公車泰國餐廳

营业中

休息中

在餐廳坐下來不久便會送一碗湯，暖一暖胃的感覺真好，味道幾特別，有香葉味，帶點甜。二人餐超大份，三個人都夠食，cp值高。燒豬頸肉：有肉汁汁，肉質較為爽口，醬料很特別，甜甜辣辣的好開胃。青咖喱雞：喜歡這咖喱大大盤，以往在其他泰國餐廳吃的都很小，配飯吃幾口就沒了，這家餐廳的份量夠多，料也很多。小茄子比平常吃的還要再小一點，口感較爽口。雞肉不肥，肉質嫰滑。咖喱味道屬於較甜的那種，椰汁味香濃。小食拼盤（大）：是另外點的，份量相當誇張，最喜歡春卷，即炸的，脆口到不得了，炸得剛則好，又沒有油益味。

呢日突然想食泰菜，記得呢間平靚正，就再來哈哈好掛住個泰式拼盤🤣.➡️泰式海蜇 $58➡️小食拼盤 $128➡️泰式青咖喱 $88➡️白飯 $12➡️椰青 $42.同老公兩個人點幾樣已經多到要打包份量十足🤣第一次食泰式海蜇，見今日限量推介就叫來試下，口感滑滑的酸辣口味幾得意😆.再點了老公最愛的青咖哩，滿滿的咖哩香辣惹味再加上豆角和雞，雞大大件滿嫩滑，送飯一流👍🏻.泰式拼盤每次必點太正，有串燒、蝦片、春卷、魚餅、蝦餅，十分豐富，全部大大件炸得香脆可口好好食😋再飲番個椰青，仲有冬瓜湯送，正😄.呢間性價比好高，有大大卡位，坐得舒服，價錢一啲都唔貴，食物質素又唔錯，一定會再幫襯！

今次跟家人到元朗富達廣場後的公車泰國餐廳，正值下午茶時間，餐廳內坐無虛席，非常熱鬧。到這間泰國餐廳，當然要吃有鑊氣的海鮮，所以就選擇了椒鹽海蝦、泰式咖哩青口！如果大家夜晚用餐，可以再選擇小菜、海鮮等，而且環境寬敞，一群人聚餐也很適合！椒鹽海蝦剛上枱已經聞到香味撲鼻椒鹽配海蝦非常惹味，配料豐富，有生熟蒜、洋蔥、芹菜、蔥配料多得掩蓋海蝦海蝦算是中型、有數隻更是大型啖啖肉、蝦肉彈牙、爽口，肉質紮實而且蝦頭更有膏，超正泰式咖哩青口剛上枱非常夠熱、有鑊氣咖哩味道很濃郁，不算是很辣，猜不到配青口又很夾如果多碗飯，一定可以將飯吃光！青口非常新鮮又大隻啖啖肉、肉質紮實又彈牙這道鑊氣小炒很值！椰汁西米糕只要上載食物圖片到社交平台，就可以有餐廳送贈的食物！

今晚又係西菁街食晚餐，之前食過一次愛上既公車，今晚一於再黎，性價比超高，而且坐得又舒適。泰式炸蝦餅 蝦餅炸到外皮鬆脆，入面既蝦肉非常彈牙，超厚身，好大粒，非常抵食。泰式咸魚炒芥蘭 芥蘭炒到爽口，咸魚味好香，好入味。串燒沙爹 (豬、雞) 串燒燒得好香，係上面淋上勁多沙嗲汁，好惹味，雞肉燒完仲好滑，而豬肉烤得香口焦香，肉汁仍然保留係入面。泰式火車炒飯 炒飯粒粒分明，炒得夠乾身，好夠鑊氣，配料有蕃茄、雞肉、菜粒，好夠味。凍青檸冰

打拋豬肉飯、綠咖哩雞肉飯都是用泰國米，打拋豬肉大概是微微辣的程度～我覺得很下飯還蠻好吃的，綠咖喱雞肉比起瓦城似乎奶味更重一些～吃到後面會有點膩這兩份餐點的飯量真的超極無敵多！！！我覺得很適合平常不想花大錢但又想吃泰式的孩祇外帶回家吃辣炒高麗菜我跟男友一致認為完全不辣🤣而且吃起來還有點蝦醬的味道（本人超級愛吃蝦醬高麗菜），這間店只有辣炒空心菜及辣炒高麗菜，不過不擅吃辣的孩祇也不用太擔心，想吃菜就給它大力點下去就ok了😉-這間店很適合1-4人來吃，不過不管是內用還是外帶幾乎都要等，今天去吃的時候店內剛好剩下一桌空位，櫃台則放滿外帶的訂單，入座後沒多久又看到外面一堆人，有些在等位子有些在等外帶，但出菜速度還算快～我跟男友打了約三、四場荒野亂鬥（一場約3分鐘）菜就上齊了！

