八王子拉麵館 (已搬遷) 新店位置

朋友要食日本麵, 我去過個間搬左, 變左權之助, 因為之前食過中環店......唔好攪我諗起有呢間八王子, 好似話係日本人開既, 試下啦~叫左叉燒麵, 點知........個麵一到,見到都知出事, 煙都唔煙下, 食左幾啖水煮麵, 係! 係水煮麵!湯=水, 淡到............唔熱係大忌, 真係好似放左係度好耐先比你咁, 微暖>.< 叉燒超肥, 可以話無肉食, 得肥糕!勁難食!唔明白, 個日本人係米剩係比錢開, 自己無食過D麵呢?

the cha siu is very fat, the soup is too dull, hard to make me go again.....even they gift me a coupon of a free 'egg' snack....little disappointed

放工約左朋友係佐敦等,再打算決定去食咩!行行下見到有間拉麵店,就同朋友入去試吓啦!鋪頭細細都幾乾正,不過人唔多得三臺客我和朋友點左兩個麵兩個小食+甜品八王子拉麵 有4塊燒叉燒同好多配料(芽菜.海草.京蔥.洋蔥)仲有半邊蛋配牛骨湯叉燒燒得好香唔太肥...唔錯溏心蛋滷得剛剛好唔太咸我好鍾意湯底比較淡,但係都食到牛骨湯味牛舌鍋麵有4塊牛舌同配料,一樣有半邊蛋牛舌唔太(鬚)加左啲黑椒好野味蕃茄沙律配搭既醬汁好好味好開胃吉列廣島蠔炸得好趣仲有好多汁係入面...GOOD最後叫左兩杯雪糕,櫻花同綠茶味.雪糕好香奶味但無蓋左原本既味道櫻花有啲像雲哩拿但有淡淡既甜味,綠茶就好濃...我朋友好鍾意落菜時係個日本師傅嚟架,佢仲用日文講個菜名(雖然我唔識聽)侍應服務OK,都有不停幫我哋加茶仲問下我哋鍾唔鍾食佢哋既野

果日係電視度見到介紹呢間拉麵館話點正點正,咁好期待第二日即刻走去試下!......唉!點知超激氣!叫左佢地個招牌拉麵一試,據知湯底係用牛骨餚制而成,電視話好正,點知一試下火到黎,D湯又淡又有一陣腥味!即刻想嘔...碗麵鬼死咁多蔥攪到臭哂, 湯又唔夠熱所以特別腥!咁想叫d侍應過黎換,叫極都無反應淨係慣住傾計,要我走埋去叫佢!咁都算啦,仲唔肯換比我話係咁架喎!!想食碗麵都攪到咁勞氣,仲咁貴,真係唔底!!!我以後都唔會再信電視推介既食店!!!

呢間拉麵店,無論面,湯都好唔得LOR,好失望...招牌八王子拉麵,好臭,有d似跌打藥湯味,想嘔,食左2啖就掉低,仲有湯一d都唔熱,d味怪怪地,因為有好多蔥,所以好重既臭青味!依D咁差質數嘅款式,竟然係招牌拉麵,真係差到無可再差!仲有D侍應掛住傾計,叫極唔應,總括來講服務好差,價錢又貴LOR,一定唔會再幫襯!

見有幾多個笑, 經過就係試下. 入到去發現裏面有好多邱敏君的畫(應該是複製的). 裝修都可以. 拉麵選擇唔多, 都係叫八王子拉麵.拉麵唔係特別好. 湯底較淡, 要落檯的抄蒜頭調味. 但湯底好在比起其他日式拉麵店少油. 蛋有少少過火, 但都可以. 叉燒就唔得了, 鞋同韌. 服務就好好, 亦有誠意. 總結: 碗麵唔係特別正. 普普通通. 反而好在服務.

下午茶..35$ 中型size麵一碗..選左 麻香個隻肉拉麵..服務係幾好..麵就中度水準..肉就兩片..唔多識欣賞..湯底都只屬一般.係多用左d蔥..令湯底充滿此味....咁就35$了..當然係送埋一碟炸物..要左兩件仔魚柳..幾好食..可以點下芥末..仲要寫話送杯xx麥茶..見佢無拎黎..似乎坐低個杯茶巳經當係= =...一額汗真係..環境同碗野賣相係ok既..

