八王子居酒屋 (已結業)

知道呢間小店開業大約一個月今日見佢lunch門口唔洗等位就同同事試試！我食天婦羅鸟冬定食，味道好ok ， feel 到係即炸，跟埋啲前菜分量好夠。同事請咗我試她的燒銀雪魚定食都燒得好滑，不錯。我覺得可以值得再來試吓此店嘅魚生寿司。另外一提此店的座位幾舒服，侍應亦好主動加荼及話比我們知lunch 也可以訂位。不過唯一美中不足係我們坐跟門口冷雪唔足夠，已向侍應提出，希望下次再去有改善。埋單知道無加一好一個好的suprised！

6月9日 2個人去左食.坐低叫左幾次先比2杯茶!揭下menu, 款式唔多又唔特別!抱住試一試既心態, 最後點左壽司盛合, 八王子卷, 吞拿魚納豆, 帆立貝刺身, 3款串燒!埋單成 $400! 個人覺得貴囉, 仲係又貴又唔算特別好食果隻!冇下次!!!!!!!!!!!!!!!!p.s. 食緊途中, 仲 2次見到有客人入黎坐低, 睇完menu之後, 又走返出去......

睇咗某周刋介紹，星期一黃雨嗰晚一行六人同朋友慶祝生日去咗呢間日本料理食晚飯。事前我哋無booked檯，因為咁嘅天氣又星期一又怕同麻煩friends到時又改变主意所以都係walked-in 。如我所料間餐廳祗坐咗四乘客，所以一去到己經有得入座。室內擺設如書介紹一樣係得意懷舊feel。加上又播住D我細蚊仔時嘅卡通歌, 有意思。座底第一時間叫咗兩支Sapporo開心吓先 過咗一陣我哋都係掛住吹水未食嘢食，有侍應就主動嚟問我哋洗唔詵叫住D洒肴食住先。經推介後我哋叫咗安康魚肝，螢光魷魚，吞拿魚腩姜花，雜錦醩物，同一大羅串燒食！前頭嗰幾樣都預咗係細細諜，但係又幾好食幾有特色無叫錯。其餘D串燒尤其牛舌，雞皮蝦，同荔枝豬腩最GOOD！另外叫咗周刊介紹嘅雞翼西京燒，和牛卷，芥辣牛柳，同特上寿司併盤都好ok好新鮮！不過都係未夠飽(無錯食曰本嘢就係叫極都未飽)所以finally 都要叫吓海胆炒鸟冬同鰻魚炒飯。前者有D怪怪咁(本人不是海胆人)，都係後者啱口味..........oh飽未，未仲要食ice-cream嘛Overall 我同D friends都食得幾開心嘅一晚SERVICE 都好warm。不過要彈吓

是晚與老公幫襯此店，最主要原因係睇咗雜誌報道，一來自己好鐘意佢哋咁得意既裝修，二來雜誌話佢哋走正宗傳統風格。我同老公一向都唔喜歡嗰DFusion創作料理！訂了7:30PM枱，入到去見到大概坐咗7成人，雖然坐唔到卡位有D失望，好彩D長Sofa位到算舒服。找了位較年長既女侍應落單，叫佢推介一D食物 ... 點了如下食物：上善如水清酒 魷魚明太子池魚王厚切活北寄貝刺身特上寿司盛合串物 (雞皮、牛舌、荔枝豬腩卷、青椒仔)自家製炸魚餅魚生刺身色澤鮮嫩、肉質新鮮，同迴轉嗰D完全唔同！那個女侍應推介串物，話全部由師傳自家穿製，食過後都覺得無介紹錯，尤其牛舌同荔枝豬腩卷非常突出。自家製魚餅的確同雜誌介紹一樣好有魚味！一路食一路聽住D日本歌，又聽到附近幾枱日本人一路飲酒一路好開心傾計。好似去咗日本旅行咁 ... 聽到隔離有枱三個年青人埋單話要三百幾蚊好貴，我哋就覺得D嘢好抵食，比之前去一遊食平好多。P.S.原來個女侍應係店長，佢話日本D居酒屋都係所有人着同一款制服，無分職級。其他侍應有老有嫩，D細路雖然唔係咁識招呼，不過都尚算殷勤。阿店長話下次可以同大班朋友Book下面D個室，仲好熱情帶我哋去參觀，又見

睇完飲食男女介紹, 又有朋友生日, 專誠來試下. 外邊睇以為舖仔細細, 原來係有下層ge,又都幾多日本人幫襯 wor, 未食都估唔會太差.我地一行六人都叫左好多野. 串燒: 係即刻燒, 好香口.燒雞翼, 夠juicy. 燒牛舌, 我唔食, 不過我個friend 話好好味...其他都好好味~~ 壽司卷物: 八王子卷, 推介~~上面的海膽好新鮮. 池魚薄切, 吞拿魚腩絆姜花, 特上壽司拼盤, 甜蝦刺身, 全部都好新鮮~~抄飯,烏東: 份量ok, 個抄飯唔記得叫咩名, 好多薑, 唔係好啱胃口. 侍應招待都幾慇勤~~唔錯唔錯~~會再來~~

Long weekend 同朋友行完街揾地方食晚飯,好想食日本菜 (as usual, haha,)走去亞士厘道,見到間新小店,一時貪新鮮,又見個Menu內D串燒好吸引,(有D惗起南X亭 ( 唔識寫),九龍唔多覺有…???)結果真係入左去食.果然D串燒幾鬼得.另試咗汁燒雞亦同銀雪魚,好好味!D魚生係就新鲜,但確實覺得有D貴…呀,個鹽燒魚頭都唔錯.順帶一提,D裝修幾有taste,有D vintage feel,得意在D玩具裝飾,唔,門口隻橙色公仔好熟口面…

與同事們行去亞士厘道食午餐，見到呢間新開嘅餐廳，企門口位小姐話佢哋現正試業期間，所以只開午市。又說因新餐廳關係，出餐可能會慢一點…見佢咁坦白就試一試佢。我點了一份日替定食，同事們則點了鰻魚定食、壽司定食及叉燒拉麵定食。同事們的食物到先，出餐速度尚可接受。先說鰻魚定食，鰻魚是件頭大的品種，同事話燒得幾香口；而且肉厚唔腥。再說叉燒拉麵，擺相幾精美，同事話個豬骨湯幾甜，喝了幾口都無口喝。再黎壽司定食，有五件壽司加三件加州卷，仲跟一個細烏冬！我望落就覺得三個之中最正就係呢個，壽司握得大細適中，同事話D壽司質素仲好過前幾日食六本木嗰個壽司定食，價錢仲平廿幾蚊！同事們食咗一半才等到我個日替，好彩有心理準備要等，打開有四格，嘩！三文加鱆紅刺身、野菜沙律、主菜生羗牛肉燒及白飯，抵呀！而且又係食落覺得比嗰次去六本木食嗰個日替好食…特別一提，前菜個紅籮蔔炆牛舌我地所有人都覺得炆得好林好入味…唯一要彈就係嗰個着恤衫的侍應 (應該係經理)，木口木面唔夠親切！對於在尖沙咀工作而又食勻尖沙咀D日本嘢既我黎講，呢間都算高質數，我覺得味道仲好過同街的京勢，而且又平過佢地。同事話價錢高咗D，我話唔通去隔離地庫嗰間che