公車泰國餐廳

营业中

休息中

唔知係咪打風,餐廳冇咩人,可以自由揀位,我哋揀左大卡位坐得好舒服。叫咗個冬蔭功海鮮湯都有唔少海鮮喺入面,有蝦有青口等等味道都唔錯，唔係太辣青咖喱有好多椰奶，雞好大舊，面頭啲配菜仲幾多添。都幾好食幾滿意嘅一餐。

星期日同朋友行完元朗見到有間泰國菜餐廳，裝修得不錯就入去試試。兩個人點左三個餸一個湯，先來個海鮮冬蔭公湯，味道酸酸甜甜又帶點辣，非常足料，好開胃。之後仲點左個金邊粉同炸物拼盤同咖哩大頭蝦。金邊粉好夠火喉，香氣十足，加了幾滴青檸檬更加吊味。咖哩大頭蝦 ，咖哩可以再辣一點，不過味道好好，咖哩汁夠多，下次可以再嗌埋薄餅一齊食更好。大頭蝦有手掌甘大隻，好新鮮。個拼盤有埋蝦片，好好味，蝦片上有點點黑椒粉，好惹味同脆卜卜，蝦餅入面有蝦肉，好彈牙！最後仲叫左菠蘿冰，咁熱天氣飲真係消暑又解渴！最後埋單都好抵食！下次可以同多d friend 去試多d送😊

泰菜係元朗區很多，但係經常會去幫襯就得幾間，今次去咗公車泰國菜！呢度下午茶餐非常抵食，$50已經可以食到即炒粉麵飯，仲包埋特式青檸梳打。炒椰菜苗惹味又爽口，個人認為馬拉盞炒係最夾，越食越辣，正！泰式小食拼盤，有魚餅、春卷、炸蝦片、炸蝦餅，串燒等等，基本上有齊泰國必吃小食，新鮮即炸，惹味小吃，平均都係幾蚊件非常抵食！泰式牛肉炒河粉，用上泰國闊粉，即叫即炒，鑊氣十足，有驚喜！泰式鳳爪，酸酸甜甜，夏日炎炎很開胃龍眼冰好香龍眼味，秉承泰國飲品，夠晒甜！性價比極高，發現二人餐同樣抵食，下次要來試吓！

食飯時間都係得2~3成入座率，心諗會唔會中伏架，咁就坐低嗌野啦，個職員就問食唔食泰式生蝦啦，平時去開泰國餐廳都會嗌泰式生蝦既， 都知無寫幾多隻，通常都6/8 隻，咁都係靠睇番價錢判斷啦， 所以就無問到職員，第一次黎食， 諗住168$ 點都有八隻掛，點知得5隻， 唔係掛？ 食水咁深咩要🤔其他野食就算不過不失啦.......價錢又唔係偏貴，係個生蝦有少少over 左，不過應該食一次唔會再去啦， 除非附近d 餐廳無位啦。

入到鋪頭，餐廳環境光猛卡位闊落，感覺舒服食物選擇多，因為好多款想食，同友人揀咗散叫，2個人叫咗4樣嘢泰式蝦醬炒飯 $78咁多樣嘢食入面，最鍾意呢個炒飯煎蛋外脆軟心，蝦醬味適中，仲有肉鬆燒豬頸肉 $88燒得較乾身，醬汁酸甜微辣，好開胃泰式生蝦 $168賣相特別，擺盤靚蝦新鮮，算大隻如果多幾隻就好友人話上面嘅青辣椒仔好辣，後勁犀利🌶🌶🌶生菜包 $88肉碎半肥瘦，辣到適中龍眼冰 青檸梳打 $28（一杯）梳打水原支上 讚👍🏻👍🏻👍🏻👍🏻👍🏻另外，餐廳仲送咗兩碗冬瓜湯，例湯嚟講算重料，有冬瓜、原粒黑胡椒、薑、蒜、肉碎兩個人食好飽好滿足如果下次再嚟，會選擇試二人套餐，會更抵食

