八木橋日式燒肉

营业中

休息中

朋友介紹位於旺角T.O.P商場四樓的「八木橋日式燒肉」店，主打高質靚牛🐮。我地簡左「雨」套餐，可以一口氣食曬霞、雲、雪套餐中有既野食。FB訂座仲有成人半價優惠😍問左職員，2至3位位送A5和牛一塊，四位以上就送兩塊，如此類推，人越多越驚喜！先呈上一塊吸睛A5 和牛，油脂分佈平均，油花花紋精緻，而且有一定厚度！識食一定燒至半熟程度，肉質香嫩帶粉，牛味香濃，齒頰留香，做到入口即化，根本不需蘸任何醬料，食其最原味。另外仲有4品任食，牛肋肉薄切牛有一層白色筋膜，燒起來豐富油脂溢出，濃郁的牛肉鮮味十足。鮑魚：新鮮大隻，柔嫩细滑，爽口彈牙。魚干：因為用上味淋調味，整體甜甜焦焦，燒過的魚干又香又有咬口，佐酒一流。比目魚：肉質嫩滑肥美，富有豐富蛋白質和維生素，多食補一補。甜品仲有最愛的Haagen daz 任食😍總結：高質燒肉店偶爾食好啲

男朋友生日知佢最鍾意食和牛🤣就上網睇下有冇性價比高既餐廳，就發現呢間係旺角既八木橋有一款叫雨既套餐，可以食到A5和牛，去唔到日本，唯有將budget係香港豪洗😆我地揀左雨餐，網上訂更有成人半價，仲可以食埋霞、雲、雪既食物！4品任食，頭盤有牛肋、薄切牛、鮑魚、魚干、比目魚；Haagen daz都可以任食😍和牛油花好靚，輕輕一燒都好易搶火，所以唔好燒太耐，帶點粉紅色就食得😋好有滿足既感覺，怕膩仲可以叫埋蔬菜盛一齊食，中和一下鮑魚好大隻，但記得淨係燒肉個邊，如果唔係個殼可能會彈起，燒左6-7分鐘就食得，好新鮮彈牙🤤比目魚煎到金黃唔洗加汁食都好好味最後好飽都要攞返杯雪糕先得，有summer berries and cream💯

旺角T.O.P. 商場好方便，除左行街之外都仲有好多餐廳，搵到間八木橋日式燒肉，分唔同餐，有雪、雲、霞同雨，而家係FB 訂位仲有成人半價，非常抵食。咁抵食緊係食個雨餐，訂座會送塊高級A5和牛，高級野真係高級野，入口即溶，係食得出有分別，仲要原來多人多送，都幾抵食。頭盤有牛肋、薄切牛、鮑魚、魚干、比目魚，全部都係回本位，食材都幾新鮮，回本之選。甜品方面Haagen daz 任食，又係回本之選。除左A5和牛之外，其他都係任食。雨餐係可以食晒霞、雲、雪餐，都係唔怕冇野岩食啦。

今次同朋友嚟咗八木橋食燒肉 叫咗有特級A5和牛 （今次我地兩個人嚟所以Share一片A5 ）嘅雨餐 而家FB訂位仲可以有半價優惠再加四小時任食真係好抵雨餐除咗包哂其餘雪、雲、霞餐嘅放題食品之外 仲提供四品和牛燒肉任食 牛嘅部位選擇繁多 A5和牛大大片 食落入口即化 牛味十足 好入味 除除呢一片A5和牛之外 其他嘅A4牛都可以任食 我哋即刻試埋其他A4牛和牛四品有A4 肉眼 五花腩 三角腩 肩胛肉 五花腩嘅肥脂充足 配埋肉一齊食口感鬆化 和牛香味隨即係口內面滿瀉出嚟 其他嘅和牛嘅牛味亦好突出 非常滿足另外頭盤仲提供咗牛肋肉 香蔥薄切牛 鮑魚 味淋魚干 同比目魚西京燒 鮑魚嘅大細都好平均 食落彈牙新鮮 味淋魚干帶點甜甜嘅味道 魚肉質硬度適中 味道不錯其他嘅放題食材都正常且新鮮 選擇亦好多 叫啲菇類仲可以中和返食太多牛肉嘅油膩感最尾甜品仲有得任食 Haagen-Dazs雪糕 滿足雪糕控個胃！

