公和荳品廠

营业中

休息中

由6月裝修到年尾，真係大工程。而家裝修完，可以有坐位 不過我都想返屋企慢慢食。買左碗豆腐花外賣，佢個盒係可以循環再用嘅，又可以入microwave,ok啦！所以都可以叫下外賣嘅，唔算好唔環保。 豆漿$15一大支，但都係豆花外賣$12抵D.堂食有細$10。個砂糖比想像少左少少，最多我唔落晒啫，但而家好勉強夠囉！佢嘅滑係保持到嘅 ，豆香亦唔差，比長沙灣個間好似豆味好一DD啦！另外買左甜腐竹，新年可以整齋。佢好在可以放入雪櫃，放成個月都得，豆品都放到咁耐?可能因為甜腐竹本身夠乾身啦！

翻新後，環境闊落左，光猛左好多同行朋友第一次黎食，對佢黎講，全部食物都好新鮮好吸引大豆腐花 ($12)細豆腐花 ($10)黃金魚腐 4 件 ($11)煎釀豆腐 4 件 ($11)香滑腸粉 細份 4 條 ($8)咖哩魚蛋 6 粒 ($6)朋友食第一啖豆腐花已經深深咁愛上左一路食一路話好滑呀好滑呀！仲話下次再去深水埗食我個人比較鍾意魚腐，加入豆腐做，口感無一般魚腐咁粉咁硬煎釀豆腐都係必叫！豆腐味香，而且口感好滑叫腸粉同魚蛋只係為求飽肚😝不過咖哩汁又幾好味，意料之外！

每次走到深水埗，不其然也會步向北河街，就是因為它--公和！從小已喜歡這店的豆腐花、豆漿和煎豆腐，即使移居他區，總懷念這香滑而具地道風味的豆品。縱使這店狹小而又人多，座落街市旁，坐也坐的不舒服，但仍然因為別處難尋如此好的豆品，一切外在因素均可放下😝 尤其客居異地，回港特別前往訪尋這久違的味道！店鋪仍是前面賣豆品，後面製豆腐花、豆漿等。和以前不同的是售賣的東西款式多了不少，再不是以前只有豆腐和豆卜出售！售賣的都是數十年不變的老夥計，從年青做到現在，人店俱老。隔鄰以前是賣菜的，現在也成了公和的一部份，專售炒米粉、麪，蘿蔔糕、腸粉.....等， 豐富了公和的菜單了！於是，除了豆品外，伴隨豆漿，可選擇的多了不少：）這是他們的鎮店之寶，必吃！我喜歡煎的脆，所以每次會叮囑他們煎長些時間。然後，在熱騰騰時加些許豉油，正！嫩滑如絲，來到公和，這絕對是不能錯過的！

翻新之後嘅公和菜式不變，都係主打豆類製品。每次去都會食佢個荳花，另外仲有魚腐都係必點！其實仲有好多小食，不過下午茶關係冇食咁多。整體黎講都係平民風味，平平地又一餐去唔錯！

呢間公和已經有好多年嘅歷史，平時呢經過呢都會飲下佢嘅豆漿，食下個豆腐花同埋呢我就鍾意食佢個炸琵琶豆腐！不過因為我有個朋友就好鐘意食佢個炸豆卜，今日六七點經過見到$12大減價喎！咪買一盒返屋企做晚餐囉😅的確唔錯喎！$12醫飽個肚，平過早餐！抵食！

經過深水埗，咁就梗係要經過細細過就聽過的豆腐鋪就係北河街的公和堂門面以為剩係賣餸？如果唔知到入面有野食就錯過哂啦！雖然入面坐得好迫環境又唔算特別乾淨但係都值得入去食下的！入面有好滑的豆腐花仲有好多即煮的豆製產品好重豆香係我食過最重豆味的豆腐！餐牌仲有多國語言添入有食品的價錢都係大眾化黃糖同醬料都係任加！如果中意食醬的人就有福了所以難怪都係市內受歡迎的餐廳之一店內好多人都係速食為主如果想慢慢享受豆香的話咁就請外賣自取啦哈哈

星期日訓醒就行下深水埗，忽然想食豆腐花，跟朋友由鴨寮街行過去，去到果然多人，幾經辛苦有位了，由於食左早餐，只叫左兩碗豆腐花加一杯豆漿，豆腐幾滑幾軟，可以下次再食過。。。

