八木橋日式燒肉

营业中

休息中

同朋友經過此店，見到有燒肉放題買一送一，兩位牛魔王便入去試試。中午2點入座人不太多，本來都擔心食燒肉好太陣味，但冷氣抽風好夠，幾好!!第一件事去拎飲品，好多台式罐裝品飲和汽水供應，雪櫃都好夠凍，正!!頭盤已送上一片厚厚的M5和牛，好有牛味，肉質鮮嫩，好好食，和牛仲可以任叫，好低食啊，最後我們共吃了4大塊，好滿足。醬油牛肋肉也是不錯，雖是醬油但不會好咸。另還附上兩隻鮑魚，燒鮑魚有提示只需燒7分鐘便可，燒完都好鮮嫩好淋，可惜呢個不是任食。仲有燒菇類，燒出來好有咬口，比起打邊爐更能吃到各種菇的味道。特別推介佢的炸物脆薯角和章魚燒，全部都即叫即炸/燒，好新鮮，尤其薯角好少食到即炸，香脆又不油膩，我們一共食叫左3次來吃，真的好好味。刺身就一般，因為我們主要食燒物，所以沒有吃太多。最後本來想試試它的榴槤雪條，但太飽了，想起時已食唔落，好可惜，下次會再黎試試。呢餐真係好好食，大滿足!!

朋友生日，梗係要食餐好嘅慶祝一下啦！請朋友食飯，最開心一定係食燒肉啦🤪可以任食，又可以食到唔同種類嘅嘢，唔使怕有選擇困難症！😆🤣特登book咗枱，去到嘅時候餐廳都好快安排到入座！刺身方面我最鍾意呢度嘅帶子，好友先甜味，而且非常大粒，好有咬口！另外呢度嘅和牛亦都好好食，燒到佢啱啱好七成八成熟就已經足夠！一入口充滿油脂嘅香味，而且食落非常多汁好Juice！另外呢度有好大隻嘅鮑魚可以燒嚟食！呢個鮑魚好多汁，而且肉質非常飽滿，仲要非常有彈性！加埋少少海鹽同埋少少醬汁一齊食！真係食得好過癮！！而且呢度嘅甜品種類都好多，全部都好出色👍🏻👍🏻

前幾日同左朋友去呢一間喺旺角嘅八木橋，呢度可以食任食嘅燒肉放題！真係諗起都已經超興奮！服務態度好好，有時間嘅話一定都會再去😍其餘嘅食物都好好味，而且店員都會主動幫我換網😆之前去某啲地方食燒肉放題，有啲叫極都唔會幫手換。所以呢度真係好好。而且呢度嘅甜品同埋雪糕都非常豐富，真係正到飛起。呢度嘅燒肉真係好吸引好出色，而且仲有新鮮嘅海鮮可以選擇，整體感覺非常好。最令我有驚喜嘅係呢度嘅熟食都非常出色，有唔同嘅煎餃子，天婦羅可以選擇！如果擬種類黎計嘅話，呢度嘅燒肉放題種類真係好多元化。絕對係啱晒想食唔同口味嘅人！

平日放假真係好多抵食的燒肉放題，這間八木橋只要like 社交平台 就有午市正做「霞」一送一的優惠，兩位連加一都是$478，可以任食刺身及燒肉等，十分抵食。基本的汽水、茶任飲。還有雪糕雪條。店員先送上海鮮及肉食。刺身有三文魚、吞拿魚、帶子等，味道鮮甜，三文魚肥美。海鮮有鮑魚、蝦、魚等，鮑魚彈牙。蝦肉爽口。比目魚西京燒嫩滑。雞泡魚干有咬口。M5熟成和牛西冷肉質較有咬口，牛肉味亦較濃郁。其他雞肉及豬肋條都不錯，醃得剛好，不會太甜或者過咸。羊架大件又唔會太騷。天婦羅香脆。整體食物款式多，食了一轉都7成飽。

