公車泰國餐廳

营业中

休息中

講到泰國菜，之前聽朋友講過元朗有一家叫公車泰國餐廳，專門食泰國菜的，所以小K專程來到元朗試下🍛。餐牌都算多選擇，而且Follow and Like社交平台就可以免費得到一客蝦片/椰汁糕，當然唔可以錯過啦！😍叫左一個泰國金邊粉，宜家疫情期間有抗疫價，仲送一杯青檸冰/香茅冰，性價比頗高，另外叫左個泰式雞翼，一開始以為係普通雞翼，點知原來係雞全翼😂😂😂而且分量唔少，有d驚喜👍🏻👍🏻👍🏻

喜愛泰菜嘅我，路過比佢門面吸引到，雖然入面有啲茶記feel，但點都想試吓。入門招呼Nice薯，嘟code係坐低專人都你嘟嘅，貼心。點菜時會睇你口味再推薦，呢樣貼地。食泰菜一定要試係冬蔭公，間嘢掂唔掂好睇佢。香料夠，又夠濃，唔太辣 （加辣同佢哋講）個人覺得再加炒幾隻蝦頭煮仲正。咖哩海鮮又係必試，今晚有幸食到最後一隻肉蟹，蟹係大隻，新鮮夠彈牙，平時其他餐廳都係黃咖哩居多，呢間唔係，但又好夾，配料又夠香咖哩唔少得薄餅同蒜茸包，薄餅好香脆，蒜茸包蒜夠香同脆得嚟唔硬，配咖哩食一流泰式生蝦咁啱有，梗要試吓，蝦爽口🤤青醬夠香唔夠辣，不過呢間夾隻青辣椒仔就夠曬辣，後勁好勁串燒，肉夠鬆軟，汁夠香濃呢個少見呀，海蜇頭，加個泰式青醬（同泰式生蝦一樣醬）好爽口，建議咬開一半再吞😂馬拉盞炒芥蘭，偏鹹但濃味叫咗珍多冰同紅豆冰，比一般重椰香，唔太甜，啫哩條唔硬，仲好抵飲另有送甜品，有少少鹹嘅椰香粟米西米糕，唔記得影相，不過都ok。總括嚟講，呢個價錢，食到呢個質素同服務，都幾難搵到，食泰菜必食！

工作過後相約了朋友食泰國餐，上網尋找到這間公車泰國餐廳；餐廳裝修簡潔，環境寬敞，舒適乾淨的大卡位提供了私隱度。餐牌選擇很多，各式泰菜供應如小食、主菜、特色飲品、甜品，非常吸引，晚市更有推廣套餐，馬上一試，套餐包括了兩道菜選擇以及兩個白飯及飲品，可另加小食。我們選了第一道菜是泰式青咖哩雞肉，咖哩選擇十分多，有黃、青、紅，同時可配牛、豬或雞肉；泰式青咖哩味很濃郁，不算太辣，適合港人的口味，雞肉很多及大件，口感嫩滑，泰國香米盡咖哩吸精華！加上青豆角粒很入味！份量大碟！另一道菜是泰式肉碎煎蛋，賣相吸引，份量超大碟，這道無人不知的泰國菜看似簡單，實情是個心機菜式，微辣的肉碎，脂肪均勻，蛋煎得微微燶邊，更加惹味，同樣伴飯一流！小食點了泰式炸魚餅，必食推介，一碟有六大粒，非常彈牙，炸得外脆內軟，蝦餅口感彈牙，重點是即叫即做，十分夠熱，配上泰式辣醬更有風味！另點了菜，蒜蓉炒椰菜苗，十分夠鑊氣，炒得出色，菜苗炒過後保持到翠綠，不會過油，口感爽脆，簡單蒜蓉炒已經很美味！椰汁冰夠香濃，椰子味道很香，解渴清涼的感覺！甜度恰到好處整體來說這餐廳性價比很高，地道正宗的泰菜，職員友善熱情，上菜快，食物質素好，很有泰

