八木橋日式燒肉

营业中

休息中

餐廳大部份都係卡位, 梳化凳好舒服, 張枱又夠闊落, 叫到成枱野都唔怕🙊叫左霞M5和牛餐, 靚仔都好快送上pre-set左ge頭盤米澤三元豚肉超正, 被譽為豬界ge西冷, 碟上捲埋一堆咁, 燒完咬落勁爽口多汁當然唔少得真正ge M5牛西冷, 厚切, 自己燒控制熟度好好玩!除左頭盤, 仲可以單點好多野! 雞翼係單骨好方便食! 叫一份就比左兩隻 (即4枝單骨), 唔會太多, 可留返個肚食其他🤩另外因為頭盤太多肉, 都單點左D菜, 有南瓜, 秋葵, 都係好日本風既燒野菜, 好味🥬🥬

 作為燒肉愛好者, 集合多年韓燒日燒經驗, 寫呢個食評醒下你🤣燒肉, 一定要配新鮮生菜食!! 好多人可能都知, 但食放題時就會忘記左呢個初心😂我地叫左個「霞」套餐, 豬牛雞都有, 韓式戈隻醬油牛肋肉更加提醒大家一定要另叫生菜因為有醃味既肉係最夾生菜的!!!佢D生菜勁新鮮, 又夠凍, 好似食燒肉D熱氣都俾佢帶走晒我個fd初頭仲笑我話邊有人放題食菜同醃青瓜, 但之後佢都跟我食到lamlam脷😉怕唔抵係因為戰鬥力低😌 叫返D回來牛舌同安格斯牛粒就自然開心返晒la😜

嗰日咁啱同朋友喺旺角行完街 心血來潮想食燒肉 朋友又話想食放題 呢間喺T.O.P. 嘅八木橋就啱晒🤩我哋就揀左個唔算最平都唔算最貴嘅餐 頭盤有：M5和牛西冷，Mozzarella 芝士雞腿肉，韓風瓷壺醬油牛肋肉，米澤三元豚肉，鮑魚，味淋魚干同比目魚西京燒😎竟然有魚干 送酒一流🍺餐牌上面嘅食物都超豐富😈豬, 牛, 雞, 羊, 海鮮, 菜, 炸物咩都有🤤最正一定係邪惡炸物 炸蝦天婦羅 炸餃子 炸蝦多士 都好好食‼️而且出面野飲都係任飲架 仲有Häagen-Dazs 雪糕 食到勁飽 咁多野食 唔洗食肉獸都一定回本🤑

識食一定食海鮮, 蛋白質滿滿又回本! 最緊要高質! 個餐本身都包鮑魚同比目魚頭盤, 然後我地再叫左巨多蜆😂 因為真係好正, 冇沙, 大隻又鮮甜, 燒到佢縮少少水就食得, 海水味濃; 海鮮來講多春魚都正! 燒多春魚係100分, 表面少少焦, 然後入面既爆春熱辣辣🥰 除左我最愛既海鮮, 其實肉, tempura都好味!! 只係建議大家食多D海鮮回本🤣 多春魚真心大推, 我自己都encore左三四次🤣tempura果D我地叫得多佢成盤咁俾, 打卡岩晒! 當然一開始個頭盤打卡更靚😍 因為乜都有好豐盛

之前見人IG打卡, 今晚終於黎到食😋 門面靚, D位又闊落, 食物又好高質!要讚既位係佢除左套餐頭盤之外, 其他所有任食既野, 無論肉定海鮮甚至配菜, 都好有心機頭盤佢放左D菇做擺盤, 燒到乾身, 但咬落都好多汁, 好香菇味! 係新鮮既!另外, 因為我地叫個餐有M5西冷, on top仲可任叫好多唔同既肉類/配菜/海鮮等等, 連薯角都有! 我諗住自製一個港式扒餐, 就叫左黎襯個牛扒😂 連個薯角都熱辣辣又脆, 好似即整咁食完好多高質肉類海鮮, 再用高質配菜填滿個肚好幸福呀🥰