天氣咁熱，今日下午去元朗搵返間餐廳坐下，食返個yummy lunch…今日想食泰國野，熱辣辣，食下泰國菜，過返個hot summer…呢間公車泰國餐廳…之前都黎食過，感覺唔錯，野食多元化，又抵食又好味,所以今日再黎食返個lunch..呢度有lunch menu,下午茶menu,仲有常餐或恆常散叫既menu…我們點了一個海南雞飯。呢個海南雞飯好好味，先講一講海南雞件好嫩滑,而且仲切得大大件，啖啖肉好好味，好正呀。沾埋個醬汁食，酸酸的仲為惹味，十分吸引好好味。另外個椰漿飯都超好味。啖啖椰香，香而不油，超惹味。而且份量仲好多，吃得飽飽，好抵食。另一款點了泰式炒金邊粉，誠意之作，入面有好多配料，豆腐乾、蝦米、花生、蔥等等，炒得好乾身好惹味，好正呀。個金邊粉仲有惹惹茄香，十分惹味香口，好正。除了主食外，仲點了一些小食，過下口癮。由於有選擇困難症，所以點了一份小食拼盤，雖然只是細既size…但份量都唔少，而且岩曬二人分享。入面有彈牙爽口既炸蝦餅、足料又煙煙韌韌既炸魚餅、脆卜卜又多餡料既炸春卷、啖啖肉雞肉串燒、大量既炸蝦片。全部小食都好好味、好吸引。另外仲點了兩隻香茅雞全翼，啖啖肉好好味，又香又濃汁

個個食泰國菜就會去九龍城，我地就特登入元朗，就係為左食呢間地道泰國菜，性價比超高價錢相宜！下次一定會再黎食！S2 海南雞飯 $58叫左個常餐海南雞飯，雞皮爽滑，雞肉嫩口已去骨，油飯除左好香椰香味，仲有淡淡黃薑味，咸咸地唔錯！Q3 泰式蝦醬炒飯 $42另外叫左份下午茶餐，離遠已經聞到好香濃嘅蝦醬味，熱辣辣未食已經加分，食落味道又唔會太咸啱啱好，配微甜肉鬆味道更加豐富！椰汁冰 +$8餐飲椰汁冰好香濃椰奶味，食濃味泰菜最啱配椰子，天氣熱又解渴！凍泰式奶茶 +$2另一杯餐飲泰式奶茶，知道一般泰式奶茶都偏甜，所以我地叫左少甜啱啱好，係好正宗嘅泰式奶茶味！燒豬頸肉 $88好惹味，燒得好香口，次次食泰菜一定會叫！泰式明爐烏頭魚 $148今餐嘅主角！湯好清甜，烏頭魚肉嫩滑，每啖肉都會連湯一齊食，更加帶出魚嘅鮮甜，配菜豬肉碎同菇都好入味，好好味！

<Hong Kong🇭🇰•Yuenlong>“ 咬我唷！元朗高水準泰國菜”週末通常鍾意同屋企人留喺新界區，感覺新界區人潮相對比較疏少少😂可能是幻覺!!!不過向來知道元朗區很多特色食物，不論街頭小吃還是手信，連泰國菜也有很多選擇！咁早排屋企人說想吃泰國菜，靈機一閃 立即醒起這間泰國餐廳，聽聞位置闊落而且食物選擇很多，真的沒有錯！泰式海南雞飯平常去泰國也會去水門吃海南雞飯，我想這個是泰國菜菜式之一！雞皮爽脆，雞肉嫩滑！配油飯的確不錯👍🏻招牌豬扒撈蒙豬扒煎炸金黃色，香口不得了！而且味道非常入味，蒙粉跟酸甜汁一起吃，夏天吃的話簡直是消暑！乾炒牛河比起濕炒牛河我更愛乾炒牛河，入口比較乾身啲，而且河粉炒出嚟更有鑊氣！牛肉仍很嫩，而且份量很多！木瓜沙律味道酸辣開胃！不能吃辣嘅你記得跟說啊！每次吃泰國菜也必定叫的！這間的做法也不錯本來很想吃芒果糯米飯，可惜真是太飽！下次到訪再吃！這裏環境的確很闊落、食物的套餐選擇很多，都包含一杯飲料還有餐湯，價格非常之便宜，一個餐大概$50左右！另外因為天氣太熱了我還叫了椰青，消暑後就不會中暑！

