d, 海哲好韌，三文魚ok。3.日式炒雜菜炒雜菜都係不過不算，穫氣唔夠，但也香口。略嫌菜炒得較硬，同埋唔夠熱。職員服務態度誠懇語氣好好，且不斷主動幫我加水，好留意每枱食客需要，抵讚。

Lunch 唔知食咩見門面d圖幾吸引就入左去，點知中哂伏。 拉面同超市買返黎自己煮冇分別。重點壽司真係仲差過爭鮮，飯粒就好似加多左水落去煮咁，一pat野，上面既魚生不太新鮮。可一不可在。真心食唔落,sorry。

成條街好多野食見佢好似好多選擇 餐牌啲相望落唔錯就諗住試吓入到去冇乜人都知有啲唔正常俾咗張4人卡位我地2個人坐午餐餐牌好多選擇便當 刺身飯 卷物 鍋物 丼飯 拉麵 乜都有思考咗好一陣之後 決定食牛肉鍋 配白飯 麵豉湯($53) 賣相好似好好味 份量大 材料多有肥牛 生雞蛋 娃娃菜 金菇 紅蘿蔔 粉絲 豆腐湯底勁濃味 幾香 甜甜地 日式醬油味🐂牛肉份量算多 而且半肥瘦 有牛肉味 係間中有根娃娃菜幾好食 索咗湯 好入味 又幾清脆粉絲意外地好食 超入味同好彈牙 口感唔錯👍🏻🥚唔知係特登定係預錯時間...隻生雞蛋由始至終冇熟過😶生到蛋白都仲透明 好得人驚🍚不過啲飯!!! 好難食 看似日本米 粒粒圓碌碌咁 以為會好味 點知...又硬又乾 一啲黏度都冇 仲要完全冇米飯香味 可能隔咗好多人夜😨大失分 基本嘅米餅都可以整得咁差加上 成個鍋超級油 食完見到啲油浮起面即刻有啲反胃-味道真係麻麻 係粉絲質感好味環境...雖然坐得舒服 但係可能係啲燈光黃 ? 搞到唔太舒服服務態度都唔係咁好👎🏻我諗緊食咩 個姐姐好似唔耐煩咁問 ‘仲未諗到食咩啊’CP...如果佢味道ok 會幾抵食 因為份量足 價錢$40-$60

呢個晚餐係限聚前食嘅…去到旺角周圍都要等位…唯有行入女人街搵小店…見呢間唔會話坐太逼又唔使排…就入去撞吓彩🤣🤣. 點咗…特盛海鮮沙律 $68都幾多刺身…出乎意料😛😛. 三文魚加州卷 $50鋪咗🦀籽同沙律醬…阿囝話食落有啲花之戀感覺😂. 牛油炒雞腎 $52唔韌…都炒得幾香😛. 鰻魚炒飯 $78特別叫俾小朋友食…正正常常😜. 角切魚生飯 $58質素好普通…但咁價錢好合理🙌. （之前晚市堂食滿$120即可加$40享用三文魚刺身(十片)…唔知而家仲有冇優惠）

今天收工晏了，若回家吃飯可能都到宵夜時間，便約了女兒在旺角吃完晚飯才回家。去到花園街搵食，很多間店都要等位，唯獨見這間店還有很多空桌子，心中都擔心可能有伏，但大家都累了，想早點回家休息，便選了這間店。這間是日式居酒屋，也有提供定食，我們只想求其填飽個肚，便點了兩個定食：豬軟骨豆腐鍋定食、雜錦天婦羅定食。先上前菜，按餐牌上的圖畫，前菜是三文魚刺身和螺肉，三文魚刺身有兩片，味道不錯，但螺肉變了罐頭吞拿魚就有點遜色了。豬軟骨豆腐鍋味道略嫌太淡，豬軟骨只有細小三塊，而且其中兩塊都全是肉沒有軟骨，豆腐也只有一小塊，其餘都是菜，其中的旺菜很老。豬肉是炆得很淋，但不知是否因為放湯的緣故味道很淡，白飯是有一大碗，可惜不夠餸來送飯。雜錦天婦羅比預計的好，因為餐牌上的圖畫只有兩隻炸蝦和兩塊野菜，但上桌時有三隻炸蝦，番薯、南瓜、青椒各有兩塊，味道是正常一般啦，沒有覺得特別好吃但也不難吃。只是上桌時發生了小插曲，導致我忘了替天婦羅拍照：店員用托盤端來了一碟天婦羅、一碗味噌湯和一碗白飯，但不是整個托盤放下，而是分別把這三樣東西拿到桌上，他的大拇指幾乎沾到味噌湯，而端飯的時候大拇指直接插進飯裡。我們覺得要求他換是

和牛串可以比美合成牛肉的味道與口感(不建議)海膽虎蝦其實完全可以刪去海膽2字(這個人氣最能代表)圖片只供參考就是最準確的描述什錦牛肉鍋定食/三文魚刺生/鐵板牛油什菇/是ok的說好的海膽呢