公和荳品廠

营业中

休息中

是日徒經深水埗,上openrice 見好評咁多,當然要去試下虛實la.....響唔識路下兜左好大個圈....其實係B出口直行就係....去到間鋪好多人....姐姐問我地坐唔坐巷仔....咁唔洗等,就當然坐la不過就睇唔到鋪內裝修點...有d可惜...一坐低,姐姐就問我地食咩...好彩有做功課0者:叫左個雙拼 + 凍熱豆腐花雙拼 (煎釀豆腐+炸豆卜)$10 : 煎釀豆腐:好實(任我+my fd 點篤都唔爛),好重豆腐味,面一層煎到金黃色,咬落有一層薄薄ge魚肉.... 多左口感之餘但又唔會搶左豆腐味.... 炸豆卜: 比較響煎釀豆腐,一咬落有層油....唔算香口,但入面就full of 豆腐....好滿足～＞ｖ＜～　 平時街邊樓下 個ｄ....一切開...空心ga ....埋甜酸醬可以消除油膩感,咁就剛剛好 豆腐花 (熱) $7: 好重豆味,我叫左個熱ge,朋友叫左個凍ge....我個熱ge 就暖笠笠....0岩入口... 入口好滑,落少少黃糖就p

今日去左深水埗買野 唸住老字號 公和! 事不而遲 即刻衝去公和 食我久違了既煎釀豆腐,豆卜啦當然!!最鐘意呢d舊式食店 好懷舊 feel ~ 不過真係係時候裝修一下啦 因為好多野都太舊.....生秀了最鐘意睇呀大叔係度炸d豆腐~ 勁有干勁!!坐底就即刻叫個煎釀豆腐,豆卜啦~加小小豉油 正!! 食完繼續買野~

很久沒有試過古老店, 人越老越懷念「舊屎」古老店代表着前人的經驗而後人的榜樣很感性地說了一番偉論, 但其實我從未到過這店, 是今晚才第一次到過這店(其他分店當然試過)。 這店給我的第一印象是, 嘩! 好大陣"up"味！ 豆花有豆味但不滑, 炸豆卜外脆內滑嘟嘟(希望不是未煮熟), 煎豆腐的魚肉料,有很重果皮味, cover了豆腐的淡味。人流旺, 堂食外賣也很多人, $7豆花,$4豆漿,$10豆卜煎豆腐雙併, 可能就是這個原因罷！

是日因事和少奶到深水埗。吃過午飯後行過這名店，就試一試啦。由於店內爆滿，店內大叔就建議我們坐到後巷。兩個人，叫了一碗凍豆花、一杯凍豆漿和一碟雙拼(釀豆卜和釀豆腐)。豆花很滑，豆漿也不太甜，兩者也很有豆香，相當不錯。雙拼真係好食得不得了，炸得又內嫩外脆，熱辣辣，又不覺太油膩，加點辣醬，如果唔係之前食左飯，肯定會encore。大叔的招呼相當不錯，雖然忙得踢晒腳，但仍好聲好氣。但後巷環境真係幾嚇人，座位旁的牆實在很污糟，還有點點臭味，摺枱也有點霉霉爛爛，難怪沒有人肯坐吧。如果店內不是滿坐，還是坐回去好一點。埋單廿幾蚊，抵啦。

經過見到公和有位坐..就入去食D野下暑啦叫佐個凍既豆腐花..$7食落又唔覺有咩特別唔通係熱到傻佐 所以冇感覺?_?但係都覺清甜 滑 係夏天不失為一個好既選擇路過既話都會再去

幾年前食凍豆腐花真係好滑好香,令人印象深刻!但今次去食有d失望,雖豆味濃但入口好鞋!比上次差好遠呢,但我見其他網友話好香滑架bor...唔通我唔好彩?!同埋環境好泣痴痴,感覺好那渣...我接受唔到囉~~~~

見咁多朋友推介呢度d豆腐花好味,決定落大雨都同朋友一齊o黎搵食!地方淺窄,冷氣關閉,檯底有貨頂住,坐得唔太舒服!不過只係食tea,勉強接受啦!我食o左豆腐花,朋友就三樣試齊~豆花,豆漿,雙拼,豆花頗滑,唔太甜,o岩哂我胃口!如果鍾意甜d可以加黃糖,適隨尊便!朋友話豆漿味道可以,雙拼就豆腐好過豆卜!豆卜d料唔係釀入去,外型同口感都唔太好!不過我見碟o野咁多油,真係掂都唔敢掂!豆腐花堂食$7,外賣$10,可能因為堂食份量少d!我都覺得如果堂食個碗大少少會更加好!