見到咁多好評專登去試吓，完全唔掂，泰式炒金邊粉嘅蝦係凍嘅；海南雞好一般，最大問題係碟雞上枱時見到條長長嘅頭髮，即時咩胃口都無晒，怕會加料都係唔敢要求換另一碟；馬拉盞炒通菜十分油，見到勁多紅色嘅油，菜又韌，唔會再幫襯！

公車泰國餐廳 (元朗)元朗西菁街2號興旺樓地下2-3號舖突然很想吃泰國菜，其實元朗都真係好多好嘢食，隨便找來一間泰國餐廳，質素有保證之餘，裏面都坐得好舒服。這間泰國餐廳很寬敞，而且菜式種類很多，還有抗疫情價！只要想他們的社交平台 like他們的專業，就可以免費送一份炸蝦片！燒豬串$18燒豬很大的一串，配上沙嗲醬吃，燒得不會太硬身，而且還很juicy。燒雞串$18燒雞燒得嫩口，不會燒到硬柴柴，而且一大串份量都幾多。泰式海蜇$88平時食中式海蜇就食得多，這次點了一款泰式海蜇，究竟有咩分別呢，原來泰式海蜇切法和中式海蜇不一樣，泰式海鮮切起來是一大舊的，這樣一大碗海蜇份量非常多！加上有酸酸甜甜的青檸汁，很開胃！蝦醬炒通菜$78通菜青嫩翠綠，蝦醬鹹香，炒起來通菜很惹味，又不會太鹹，用來送飯一流。海南雞飯$58這個海南雞飯一流，海南雞件很多，而且雞肉嫩滑！飯粒除了每一粒都沾上了香滑的雞油外，而且還有濃郁的薑味，感覺很驅寒，伴菜有炒香過的花生，很惹味！椰青跟餐$25大大個椰青，夏天飲最適合，清涼解渴，機補充流失了的電解質。

炎熱的天氣，約咗好友去元朗公眾泳池游泳。游完之後，係時候要食嘢，選擇了「公車泰國餐廳」食泰式菜補充體力💪。進入餐廳內，望見外面的陽光普照下街景，感覺非常寫意舒服。😌餐廳環境整潔，座位寬躺舒適。👍《小食拼盤》＄128拼盤份量十足，有蝦片、春卷、蝦餅、魚餅、串燒，熱騰騰，食落香口😋。《酸辣鳳爪沙律》＄88酸酸甜甜好開胃，無骨鳳爪爽脆，辣辣地很惹味😋《泰式扎肉湯河》＄38扎肉彈牙清香，湯底濃烈，配上有蘿蔔芽菜好好味😋。《香葉辣椒肉碎炒河》＄42鑊氣十足，河粉闊大咬落煙煙韌韌，泰國香葉食落很回味😋。《菠蘿冰》菠蘿味重，清新不太甜。《咸檸梳打》用原裝支裝泰國梳打水，配合一大粒咸檸檬🍋，消暑一流😋。很滿足，享受一餐豐富泰式菜😍。