好想食燒肉，第一時間就諗起日式嘅燒肉店！今次試咗八木橋嘅燒肉放題！終於都明白點解呢度成日都咁多人介紹啦😍叫咗一個<<霞>>嘅套餐，本身一開始已經有好多唔同嘅頭盤可以選擇！刺身，海鮮都非常豐富！！其中呢度嘅三文魚係好好食嘅，非常鮮甜，而且太大塊，油脂分泌非常好❤️😍熟食方面另外都可以叫咗小丸子同埋雞翼呢個小食亦都非常好食，小丸子醬汁啱啱好，而且入面仲有大粒嘅八爪魚！至於雞翼亦都好好，本身食燒肉都冇諗過會食雞翼，不過呢度可以煮埋比我咁我就可以唔使自己燒都食到！海鮮都有好多唔同嘅選擇，其中呢個青口亦都係令我覺得好好食嘅，其餘嘅都有唔同種類嘅海鮮可以食嘅，全部都係用錫紙盤裝住，唔使驚同啲肉撈埋一齊燒！

“霞“ 級別燒肉放題，是八木橋第二高級的級別，原價398一人，平日午餐時段有買一送一優惠！趁著男友生日就帶他來喪食啦！有超過94品項選擇，用餐時間兩小時，只要用手機掃QR code就可以隨時落單，十分方便。在等首輪食物時，先去混醬和取飲品是常識吧！他們有兩個汽水櫃，茶也有。醬汁則有數款，建議都取來發掘一下不同的味道配搭。選了級別後，店員就會準備特色食物，先來是精選海鮮肉類拼盤，有爽口鮑魚、柔軟的比目魚、下酒菜魚干，還有惹味的韓式壺漬牛肋肉、半溶芝士雞腿肉和嫩滑的三元豚肉，有驚喜！然後就到五色刺身盛合，有大大隻牡丹蝦、清爽的希靈魚和八爪魚、柔滑的鯛魚及甘香的三文魚。如果覺得不夠吃的話，只要加58元就可以任食刺身了。相信最吸引大家的是可以任食濕式熟成M5和牛西冷吧！豐腴的牛脂讓和牛既香口又柔軟，是encore之選。店家的上菜速度挺快的，放滿一整桌的感覺很滿足。用來沾雞腿肉的半溶芝士，我們也有用來沾其他肉吃。這個級別才有的牛油帆立貝、廣島蠔及虎蝦，用料都新鮮！身為牛魔王的我倆，把能點的牛類都點了。 牛板腱、肩脊肉、牛舌、牛胸腹、一口牛，都有原味或三款醬汁選擇，我們當然甚麼都吃。牛板腱的肉味較

#旺角《食到飽燒肉之選》放假帶左屋企人食燒肉，依加見佢做折，$250一個人左右就食到放題，性價比幾高🤩🤩✅環境企理，坐得幾舒服✅可以掃QR code點餐 夠方便✅有燒肉、海鮮🦞、刺身、蔬菜🥬、揚物、飲品同甜品🍮，個set可以任叫✅牛肉同刺身都幾新鮮，勝在抵食👍🏻.📌 八木橋日式燒肉 (旺角)旺角彌敦道700號T.O.P. This is Our Place 4樓409A & 409 B號舖-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn

尋日趁着阿媽放假，就同佢嚟到旺角呢邊行街食嘢～lunch嘅時候我哋嚟到旺角top商場4樓呢間日式燒肉放題，佢而家做緊優惠，$398可以買一送一，有「霞」套餐佢包濕式熟成M5和牛西冷，仲有韓風瓷壺醬油牛肋肉，有鮑魚，味淋魚干，同埋五色刺身盛合等等超過94樣食物～五色刺身盛合有刺身三文魚🍣八爪魚🐙鮮蝦，北寄貝，希靈魚等等～全部刺身食落都覺得好新鮮，幾爽口，而且入口即溶，幾好味😋韓風瓷壺醬油牛肋肉一大個似壺裝住牛肋肉，好厚肉，幾新鮮，燒完有好多肉汁彈出嚟，食落啖啖肉，幾豐富鮑魚大大隻鮑魚，燒完食落覺得好爽口，幾煙煙韌韌，而且好有鮮味，幾正M5和牛西冷新鮮而且醃製得好香嘅和牛西冷，燒完食落十分之Juicy，一咬啲肉汁就流晒出嚟，食得好滋味味淋魚乾我同阿媽都好鍾意食味淋魚乾，醃得幾香，鹹鹹地，食落好似魷魚絲咁，好特別嘅口感燒豚肉有唔同種類嘅豚肉，用咗唔同醬汁醃製，食落幾爽口，肉質幾滑，半肥瘦嘅豚肉，幾好食😋蔬菜揀咗金菇同秋葵，燒蔬菜嘅感覺幾特別，食落幾脆口，唔錯甜品有唔同種類嘅甜品🍮好似朱古力泡芙，和果子，朱古力糯米糍等等～都幾好食😋