終於等到放寬晚市堂食，於是相約朋友晚飯相聚。公車泰國餐廳位於元朗西青街，又見環境都乾淨企理，價錢仲幾親民，二話不說就入去幫襯。泰式炸魚餅大大舊6件 ，外脆肉厚，實材實料！！泰式小食拼盤有炸魚餅，炸蝦片， 春捲同埋雞肉串燒。炸蝦片十分香脆 ，春捲入口熱辣辣。至於雞肉串，串燒淋上香濃沙嗲醬，十分惹味，而且香氣撲鼻。泰式海鮮炒飯配料非常豐富，有鮮蠔、鮮蝦、炒飯好乾身，有鑊氣，不過不失。總結：性價比超高 👍🏻仲要每碟都大大份 ，絕對抵食。座位之間闊落而架位為主。而家仲有抵食二人套餐!

在元朗一想起吃泰國菜，朋友必定約我到「公車泰國餐廳」🇹🇭🥣，因為這裡地方闊落，坐得舒服😌，而且食物水準也不錯👍泰式豬頸肉美味的香草醃料和醬油塗在脂肪不多的豬頸肉上，烤得美味無窮，再配上甜酸辣的醬汁，簡直絕配😋泰式海鮮濕炒河材料有：白蘿蔔、紅蘿蔔🥕、菜心、西蘭花🥦秀珍菇、蝦🦐、青口、椰菜和魷魚🦑，這家的河粉亦比較其他食店特別，河粉身大大片，但入口卻很滑，廚師👨‍🍳廚藝很不錯，炒河芡汁調味佳，加上有豐富的材料使這碟海鮮濕炒河煮得非常出色😋小食拼盤細有豬串燒、蝦餅、春卷、蝦片和魚餅。飲品方面點選了珍多冰和椰汁冰，兩杯飲品都不錯椰汁味夠濃，冰🧊的份量也很適中，不會過多而影響飲品味道😋最後餐廳還會送給每位客人一份椰汁🥥西米糕😃

放工同屋企人去千色買嘢,咁岩見到呢間泰國嘢,就揀咗"公車",店內環境舒服,服務又好。坐低後望下餐牌,樣樣都想試,我哋就揀咗二人餐$198,有齊想食嘅泰菜,仲追加生菜包和串燒未食前嚟個大特寫放滿全張枱串燒($18/串)我哋揀咗兩串雞和一串豬!兩款串燒都算厚肉大件,肉質鮮嫩,配上沙嗲醬,好惹味泰式豬手泰式豬手滷得入味又夠淋,充滿膠質感覺。醬汁酸甜開胃,旁邊配有酸菜,用嚟送飯食正海南雞(半隻)呢半隻海南雞真係啖啖肉,而且肉質嫩滑,沾上酸辣醬汁,酸香醒胃生菜包($58)肉碎微辣帶酸炒得乾身夾住新鮮爽脆生菜一齊食,口感清涼又惹味🍹珍多冰+🍹紅豆冰-兩杯甜度剛好,椰汁香濃,有咬口,各有特色飯後甜品仲有椰汁糕,椰汁味香,配合底下嘅西米露為飯局添個句號。兩個人埋單$360,價錢算係親民,值得一食嘅泰菜

今日去了元朗打針，先去了附近食個豐富的泰式午餐。午市除了有午餐外，還有二人套餐，百幾蚊就可以有十多款食物選擇，非常抵食。泰式明爐烏頭：烏頭以鐵鍋燒住上枱，保持新鮮熱辣，有多款泰式香料及肉碎作調味，烏頭魚油豐富，肉質嫩滑。冬蔭功大頭蝦湯：冬蔭功湯足四人份量，原隻大頭蝦開邊，超級多蝦膏，蝦肉爽彈，冬蔭功酸酸辣辣很開胃。脆肉海南雞飯：脆肉其實同平時的燒肉差不多，皮脆肉juicy，海南雞嫩滑。香茅雞全翼&串燒豬/雞：沙爹醬有很濃郁花生香味，雞肉juicy，反而豬肉就略乾。最後飲返杯梳打及奶茶，非常豐富的午餐。

