公車泰國餐廳

营业中

休息中

約左個朋友出黎食下野傾下偈，朋友話想食泰國野就揀左呢間位於轉彎位的公車泰國菜，睇門口可能唔覺，但其實入面好大間舖，枱同枱間好濶落。價錢真係超抵食，外賣炒粉麵都係三十幾蚊，已經送飲品，仲有個二人餐可揀兩款餸，又送白飯又飲品，唉吖～疫情真係生意難做，多多支持下佢先。叫左二人餐，加左朋友至愛嘅串燒，再炒左碟菜，超豐富了！珍多冰&泰式凍奶茶飲品好快就到了，大大杯用碎冰的，好濃郁又夠凍，仲唔過甜，天氣咁熱飲杯凍飲特別舒服。泰式豬手豬手炆得好入味又軟腍，豬皮彈牙仲有滿滿骨膠原嘅感覺，好正。泰式青咖哩（豬）咖喱汁非常香口，微微辣好啱口味，豬肉片下得很多，仲有豆角茄子等配料，撈飯食一流。馬拉盞炒通菜滿滿一盤通菜，炒得翠綠，馬拉盞鹹香惹味，又係正。串燒雞肉&豬肉外觀睇起黎一樣，但其實一碟係雞肉一碟係豬肉，上枱時店員有提醒㗎，好貼心。毫不吝嗇的沙嗲醬，串燒上放得滿滿的，個醬勁好味，雞肉同豬肉都切得大大粒，燒得香口肉嫩，高水準之作。白飯跟餐送的白飯，好大碗食唔哂。平日下午唔多客人，同朋友慢慢食吹下水，環境舒服食物好食，食泰國菜又多個好選擇啦！

呢日行行下肚餓突然想食泰菜，經過呢間就入來試下🥰.泰式小食拼盤 $128小食拼盤好豐富！有串燒、魚餅、蝦餅、蝦片，串燒肉大大件，幾鍾意沙嗲醬唔太辣甜甜地，蝦片脆卜卜，魚餅好香泰式香料，厚肉多汁👍🏻蝦餅好彈牙濃蝦味，兩樣點泰式辣醬都好好食😋.泰式炒金邊粉 $58呢到其中的招牌菜點都要試下，金邊粉有咬口唔會林新同痴立立煮得幾好，好足料我每啖都食到好多配料，蛋、豆腐、雞肉、蝦仁、芽菜、大蔥，再加埋啲花生碎超正！欣賞冇辣椒粉，剛好今日唔食得辣😂枱面有辣粉愛辣之人可以自己加相當體貼👍🏻.香葉辣椒肉碎噲飯 $58都係呢到招牌菜，舖滿肉碎豆角再加個荷包蛋，煮得粒粒分明又爽脆不錯，兩個辣老公剛好香辣惹味食得開心🥳.椰青 $25熱辣辣食泰菜要飲杯椰青先至爽🥰.泰式奶茶 +$2呢間真心不錯真泰式口味！同仲可以少甜勁正！.龍眼冰 +$8好驚喜，味道出，超解渴，味道清新，同真係好多龍眼😂.好喜歡呢到擺盤，碟斜斜地食得好舒服又有泰式風味，整體非常推介，真係好抵食！叫到滿滿一枱先314，坐得又舒服侍應又nice，上菜好快叫咗唔使5分鐘就到，呢個價錢呢個環境呢個質素100分性價比高👍🏻

