八王子居酒屋 (已結業)

兩星期前老友阿黃帶同太太及小朋友遠渡由LA飛來香港旅遊。知道他們喜歡吃日本菜，於是便帶他們來這裏食日本菜。朋友一進入店內，就被裏面的懷舊陳設吸引著。他問我可記得在LA Little Tokyo內的「大黑家」，想來這裏的風格又真的與「大黑家」很似！小朋友不能吃生的東西，於是叫了鰻魚芝士卷($78)和野菜和牛卷($88)給他。之後我哋又點了特上壽司拼盤($268)、燒牛舌x 3($66)、雞肉丸 x 3($64)、露荀豬肉卷 x 3($60)、味噌燒蚝 x 3($75)、燒年糕($48)、炸雞軟骨($45)及海膽炒飯($90)。雖說鰻魚芝士卷和野菜和牛卷兩款卷是為小黃而叫，但係我們幾個大人亦吃到唔停得口。我同阿黄好喜歡野菜牛肉卷的牛肉，既香而又好有牛肉味！黄太就喜歡鰻魚芝士卷，她說鰻魚鮮甜而芝士就夠香滑。特上壽司拼盤，同佢哋一家人連續食咗幾間迴轉壽司，對比之下呢道D壽司的確高幾班，魚生既新鮮，連壽司飯都握得非常好，既唔會一夾即散；又唔會死實實。串燒都做得好好，焦香得嚟又無燒到成夠炭咁！本人尤其喜款燒牛舌；簡直係送啤酒嘅良伴！雞肉丸食得出係自己做而唔係急凍貨，正！燒蚝亦做得比預期中好，雖然唔

25-12-2008上次因為趕時間, 等唔到呢度開門, 今日又拉了朋友出0黎陪我試試. 雖然街口 banner 及店內的 newspaper cutting 全部話呢度日間開 12:00-2:30pm, 但其實佢係開 2:00pm 的, 仲要一開就 serve「下午茶餐」, 日本餐廳0黎講咁0既運作模式都幾少見... 未食 lunch, 結果一人一個「下午茶餐」, 再加幾款 a la carte 0野 share 食:揀了雞扒烏冬 + 餃子的 set ($38)... 雞扒係雪0野, 醃得幾入味, 食落少少韌, 味道甜甜0地, 不過實在太太太唔熱了, 而且就咁食實在幾乾0下, 一定要浸湯; 烏冬就係超市的雪櫃貨色, 口感離奇地似貴刁 (!?!?), 真詭異; 飲一啖清湯底, 先無味後帶點「酸叔」, 難飲; 而炸餃子就好好多, 雖然油到阿媽都唔認得, 但起碼熱辣辣又脆口, 餡料以菜為主, 味道 ok 啦.朋友的係三色魚生飯 + 麵豉湯 set ($55) --「三色」係三文魚, 甜蝦及油甘魚, 仲有一塊白雪雪的日式魚蛋, 下面就配壽司飯... 試了甜蝦, 都幾新鮮, 還 ok 吧; 又

生於七十年代，兒時在三色台湊大之下有430穿梭機，電子神童，黄金戰士，足球小將等等…………每逢在周六日或早晨時段，仲有一套非卡通人物做主角的『日本風情話』專門介紹不同類形的東洋制造產品，食物，文化風情，季節变化等等硬sell日本本土，但輸出口的節目；是令到只得幾歲大的我，已超級的想去日本走幾趟。昨晚，和家人經過亞士厘道的八王子，被門口的粉紅象及舖內的裝修吸引之下，惠顧此店。在個多小時的晚飯裡，『日本風情話』的片段和超級想去日本一趟的欲望，又再從現。小妹、媽螞、老豆、和哥哥四人叫了588的四人套餐。套餐分別有沙律、刺身盛合、牛柳卷、滑蛋豬扒、雜菌凡立貝、炸魷魚鬚、炒飯及雪糕。整體嘅食物係達水準級數，是用心做的出品。加上環境獨特，罷設和播放的音樂又不停地流露著小時侯無限快樂的回憶；這頓鈑在這個經濟低迷時刻給了一個富有心靈食糧我們；窩心的冬至飯。

朋友帶我來這日本餐廳試食。裝修很懷舊，很有舊日本風味。我們叫了八王子西京燒，冷奴，日本年糕，同軟殼蟹手卷！八王子西京燒原來是雞翼來的，內裏有蔬菜，又冇骨，啖啖肉，醬汁又好香，好味！冷奴豆腐，不太滑，但配上sauce都幾match。日本年糕面上有少少肉碎，但只吃年糕是沒有味道的。軟殼蟹手卷普普通通，紫菜都脆.

