公和荳品廠

营业中

休息中

食完維記,順便去埋公和食d野...因為食左野,所以淨係叫碗凍豆腐花...碗上印有'公和荳品廠',豆腐花香滑,豆味重...可惜自己過於失策,落得太多糖,搞到甜味有d蓋過左豆味...見到好多人食豆腐花都唔落糖,咁就可以食到豆腐花的真正味道,唔會被蓋過了...都見到好多人食雙併,煎豆腐,飲豆漿,下次試下...

被黃金的羊群趕了出街, 口渴到暈, 行行下搵到此豆品, 門口的煎豆腐又煞是吸引, 於是坐低叫左煎釀豆腐豆卜雙拼及豆漿一杯。豆腐豆味好夠, 亦好夠滑, 最正是上面的鯪魚肉, 加入果皮, 令到不喜歡此物的我都覺得好好食; 豆卜索左鹵水汁, 加埋鯪魚肉, 香濃又惹味。豆漿不太甜, 穩陣的好吃。只需十多元, 多到食唔完, 仲可以留返幾件分俾呀羊生, 我覺得好抵食。行開必試。

o黎深水步，除差不多每次吃米線之外，亦會諗起呢度豆槳好好飲，大大杯，雖然價錢比一般貴，但用料足。次次都覺唔夠喉。豆花亦好好味。出名的還有煎釀豆腐，好多人叫。

(21/10)住所附近已有間美味的豆腐店，故此亦不會刻意光顧公和，但今天卻來了一個湊巧。躲了魚檔的腥味，避過了肉檔的油膩後便到達，門前的一個大鍋，有豆腐釀魚肉、豆卜釀魚肉的香味，可惜不能吃，唯有叫一客熱豆腐花。店員不消一會將其熱豆腐花上桌，以公和荳品廠的碗盛載著，外觀是可以，看得出的滑，入口的豆味是有的，唯滑的程度略欠一點，相比起我提及的那一間，遜了一點，但亦不失為好選擇，甜味適中，無需下糖，已經足夠。此時想起曾於朋友口中得悉他鄉間的山水豆腐花，是他有生以來的最滑、最清新的，只需下少許糖，美味非常，人間極品。對座的那一位食客，眼看它的煎豆腐、豆卜，蘸上辣醬、甜醬，吃得津津有味，看得我心癢難當，故唯有下回分解。

晚飯後的甜品？食完真係幾飽喎。剛食完晚飯，忽然想飲返杯好味的豆漿，想起附近最出名的，當然係這裡啦。我們叫了豆漿、魚肉豆腐和凍的豆腐花。豆漿- 甜味唔算太濃，但如可再減少一點，就更好了；豆味很香濃，又夠冰凍，又解喝又好飲。魚肉豆腐- 魚肉煎得唔會過火，味道幾有魚香味，可惜魚肉偏薄身，豆腐因煎過，比較上會硬一點，但也能了解。豆腐花- 豆腐好滑，直程有點滑入口中的感覺，豆味又重，但糖水就落得多了一點，食到尾段就更加可以感受得到，看來下次要叫少甜了。總括來說，價錢平，食物出色，值得再次幫襯！

珍妮絲同屋企人去左公和度食佢最滑的豆腐豆漿-- 甜度剛剛好,夠凍灱豆卜,豆腐-- 豆腐炸左都好滑,而豆卜都好脆環境雖然係舊d,但勝在夠字號老麻,

呢家店都開左起碼十幾廿年喇記得細細過阿媽個個禮拜都會帶我同哥哥黎次次都食坐底3碗,我哥更厲害!5碗!!(細細過妹味既邊識收口丫..哈)大過左仍舊常來品質沒變.仍然好味.只係價格上升..!以前煎豆腐只係冬天先有,夏天難求可能而家為生意啦..夏天都賣..仲有煎豆Pop好吃..只係由細都有都有一個問題..點解d魚肉得咁少架?豆花都係冷食好味甜甜少少..但對愛甜吃既我係食多幾碗都覺得正!價錢大眾化好店難求呢~試過人和/旺角公和但都係老家最好食!

想飲豆漿，就係度食個早餐。豆漿唔錯，腸粉都好味。也試過豆腐花，ok的。只是環境比較dirty，食完就想立即走。

朋友遲到，決定自己來個滑溜甜品先。熱荳花，依舊既滑和有豆味，唔洗落黃糖已經夠甜，因為阿姐落左好多糖水。另外叫多個雙拼~~豆卜和釀豆腐，釀豆腐外皮煎得脆脆，內裏卻是滑滑的，有豆味，不像其他店鋪煎得像石頭。豆卜應是炸的，但又唔會好乾，魚滑好滑，好想encore多碟=v=但有個疑問.....感覺上夜晚的荳花冇中午咁滑，錯覺...?

吃過多間公和，始終覺得這一間是最好吃，豆漿可口又冰凍，是夏天的必然之算，豆花就勁滑勁香豆味!

星期日同亞媽去行深水,見天氣咁熱,當然想解下暑,於是由亞媽帶我行去北河街個間公和荳品,之前我地都經過一間都係叫公和架,但亞媽話北河街個間係老字號喎,去到都有好幾張,天花有大風扇,雖然熱但都有風一坐低亞媽就叫左一杯豆漿,我就叫左一碗味道岩岩好的豆花,根本唔使落糖,當然唔少得的係雙併,佢\係用魚肉釀落豆卜同豆付.佢\d魚肉,一d魚骨都冇,而且豆卜入面的豆付好滑架,唔同向街市買個d,好多火山口架,

豆腐花一定係首選!冷熱都好食! ~好~滑~凍無糖豆漿,覺得冇乜豆味..所以覺得麻麻地~$20

為了慶祝自己搵到summer intern，加上黎到深水無理由唔食野就走，所以簽完contract 就行黎食碗熱豆腐花。這裡的豆腐花比一般市面既滑好多！而且好有豆味！！好味到不得了！！！！！我覺得依家市面上既豆花只滑沒豆味。太太太太太好味喇！！

叫了豆付花和煎豆付,的確很滑,但較淡吃不出豆付香味.比較起在旺角街市另一間賣豆品的店子還差很遠呵!

凡叫得做老字號,d 裝潢一定唔係Grand, 特別係呢d近街市既,所以要有心理準備!... 其實都係特色之一,況且如果剩得個睇字,d野唔好食,無意思啦!! 言歸正傳,呢間正宗豆品店,有至滑既豆花(推介熱食), 煎豆pork,豆漿等,豆味夠,試過就知,況且我係座上客, 每次來深水埗都必經此店,兼且你見佢\地食得豆多,d 面好似豆腐咁滑就知係日子有功\啦!!