今晚家中沒有煮飯，便落樓下於元朗教育路附近的西菁街吃晚飯，選擇了一家泰菜餐廳「公車泰國餐廳」。店內裝潢新淨，燈火通明，空間超大，餐廳內也設有舒適卡座，整體環境都予人悠閒，不會太侷促。餐牌設有2人餐，＄198兩位，都非常抵食。泰式脆肉腩肉的皮都燒得十分香脆，而肉質嫩滑細緻，油脂部位散發香濃肉香味。雖然卡路里肯定都會超標，但都是可以食到這份泰式脆肉，是值得多跑幾個圈。而伴碟的芥末醬更是餐廳獨有，不禁吃完一口接一口。冬蔭功大頭蝦湯冬蔭功酸酸辣，特別開胃，椰奶味比較重，香中帶甜。湯裡有好足海鮮湯料，大頭蝦肉厚彈牙，沒有雪藏味。馬拉盞炒通菜這個馬拉盞蝦醬本身不會太辣，適合大部人口味，也十分惹味。通菜口感超爽，而且不會太多渣，吃過不停！椰青椰青絕對是必叫的泰式飲品! 大大個椰青十分吸睛。椰青水味道清甜，而椰青肉更可以食用，一定是最近的消暑良伴。

岩岩搞成左張單，同事突然話想食泰國野慶慶佢，咁岩又見到有間新野寫到百零蚊食到明爐魚又有海南雞，果然冇令我地失望。 圖001 早鳥優惠，早開飯148 包兩個小菜，加30蚊可以轉明爐魚，包埋飯同野飲先兩舊水，同事話有野煲煲下先夠過癮，所以一於加埋佢。 圖002 平時食泰國野就食冬陰公同咖喱，不過lee 排熱氣，辣野就下次先 圖003 其實鋪面唔大，但野食好多款式，同埋係地鋪轉角位，好開揚，坐得好舒服。 圖004泰式凍奶茶（後），泰式啡噢靚（前）同事叫左泰式凍奶茶，我見有個叫泰式啡噢靚，問職員咩黎，佢同我講係有糖齋啡，係幾過癮既，冇茶記果d 酸味。 圖005泰式小食併盤（細） 食泰國野又無理由唔叫併盤既，職員話兩個人叫個泰式小食併盤（細）已經夠，叫細但其實都好大碟，春卷炸得好脆，食落完全唔油，蝦餅同有個肉丸都好香口，唔係要揸車其實好應該啤啤佢，串燒有分豬同雞，我地叫左豬肉就合格，蝦片就是蝦片。 圖006泰式海南雞（半隻） 其實我都唔知海南雞係咪泰國野，不過lee 隻雞真係好滑，個皮好爽，就算雞胸d好厚肉既位都唔鞋，同事話應該要慢煮好耐先做到。 圖007泰式明爐烏頭魚 鋪仔細細有明爐魚玩其實又

好耐無去過元朗 今日同朋友去玩之前都有朋友推介過哩間泰菜 就過黎食個late lunch————————————見有個有個二人套餐好抵食包兩碗飯兩杯野飲同兩個餸 都係$148就嗌左哩個同再加左其他野食share黎食馬拉盞炒通菜馬拉盞好香好夠鑊氣通菜爽脆新鮮冬蔭公大頭蝦湯一入口酸味比較重之後辣味飄出黎好香香茅檸檬葉既味大頭蝦大大隻仲係鍋上熱住好保溫生菜包（跟餐+$58）份量非常足 肉碎炒得好香金邊粉（$42）好大碟 有啲雞蛋雞肉芽菜作配料金邊粉唔會太淋太濕 酸酸甜甜幾惹味龍眼冰（跟餐+$8）勁多龍眼肉 味道清甜椰青（跟餐+$25）都係好清甜 清新解渴—————————————-埋單食到超飽都係二百零份量十足 定價相宜見到人地隔離嗌咖哩烏頭都好大盤多啲人黎就可以再試多啲野了

下午茶時段到這間餐廳， 發現他有下午茶餐及午餐，好多時候下午茶餐雖然平但係份量會細，但詢問之下佢話原來兩類餐份量差不多，於是就叫咗兩個茶餐試吓味道。泰式炒飯就一般。豬頸肉檬粉- 豬頸肉份量很多；酸汁十分濃，只放了一匙羹已經足夠。再配埋泰式飲品（加$8）相對嚟講都好抵食。另外我再叫咗一個午餐—泰式海南雞燒肉炒飯。估唔到分量十足，海南雞亦都很滑，最意外的就係剛剛出爐的燒肉大大嚿，配上燒汁得惹味。下次會再encore