 唔知係咪太掛住鄉下, 呢排勁想食日本野落雨濕濕最好就係食燒肉! 抽乾D水, 食少少熱氣平衡返個濕氣😂 M5西冷好香牛味, 同埋幾厚身, 燒到佢一半變色就好正了! 同埋頭盤都唔少得飽魚, 其實飽魚呢個食材係冇味, 所以最緊要食個口感, 呢隻好爽口! 食一塊M5緊係唔夠喉, 所以都叫左其他肉, 呢個餐都有差唔多100樣野可任叫, 開心!btw前菜個中華沙律同螺肉都幾好味, 唔會太多汁太重口味, 食食下燒肉凍下條脷都幾爽😜

冇得去旅行，都唔知幾耐冇食過和牛啦😳今日朋友介紹，帶我去咗食一間和牛嘅燒肉放題😈開心到飛起😝我哋唔理三七二十一，一揀就揀咗個貴嘅嚟食，俾佢嗰張和牛燒肉盛張相吸引，盤和牛送到檯完全一樣，真係油花靚到不得了😍😍包括有和牛肩胛肉、和牛肉眼、和牛牛五花腩同和牛三角腩，真係每款油花分布平均，入口即化😚嗰種味道令人難忘！佢另外仲有塊A5和牛西冷，呢塊直情打大佬咁，真係令我又愛又恨呀，恨係我唔知要做幾耐運動先可以減到肥㗎😝另外啲海鮮又係好正好新鮮，炸物天婦羅又好高水準😋甜品野飲又係任叫！食完呢餐已經好期待再約朋友嚟食啦😎

對, 就係咁豪! 晚市, 係晚市! 唔豪D補償唔到我心靈損失! 而呢個只係頭盤🤣 「霞」熟成M5和牛除左有M5和牛, 芝士雞腿, 醬油牛肋肉, 米澤三元豚肉, 飽魚, 味淋魚干, 比目魚西京燒, 仲可以另外任叫九十幾樣野, 超爽!飽魚大大隻, 比目魚都好厚身, D肉一堆堆岩岩好止左我既飢餓😂 個芝士雞超正, 夠晒卡路里補充能量我之後就有力叫其他野食了我地主要都係叫肉, 薄切牛舌好香好爽口! 有D肉可以叫有醃味既, 食到唔同味都幾好, 牛柳粒同牛舌果D就原味更taste到牛🤩

和式裝修配和牛, 賞心悅明是也😙 餐廳安排左我地坐近窗位置, 店員都好有禮貌, 可能因為時間尚早唔算好多人🤣 成個氣氛都好chill好似去左日本咁今次落重本, 叫左最貴個餐, 完全唔令人失望的🤭A5和牛好大塊, 圓形木盤上仲有紅花裝飾輕輕燒左陣就聞到油香飄出, 燒完望落油份豐富, 已經口水都流晒咬落口感軟滑, 入口即溶, 真係好罕見既靚品質 😍一黎開左個胃食油香十足既和牛, 跟住又試埋香蔥薄切和牛當然油花冇咁平均, 但都係非常軟腍, 油香都好重味, 配上香蔥氣味更加享受除左牛, 呢個餐另一賣點就係海鮮, 超新鮮, 有牛有海鮮夠晒體面!

平時食放題都係貪款式夠多, 可以一次過食好多唔同既野, 最多都係俾D薄切切靚少少既牛肉黎燒但旺角八木橋就有多一層意義, 係M5西冷, 比目魚西京燒同韓式牛肋肉呀🤩呢D都係平時出街食飯比較少試到既, 所以個套餐設計幾有心思除左呢個頭盤外, 當然唔少得任食既放題食物啦!佢個前菜有醃青瓜, 麻醬番茄, 泡菜等等, 雖然霸左我個胃少少位, 但都好惹味開胃😘炸物大推香芋丸, 唔太甜, 一流!!同埋頭盤既肉緊係唔夠我食, 所以都叫左牛板腱肉, 肉質實淨牛香味都正, 低始終念念不忘M5西冷, 希望下次黎再食, 或者食下隔離枱個A5和牛😍 但要儲多陣錢先XD

上星期五晚和朋友好久不見諗住開心晚飯，朋友上網搵咗呢間，吃完非常失望😞。話晒都要$7xx/2位晚市放題, 我先對呢間嘢有期望，點知失望重大😮‍💨⋯⋯食物種類已經唔多，全部肉類唔係干就係鞋，用嚟燒肉果鑊個又有問題，燒一次都黑黑地又有鑊撈，好多食物都要另外再俾錢但我未試過；海鮮例如蜆、青口，整熟都唔開口即係本身唔新鮮🫣，飲品種類又少(只有汽水和罐裝果汁); 雪糕只有兩款；職員態度又差；總括來講，你可以唔好食，但係價錢唔好set咁貴囉; 完全直升機操作…伏伏伏🔫

