八木橋日式燒肉

营业中

休息中

T.O.P 個商場依家越嚟越多餐廳揀，今次我哋就去咗4樓呢一間燒肉放題八木橋～ 因為朋友見到佢哋FB 做緊優惠，只要like 個page 再like埋pin on top 嗰條短片就可以買一送一！勁抵！星期五原價係$418/位、買一送一兩個人只係$502 ！！(但六點前就要埋單喇) 佢地有四個set可以揀，我地揀左「霞」：揀完之後，第一round 會黎個濕式．熟成M5和牛西冷、Mozzarella芝士雞腿肉、韓風瓷壺醬油牛肋肉、米澤三元豚肉、鮑魚、味醂魚乾、比目魚西京燒，仲有個五色刺身盛合～我最鐘意味醂魚乾，因為好甜，魚乾亦好有咬口～ 之後個鮑魚都好味！食完佢第一round 嘅嘢，就再用電話落單～肉類我地叫左我哋再叫一口牛柳粒，再encore西冷牛扒～～之後海鮮就叫咗青口，生蠔、海蝦、帆立貝花螺等等，好可惜嗰日竟然冇晒蜆～～～至於刺身大家可以自己去前台攞 我地就主力食燒肉海解無咩再叫刺身因為食咗太多肉同海鮮跟住我哋就叫咗round 菜黎清清～ 有牛油金菇，雜菌，中華沙律等等；朋友推薦黑糖薯薯仔之後其實佢哋仲有炸物天婦羅揀，但我覺得太熱氣，所以最後我淨係食左塊蝦多士xDD 最後，就黎到甜

中午去咗一間日本燒肉放題餐廳食午餐，餐廳叫做＂八木橋＂位置於旺角彌敦道，座位都好寬闊可以足夠四個人坐，我哋坐下就先去攞一些罐裝飲料，係任飲的，之後服務員根據我哋的要求，送上好幾樣的燒烤食物，韓式牛肋條係我最喜歡的，經過燒烤口感非常爽脆同埋好入味，驚醃製過的雞和豬，味道剛剛好，不會有過多的纖維，加上少許的醬油，非常之好味，M五黃牛油花非常豐富，跟住有活口鮑魚，經過燒烤，煙煙銀銀的，好有咬口，隨之而來的是海鮮拼盤，有甜蝦，魚生，拖羅，鯛魚，三元豚肉，比目魚，啲海鮮都非常新鮮又沒有腥味，加上Wasabi豉油，滑溜溜的魚生，魚油豐富，另外味淋魚干，經燒烤後，風味突出，而且可以追加其他食物，例如冬菇，秋葵，牛油金菇，南瓜，烏冬，多春魚，都好好味，當然最後就係甜品雪糕，短短90分鐘的放題，飽飽滿滿，滿足口福之欲，滿載而歸。

#旺角 💃母親大人好喜愛吃韓烤, 日是帶太后到旺角 Shopping + 120分鐘燒肉放題😎! 透過 QR Code 落單, 方便又環保! 店家相當貼心, 每枱均貼上燒烤小貼士! 💁‍♀️坐低就先有 : 濕式、熟成M5和牛西冷, 🧀Mozzarella 芝士雞腿肉、🥩韓風瓷壼醬油牛肋肉、🐖米澤三元豚肉、鮑魚、味淋魚干、🐟比目魚西京燒、五色刺身盛合! 一面食一面再透過 QR Code 點菜!🤤點單選擇多, 牛肉佔大部份, 另有🥩羊架、🐥雞、豚、🦐海鮮、熟食、刺身等! 🍣刺身唔會雪到死實, 好鮮甜、爽口、彈牙! 肉類亦唔係未退冰嗰種, 軟嫩新鮮! 我一向喜愛鹽燒, 但原來味噌味亦有驚喜, 羊架亦遠遠超出預期的好! 唔止有雪糕, 仲有雪條食呀...🤤飽到一個點地離開! 😎我事前like佢地social media專頁 & 在短片留言“買一送一”先有買一送一優惠，入座當天要給門口接待店員睇! 比個價格表大家參考一下! 預早三天前訂座送刺身任食（不計算入座當天）😊午市“霞”一送一（必須18：00前離座）💰收費如下：✔成人價錢 (星期一至四):✅1位收費 $398+$39.8=438✅2位收費 $

同朋友仔食燒肉，純粹因為見到午市買一送一，120分鐘！於是試試。“霞”成人價錢 (星期一至四):2位收費 $398+39.8*2=478星期五六日，貴多30元到。隨餐會附送一塊西冷牛扒，比目魚，刺身拼盤，鮑魚，芝士雞肉，牛肋條，牛肋條，魚干。呢個和牛西冷味道唔錯，不過個人技術都好重要，否則好易浪費塊西冷。比目魚勁好食，全冇腥味，甜甜地，肉質好鮮艷，可惜冇得encore！牛肋條比我想像中出色。仲有好多肉類，炸物，刺身，主食甜品食。但其實食完呢d野，已經好飽！