今日同屋企人係元朗玩完，想搵個舒服既餐廳食飯，揸車經過見到環境幾乾淨闊落，係各人同意下就入左去。三個人叫左個二人餐可以揀兩個餸，配白飯x2同野飲 x2 $148（6點後要$198）另外仲散叫左兩個餸二人餐-泰式燒豬頸肉個份量都幾多下，有兩大塊厚身豬頸肉切件，食落啖啖肉，充滿香茅香料味，燶邊咬落脆口，配埋個泰式汁，十分惹味！二人餐-青咖哩雞個同樣都係好大兜， 有5塊大雞球，食落滑身，咖哩充滿椰奶香味，有好多唔同既香料，好足料。二人餐-餐飲x2凍泰式奶茶同凍青檸茶，都係有果陣泰式紅茶既香味，但相對港式會甜一啲，怕甜可以慢慢飲等佢碎冰溶化就岩岩好。馬拉盞炒通菜$68睇到個樣已經覺得好食， 充滿馬拉盞，仲有小蒜頭粒，份量同樣大碟，十分有鑊氣同香口，乾身唔會太油。小食拼盤-$128有4款小食各2件：泰式春卷-內有粉絲菜絲，魚餅-大大件，蝦餅-彈牙厚肉，沙嗲雞串燒-沙嗲味香濃有花生粒， 仲有炸蝦片小小香辣既胡椒味。 二人餐抵食，下次想試埋佢個海南雞同豬手。整體份量好夠。

之前經過附近，留意到這家泰國餐廳一直很想去✨，正好今天在附近工作✍️，就決定去試下啦☺️晚上餐廳很滿場，很多客人點算了二人套餐， 所以我也試試看， 這個二人晚餐cp值很高👍，份量超多的。2人套餐包括兩個小菜及白飯，另可加$58追加小食，有泰式海蜇、生菜包及炸魚餅，我選擇了生菜包。因為主菜有咖哩菜式，所以也加了一份薄餅， 以及另加串燒。😊(⁠＾⁠3⁠＾⁠♪2人套餐（$198）泰式豬手🐷 ， 豬手真係好入味，而且分量好足❤️， 我最喜愛吃豬皮，感覺一點也不油膩 ，豬手肉質也很鬆軟，回味無窮😋。黃咖哩豬🐷，咖哩香濃，帶有椰香， 豬肉鮮嫩，送飯一流，已經吃了一整碗飯🍚，而且黃咖哩也不會太辣，好惹味。生菜包真係分量很足👍，吃不完的呢，上枱時， 已經聞到香噴噴嘅炒肉碎香味， 真係好夠火喉，生菜好生鮮💕，吃落去清脆， 好清新絕對可以解油膩，肉碎味道適中不會太鹹，微微帶點酸辣味，是一道開胃的小吃。串燒雞/牛（$18/串）❤️，串燒唔會燒得好乾， 而且特製醬汁沙爹醬非常美味，帶少許鹹味，✨把串燒的肉味帶起來，我也有用薄餅點沙爹醬吃，非常出色。值得一提的是薄餅（超捧）👍， 總共有8塊，外脆內軟， 😋吃到最後也是脆

今日同知己行行下見到有間泰國野 我地仲要有架bb車 服務員好友善又好好態度 有時人地好禮貌 食餐飯都會食得好開心 bb係咁喊 都唔會覺得我地麻煩 而野食同網評一樣真係好好味 下一次我地會再去的 多謝禮諒會帶bb既客人 又好味服務又好**一間餐廳既選擇係真係好重要