都係學人上open rice，見有不少positive嘅comments，然後帶女友到八王子呢度試吓！上星期四，晚上七点半左右，無預約之下是有位的。不過就無卡位。 因為女友一心係想食串燒，那晚的order如下：牛舌×2, 好掂，燒得啱啱好仲有水份；鵝肝×1，肥美香濃啖啖肉；不過祗可食九唔九食一次。雞軟骨×1，味道一般。 荔枝豬肉卷×2，perfect match之餘感覺新鮮！ 女友食完熟嘢見到隔離檯食寿司又話心思思，又話仲未夠喉，最後都係叫多個上寿司併盤。寿司包括：三文魚，油甘魚，甜蝦，鰻魚，劍魚腩，魷魚，蟹籽(軍艦)，三文魚籽(軍艦)等。 出奇地，佢哋做嘅寿司仲得。 寿司種類啱食而寿司飯『鏈』得唔散。 寿司大小適中，而件件魚都好鮮好甜，真係估佢唔到！ 兩人埋數四佰左右。 女友亦很滿足，食物，環境，服務都above average，可能聖誕假期會再嚟幫襯！

13/12 係我同女朋友拍拖3週年, 揀左食八王子我下午先訂左19:15, 不過我地19:00先在九龍塘出發, 打電話去話19:30先去到, 佢話OK不過一分鐘後又打比我, 話因為遲到, 所以張檯先比左人, 咁你就唔好先認承人啦...雖然都係一入到去就有位, 不過比我同女友ge first impression 係一般...好啦, 講食物, 我地叫左...酒盜芝士: 好多芝士, 鹹左D, 仲有拌紅色ge "sea breams"立魚, 都幾得意和牛泡菜卷: 和牛唔夠香, 因為我食第一件時, feel唔到件和牛去左邊, 得泡菜味, 不過細心D 就會食到, 都OK ge...牛舌串: 一般, 有根...炸蠔: 都幾大隻, 不過好似貴左D...自家制漢堡: 呢個我覺得最好, 件漢堡有 2cm 厚, 個汁甜甜地牛肉手打烏冬: 烏冬都好滑, 係我鍾意o個D, 牛肉都幾有味~不過中間有幾次都黎左野, 因為佢同隔離檯調亂左環境都OK ge, 不過又係有waiter 跌野, "呯"一聲, 嚇親人...

公司拍檔之友人乃此店老細之一，既為比面「同行」，又云此店最近人氣急升，因此星期一晚之飯局決定惠顧此店。同行有兩位內地客人，杯中物就在所難免！在下與拍檔曾於銅鑼灣某居酒屋嚐過『富乃宝山』燒酎，當時盛惠$580大洋！但此店只收$350，抵飲非常，所以二話不說點了一支！我倆同覺某些店之「食水」深得可怕！經店長推介下，先來個鮟康魚肝、味噌蟹羔，鰹魚沙律及金目鯛刺身來送酒。本人一向將鮟康魚肝喻作「深海鵝肝」的味道，此店的魚肝當然不能與高檔料理店相提並論，但與其他居酒屋相比，水準已算高班！拍檔試了一口味噌蟹羔，認為口味較為單調，此君一向多鬼主意，見餐牌有一味菜式是用法包為食材；於是即問店員來多幾片法包(盛惠十個大洋)，大夥兒一起來過DIY，將蟹羔塗在法包上同吃，果然，鹹鮮香脆共冶一爐，層次感立即豐富起來！大夥兒大呼「過癮」！嚐過兩款「珍味」，又試試鰹魚沙律，此菜不列與餐牌上，乃店長口述之是晚推介。是經侍應介紹下其中一款的時令刺身，鰹魚一向不是香港人的「那杯茶」，但在下經日本友人介紹下嚐過，當時一吃立時愛上。嫩紅色的鰹魚剌身；伴以蘿蔔絲、紫蘇絲再佐以油醋芝蔴汁。起初還擔心諸位不大接受此款魚鮮，難得諸