想念泰國的時候，今天來吃一下泰菜，裝潢環境都挺有味道，地方寬敞，餐牌選擇頗多且地道，上菜速度快。👍🏻燒豬頸肉上枱已有濃烈香味，外皮烤得香脆，依然保留肉汁，色澤金黃帶脂肪，口感軟淋。😊泰式咖喱海鮮香氣撲鼻，材料豐富，有蝦魷魚青口等海鮮，入味非常，不辣帶甜味，還有蔬菜中和一下，加上脆香薄餅，外脆內軟牛油味香濃，沾咖喱食更有風味。😉馬拉盞炒椰菜苗惹味之選，椰菜苗脆綠新鮮，馬拉盞微辣剛好，泰式菜必食，懷念的味道。😋椰汁冰椰汁棉滑香甜，加上冰塊更爽快，解膩又清爽，每次必點。😙不得不提最後的椰汁糕，層次分明，椰汁清甜而西米清爽。值得再來的泰式餐廳，每次都有驚喜，店員爽快上菜速度抵讚。🤗

公車泰國餐廳 (元朗)元朗西菁街2號興旺樓地下2-3號舖位置好，坐得寬敞闊落舒適，新裝修乾淨企理。泰式龍眼冰$28非常足料，半杯都係龍眼肉，保健飲品，夏天飲透心涼，甜到入心。泰式香茅冰$18好少飲過香茅味嘅飲品，見佢咁特別就叫咗杯，非常之清新，好適合🈴️食完濃烈嘅味，清爽下口感。泰式海南雞 半隻$98皮脆肉嫩，入口爽滑，唔鞋口，又唔Un ，醬汁惹味。配菜花生好食😋泰式咖喱海蝦🦞 $168甜咖喱🍛唔算辣，啱我鍾意食甜嘅口味，除咗海蝦🦞仲有大大隻青口同魷魚🦑配菜洋蔥超好食😋蝦夠大隻厚肉，食落去索口。

已經幫襯過公車幾次,甚至之前外賣都有去幫襯,因為真係幾好食,所有出品都係出色既,所以一有晚市,我地即刻去食堂食啦坐底左,都仲未點餐,聽到廚放個邊有人咳,就好順便望下啦,由於係開放式廚房,師傅既動作都會望到好清楚,竟然有位師傅拉底口罩係度咳,我地己經你眼望我眼,真係想走,點知,轉個頭,個師傅仲係度X煙!!!! 開工時間,係有客既情況下X煙? 會唔會過份左d呀? 其後仲見到有其他廚房員工連罩都唔帶, 而個情景令我地快快食完就走,以後都唔想再幫襯!! 

等咗三個月，終於都開返晚市堂食，Weekend 過嚟元朗搵好嘢食，今日想食泰國菜，朋友試過呢間唔錯。餐牌嘅款式非常多，應有盡有，原來每日都會有午市套餐同下午茶，每日款式都唔同。而家逢星期一至五晚，每晚亦有唔同的菜式優惠。我哋今日就食咗二人套餐，$148，可以喺12款餸入面揀兩款。加$30就可以點泰式明爐蒸烏頭，另一個餸就點左冬陰功大頭蝦湯。套餐加$8 可以點特飲，我哋點左龍眼冰，珍多冰，味道都唔錯，椰汁creamy夠濃味，龍眼冰味道夠清甜，亦有幾多龍眼肉，兩杯都好夠味，但係就唔會好甜，就算啲冰融左，都唔會好淡味。小食拼盤（細$128）食泰國嘢好鍾意食小食拼盤，貪佢乜都有少少，今次個拼盤有沙嗲雞牛串燒，炸魚餅，炸蝦餅，泰式春卷和泰式蝦片。沙嗲醬做得好濃厚，有啲花生粒好香口，雞同牛火喉亦燒得啱啱好炸蝦餅好厚好彈牙，蝦片亦好有蝦味，所有炸嘢都炸得卜卜趣同熱辣辣。明爐蒸烏頭有好多唔同嘅配料，肉碎，芹菜，香茅，南疆，椰菜，香菇等等。個湯酸酸地唔會辣，非常開胃。烏頭魚蒸得好好食，肉質超級滑，一啲都唔鞋口，同埋冇泥味，而且非常大條，食到一半已經有啲飽。值得一讚嘅係呢度嘅侍應非常細心，驚我哋嘅湯凍咗唔