天氣凍凍地真係好適合食燒肉今次我地就去左旺角搵野食FOODIE朋友介紹依間八木橋日式燒肉話佢地好抵食咁我地就即管黎試下啦位於T.O.P. This is our place的八木橋日式燒肉交通方便餐牌有好幾款套餐揀今次我就揀左 “雨餐” 成人仲有半價架（FB訂座）依個餐勁多單品任點任食而且仲可以食晒霞、雲、雪其他幾個餐有既野食首先緊係嘆左塊A5和牛西冷先啦大大塊好吸引睇見都流口水油脂分佈夠靚味道同肉質都好正接下來是頭盤店員送上滿滿的一盤裡面有薄切牛, 牛肋, 鮑魚, 魚干及比目魚比目魚燒香真係好好味架食完A5就輪到4品任食講真牛的質素都算不錯很喜歡香蔥薄切和牛不會很肥膩而五花腩燒肉都好正口感一流另外仲有炸物比你食炸得好香脆又唔會成口油食左咁多肉真係好滿足最後食埋甜品就夠飽LU依度有HAAGEN DAZ任你食架朋友果然無介紹錯下次如果你地出開旺角又想食燒肉不妨黎試試呀

八木橋日式燒肉 📍旺角彌敦道700號T.O.P. This is Our Place 4樓409A & 409 B號舖秋風起梗係要食下燒肉～今次搵左間係旺角燒肉店食～地點位好方便旺角地鐵站B3一出就係，呢間喺社交平台 訂位仲可以有優惠添~簡左 ”霞餐”～ 120分鐘～時間好充足做緊優惠～買一送一🈹跟熟成M5和牛の焼肉盛頭盤頭盤好豐富～ 肉類已經醃製過🫶🏻😁唔使沾醬都夠味。濕式熟成M5和牛西冷。Mozzarella 芝士雞腿肉。韓風瓷壺醬油牛助肉。比目魚西京燒。米澤三元豚肉。鮑魚頭盤上一次都已經好滋味～另外仲有超過幾十款食材可簡鐘意食蝦天婦羅🍤脆卜卜👌🏻掛住食無影到相🤣霞係可以食埋～雪 & 雲～ 勁多野食～沙律🥗天婦羅🍤雪糕🍦汽水同埋好多唔同款牛肉任食～海鮮🦞類好多選擇啊～有扇貝、沙嗲燒廣島蠔、虎蝦海鮮好新鮮～無落咩醬料～淨係食鮮味 日式燒肉海鮮一次過可以食哂👍🏻

服務極差 特別係紮辮嘅男人有禮貌地請佢換爐佢換嘅時候個樣已經極唔耐煩態度極惡劣咁講：拎起d野 其次，由一入座從來冇提過半個鐘會自動截單當我地再落單嘅時候發現停咗我都係有禮貌咁問點解 因為佢冇提過截單時間亦都冇行埋黎溫馨提示過我地就快last order一埋黎就話：張單寫左 （有一行好細嘅字）重申：張紙一直都係比我地scan qr code落單 佢係冇提過截單嘅任何野最後我地都有要求問可唔可以口嗌 佢亦都應承左但態度極誨氣問：要咩？我地係要背餐牌噏返我哋想食咩比佢知真真正正嘅唔準諗 即刻答依個價錢呢個質素呢個服務 真係好唔要得佢地嘅主打肉類唔覺得好特別相反仲好重油花 冇圖咁靚同一價錢食到牛角質素再講佢嘅嘢飲同雪糕一啲都吸引真心建議食其他餐廳 唔好中伏

天氣凍想食燒肉見OpenRice 有位就book左位夜晚食叫左雲餐，$338再加一，限時90分鐘一黎到有個頭盤先上，頭盤既質素都ok唔差之後想再嗌要另外收費到任叫既環節肉類既質素完全唔抵抽油煙系統超差個爐又慢，熟食質素一般選擇少最後半個鐘截單，但完全冇人提過last order 諗住食晒再嗌時先發現截左單結果最後半個鐘係已經冇野可以燒未試過食一次放題係唔飽埋單連加一接近$400一位只可以講完全唔抵一定唔會再有下次

朋友生日約左食和牛燒肉，一到餐廳勁多人呀!好彩預先BOOK定位呢🤭FB訂位仲有買一送一添。見到個燒肉放題分左幾個等級，既然慶祝生日梗係食個比較好啦😈呢個霞既SET又食到和牛又可以食埋海燒同其他燒肉。服務員送上頭盤有比目魚同鮑魚，特別係有個醬油牛肋肉，超級惹味，甜甜咸咸勁滋味🤤重點係和牛西冷，原塊上已經切好一片片，油脂分佈好靚，食落口仲好嫩，果然係和牛質素。我地仲追加好多燒海鮮如蜆同蝦，真係好得!!!!而我呢個食肉獸又叫左好多牛肩肉、牛舌同羊架，完全食返夠本👅最後食埋個甜品雪糕，好飽好滿足🤘🏻