以前在附近念中學的關係,所以知道有這好味豆腐店。還曾經在這店內競食比賽呢!年少輕狂的日子雖然過了,但行經這邊還是要來一碗的!凍豆腐花夠凍,也夠滑,剛上來時真的滑不溜手,真捨不得把它弄碎呢!糖水剛剛好,不太甜。再來一杯凍豆漿,喝完就快快讓坐,別阻人家。

一月下旬．晴吃完豬潤米，朋友還問附近有什麼好吃的。日光日白，大排檔未開，吃了湯米，又不想去劉森記吃竹昇麵。又已過了吃蛇的季節，也不會如某人般，冬天過後才拉大隊去吃虫那麼「應時」吧。忽然想起這裡，來吃碗豆花喝杯豆漿，也很有本地特色吧。都說過，有不少的舊式地區街市，也有自己的豆腐店，旺角有人和及廖同合，北角有德興隆，而這裡就有公和。下午二時多，這裡是人多得很，水洩不通。人人都要豆花及豆漿，另外一碟雙併的釀豆腐。豆漿及豆花豆香俱只是淡淡的，雙併的釀豆腐吃起來熱辣辣脆卜卜，非常的香口，煎的炸的，也好吃。埋單每人二十有找，是值得來一試的。多一點相片及足本食評：http://gourmetkc.blogspot.com/2010/04/blog-post_20.html

Date dined: 22nd Jan 2009 (a year ago! - Do not remember too clearly) Food: Pan fried Tofu stuffed with minced meat & tofu fa (tofu pudding) Taste: We ordered a few portions of tofu, o la la - it tasted extremely good. As it was pan fried fresh, it was so hot. But definately so damn tasty. Didnt feel it was oily, but instead felt the tofu was very smooth and with moist. The minced meat (i think it is pork) wasnt salty, didnt over take the taste of the tofu. We couldnt resist how delicious

來到深水埗, 特地一嘗公和荳品廠出品的豆腐花。講真, 開頭真係冇諗過間舖係咁舊, 舊到連冷氣都冇但係見到咁多人黎食, 都知公和荳品廠一定其吸引之處等佐一陣先有位坐, 立即點了馳名的熱豆腐花($7)!!嘩!好大碗!! 而且勁勁勁勁勁勁勁勁勁勁勁勁勁滑, 好有豆味!!!!加少少黃糖....真係好正!!好好味!! (加上本人又特別鍾愛黃糖XDDD)哈~~連南丫島的阿婆豆腐花都比唔上!宜家諗起都想食呀~~~~~~~~~~~

muaythai比賽以落敗結束,但燃起了我的奮鬥心和好勝心完事後和一直反對我的家人走到公和吃豆花環境好糟,昆蟲在豆花間穿插滑滑的地下令人感到點點不安但冷豆花卻冰清玉潔,雪白地躺在碗中和黃糖呷一口,冷凍清涼的黃豆味直直的滑下喉頭明白到做好一件事情的簡單:用心,努力不要緊的,沒有家人的支持you are still the unique one.waiting for my boom boom pow.keep holding on

今日去深水埗經過見到呢間嘢，諗住啲嘢平平地可以試下。同個朋友叫咗個雙拼SHARE，2件煎豆腐加3件釀豆腐卜。豆腐好滑，好有豆味。不過略嫌佢如果4面都煎一煎有層皮會仲好食～豆腐卜真係好好好好好食！夾埋啲唔知係咪鹵水汁嘅嘢，PERFECT！食完返嚟睇OPENRICE先知原來佢有咁多好評～

又同男朋友黎呢度食野啦!!豆腐花+豆漿+雙拼幾乎已經變成每次必到O既食法夏天黎度食番碗凍豆花,飲番杯凍豆漿;1字記之曰;正!凍豆花糖水底好正;又滑又香又有豆味;而豆漿就清潤可口;簡值係夏天恩物!不過不得不提.雙拼中O既豆卜真係好油..但係煎酿豆腐就吾錯啦!!PS;好似又加價了~

因為住附近, 離遠已經有陣香味.經過時總系忍唔住停低買野豆腐花, 1個字, 滑滑但熱食比凍食香豆味多了, 但完全feel唔到有渣.糖水底清甜, 同豆腐花感覺好夾!好有.3.煎釀豆腐, 1個字, 正!d豆腐外脆內軟; 魚味又夠; 汁又多試過拎返到屋企(about 5mins)都仲好好味配少少豉油已經好夠我個人認為;>但始終覺得油比較多.值得推薦.3.