黎得元朗國食飯，搵間好食夾大件嘅餐廳係基本😎🥘冬蔭海鮮湯$108 - 黎到泰國餐廳，叫冬蔭功湯係必定的。冬蔭海鮮湯有三、四隻蝦，又酸同辣都balance得好好，香料又夠多，好正宗🤤🍢泰式小食拼盤連沙嗲雞肉串燒 $128 - 沙嗲雞肉串燒大串又好食，個沙嗲醬超惹味，仲有炸魚餅、春卷同蝦片，都好得🌮泰式肉碎生菜包$88 - 另一個我覺得食泰國嘢要必叫嘅dish, 新鮮生菜加香辣肉碎，好讚👍🏻🥬馬拉盞炒芥蘭$88 - 泰國菜嘅馬拉盞炒菜，用黎送飯一流！🥤龍眼冰$28 + 紅豆冰$32 - 兩杯凍飲都係大大杯嘅！餐廳位置旺中帶靜，座位寬闊，唔會同側邊嘅枱太近，要揀間坐得舒服嘅好味泰國菜，呢間真係黎得過！🇹🇭公車泰國餐廳 (元朗)📍元朗西菁街2號興旺樓地下2-3號舖

今次搵咗間泰國菜同屋企人試下，到底元朗有咩美食推介？元朗泰國餐廳我揀咗「公車泰國餐廳」，離附近輕鐵站約5分鐘！今次我嗌咗泰式明爐烏頭魚、蒜爆鮮海蝦、串燒(豬＋雞)、蒜茸包、泰式椰青、紅豆冰。泰式明爐烏頭魚 HKD 148
一上枱，即時被香料味吸引，香料幾乎鋪滿成條魚，而且條魚仲要好大條！
香料包括薑、香茅、肉碎、酸梅、蔥、芹菜、檸檬葉、菇等！烏頭魚幾乎都係無鱗，去鱗好乾淨；
最中意就係每啖都夾住皮肉，感覺皮膚會愈黎愈好！
幾乎魚肉都好滑，肉嫩鮮甜，而且少骨，真係可以啖啖肉！
下次想試埋佢鹽燒烏頭。
蒜爆鮮海蝦 HKD 108
海蝦隻隻都好大隻，今次一碟約8隻大蝦；
每隻都啖啖肉又殼薄，而且爆炒香料好多元化，令蝦擁有既香味好豐富，成件事好完美。
串燒(豬＋雞) HKD 35
串燒配既醬汁好濃郁又惹味，應該係有沙爹醬、花生醬、泰國乾香料混合而成；
雞夠滑又香，豬熟度岩岩好，豬味幾香；
配埋咁開胃既醬真係值得一試！
蒜茸包 HKD 35
一碟有4件，蒜茸味幾香，好快就上枱。
泰式椰青、紅豆冰
紅豆冰豆量都唔少，椰青同紅豆冰都幾解渴，而家既天氣就最啱飲！泰式海蜇 HKD 68一碟鋪滿好多海蜇，

喜歡泰國菜的朋友千萬不要錯過這間餐廳，今天在元朗大街路過這間公車泰，眼看卡位寬闊，一定坐得很舒服，二話不說便和朋友進店內一試。叫了一個冬蔭海鮮湯，朋友覺得海鮮味濃，而且冬蔭公以鍋上，能夠保持湯的溫度。雖然今天天氣較熱，但熱呼呼的湯讓人倍感滋味，辣味適中適合香港人口味，不會過辣。此外，鍋內用料豐富包括秀珍菇、蝦、魷魚及蕃茄等等，讓你喝後還想再添。另外，我們選了一個泰式燒豬頸肉，充足的燒烤火候外皮香脆，沒有燶掉，燒烤後加上少量胡椒粉，讓豬頸肉口感升級不少，而在旁的醬汁則與平常一般醬汁不同，但與豬頸肉十分配合，絕對值得一試。主食選了一個泰式火車炒飯，有白胡椒配雞肉，十分惹味及醒胃，飯粒分明，底部有菜吸油，吃起來並不油膩，另外亦有菜心切粒炒在飯內。最後，選了龍眼冰和泰式奶茶充當一個完美句號。