因為我同friend都好鍾意食和牛，見到旺角呢一間放題店。「霞」套餐做緊買一送一優惠😋成人只要半價就可以食到M5和牛，更加可以加錢升級埋食夠120分鐘🥰鍾意食牛肉嘅我哋，點可以錯過？今日中午lunch time約咗，嚟到其實已經好旺場，好在book咗位🤤佢哋嘅M5熟成和牛真係好香，好滋味！牛肉味濃郁，而且好新鮮。加上佢哋放題仲有其他嘅選擇😉有大大隻鮑魚，更加有新鮮，鮮美嘅魚生，同朋友都食到好滿足👍

果日同男朋友一齊放假，就好奢侈咁下午去左旺角呢間燒肉店食燒肉，一到門口佢個招牌已經好吸引，之後入到去，座位非常闊落，再睇吓佢嘅飲品櫃，一般嘅汽水罐裝茶，都應有盡有，跟住我哋選擇左霞既燒肉套餐，呢個套餐佢嘅主菜有熟成M5和牛再加一個刺身拼盤，另外自選放題供應，首先介紹下佢嘅主菜先，燒肉盤方面有呢個熟成m5和牛西冷，呢個和牛西冷肉汁豐富，口感十足，唔會太過煙韌，我最鍾意食嘅豚肉方面，佢係米澤三元豚肉，唔燒以為佢係普通平平無奇嘅普通豬肉，一燒，就聞到濃郁嘅肉香味，再食落口，感受到佢嘅脂肪同肉嘅分布比例啱啱好，入口即溶，最後一個燒肉就係，韓風瓷壺醬油牛肋肉，呢一個牛肋肉我男朋友非常鍾意，因為佢加左醬油，燒起嚟非常香，而且食落去有濃濃嘅醬油味，非常啱鍾意濃味食物嘅佢，不過俾你哋一個溫馨小提示由於牛肋肉比較上厚，剪開去燒，會比較易熟，食完燒肉，梗係燒下海鮮，佢嘅海鮮係包有，鮑魚、味淋魚干、比目魚西京燒，鮑魚好鮮甜，而味淋魚干，燒起上嚟非常香，值得一題係佢嘅比目魚西京燒，估唔到比目魚拎嚟燒係咁好食，俾個提示你地，要燒到有少少燶邊就最好食，佢嘅肉好滑而且一條骨都冇，非常啱我呢啲唔識食魚嘅人，最好食埋佢

喺OpenRice book咗位，今日可以去到呢度食任食嘅放題燒肉好開心！所以下晝嘅時候都唔係食咗好多嘢，留返個肚食燒肉呀嘛😎😘餐廳位置喺旺角B2出口附近嘅TOP商場！上到去就見到，好靚嘅門口招牌，好容易就搵到！而且餐廳環境好舒服，好夠大，感覺到非常乾淨！最重要係冇乜油煙味，最怕食燒肉就係食到全身都係油煙味！！😜放題認識來講，呢度嘅海鮮同埋肉類嘅選擇好多！其中一個最鍾意嘅係呢個鮑魚！超級新鮮同埋好爽口！燒完之後鮑魚都依然保持到非常Juice😋😍刺身都係好新鮮，而且大大件，超有口感，值得推介！！熟食方面都有唔同嘅選擇，我覺得呢度嘅天婦羅好好食，查粉控制啱啱好，而且火候適中！！整體來講都係一間食得好開心而且性價比好高嘅燒肉放題！！

終於都去到放假嘅時候啦，忙碌左成個禮拜，放假嘅時候梗係要好好獎勵吓自己先得喇😆😆😆🤩揀咗喺旺角嘅呢間八木橋，可以放開肚皮，放肆咁大食一餐啦！店員服務態度都幾好，都會好主動咁幫手玩鐵板！而且上食物嘅速度都好快👍🏻👍🏻呢度嘅牛肉好高質，油脂豐富好多，而且肉質好軟嫩！個人非常鍾意呢度嘅牛舌🤩😆至於刺身方面，我都係比較鍾意三文魚同埋帶子，非常鮮甜！而且好新鮮！除咗肉同埋刺身之外，呢度都有唔同種類嘅海鮮可以選擇！對於一個鍾意食海鮮嘅人來講，呢度可以任食海鮮真係好爽！！最後仲有一個生日嘅波波！呢個朱古力波波開咗之後就係朱古力Brownie🤩非常有驚喜！同埋好靚！！