今日收工後係元朗食泰國菜係咁熱既天氣，一定係食Thai food 餐廳面積大，光猛又坐得舒服，簡潔得來又不失儀式感，餐廳擺左好多泰國嘅擺設！太肚餓，即刻睇下餐牌佢有晚市2人優惠套餐！意想不到既性格比.6點前堂食係$148可以揀兩款送再包兩杯飲品，特飲只係加$8. 只可以話係超值！我地兩個人叫左個2人餐再加碟菜2人餐我地揀左海南雞同海鮮冬陰功湯海南雞係好滑，中間有啫喱，口感好好. 而份量是嚇人的- 有半隻其實佢俾個例我，都已經收貨海南雞配有秘製醬汁，但我覺得就咁食已經好正！好耐無食過咁滑既海南雞然後叫左個海鮮冬陰功湯，份量兩個人剛剛好，細心位係佢有熱住個湯. 優惠餐一d都唔馬虎海鮮方面有2隻青口、4-5隻蝦、魷魚圈. 兩個人一定夠食！ 個湯係你聞到會吞口水個種，酸酸辣辣咁，仲有少少椰香味. 揀呢個唔會錯然後一定要澱粉質既我 叫左個roti. 即叫即整，上台好熱. 好食！但建議叫埋咖喱會好d由於我地已經叫左2人餐，沒有空間再叫咖喱，下次可以試另外一個驚喜既位係個馬拉盞炒通菜. 熱辣辣不再話，主要係個味道好惹味得來唔會好油好濃整體來講-環境舒服. 食物既性格比十分高

之前聽朋友話呢間泰國嘢幾好食，今次終於順路過嚟食喇😃下午茶時段都幾抵食。-🥓炭燒豬頸肉撈㩚$48Badboy不嬲都好鍾意食撈檬，但好耐無食喇，加上天氣暑熱咁，食撈㩚就岩哂喇。個汁好好味，碟邊仲有辣醬俾你依照個人喜好去撈嚟食，第一次食辣嘅撈㩚又幾好食👍🏼唯一係豬頸肉得好少，同埋估唔到會係幼切咁上，有d驚訝😂不過都係好食嘅，唔會乾柴。跟餐+$2就可以轉飲泰式飲品，badboy叫咗泰式奶茶，同喺泰國飲嘅一樣味道，好好飲😃。-🍢串燒 豬＋雞$35因為佢下午茶寫住q版撈㩚，未食飯嘅badboy驚佢真係好q版所以叫多咗個小食。(實際㩚粉量好多)串燒肉都幾大舊，開頭食嗰兩舊一般，口感比較實淨，之後兩舊就滑d好食好多😋沙嗲醬如常好食，豬同雞食落差唔多😂本身以為只係得串燒，原來都有餐飲。咁就試埋個泰式青檸茶，間中飲到苦味，好似都係檸檬茶好飲d😆。-另外上傳食物相上社交平台會免費送蝦片/泰式椰汁糕。蝦片好脆好有蝦味😋椰汁糕甜度都岩岩好👍🏻-呢度有個侍應好nice，服務態度好好👍🏻有親切感。

今日入咗元朗搵朋友，佢介紹我去哩間泰國餐廳🇹🇭。我哋大約7點去到，好彩都仲有位。餐廳十分整潔企理，闊落舒適，環境光猛，坐得非常舒服😌。室內木色同綠色嘅配搭讓人感到放鬆，都可以算係我去過咁多間泰國餐廳數一數二舒適。菜式種類多，花多眼亂，樣樣都想試，價錢都合理。最後我哋揀咗以下幾款：1️⃣ 酸辣椰汁雞湯 $98熱辣辣好䁔胃🤤。味道酸酸辣辣，🥥椰汁香甜，中間散發住清香嘅檸檬葉同香茅味，真係味蕾也感動👅，非常開胃。雞有雞味，份量亦多，目測起碼有成隻大雞髀🍗。2️⃣ 馬拉盞炒通菜 $68嚟到真係嚇咗一嚇，份量驚人，超大碟！馬拉盞非常惹味，味道香濃但唔會鹹。通菜都算幼嫩，食落唔會有根，好味😋。3️⃣ 泰式豬手 $88賣相吸引，色香味俱全，見到都流口水🤤。豬手肉質嫩滑，一啲都唔嚡熠熠，皮厚軟稔，一啖放入口好滿足。醬汁香濃，甜甜哋似滷水味，亦帶有陣陣花椒八角的香氣，再點上酸甜泰式辣汁，味道昇華。4️⃣ 椰青 $42清爽消暑，為炎炎夏日添上清涼快感🤩。椰青水清甜甘香，椰子肉幼嫩，有得飲又有得食之餘，仲非常健康，可以話係泰國餐廳嘅首選飲品🏆。5️⃣ 菠蘿冰 $28朋友話清甜可口，🍍菠蘿味香，酸酸甜甜好醒胃！