天氣一好就會掛住陽光與海灘🌞, 亦令我諗起泰國🇹🇭, 但呢段期間我就仲未可以話飛就飛, 唯有係香港食住泰國菜先啦, 而元朗區真係有好多好Chill既餐廳, 而公車呢間餐廳空間大而且價錢好親民, 所以成為我地經常黎既飯堂之一😁1/ 冬蔭公大頭蝦湯🦐 $108超大既冬蔭公湯, 我地兩個人每人可以飲到三碗, 而大頭蝦好大隻, 好似曼谷街頭賣個種, 有驚喜既係內裡仲有大量既膏, 我用左的湯黎撈蒙粉, 味道超夾!😋2/ 木瓜沙律🥗$78味道比泰國既為酸一點, 但材料新鮮而已好開胃😄3/ 棷青🧉 $25/個棷青呢樣野真係要撞手神, 有時唔好飲就真係連棷青肉食唔到, 但呢次我地叫呢2個都好清甜, 而且棷青肉超易就取到, 非常嫩滑😋4/ 菠蘿雞絲炒飯🍍 $48呢個係佢地既Q版下午茶餐, 但估唔到以為Q版就會好少, 但原來份量同正常完全冇分別, 炒得好乾身, 不過最後太飽, 所以有少部份打包返屋企!😆5/ 炭燒豬頸肉撈蒙🍜 $48燒豬頸肉烤得好入味, 而蒙粉好彈牙, 唔錯!6/ 串燒 (雞 + 豬)🐔🐷 $35我最中意佢既沙嗲汁, 因配棷汁一齊調教用黎點串燒完全正確!👍🏾

元朗好多隱世小店, 前排去左間幾正既泰國餐廳食！唔逼, 性價比超高, 仲要野食好正宗！見到唔少街坊食, 推薦! 🦁 串燒 (雞+豬) ｜燒豬頸肉肉類都燒得好香！而且肉量好足 (一串好夠2個人食lol) cp值勁高！個汁都好惹味～🦁 冬蔭大頭蝦湯超巨型既大頭蝦, 酸度+辣度都岩岩好！而且要一讚佢底下個火係燒一段時間會自己熄, 可以係我影相果時保暖, 之後又唔洗特登叫waiter幫手熄！🦁 泰式火車炒飯｜泰式炒金邊粉同埋要一讚d碟好有feel 😆 火車炒飯幾特別！金邊粉都唔錯🦁 泰式奶茶｜青檸梳打都正常～唔錯//🦁 餐廳｜公車泰國餐廳地址｜元朗西菁街2號興旺樓地下2-3號舖優惠｜Like佢地social media, 仲贈送泰式蝦片或 甜品泰式椰汁糕一客 😍

今日約左一個好內無見既同學食晚餐，她提意食泰國菜，咁就在她家附近揾左呢間公車泰國餐廳食啦！這間地舖都幾大下，元朗黎講都比較少見有咁大間泰國菜，內裏光猛開陽，卡位好闊落。我地得兩個人，店員都比卡位我地坐，實用太好了。炭燒豬頸肉頭盤小食，我地叫左炭烤豬頸肉，份量比想像中多，可見肉質係金黃色帶少少燶，切成一片片，厚薄適中，味道幾惹味。泰式金邊粉兩個人食既份量都幾多，味道酸酸甜甜，當中有雞肉，蔥，芽菜和花生，送到黎香噴噴之餘仲係出晒煙，食落口仲有鍋氣。馬拉盞炒通菜通菜夠淋加爽口，菜既長短適中，加左少許馬拉盞同辣椒炒埋一起，又唔會太辣，非常惹味。如果可以再大碟d就更加好了，因為我實在太喜歡食了。每次去食泰菜，我都必叫青檸梳打。獨立一枝梳水可以任意添加自己杯內，再配上青檸，糖漿和冰，夏日炎炎，真係好適合飲。如果二個人又唔想諗，其實套餐都係一個不錯既選擇。款式實在太多，2個人食既款式有限，如果人多就可以叫多幾款。

咖哩軟殻蟹呢個係朋友叫既，份量都大份，軟殻蟹炸得好脆，又唔會腍，加上咖哩咁食，好香添，配料都多，有洋蔥青椒之類，仲意食軟殻蟹既朋友可以試下呢個馬拉盞炒通菜呢個炒通菜都係普通，炒得唔老又味道ok既泰式炒金邊粉呢個係大家一齊想食既，咁就叫黎食，唔錯啦呢個炒金邊粉，都幾好味喎蒜蓉包主要係朋友想食，又可以同咖哩軟殻蟹一齊食，蘸下咁食都唔錯，不過法包好細塊，如果大啲就好