本身都非常鍾意食燒肉，亦都好耐都冇食過燒肉嘅放題！今日朋友介紹去呢間喺旺角嘅八木橋！非常期待！地點好方便，喺旺角地鐵站一出行上商場就見到！而且環境唔錯，都幾乾淨！！有唔同食物種類可以選擇！呢度嘅刺身好好食，而且亦都有唔同嘅熟食可以揀！仲有唔同嘅海鮮同埋燒肉！❤️❤️刺身方面海鮮都好鮮甜！而且燒肉有好多唔同嘅選擇，肉質都唔錯！仲可以加少少海鹽一齊燒，非常夾！而且呢個套餐唔算好貴，如果可以食到呢個質素嘅肉，呢個價錢絕對係物有所值！食完之後仲可以食到唔同嘅雪條同甜品，食完飽飽返屋企滿載而歸！

今日放假同男朋友過咗嚟試一試呢一間新開嘅八木橋， 佢係位於新開嘅商場入邊唔係行街都未必會留意到。呢一間燒肉有一樣幾好就係佢會有埋刺身食刺身嘅質素亦都唔錯，我會推介三文魚同埋牡丹蝦每人有一份鮑魚而佢隔離亦都會好細心教你點樣去整呢一隻鮑魚係最好食😋呢度主打係M5和牛 牛肉嘅油脂非常之豐富肉味都好夠，佢呢度嘅燒肉幾有特色佢會有燒肉配上唔同嘅醬料佢嘅柚子醬有輕微柚子香味你會分辨到😍我覺得值得一題係佢唔止剩係得燒肉而且仲有好多炸物你可以選擇同埋甜品。佢而家嘅價錢來講我覺得好值得試一試而且地方又近地鐵站。

一行八人選了「霞」398$ 放題，頭盤一嚟到嘅牛肉同豬肉，好似喺街市買嘅仲要溶哂雪嘅特價牛肉，而刺身亦都係咁上下，佢呢度唔係主打刺身，呢方面我都唔特別落筆。「霞」呢個餐最大特點係有M5 和牛，我知佢M5唔係A5 而398$ 我都唔會認為佢有A5，塊嘢一嚟到我以為喺樓下百佳/惠康買咗塊40-50$嘅牛扒，咁擺落塊煎啦，亦都無特別驚喜，一如其他嘢食一樣都係擺唔落口，keep到個水準。牛舌第一次嚟嘅時喉size 都算正常，之後再點就已經縮哂水。由於「霞」係食120分鐘嘅（最尾30分鐘截單），當我哋一路食一路鬧嘅時候，我哋想叫啲冷麵啊烏冬啊填飽個肚就算（你無睇錯我亦都無打錯）食麵類啊放題？但發現落唔到單，原來已經截咗單。但事前係無任何職員同我哋講，只係一入嚟帶位嘅時候講一次。咁我哋搵咗個經理問「點解無人過嚟同我哋講last order嘅」，言語之間透露返佢哋唔會做呢樣嘢，我哋就講出面食放題呢類餐廳都會做通知呢個動作，一班人食飯唔通吓吓都要睇幾點last order 咩，況且last order 你唔提我 就夠120分鐘你又識叫我走，remarks: 當日只係得5-6張枱，個場又唔係大仲要唔係爆

同朋友好耐冇見，想食返餐燒肉放題，咁岩見到八木橋燒肉做緊優惠，午市買一送一，套餐野食都好豐富，就決定一齊去試吓！環境都幾寬敞，唔似平時燒肉店咁一枝煙通喺枱上面，原來抽風系統收埋咗喺枱下面，咁少嘅時候就唔使阻住。坐低一陣，店員已經將五色刺身盛合同M5和牛送上，仲好貼心提醒我哋燒部份食物嘅時候要小心啲，除咗套餐指定嘅產品之外，亦都可以用電話落單，選擇亦十分之多，最後叫左一大堆食物😅嗌到成枱都係📷🔸燒鮑魚 — 根據店員指導黎燒，勁彈牙🔸西京比目魚— 醃得啱啱好，醬汁甜甜地，魚肉入口即溶🔸燒雞泡魚乾—燒到勁有平時去居酒屋咁嘅水準，甜甜地好有咬口，街外燒肉個放題比較少見到依樣餸🔸瓷壺醬汁牛肋肉— 呢個牛肋肉呢就比較有驚喜啦， 燒嘅時候慢慢剪成細粒，入口好有牛味，加埋醬汁無搶到牛嘅味，食落有驚喜！🔸M5西冷 — 非常大塊，但都好貼心咁剪咗細細塊，方便燒，入口有油脂亦有咬口，肉味好香濃同朋友最愛嘅燒牛舌，狂encore🔸拉芝黑松露雜菌— 同朋友唔小心將啲芝士落咗雜菌度🤣 無心之失下，發現好夾🔸香草羊架— 大大件抵食🔸燒生蠔 — 麵豉醬配生蠔原來都好夾，冇平時就咁蒜蓉燒咁dry✔️牛肉選項都十分之多，部