今週未，相約了朋友要去元朗形點影PC狗公仔景，下午我們擇選了今次這間吃，之前吃過，味道好味，環境清靜同舒服，今次我們叫了椰青椰青大個，好香椰香味，汁好鮮甜，椰青肉好滑口菠蘿雞絲炒飯放上枱濃香菠蘿味，雞絲切得幼條，入口嫩滑，菠蘿味透入飯，特別香滑泰式炒金邊粉特別香泰式醬味，粉幼細，炒得好乾身同嫩滑，好爽口小食拼盤 (小)豬肉串入口香豬肉味，原身有口感雞肉串好香雞肉味，嫩滑同霖春卷炸得好脆口，香肉味炸蝦片大大塊，脆口炸蝦餅蝦肉厚身同彈牙海蝦沙律 (辣)特別鮮海蝦味同爽滑，疏菜新鮮

住咗喺元朗附近咁耐，反而第一次嚟試呢間泰國餐廳— 公車泰國餐廳門面好光猛同埋大，入到去座位都好舒服放工之後好肚餓，見到有好抵食嘅二人餐，二人餐裏面有12個選項，選擇都多我哋叫咗豬頸肉同埋冬陰功大頭蝦湯，仲送兩碗白飯同埋嘢飲湯頭好鮮甜，落咗啲蕃茄同埋菇落去，酸味啱啱好，仲帶少少辣，令到成個湯都好開胃，而且大大隻大頭蝦好足料，蝦肉食落去都好新鮮彈牙，都好容易剝殼豬頸肉又係大大塊，肉質食落去好爽口，最出色嘅係佢嘅醬汁，帶少少辣味，令到個豬頸肉食落去冇咁油膩我哋仲嗌咗個黃咖喱雞，一上枱已經聞到好香嘅咖喱味佢呢度嘅咖喱係偏水狀少少，但係又做到一種好香滑嘅感覺，用嚟撈飯真係一流，加上啲雞都好鮮嫩，仲有少少蔬菜做配菜，令到成個咖喱仲健康啲馬拉盞炒通菜，係食泰國菜必點嘅一道菜，炒得夠鑊氣，通菜最緊要唔好煮得太耐，佢呢度啱啱好，咬落去仲係爽嘅呢度仲好好服務，我哋食食吓送咗蝦片同埋甜品俾我哋欺騙揸得好趣口，而且每$1都好大塊，就咁樣食都有淡淡的蝦味，我用咗嚟點咖哩食又係另一個層次甜品係椰汁西米糕，細細地份量啱啱好， 都唔會太甜，下次會再嗌其他甜品試吓

與朋友在元朗菁裕街 [ 公車泰國餐廳 ] 晚餐，餐廳環境適服光亮服務又好，食物風味地道。點了小食拼盆 ( 小 ) 128元有春卷，魚餅，蝦餅，沙爹豬肉串和蝦片等。春卷香脆，蝦餅香口富彈性，豬肉串肉質鬆軟沙爹醬汁好惹味泰式咖喱青口 128元青口一份約有七隻，脹卜卜很肥美，肉質爽嫩鮮甜！很喜歡這個醬汁，味道甜甜的有些蛋黃滑滑的，不辣，是個溫和咖喱醬。蒜茸包48元醬汁如此美味，當然要配蒜茸包了！可惜包比較硬身了點而 影響了口感但味道還是滋味的。港式奶茶 18元青檸梳打 28元點讚Fb和IG可獲贈甜品一份