今日黎到食燒肉放題 分4個價位 最平$198起已經有66種食品選擇,非常抵食有芝士雞腿肉 韓風醬油牛肋肉 米澤三元豚肉 比目魚西京燒 食足90分鐘 任飲任食仲包雪糕 (啤酒另加$20)4種沙律前菜 幾款野菜 炸物有小丸子 炸薯仔 香芋丸 豚肉都有4種口味 原味,薑汁燒肉 味曾醃肉 青檸汁豚肉拖羅位牛肉仲豐富 共8款味道 原味,韓風山葵,七味辛辣,一口牛等等雞肉用日本來貨,食起上黎特別鮮甜有肉汁, 有蒜香 山葵 芝士雞肉 九層塔雞肉主食類有麵和飯供應 海鮮有牛油藍青口 多春魚可加錢食刺身盛 呢度刺身都好豐富 常見既厚切三文魚 八爪魚片 帶子 鯛魚片 夠光澤又鮮味牛肉油花幾平均,燒起上黎肉味濃又夠柔軟,配以鹽或黑椒已經好美味平均消費$250評分8/10Shop 409A,T.O.P. This is Our Place , 700 Nathan Road

一行4人，又早得一日卜位，見旺角都食得悶悶地，諗住試新野，見到呢間燒肉新開，應該伏極有限嘅。於是就openrice卜位，有85折，駁一駁。第一伏：點知一到門口已經覺得伏伏地，7點竟然得2張枱有客，埋到位，啲枱又細，啲位又迫，TOP商場竟然坐到兆萬感覺，85折基本上得一個$398餐，第一次試，點都唔會叫個$6xx嘅黎駁呱🤣。第二伏：一開始俾個魚生，質素竟然差過爭鮮，重要冇任食，任食每位另加$58🙄，個海鮮燒肉拼盤啲海鮮又細，又唔新鮮，啲蝦可以梅嘅😵第三伏：點咗嘅炸物，牛肉，每樣都好似求其俾咁，叫8隻俾4隻，叫兩份俾兩隻，想當年兆萬都好過佢第四伏：落完第二次單個web page就hold咗響度，兩個friwnd都係咁，服務員又解釋唔到，叫我地用第4部電話試，勁，咁嘅servicw都夠膽收4百幾，勁。唔係見佢有折又易卜位，都唔會中伏。。。

平時我都唔係太鍾意食燒物…韓國燒烤我都好少去…不過老友話旺角有間又可以食日本刺身又可以韓國燒烤…最重要係買一送一…所以梗係要黍試吓啦一坐低已經有一盤燒物送上枱…有我最鍾意食嘅比目魚同鮑魚添另外佢呢度刺身任食…尤其是三文魚係我至愛..今次仲要係三文魚腩我encore再encore另外…仲有好多唔同種類…唔同味道…唔同調味嘅燒肉…仲有鮮蝦…扇貝…廣島豪任你食最緊要個爐唔會蕭燒燒下就竉晒😃😃😃燒物仲可以保持原有味道最後我仲食晒我鍾意食嘅朱古力雪糕添