原本想吃粗菜館的,奈何要等,在佐敦覓食下,突然想起這裡,來到不需等位即可入座,便決定一試.八王子拉麵是這裡的招牌湯麵,湯底是用牛骨熬成的,坊間較少見,湯汁很清徹,完全沒有油光滿面的,清淡的味道令湯麵不會太膩滯..麵身淋了一點,少了勁度似的,燒豚肉極香口,吃時飄來極重的燒烤味,薄薄的,沒什麼肥肉之下也不會太硬.溏心蛋更是超讚的,黃澄澄的蛋黃呈半流質狀,極愛這種白烚蛋的我,簡直如獲至寶呢!特濃粟米拉麵友人叫的,來到時我倆已嘩然了,粟米的份量很多耶,最意想不到的莫過於湯底竟然選用了特濃粟米湯作為湯汁,湯底加了少許牛油提味,有牛油香但又不膩滯,是粟米迷試吃的首選.燒芝士年糕外皮薄得來又脆口,熱哄哄的年糕極軟糯,年糕內的芝士是半流心,在吃第二件時,食物已變了半暖,但凍了吃也不會一口油,芝士的香味比熱時更彰顯,芝士狂人如我者,吃了兩口已大呼 おいしい !!!

上網看到八王子，見評價幾好，就同女友過來吃。晚上七點幾過到來，無需等位就可以入，地 方 細 細 ，但 環 境 相 當 簡 潔 ，都 坐 得 幾 舒 服，八王子拉麵（招牌麵）…叉燒夠軟夠諗，但肉味不夠，湯底鮮甜，拉麵不夠爽口彈牙，但質素都係好，有半隻溏心旦，好靚，一流的蛋蛋。牛舌鍋拉麵…牛舌好正，牛味好出，有個問題出現了，點解要用平鍋？唔用番碗尼！我飲湯不便，「筆」湯都難。我見到有鬥快食比賽，限時五分鐘…食哂一大碗，我自問都食得，但要咁快食一碗麵，真係折磨，我令願慢慢享受。埋單97元

第一次食呢間拉麵店,好唔得,好失望...order左2個拉麵,一來到就....嚇親..........湯一d都唔熱,warm都唔算,所以d京蔥浸極都唔熟,好重既臭青味..................................招牌八王子拉麵......好重既五香味,有d似中藥湯...食左2啖就想放棄唔要..紫菜拉麵,豬骨湯底都ok既,但d紫菜無香味...叉燒一塊勁肥,只有肥膏,一塊勁瘦,咬到起渣..不過d麵都ok既,軟硬適中..可惜總括來講,一定唔會再幫襯 ......................

今日揸車經過佐敦,餓餓地搵D嘢食,見白加士街有位泊車,就放底架車搵食.泊正係拉麵館外,見企企理理一於幫襯吓.入面環境幾好不過迫D,同埋唔係好多人,心想食物一定不會太好,拿拿林食完走.叫了個八王子拉麵同燒鰻魚.八王子拉麵-湯底給我驚喜,有別以往的湯好好味,原來係牛骨湯(我食完自知,好彩我食牛),而且最正係叉燒同個半隻蛋,叉燒肥瘦均勻唔似食開D肥到死,個隻蛋先正,賣相流緊油食落好香鹵水同蛋味,好食過上海薰蛋.燒鰻魚-幾抵食40多蚊大大條,味道日本燒鰻魚最重要係過醬汁,除咗抵食冇咩特別.估唔到被我撞到一間咁正既拉麵館.努力最後見議個老闆,係餐牌大大隻字標明,邊D拉麵係牛骨湯,因香港有好多人唔食牛.

前兩晚師傅心情爛透, 悶悶不樂, 總言之就係提不起勁; 加上又未食飯, 鬼咁肚餓, 忟忟憎憎咁, 於是就決定要對自己好少少, 所以諗都唔諗就揀左子八王子為晚餐嘅地方! 其實呢個幾月師傅都會左八王子好幾次, 每次都係帶d外國黎嘅親友黎食一餐, 順便滿足下自己; 結果係每次都十分滿意; 加上師傅早一排見識完山頭火後, 就更加令人懷念八王子! 一個人去到, 十點幾都冇咩人, 大把位, 侍應安排入座後, 師傅就第一時間睇下有咩想食先, 坦白講嗰一刻真係樣樣都想食, 但師傅始終最想食d辣辣地嘅野食, 而元祖激辣拉麵師傅差不多次次都試, 所以今次就改一改, 揀左胡椒風味拉麵, 再加多一客師傅至愛嘅吉列廣島蠔! 等左一陣, 胡椒風味拉麵率先登場, 先試下個湯底, 湯底淡口但胡椒芳香但唔濃, 而辣味就啱啱落到喉嚨先慢慢興出黎, 對於師傅黎講還是激辣湯底惹味d; 至於碗內嘅叉燒, 半肥瘦啱啱好, 肉質鬆身, 加上都幾大塊, 真係非常之正; 半隻糖心蛋仍然維持高水準, 蛋身軟熟, 蛋黃半溶半漏, 入口鬆軟滑漏, 正呀;芽菜十分爽口, 唔生唔腥; 拉麵亦煙煙韌韌, 彈牙非常, 真係好好味! 至於吉列廣島蠔