同朋友係旺角食飯吾知食乜好見到尼間鋪吾洗等位所以走左入去食點知瀨曬野…我揀左第二貴個個餐 埋單一人都$350頭盤黎個碟咩m5牛排 只係似超市$40-$50一塊既急凍牛排又鞋又冇牛肉味 其他肉類少到一個點 一個牛肉部位用4-5款醬汁去醃就當好多款野比人揀咁啲肉類同漢x個啲差吾多 但人地平佢成舊水熟食又係冇樣得 烏冬諗住叫黎填肚 點知黎到只係一碗噹x牌烏冬用水煮咁 冇味食左一條成碗就擺係度 夾都吾想再夾番薯天婦羅又係難食 又乾又冇味又吾熱Last order仲要勁趕 店員一講完 我個頭即落單都落吾到 睇黎係要睇住個鐘黎叫野食仲要一夠鐘就即刻催你交枱 但明明就冇人等🤷🏻‍♂️咁都吾緊要啦 但食完成餐飯好似冇野到肚咁食燒肉放題食到咁餓我都係第一次下次比多$50去食牛角放題好過🙅🏻

從網絡上得知店舖正在做優惠推廣，午市120分鐘放題買一送一，有四款級別選擇。是次選了第二級的霞餐：熟成M5和牛燒肉放題 – 原價$398，總共有94款食品，無限任食M5和牛，即每人二百多元好划算。頭盤會先來一份刺身盛合、肉類拼盤和熟成M5和牛西冷，所以不用先心急下單，旁邊亦有指示牌教導燒烤不同食材的建議時間。刺身方面，三文魚豐溢的魚油好細嫩；珍寶帶子豐厚的肉身極富彈性，味道鮮味甘甜；赤貝和馬刀貝好爽脆；鯛魚紮實有彈性；希靈魚粒粒黃色的魚籽，鮮甜爽脆；甜蝦甜味好濃醇。主打的熟成M5和牛西冷絕對是回本位置，細嫩的肉質搭配細密的油花，入口細緻香甜多汁，有持久不散的回韻。肉類拼盤方面，比目魚西京燒好鮮甜，特別是西京醬那種咸中帶甜的味道；鮑魚柔嫩細滑，好爽口彈牙；味淋魚干比常吃的魷魚絲更有嚼勁更加鮮美；Mozzarella芝士雞腿肉充滿水牛芝士的拉芝感；韓風瓷壺牛肋肉沿著筋肉部位劃上幾刀後稍作醃漬，好惹味。其他肉類和小食方面，特別喜歡肩脊肉和牛板腱，略帶嚼勁，細嫩多汁；薄切牛舌硬脆有嚼勁；外酥內脆的雞軟骨充滿蒜香；黑椒台灣腸煙韌多汁又紮實；沙嗲燒廣島蠔特別厚肉味濃，口感鮮嫩肥美多汁；還有其他炸類

打工仔積壓咗太多假期， 偶然小週末，平日， 放假出去食放題又唔會太多人。咁啱去到T. O. P 「八木橋」正做優惠， 午市任飲任食套餐買一送一。揀了「霞」這個套餐（$398） 價錢中等， 已包括熟成M5和牛， 包括多達90款以上食品～ 已經好豐富好抵食。飲品櫃有不少選擇，部份來自台灣， 無糖烏龍茶和芭樂汁 最地道，又解膩。先來一set 預設的刺身，三文魚，帶子正常新鮮， 北寄貝有驚喜好甜好彈牙， 都是任點款。赤蝦大隻新鮮，夠晒鮮甜。不久放下一set 烤肉。記得睇番場邊嘅製作指示， 如何烹調和烹調時間～ 唔係就浪費了食材。比目魚西京燒， 好入味， 西京燒醬汁惹味 ，比目魚又夠肥美。鮑魚：記得把肉嘅一邊放在烤爐上，燒7分鐘就夠， 肉質彈牙。醬油牛肋肉： 牛味濃郁， 需用慢火燒， 否則就會好柴。米澤三元豚肉： 以甜甜地嘅醬汁醃製， 肉質夠嫩。味淋魚干 ：必須要趁熱食，凍咗就會硬又唔夠香。Mozzarella 芝士雞腿肉： 助熱那一小盤芝士， 用來蘸雞肉， 就做出韓式芝士雞～ 非常美味！主角：濕式·熟成M5和牛西冷油脂特別豐富， 入口甘香， 肉質軟嫩， 高溫燒過之後逼出油份 肉味會稍濃， 超滿