公和荳品廠

营业中

休息中

來到公和,唔係大貓話呢間好,小貓都唔會入去,因為環境,真係有點唔太好.不過豆腐香係遠處已聞到,大貓向來都是豆腐的die hard fans.豆腐花滑,煎豆腐香脆,最緊要好有豆味!!又是深水步平靚正之選~~

專程去搵e間野, 搵左好耐先搵到…..開o係街市所以環境真係好差, 都幾得人驚, 平時我係絕對連坐都唔敢坐低, 但山長水遠黎到一定要試下嘛(因為2個路痴搵左好鬼耐), 我地叫左2個豆腐花, 雙拼煎釀豆腐+ 豆卜, 嘩, 全部都係水準之作, 而且超平!! 豆腐花非常滑, 煎釀豆腐+ 豆卜都好香口雖然食果時忌全忌, (因為有潔癖), 但真係好好食~唔怪得周圍咁污漕都大受好評啦~

試過無數間有名氣既豆腐店, 我始終較欣賞尼道d豆花! 滑得尼又唔會話變到好似胡仔敢.個煎豆腐幾正架!我屋企食火鍋一定會尼買兩舊豆腐.

回來的,始終都要回來.環境多年來也是極差,烏蠅四圍飛,不是旺角卡門那個,而是真的是烏蠅.從來只飲凍豆漿,只吃凍豆花而不加,多年來從一而終的傳統,仍舊未曾改變.在老店吃著廿年如一的豆花,豆漿,除風味以外,還有昔日滿載著的少年回憶.

豆腐花,豆腐"Po"好正豆腐花唔駛落糖都已經好好食豆腐"Po"好香口豆漿好滑好甜係個環境差d

盛傳公和ｏ既環境差，今日一見ｏ圭果然聞名不如一見叫ｏ左個雙拼煎釀豆腐兼豆卜　個豆卜煎得幾香幾脆,仲有香芋味至於個釀豆腐．．．ｍｍｍ　我個人覺得無ｏ羊特別，係好味，不過豆腐又ｏ吾話好滑ｊａ　ｗｏｒ　（冇ｓｐｏｏｎ　仲好難去食ｔｉｍ）

食完車仔麵, 個胃俾我既訊號係"好飽", 但係又有個感覺係仲可以食多dd添... 我地又去食食食...朋友鍾情豆腐花...但係我愛佢地既魚肉豆卜... 唔知點解佢地既魚肉豆卜係我必須之選...真係唔係賣廣告, 但係我真係次次食到欲罷不能!!!好正!!!好正!!!正!!!!!!!!!!!!!!!!!!!!

這間公和荳品可說是伴我成長的食店，小時候差不多每日放學都會同媽咪與細佬食碗豆腐花才回家。難得今天與朋友到黃金，特帶朋友到這裹回憶吓。下午四時左右，全店坐無虛席，等了一會才有位。叫了兩碗凍豆腐花($6/碗)，另一碟煎釀豆腐($8/碟)。豆腐花非常的滑，可惜是欠了些品香味，不過巳比其他店賣的好百倍。煎釀豆腐熱辣辣，魚肉薄薄，煎得非常香口甘脆，很好味。內裏的格局二十年如一，真的很有feel。這間店是我每次到深水埗必食的店鋪。

同bf食完tea後, 帶他來這裏吃滑滑荳腐花, 因為這間老鋪都是開在街巿或舊區, 故bf從未光顧過, 他感奇怪這間門外被檔口遮住不起眼的舊式老鋪在這個時間(PM5)竟這么爆棚, 有西裝友, 師奶、OL、小朋友...在吃得很滋味.好不容易才等到兩個位, 要了兩碗凍荳花、一碟煎釀豆腐拼豆卜. 豆腐及豆卜夠熱夠新鮮, 荳花滑滑夠豆味.門口放著一張長木枱, 有位大叔賣豆腐及收銀, 豆腐枱下是一大盆豆卜, 期間有人要買豆卜, 但大叔話賣哂??? 相信是生意太好他也太忙, 認為少做一兩單也沒所謂, 但街坊光顧你是一種欣賞及認同, 應該驕傲及感激, 為何這樣對待街坊呢!!!

近期忙得不可開支，差點連寫食評的個人興趣都需束之內閣。就連選擇食肆都要主打快靚正。當然這裡連落單動手埋單的飯後甜點前後不需三分鐘，預算範圍之內。公和的豆品不能算是豆香四溢，比起先前大澳車站豆腐花是有所不及，但起碼這裡品質穩定，這種天寒地凍的日子，簡單如一碗豆腐花真的是美味尤然。

媽咪買左一磚豆腐返屋企，勁開心呀！唔洗食cheap cheap豆腐和百x豆腐啦！yeah~~勁勁勁勁勁好味呀！！滑到不得了，又有好香好香既豆味，唔捨得食晒呀！如果公和摺就慘喇....

男友仔介紹呢間d 豆腐好得,就得會一會佢! 兩個人叫左一凍一熱豆腐花($6一碗),同埋一碟煎壤豆腐($8),真係好好味呀!!!!!!!!!!!!!豆腐花真係異常0既滑,其實佢本身已經落左糖水ga la,食到佢好香0既豆味,另外個煎壤豆腐又係好味到不得了!底同面都煎得好香脆,但中間d豆腐就好滑,yummy!一定番黎再食ga!!

食完維記,順便去埋公和食d野...因為食左野,所以淨係叫碗凍豆腐花...碗上印有'公和荳品廠',豆腐花香滑,豆味重...可惜自己過於失策,落得太多糖,搞到甜味有d蓋過左豆味...見到好多人食豆腐花都唔落糖,咁就可以食到豆腐花的真正味道,唔會被蓋過了...都見到好多人食雙併,煎豆腐,飲豆漿,下次試下...

被黃金的羊群趕了出街, 口渴到暈, 行行下搵到此豆品, 門口的煎豆腐又煞是吸引, 於是坐低叫左煎釀豆腐豆卜雙拼及豆漿一杯。豆腐豆味好夠, 亦好夠滑, 最正是上面的鯪魚肉, 加入果皮, 令到不喜歡此物的我都覺得好好食; 豆卜索左鹵水汁, 加埋鯪魚肉, 香濃又惹味。豆漿不太甜, 穩陣的好吃。只需十多元, 多到食唔完, 仲可以留返幾件分俾呀羊生, 我覺得好抵食。行開必試。

o黎深水步，除差不多每次吃米線之外，亦會諗起呢度豆槳好好飲，大大杯，雖然價錢比一般貴，但用料足。次次都覺唔夠喉。豆花亦好好味。出名的還有煎釀豆腐，好多人叫。