元朗近年發展迅速，各式食肆遍佈大街小巷，一條街便能夠嘗盡各國美食。今午來到口碑相當好的「公車」吃泰國菜。一坐下，店員先來例湯和甜品，真貼心！泰式冬瓜湯，有香葉和肉碎，少少辣，非常醒胃。椰汁西米糕甜品“泰式香茅豬扒湯河”，雖然說是Q版，但是大大碗。香茅豬扒炸得香脆，河粉又滑，湯底有一股清香，十分惹味。“泰式馬拉盞炒河”，熱騰騰即炒，香噴噴。材料有雞絲、魷魚、洋蔥、蒜等，蝦醬味道濃郁，特別入味。“黃咖喱雞”，香而不辣，雞塊大大件，肉質也鮮嫩。“泰式豬手”，去骨豬手，皮肉相間，爽爽滑滑口感不錯，而且滷得非常入味。下午茶餐飲追加了紅豆冰和泰式奶茶。泰式奶茶口感非常獨特，有一陣檀香味。整體而言，「公車」的質素有保證，抵食夾大件，難怪其門如市，服務也好，值得一再幫襯。

離哂大譜！無寫過食評都忍唔住要寫！諗住晚餐買份木瓜沙律外賣自取返屋企試下，個店員重要講話即叫即整要等15分鐘，包一定好食咁話！搞到我幾大期望！點知返到屋企一開，成個外賣盒既一半得四塊生菜再加多半碗木瓜沙律，試下啲沙律得個酸字，簡直不知所謂！以後唔會再幫襯！

有日同朋友係元朗食飯🙌🏻佢話有間泰國菜嘅下午茶時段好抵食😙真係大份又抵食🤪餐廳好闊落同坐得好舒服💦🔺泰式豬頸肉湯河(Q版下午茶)$45雖然寫係Q版但好大份😂朋友話下午茶同lunch份量一樣😆而豬頸肉係蜜汁嘅同好大塊🙌🏻大概有6塊😙河粉有芫荽同香茅,唔鐘意食記得要走💁🏻‍♀️河粉軟硬度適中😗湯裡面有一大舊蘿白,好淋同入味😆🔺泰式蝦醬炒飯(Q版下午茶) $42一黎度聞到好香嘅蝦醬味😆食落都好香蝦醬🦐炒飯裡面有豆角同臘肉而飯上面有一隻半熟蛋🍳仲有肉鬆,所有配料都同炒飯好夾😚🔺泰式奶茶🥤奶茶好重茶味但超甜😕個人就麻麻😟

第二次幫襯 店內環境寬敞 坐得舒服 第一次嚟食午餐 大部分都是五十幾蚊， 非常抵食， 泰式炒河粉 非常香口有鑊氣， 第二次食下午茶餐， 多數40幾蚊， 雖然q版 粉麵 實際份量同午餐差唔多， 抵食又好食， 香茅豬扒 香茅味道非常濃郁， 豬扒厚身， 絕不鞋口。 珍多冰好好味三色冰就麻麻地 應該會有第三次幫襯