在openrice 睇左食評, 見到呢間好多人讚就去試一試佢, 初頭見佢0的麵都唔貴, 都估佢食物應該只係一般, 出奇的”堅”好食wor~1)八王子拉麵($5X) – 係牛骨湯底, 第一次食日式拉麵係用呢個湯底, 個味似清湯, 本人係濃味怪, 呢個湯對我來講就太清了, 不過都好味; 0的叉燒好好食, 一d都唔肥, 佢切哂片後2面都再燒一燒, 好香口, 在日本都無食過拉麵配燒過的叉燒, 好正呀~~ 個糖心蛋唔洗講啦, 好味~ 2)紫菜叉燒拉麵($4X) – 係豬骨湯底, 呢個就0岩哂我口味, 夠哂濃, 唔知有無錯覺好似有味精咁, 好好味~ 0的麵都ok, 唔會好林, 好味的~ 其他同上~3)餃子雞翼($28) – 比想中好食wor, 隻雞翼好juice, 又好多蜜糖包住隻雞翼, 好味道~~ 不過有一隻佢煮過左, 黑哂, wasted....4)濃味粟米湯($11) – 好似在日本飲過的粟米湯, 好濃好正, 叫左2 round tim ar~ 不過佢可以用0的靚0的的碗會更加開心~唯一最唔好的係個餐廳比較細, 0的位比較密, 比較迫, 同埋0的店員的有logo的工衣比較唔靚, 好似好舊咁,

5/3(五) 3pm休假的週五,終可讓身軀得到近八句鐘的深層休息.跑過步,打理過家務後,已是日上三竿.應阿梁的意願,到佐敦的"八王子"下午茶.推門內進,店子屬港式東洋店格局,地方企理.沒下午茶餐,點了午餐兩客:蟹柳拉麵$35及八王子拉麵$35,各跟小食一款.小吃--溏心蛋及章魚燒;色澤暗淡,溏心凝滯了的溏心蛋沒甚看頭,味如長相般俗氣.而章魚燒的真名該為炸章魚丸,一團粉糊進口,緊閉雙眼大抵讓估不到自己在咀嚼什麼!蟹柳拉麵--麵豉湯底,濃稠度尚可.置其中的拉麵,海苔及芽菜可作果腹之用;慶幸雪藏蟹柳沒不該的雪味.八王子拉麵--招牌牛骨湯底,果真原味強,湯頭清!豚肉輕炭燒過,鬆化香軟,跟前者相比,頓時立見高下!服務員有點內歛,態度倒有禮!拉麵餐兩客盛惠七十元正;誠然以廉價作誘的"八王子"!

澳洲返來既好友話八王子既ラーメン同溫泉玉子令佢一試難忘,決意每次返來香港都要盡食~於是我就係佢既帶領下去左食了~我地坐係bar枱,懷疑對住我地整面既師父係老闆,佢一邊整面一邊いらっしゃいませ,都幾日本口音~ 都幾impressive,好似去左日本咁~ 食食下佢仲同我地傾計,話我地知佢地果個大胃王既挑戰~ 唔挑戰都得架~就咁叫來食~ 其實都幾抵食: 2人份量既ラーメン,$88架咋~ 而且菜特別多! 正!~ 師父仲同我地影左即影即有呀~一張佢keep,一張比我地~好開心~講返嘢食,唔係好記得我兩個fren食乜,不過我就係食左八王子ラーメン　　雖說係牛骨湯底,我稔應該係因為我冇飲過牛骨湯係點既,所以都唔知係唔係正宗　　味道的確係比豬骨淡得多,不過就正合好似我咁唔太鐘意濃味嘢既朋友　　清清地,又唔係平常味精ラーメン果d湯底味,ok既! 我會想去食多次,試真d~炭燒牛舌 (share既) 　　好得~ 好淋,而且真係炭爐燒,有炭燒味~好正!溫泉玉子 (share既) 　　個面有"老"水蛋味,入面不論黃同白都係超軟身既!　　係日本都冇食過咁既texture既溫泉玉子!幾特別!好味!~!