每次來深水埗必定會去公和幫“親”，皆因它的豆製品豆味香濃，價格相宜。雖然近年百物騰貴，但公和都沒有加價，食物亦沒因為成本控制而細份了，水準一直保持得好。公和豆腐花一如即既往豆味濃稠及滑溜，而且只賣$7，所以縱使今晚我8點多才到，仍有大量街坊捧場。另外，點了釀豆腐($14/5件)，食釀豆腐比豆腐花更能品嘗得出香濃豆味，煮此釀豆腐時，店員完全沒有加調味料，更能突顯豆味。難怪此店一直深受街坊歡迎。

今朝返工行去深水埗港鐵站途中,見到原來公和已經裝修完,好似靚仔左咁喎~~由於趕時間既係,唯有買碗豆腐花外賣啦~~點知原來加左價喎~~~之前賣10蚊1碗,點知而家要12蚊1碗喎,因為裝修仲加左價添比起其他賣豆腐花既店舖黎講真係比較貴~~味道方面,豆味同以前一樣好重黃豆既香味,好香滑貴左但品質仍然保持到,值得再食~~

突然好想食D野 咁就搵左間小食店黎食 因為唔想食太飽 岩岩先食完LUNCH 冇幾耐又到DINNER 咁就食小小野先啦 叫左個煎壤三寶 要左魚蛋茄子同埋辣椒 都正常既魚肉有口感 叫左荳花同荳漿 都有豆味偏濃架都

深水埗行完黃金商場，揾地方抖一抖食少少嘢，今次揀左好耐冇去嘅公和荳品，去到已經好多人，不過好快就有位坐，坐低即刻叫碗豆腐花同埋一碟六件嘅煎壤三寶，埋單只係$25，依然好平，不過就發覺個熱豆腐花唔係好香黃豆味（裝修前係好香黃豆味又熱又好好味㗎)，煎壤三寶雖然啱啱煎完攞出嚟，但係只是暖暖哋，真係有啲失望。雖然現場小食有失水準，佢嘅樽裝辣掓腐乳依然是我的首選，買左一樽番屋企，哈哈，味道還是恰到好處，值得向大家推薦一下呢！

好難得過到嚟深水埗，忽然口痕，想回憶下啲好味嘅嘢食，單拖嚟咗公和。回憶係一種味道，如果味道仍在，可以大大加分。價錢仍然係開心嘅，仍然係平價。仍然係好多嘢買，我見都多人買嘢。店裡企理咗好多，啲食物同賣嘅產品都擺得好好。店內都好光猛，呢個tea time鐘數仲係好多人，好熱鬧。回憶係一種味道，以前好鍾意食佢嘅荳花同荳漿，好好味，會成日專登嚟食。不過今次要失望了，叫咗荳花同荳漿，期待好耐個下濃到爆嘅豆味。。今次失望了。。。

最近好想食豆腐花，想食石磨豆腐花傳說中的濃郁黃豆味呢間真係好出名，好多人，黃昏去好彩有位點了(細)熱豆腐花暖暖的豆腐花，冬天吃最適合有一大瓶黃糖，可以隨意加黃糖唔加都相當好味，每一口都是濃濃的豆香味真係好正微甜的糖水是很好的配搭，不會搶去豆味其實我覺得加黃糖反而破壞了豆味和口感北角馬X道都有一間(X興X)有石磨新鮮豆腐花，豆味都幾濃郁，公和更濃郁兩間的熱豆腐花都很嫰滑吃真正好味的豆腐花應該去這類鋪頭，百X豆腐花完全不是那回事

我認為呢間係香港人必食嘅老字號，呢度擁有多年嘅歷史。裝修都係有古老嘅風味，大大個招牌，簡直歷史文物。嘢食價錢全部親民價，$11一碟豆腐，超好味，咁嘅價錢係香港已經無架啦，在此希望呢間店永遠都會係度。長做長有！

百年荳品廠，屹立深水埗57年～看報道得知歷史悠久的深水埗公和荳品廠，早前因被食客投訴借廁被拒，衍生出食環發現牌照問題，小店之後屢被檢控。六月關店，十月重開，新裝修後第一次去，豆品味道依舊濃香、荳腐花一樣的嫩滑，炸魚腐、炸豆卜、煎豆腐等小食，依舊新鮮香口好吃。所有食品的價錢，都在裝修重開後調高了。裝修後的公和，環境乾淨光線充足，感覺更光鮮。雖然他們的裝修已盡量保留舊日風格，但是感覺總好像是「裝扮」出來的，那種舊日人情味、老香港情懷和舊式小店無花巧的感覺，現在都欠奉。幸好食品質素保持著，仍可繼續以實力取勝！慶幸的是舊日多次「幫襯」時，拍了不少店內照片，好讓舊事舊物永留倩影！