環境：未到門口已經見到有泰國人像的歡迎figure，很有泰式度假風情的感覺。 環境開揚光猛，卡位寛敞，坐得舒適特點：推薦食二人套餐，$148已有兩個餸，兩個飯兩杯嘢飲。我揀咗冬陰功大頭蝦湯同泰式咖哩海鮮。前者賣相打卡able，入口酸酸地但唔會太辣，飲時會食到菇類、海鮮同大量香料，有咬口。泰式咖哩海鮮用咗黃咖喱，入口偏甜，適合香港人口味。另外呢到必食泰魔多！下午茶先有，即係烘焗麵包夾住沙嗲雞肉，麵包烘焗得勁香脆，咬落卜卜聲😍 但肉質juicy，加埋沙嗲醬好惹味

泰國菜上次放假同左Ivy去元朗行街，中午嘅時候去咗一間叫做公車泰國餐廳嘅地方食飯，餐廳舖頭都算大，坐得都幾舒服，夏天大熱天時，冷氣都好大，食咗一個鐘都唔會覺得熱。我哋叫咗個香茅豬扒撈檬一齊share食，$45份量真係都幾大，撈檬嘅份量都好多，香茅豬扒俾我個面仲要大件，咬落去又唔會覺得好老或者好硬，仲有啲配菜例如係蘿蔔絲等等，同埋有撈檬汁，全部嘢加埋一齊食就係好開胃。我又叫咗個泰式蒜蓉炒芥蘭，呢個係$81。份量一樣係幾大碟 ，芥蘭清脆爽口，綠油油嘅感覺，食落去覺得自己好健康。至於木瓜沙律就$78，呢個就有啲辣，切到一條條絲嘅青木瓜，再加埋有啲泰式嘅沙律醬汁 ，食落去係好醒神開胃嘅，不過就有啲辣，如果唔食得辣嘅朋友可能要叫小辣。又或者好似我咁叫返個椰青嚟飲哈哈哈。椰青係$25.1個。我哋仲叫咗個串燒，有雞有豬，呢個係$35嘅，雞同埋豬都燒到比較乾身，然後再加上有醬汁，豐富嘅醬汁淋喺上面 ，食落去好惹味。餐廳仲送咗每人一個甜品，係泰式椰汁糕，入邊有啲西米椰汁整成嘅 ，仲有啲粟米粒，味道都唔會好甜，兩三啖就食晒。埋單結帳嘅時候大概係$325，平均每個人$162左右。

元朗不嬲都係多好嘢食，多唔同國家飲食選擇嘅地方，經過西菁街，見好耐冇食過泰國菜，就入去試吓啦！一入到餐廳坐低，職員就叫我地掃佢地IG或者FB嘅QR code，因為會送椰汁糕啊！西米糕有好濃嘅椰香，少少鹹味，都好好食。同朋友叫咗個2人套餐，價錢都唔算貴。首先嚟嘅係泰式豬手，估唔到都好大份！滷得好入味又夠淋，個皮膠質重，而且唔會好肥，配上醬汁好好味！另一個叫嘅係牛肉青咖喱，咖喱充滿香料味，由其香矛味最為突出，微辣。撈飯食間直係一流。青咖喱牛肉份量極多，而且肉質都幾嫩滑，一啲都唔鞋。除咗主食，都叫咗個小食拼盤。拼盤都有多種唔同嘅小食，例如沙嗲雞串燒、炸蝦餅、炸魚餅、泰式蝦片。蝦片香脆唔油膩，每塊都好大塊。雞串燒好大串，雞肉好厚，但燒得啱啱好。沙嗲醬好香口，而且好濃，掛上雞上面好夾。炸蝦餅厚，亦都好q彈，好有蝦味，炸得脆。最後飲埋杯珍多冰，椰汁味都係好濃，而且下面嘅珍多都好多，邊飲邊咬多曬過癮！總括嚟講，呢度啲泰國菜份量大，價錢唔算貴，上菜速度又快，係高質嘅！