元朗不嬲美食集中地，泰式餐廳都為數不少，今日就試下位於西菁街嘅公車泰國餐廳冬蔭大頭蝦湯上枱時熱辣辣，爐火煮緊既冬蔭功紅色真係好激發食慾，不得不讚仲有大頭蝦，店員好貼心提醒我地有手套提供😊，蝦頭蝦膏飽滿，肉質夠彈牙豬頸肉沙律完全無林過會咁大碗，香茅豬頸肉彈口爽口，配埋香菜蕃茄作為開胃菜一流香葉辣椒肉碎炒河四季豆肉碎比得好豪氣，翻開肉碎河粉居然係塊狀，炒得好有鑊氣，唔小心而且食哂成鋪😋香茅豬扒撈濛朋友叫左一個豬扒撈濛，豬扒份量好大，撈濛配埋醃羅白生菜撈埋更加清新唔會膩 食泰國野緊係要飲番椰青水解下熱氣～呢到椰青跟餐只需加$25好抵飲🥥

🔺綠咖喱椰汁雞/蝦醬空心菜綠咖喱椰汁雞肉這一道超級無敵經典在點這道之前老闆就會先跟你說這道會有點辣看你可不可以接受～我覺得淋在白飯上吃非常香 綠咖哩超濃的😌大薄片沙律/辣炒豬肉鹹蛋/青木瓜絲泰式料理清爽又開胃每道都很下飯忍不住多扒了好幾碗白飯⚠️摩摩喳喳千萬不要點半糖

一直都覺得元朗呢間泰國餐廳水準唔錯，今日咁啱過開嚟元朗，就帶朋友一齊嚟呢度食晚餐。餐廳光猛，卡位好闊落，坐得幾舒服，幾有空間咁，唔會覺得迫。泰式酸辣椰汁雞湯呢個湯好啱我口味，平時如果係飲冬陰公湯，對我嚟講會太濃烈刺激。但係呢個椰汁雞湯，有南疆，檸檬葉，香茅等等嘅香料，充滿泰式風味，同時，又有好溫和嘅椰香味，有少少酸辣，整體味道好和諧。泰式小食拼盤(細)如果人唔多的話，呢個小食拼盤就啱晒，可以樣樣試少少。拼盤有沙嗲串燒(豬+雞)，炸蝦餅，炸魚餅，炸春卷，炸蝦片。樣樣都好食，其中最出色嘅我覺得係炸魚餅，因為佢有好重嘅泰式香料味。泰式燒豬頸肉配白飯豬頸肉燒得好香，味道甜甜地，配埋個醬汁，好好送飯。

今日和朋友看完電影後在元朗的街上走走，我們路過一間橫街角落的泰國餐廳，便進去吃一個豐盛的下午茶。這次是我第二次來到這間餐廳吃泰國菜。不論你點甚麼菜式，店戧都會奉上例湯作為開胃湯，實在值得加分。我們叫了一個連冰附上的生蝦刺身送，肉質爽口鮮味晶凝通透，吃起來實在十分新鮮，配搭綠色的生蝦醬汁，實在讓人倍感清新，生蝦肉質厚實，絕對不會令你感到失望啲口味。然後，我們因為不吃米飯的關係，選了一個沒有米飯的海南雞，海南雞半隻份量多，雞肉鮮嫩，皮下的脂肪不多，吃起來十分惹味，加上伴菜有花生及少許醃製蘿蔔，讓海南雞的口感及層次上升，鮮嫩的海南雞陪上花生讓人有一種一口脆一口軟的感覺，絕對值得加分及一試。最後，我們選了一個馬拉盞炒芥蘭，芥蘭新鮮吃下去沒有渣滓，如圖中所見芥蘭份量很多，而且馬拉盞的醬汁亦能掛在芥蘭的上面，吃起來口味較重，適合重口味的朋友進食。值得一提的是雖然有辣椒，但絕不是很辣，適合大眾口味。