與大家姐一行四人Lunch嚟呢到食飯，之前有一輪無幫襯，原來佢哋轉咗新Lunch餐牌，款式增加咗唔少！我哋叫咗四個Set一齊Share嚟食，侍應妹妹話每個餐仲可以叫一款特惠小食，於是我哋就每樣叫咗款試吓！泡菜炒豚肉定食：一向都覺得呢到D炒嘢幾好，大家姐話好少日本餐廳好似呢度D炒嘢有鑊氣(咁一定比唔上大排檔D鑊氣啦)，上次去隔離間日本嘢食就係好似D嘢格硬「out」熟咁！呢個泡菜好野味，不過好快比大家姐KO咗！牛肉野菜鍋：D天口都仲涼涼哋，整個鍋物食咗暖粒粒番去Office確係好主意！D湯汁甜甜哋用嚟撈飯都好得！份量就OK啦，不過如果加D豆腐落去就仲好！三文魚丼：正！終於都聽我哋意見加多咗呢款飯！其實佢哋應該叫做三文魚魚籽飯，我知D魚籽係貴嘢，但係唔係咁受得D味！終於益哂K后同事，佢仲話換哂做魚籽都仲得。鐵火丼：呢個喺Doraya食過，一試過就超愛上嚟種魚生飯！呢度D質素拍得住Doraya，八一八咗侍應，原來用咗同一供應商，收到！以後都唔駛Lunch去到去金馬倫道咁遠！小食(三文魚刺身、蟹籽沙律、炸餃子、炸雞軟骨) ：三文魚無偷功減料，夠厚又夠新鮮！沙律同雞軟骨都好正，炸餃子就一致認為唔啱

日期: 19-11-08是次飯局是由朱老闆負責, 所以沒有上OR搵料!原以為八王子會是豪裝既格局, 誰不知門口已放了一大只玩偶, 內裡亦已日本傳統玩具及舊電影海報配以簡單鐵皮為主既格局, 非常新鮮亦給人一種親切舒適既感覺!由於朱老闆做晒公課, 就由她發板酒盜芝士 - 無記錯的話醬是由"魚立"魚造成. 該醬味道配上芝士十分特別, 加上"魚立"魚既爽口, 極為美味.八王子霜燒牛肉 - 一道冷盤, 將燒好既牛肉, 切片冷凍, 吃既時候配上蔥花, 洋蔥, 醬汁 牛肉切得較薄, 牛味不濃,亦不太腍, 只屬可以一試燒牡蠣 - 即燒蠔也, 要了豆豉汁, 豆豉汁味較濃蓋過了蠔味, 是次初嘗這配搭, 亦感新鮮滿意八王子京燒 - 其實是在雞亦內讓入蔬菜, 看以特別, 但吃既時候無什驚喜燒牛舌 - 一般盬燒做法, 燒得不俗, 厚度適中, 另人回味壽司,刺身 - 要了海膽, 左口魚, 油甘魚, 帶子, 甜蝦刺身, 壽司做工雖然不大出色, 但用料卻 非常新鮮, 印象深刻

10.12.補記與友人拜訪Coco前的打底一餐。星期日我放得較遲，抵達尖咀已經兩點，第一件事就是去醫肚! 　去了亞士厘道的八王子料理店，經查問與佐敦的八王子(牛骨湯)拉麵店無關，驚喜是環境幾別緻，甚有日本風味。　再次拉麵癮起，叫了一份叉燒拉麵茶餐。始終不是拉麵專門店，湯底欠鮮味水準較弱；可取是麵條軟硬適中又夠滑溜，而且肥瘦均勻的叉燒既厚肉又鬆化。很大的一碗麵，最後都給我清了八成。　炸餃子則很一般，皮厚而油膩，餃子，還是煎的好。　餐後再來一杯咖啡，口味微酸但都算香，令此餐飽上加飽。　這頓不算很正統的拉麵餐，卻給我很日本的感受，最讚一定是環境。接著還有多篇拉麵報導!

十一月九日﹙日﹚路經食街亞士厘道正值下午茶時間，被這裏充滿日式風味的外裝吸引。看看門外的餐牌，下午茶餐的價位不算太貴，試一試也無妨。店內環境挺特別，充滿日本風味，店內擺放了不少昭和年代的日式飾物，有電影海報，舊玩具等等。先不說食物，已被這特別的內裝所吸引。食物方面，下午茶套餐普遍只是四十至六十元左右，有魚生飯，壽司，咖喱，拉麵等選擇。不想吃拉麵，咖喱……等，隨便要了個四十五元的三色魚生飯套餐，有湯有茶。這價錢的貨色不會抱太大期望，三色包括三文魚，鱆紅，甜蝦。甜蝦最好，蠻新鮮清甜，不過只得一只，想回味多一會也不行。鱆紅也不錯，厚切兩片，雖不是甚麼上等貨，但下午茶來說也滿足。整體而言店內環境特別，值得欣賞，特別請侍者拿來主餐牌看看，價位不算太高，平民化居酒屋的價錢，下班來吃個串燒喝兩杯鬆一鬆也是個不錯的地方，看過之前的評語不錯，下次可以再來試試午餐 / 晚餐。

Last Saturday, I, together with some friends of mine, had dinner at Hachiouji. The interior design and decoration were really impressive and made us feel like we were in Japan. We ordered toro sashimi, sashimi, salmon skin roll, wagyu beef and kimchi roll, Japanese tomato salad, green salad, grilled chicken wings, grilled pork and lychees, grilled rice balls, fried rice with uni, etc. Quality was well above average. Most importantly, the taste and ingredients were traditional Japanese style (no