啱啱呢個星期日去咗旺角TOP既八木橋！真係差唔多有成個月都冇食過燒肉啦，突然之間好想任食，所以就過咗嚟呢度食嘢！餐牌方面有唔同嘅套餐可以選擇，我叫咗一個可以食刺身，同埋有唔同頭盤仲要有海鮮燒肉任食嘅放題！海鮮方面有好多唔同種類嘅海鮮，其中一個比目魚係非常出色，好鮮甜！而且呢度仲有唔同已經處理好嘅海鮮可以叫！鍾意食海鮮嘅一定會好鍾意😍肉類方面亦都有好多選擇，其中一個我自己最鍾意嘅係牛舌，因為咬落去好爽口，而且食落去加埋海鹽會食上癮嘅味道！！除咗牛肉方面，呢度都仲有豚肉同埋雞肉可以選擇，有唔同嘅醬汁，成個燒肉都非常出色！而且呢度嘅飲品種類都好多，甜品方面我最鍾意嘅就係呢個韓式嘅雪條！！自己一個人都可以食三支🤪

見到有間燒肉做緊午市（霞）2小時放題買一送一，早d book位仲可以有刺身任食🤤400幾蚊兩個人好抵。一坐低個店員會介紹個爐點樣控制，同野飲區係邊同scan QR code落單，呢樣我自己覺得幾好，雖然一般食過燒肉放題，呢啲野好似好基本，但至少而家好少鋪頭會同你講，所以感覺都窩心。未點餐已經嚟一set頭盤比我地，有刺身，有m5和牛，醬牛肋肉，芝士雞肉，豚肉，鮑魚，雞泡魚乾同比目魚，樣樣睇落都好吸引🤤刺身方面有驚喜，一般燒肉放題店既刺身都唔會點新鮮，但今次我個對刺身好挑剔既朋友，竟然無嫌棄，仲點名讚個鮑片好食😂刺身都係任食，但留意牡丹蝦得頭盤有。如果無燒開或者有啲無燒過既朋友，每個位都會有張紙教你頭盤點燒，好貼心👍首先一定要講個m5熟成和牛，牛味好出，牛脂好均勻，肉質鬆軟，就算燒全熟都唔會咬唔開，重點係呢個牛係可以任叫，所以鐘意食牛既朋友，整係食呢個都回本😂另外個芝士雞都好驚喜，我好鐘意佢將啲雞切到一口size然後沾芝士做成拉絲既設計，口感同個味道比出面好多既燒肉放題做得更嫩滑同香口。海鮮方面主要燒扇貝同大蝦，但最好食既係佢頭盤既比目魚西京燒，每邊慢火煎2-3分分鐘，再配合埋白飯，其實已

今日去咗旺角食燒肉放題，超級抵食仲要買一送一，真係去邊度搵呀，食咗咁多次放題都未試過買一送一，除翻開一個人都係$200到，超級抵。一坐低，哥哥仔十分之有禮貌，介紹俾我哋去攞嘢飲，跟住又嚟咗個刺身拼盤，燒肉拼盤，肉質又新鮮，唔會有酸味，食到我同媽媽十分之開心，而且自助手機落單，唔需要周圍搵服務員落單，節省咗好多時間，而且個Lo，又唔會好似底，鮑魚上枱仲識郁㗎。食完之後甜品都唔少㗎，花多八門，食到個肚好飽，今晚真係要返去跑番幾個圈。

身為一個專業嘅食肉獸🦁當然係餐餐都要有肉食啦！😆而且要抵食嘅話一定係食放題啦！🤣你諗到放題嘅燒肉，都好經常性會嚟咗呢間八木橋！性價比好高之餘，價錢適中！成日食都唔會心痛🤣今次都唔例外，呢度嘅肉類有好多唔同嘅選擇！而且叫嘅份量係幾多就真係會有幾多！唔使驚佢比唔足要係咁點😂呢度嘅牛扒好好食！大大塊而且燒完之後仲可以加黑胡椒或者加海鹽！所以成個牛肉嘅味道可以原汁原味咁試吓😋除咗牛扒之外，呢度嘅豬肉同埋雞肉都好好食！雖然燒嘅時間雞肉會比較長，不過呢度醃製完嘅雞肉之後都好好食！好甜，而且加埋呢度嘅秘製醬汁，真係食得好過癮！！