隨著疫情逐漸緩和，我地公司都冇得WFH lu，趁住返公司做野之前食返餐好既，於是就book左呢間係旺角新商場入面既燒肉放題，餐廳提供四款唔同價位既套餐，今餐一於食豪啲叫個第二貴既「霞」套餐😚😜💯套餐包括有濕式熟成M5和牛西冷 (任食)，海鮮如鮑魚、仲有帆立貝、廣島蠔、虎蝦都係任食，座位多數都係卡位為主，好闊落shopping完買左好多野都唔怕👍🏻👍🏻👍🏻揀好套餐之後店員比左個頭盤我地，米澤三元豚肉擺盤好靚，擺到好似朵玫瑰花咁🌸燒肉方面有牛舌同牛板腱，油花分佈非常平均，比目魚西京燒好有驚喜。大阪燒就聽得多西京燒就真係比較少聽，西京燒原來係指用百味噌醃魚肉再燒嘅料理，難怪食落魚肉甜甜地，甜得來唔會蓋過魚嘅鮮味，我地仲叫左天婦羅同前菜，肉類高質之餘炸物同小食同樣出色

星期日又到一年一度既母親節❤️❤️每年都會為母親大人送上驚喜，最緊要係搵一間好食又抵食既餐廳先係最頭痛，今年就揀左呢間位於旺角既八木橋食燒肉放題，岩哂屋企人中意食燒肉既欲望，一個價錢任食咁多款食物真係超抵😋😋同其他日式燒肉放題一樣，揀好左邊款套餐之後店員就比左個頭盤你打卡先🥰一次過試到套餐入面既精選，再決定之後要encore邊款，值得一讚既係個Mozzarella 芝士雞腿肉，用錫紙兜裝住Mozzarella 芝士放係網度同雞腿肉一齊燒，雞肉熟左之後可以點芝士一齊食仲要做到拉絲既效果，鮑魚都好新鮮，燒過之後仲保持到肉質彈牙，正😍前菜叫左青瓜，酸酸地夠開胃，今次母親大人好滿意，已經book定枱下次同爸爸去撐枱腳🤣👍🏻👍🏻

霞熟成M5和牛燒肉盛 weekend多$20/位, 即$438, 我覺得都好抵, 岩晒我呢D食肉獸！佢個餐本身包M5和牛西冷, Mozzarella 芝士雞腿肉, 韓風瓷壺醬油牛肋肉, 米澤三元豚肉, 鮑魚, 味淋魚干, 比目魚西京燒，豬牛雞乜都有, 唔止, 成個menu仲大把野食! Mozzarella雞腿肉俾左一大兜Mozzarella 一D都唔慳, 燒溶左再淋落熱辣辣滑嘟嘟既雞髀肉一齊食, 簡直係人生最高享受!!有時白肉都可以好好味, 但當然我都好愛紅肉🤣所以叫左香草羊架, 冇諗過佢咁大件🤤 香草醃得好入味, 燒熟果陣就聞到飄出黎，自己燒到5-6成唔會太生, 肉嫩多汁超好味！除左燒肉, 當然都唔少得炸物, 炸春卷, 炸芝士, 炸餃子都好好味, 係我好有耐性咁燒肉時食店員炸好既野就岩了🤣

點左套餐店員就送上頭盤, 擺盤好靚, 我地二人食就所有野都一雙一對咁放除左MENU寫明既野之外, 都比左少少菇同瓜, 以免我地掛住食肉太唔健康😂頭盤我最愛韓風瓷壺醬油牛肋肉, 明明係日式餐廳, 但特登採購左韓式瓷壺, 裝住醃左既牛肋肉, 超入味雖然個壺既肉份量好多, 但完全唔會食到唔想食, 反而覺得鹹鹹地好開胃!另外單叫都用方形盤出餐, 好整齊, 份量都適中, 薄牛舌好正😋同埋晚市咁多人黎講, 出餐真係算好快手, 叫既野又齊晒, 抵讚!