星期四晚先生到尖沙咀接我放工，先生嚟接我之前於Openrice揾食Dinner嘅地方，佢話查咗尖沙咀一帶，見間八王子呢輪D評價唔差，不如去試吓佢哋。我哋行完街街去到都成9:00，諗住實有位啦。點知去到都要等十幾分鐘，不過佢哋最終都安排咗個幾舒服嘅卡位比我哋！先生話做咗功課知道要叫D乜，以下全部由佢發版：*梅酒及Asahi生啤一杯*酒盜芝士：好掂！兩者分開就唔喺咁特別，一旦放在一起即有意想不到的效果！鹹鹹地＋Creamy真係配搭一絕！不過唔係咁多人喜歡，先生就話好怕D腥味。*魷魚鹽辛：雖然我都覺得OK，但係賣相無乜特別，而且比酒盜芝士比下去…*雜錦漬物：我當佢係餐前開胃菜，呢碟拼盤裏面我特別鍾意椎山漬、蒜頭漬同蘿蔔漬。特別係嗰個粉紅色的蘿蔔漬，既爽口又清甜！*池魚刺身：先生話睇見之前有人讚呢味刺身，即本叫嚟試吓，可能嗰晚Full House啦。等咗都幾耐至到！呢D白身魚望落好似好腥，點知食落好鮮甜而魚肉本身亦都好彈牙！食完仲可以叫佢炸係魚尾，又多味送酒佳品！不過再要講多次，呢味嘢等咗好耐！*油甘魚刺身 + 海膽刺身：個海膽刺身係佢哋推介嘅，佢哋話每個星期都會有D平價推介，海膽是一小板的，

好耐無去亞士厘道食晚飯，差唔多8:00PM條街都唔係太多人，我睇係同個海嘯影響有關。同朋友行咗一個圈又睇過open rice都見有D人讚吓呢間八王子，見佢地嘅$298二人set又幾啱食咁，決定一試呢間居酒屋。帶位嘅男仔其實都有禮貌但我哋要求坐卡位時就被拒絕。理由係淨番嗰兩張卡位都係booked咗。嗰刻有D唔開心仲要之後過咗好耐先見嗰兩張檯有人客座！！講番我哋嘅set嘢有:蟹子沙律-我哋都覺得蟹子唔少菜都幾新鮮。 迷理刺身盛合-款款魚都幾鮮味，尤其我最爰的三文 魚！不過款款比多一兩切就仲好有D唔夠喉！ 牛油果軟殼蟹卷-都唔錯。不過燒帆立貝同炸魷魚鬚就普通咗D，冇乜特別！最後嘅鰻魚炒飯就要加番分，碟炒飯炒得好香口時亦都食到D鰻魚一D都唔腥！好食!  之後再食埋紅豆雪糕都飽晒嘞！Overall成餐飯都食得幾開心，呢度環境加氣氛都不俗，下次我都會試吓booked檯食晚飯，睇吓佢會唔會比卡位我先

還記得第一篇撰文的也是小弟，之後也有與同事到此午膳；與友人或太太到此晚膳。雖然並不是每次都盡興而回，偶而出品水平有點不穩；偶而侍應服務有點閃失。但光顧此店已有一段日子，服務及食物與我而言仍是滿意的。其實內裏的陳設裝修也是其中吸引我之處。星期六與太太到此晚膳，本來只想點幾款酒肴小食及喝點酒。對我而言居酒屋是適合點以上的東西的。不過今次到來店長一再推介當日之「飛機貨」，而太太又說想吃吃刺身壽司，因此今次破例叫了點試一試。是晚點了池魚刺身、特上壽司盛合、燒餃子、酒盜拌芝士、炸日本甘薯片、味噌煮豬腸，另加兩大杯朝日生啤。店長稱此乃(鈎)池魚，是漁民駕船出海以魚桿鈎上，比用魚網一大群捕獲為佳，因不會因魚與魚掙扎碰撞而令魚身有損傷，所以品質絕對是前者好得多…(下删一百字)，畢竟要推介食品，故事典故在所難免！刺身以Tataki形式完成，伴以日本葱、酸蘿蔔蓉及薑蓉。魚肉入口，鮮甜彈牙，油份適中。不過始終不是食家，問我(網)和(鈎)之分野真是考起了，我只懂答新鮮沒魚腥味等云云。特上壽司盛合共用十件手握壽司及三件小卷，以長板盛着的壽司有三文魚、油甘魚、左口魚、帆立貝、赤身、海鰻、牡丹蝦、三文魚籽、海膽及中