今次黎到旺角T.O.P. 見到間外觀好日式好靚既燒肉店—八木橋！仲要有A5級和牛食！身為肉肉控緊係要入去一試究竟😍今次就揀左「雨」套餐，同朋友一齊食仲有一塊A5和牛！啲和牛一上碟真係哇一聲！ 啲油脂分布好靚！塊塊都好平均既雪花！入口即溶！已經值回票價。 😙而且雨餐係可以任食埋霞、雲、雪，頭盤有好多嘅安排啊！有牛肋、薄切牛、鮑魚、魚干、比目魚，值得一讚既係鮑魚好大隻同新鮮！比目魚都大大塊，絕無欺場。😆雨套餐係可以任食四品，除左A5牛之外都係任食既！真係可以由頭燒到落尾，岩晒食肉獸！ 到最後仲可以嘆埋haagen daz雪糕！好多味可以揀，任食任試添！超滿足既一餐！😍 上網訂咗半價優惠一定要留意佢哋社交平台啦

放假同朋友去旺角食韓式燒烤😍 去左八木橋餐，有雪、雲、霞、雨四個餐。我地叫左個雨餐😄 係可以食晒其他款既野，超豐富！經FB訂仲有半價優惠添！首先有A5牛1 塊😆 脂肪比例均勻，好靚既雪花，超 Juicy，唔同人數有唔同嘅份量！ 另外有個頭盤：牛肋/薄切牛/鮑魚/魚干/比目魚。頭盤既都好正，個人最鐘意個鮑魚，好彈牙，燒到個邊好香。比目魚同樣好滑！而Haagen daz😆 食完咁多燒物，食杯凍冰冰雪糕，好幸福😆

慶祝生日食好野~呢餐和牛燒肉款式多，又高質! 的確唔錯呢💃🏻我地叫左「霞」，海鮮同各款肉類都有得食，最正梗係有M5和牛任食啦😊個餐仲有個頭盤，比目魚魚油四射，一咬就爆油!😍仲有2隻鮑魚，SIZE仲幾大粒嫁☺️而M5和牛一睇就知上品，油脂紋理好靚，食落仲肉味香濃又JUICY😋仲有款Mozzarella芝士雞肉，啖啖肉又好滑好有驚喜。個餐仲有多款海鮮、天婦羅同肉類，牛舌同牛肋肉都係高水準，特別係牛舌勁多調味選擇🥳飲品仲有我最鍾意食燒肉既配搭-燒仙草!真係正都無人有呀!!!今餐好正呢💋p.s. Fb網上訂位呢個餐有買一送一哦

之前上網見到T.O.P有間燒肉店，適逢友人生日，就提議食呢間同佢慶生。咁啱霞餐做緊優惠，喺社交平台訂位買一送一，好抵！霞餐有天婦羅、牛、羊海鮮同面食，仲可以食埋雲同雪餐，真心抵。我同友人都係海鮮控，所以今次就主攻海鮮！比目魚同頭盤上一次，之後我哋都係食海鮮為主！鮑魚好大隻，肉質爽口，燒完好香口。帶子大大粒，啖啖肉、蝦都好大隻，爽口彈牙！M5牛任食唔嬲，燒完啲牛油爆哂出嚟，好juicy!肉又唔嚡，推介！整體來講，大家都好滿意！買一送一的確吸引！

今日帶左朋友去一間旺角食放題日式燒肉,八木橋日式燒肉,地點幾便利就腳,係旺角站哥頭,T.O.P. This is our place點左個霞餐,社交平台訂位買一送一位,留意返比目魚同頭盤只上一次, 而M5係任食的呢(雲、雪幾個餐都包埋)~!最岩我地依D大胃王喇~!.M5牛肉味道濃郁,而且脂肪比例平均，口感細緻香口~食完好開胃,鮑魚蜆,海鮮都味道鮮甜,入口海水鮮味.QR Code order單幾方便,尾水我地就同埋係咁叫炸物,正~!大家最後食埋甜品,滿足飽肚的一晚~哈哈

秋意濃，就緊係去啲可以圍爐既舖頭啦🍂第一樣諗到既係燒肉🥓上FB見到呢間燒肉既霞餐做緊買一送一優惠（要社交平台訂座），緊係唔好錯過，食左先講🔥。🐒霞餐(買一送一)一個價錢可以食埋其餘2款餐既食物，而呢個套餐就會送一個頭盤(牛肋，鮑魚，魚干，比目魚)，而其他肉類，熟食，冷盤等等都可以120mins任嗌任食。燒肉霞套餐除左任食豬，雞，羊，海鮮之外，我最concern既緊係牛既質素啦🤣呢個餐係跟濕式·熟成M5和牛西冷🐮燒完之後岩岩好，肥瘦適中。其他海鮮類都幾新鮮🦐店舖都有啲醬可以加黎食，咁樣啲肉🥩同海鮮🦞就唔會咁寡。另外仲有金菇天婦羅食，好似成朵花咁🌷好少地方有得任食金菇天婦羅🍤最後仲有雪糕食🍦解膩一流