八木橋日式燒肉

营业中

休息中

燒肉放題一直係香港人嘅最愛，今日介紹嘅呢一間餐廳位於旺角，任食A5和牛西冷。近日餐廳做緊買一送一優惠。🌟 雨餐我哋選擇嘅係最貴嘅套餐，可以食埋其他價錢較低套餐嘅食品，包括霞、雲、雪，跟餐會送A5。不過數量因應人數而改變。A5和牛大片，食落入口即化，牛味十足。A5 : 2至3位= 1塊4位或以上 = 2塊7位或以上 = 3塊或4塊頭盤包括牛肋、薄切牛、鮑魚、魚干、比目魚。除咗近親附上嘅A5和牛之外，其他嘅A4和牛都可以任食嘅。套餐包括120種食品選擇，選擇豐富。值得一提嘅係餐廳可以任食Haagen daz 。📌八木橋日式燒肉旺角彌敦道700號T.O.P. This is Our Place 4樓409A & 409 B號舖

有間幾抵食的燒肉推介啊！ 八木橋餐，霞餐買一送一😀😀😀😀FB book有呢個優惠，真係超開心，聖誕節前後同朋友食就啱哂！ 霞餐可以食哂雲同雪，久唔久先食一次燒肉，食盡佢😂😂😂勁既係有炸蝦多士同蝦天婦羅👍👍仲有牛板腱🥳🥳🥳香草羊架、扇貝、廣島蠔，仲有虎蝦添啊！咁嘅價錢食真係好抵🫶🫶🫶肉都新鮮，唔會霉，野飲選擇都多，我揀左汽水😂😂😂仲要係ooha!! 鮑魚都大隻，比目魚都新鮮，冇腥味，仲食咗啲蔬菜，例如冬菇同南瓜，我同朋友都覺得超級抵！

飯局完不了😉朋友介紹去一間旺角食放題日式燒肉， 我都好似未試過燒肉放題😝（最高5⭐）， 總體5⭐而家用社交平台帖文條link 訂位仲做緊優惠，霞餐就做緊買一送一位！頭盤嘅比目魚超回味，超香😍而M5係任食的呢(雲、雪幾個餐裡面嘅美食都係任食)~M5牛肉味道濃郁,而且脂肪比例以1:1 ，口感細緻香口~食完口腔的回香停留好耐。💕👍🏻仲有好多海鮮order 😜QR Code order單幾方便， 除了牛肉， 我地仲order 炸物, 有南瓜、海蝦、蟹柳、蕃薯等我最喜歡食燒羊架、 慢慢燒， 一陣陣羊味慢慢輕入我鼻， 好正呀🤭最後食埋一定要食埋甜品, 可以滿足成晚😝

天氣凍凍地，又係時候約埋朋友仔一齊食燒肉啦～今日就揀咗八木橋日式燒肉，位於旺角T.O.P商場4樓，地鐵站一出就係，超方便啊真係！八木橋係日式放題餐廳，主打燒肉放題，有多款放題套餐，有熟成極上牛西冷等食物，好吸引啊～我地揀咗雨套餐，FB book訂位成人有半價，好抵食！可以一次過食晒其餘三個餐霞、雲、雪嘅食品。仲會視乎人數而送唔同份量A5和牛A5 和牛雪花紋理細緻、肉質軟嫩，入口即化，正～另外仲有4品任食！頭盤有牛肋肉/薄切牛/鮑魚/魚干/比目魚，超豐富！最鍾意比目魚，肉質緊實，入口滿滿魚油香。最後仲可以歎埋Haagen daz ，任食超滿足！！

好少寫食評，但去完衣到食真係忍唔住和牛個套餐 比200蚊都嫌多。服務態度極差，有個紮辮個侍應個口吻好似同人鬧交咁；last order唔會提醒直接cut；食物選擇極少，除左和牛板比較大塊（每2人一塊）之外基本無野係得，熟食無嘜選擇，Haagen Dazs得一款，牛奶公仔雪糕三款；環境一般，抽氣比較差，搞到好大煙；醬汁都好似溝過水，比大家樂都不如。。。去左就當買左教訓，未去就唔建議去。真係想試，就先睇下其他燒肉店去比較下先再決定。

約咗朋友去旺角嗰度食燒肉，朋友介紹一間佢之前去過覺得好食嘅燒肉店，入邊有環境裝修頗有格調今次揀咗雨嘅套餐，有A5和牛可以食，上菜嗰下大家見到都嘩一聲，油脂分布非常平均，而且都幾大塊，入口即溶另外仲有四款a4黑毛和牛品嘗，質素都有返咁上下，一個套餐可以食晒兩種和牛真係抵食仲有佢嘅頭盤的確超正，鮑魚好彈牙，值得推薦，其他幾款都唔錯除咗A5和牛之外，全部肉都可以任食，啱晒我哋兩個食肉獸重點係雪糕Häagen-Dazs都可以任食呢個餐真係好抵食，因為仲可以食埋另外三款套餐好彩我朋友上網訂咗，原來成人有半價優惠

垃圾零服務可言，侍應態度惡劣。晚市九折OpenRice 優惠誤導，每人消費滿$400先有優惠。2022年12月20日光顧晚市，去問侍應有關優惠，侍應串話每人消費滿$400先有優惠，指責客人冇讀說明。當時情景語氣惡劣，態度挑釁。75分鐘開始燒肉後截單，詢問相關情況時，同一侍應又再態度惡劣，指責冇理會佢說明。埋單時，亦再次以惡劣態度待客：「夠鐘放低就走得。」整體用餐體驗零分，下次一定唔會再去。暫時試過任食燒肉服務態度最差呢間，貼錢買難受。

上次去完八木橋日式燒肉，想分享一下佢地嘅「霞」放題餐，因為做緊買1送1優惠真心幾抵食❤️呢個餐主打濕式熟成M5和牛，呢個價錢有和食已經抵返晒。佢除咗有肉之外，亦都有海鮮: 鮮鮑魚、虎蝦 、廣島蠔、青口 、黃金螺 、多春魚 …等等，仲有香草羊架都係我心頭好👍🏻其實有94+款食品選擇，每樣食一件已經夠填飽你個胃😂 所以要識得取捨，有策略咁食😆 再唔係就來食多幾次試晒所有款la!當然甜品有第二個胃，Häagen-Dazs 雪糕走唔甩，可以完滿咁結束一餐😊

今次呢間燒肉店幾得意，啲套餐名幾有詩意，又雨又雲咁，而我就㨂咗個叫做雨既套餐，因為可以試晒全部野，咩都可以食到。最緊要係社交平台訂位有優惠，更加吸引咗我。同埋呢，因為佢可以包埋其他套餐既野食，一樣可以任食哈根達師！一共超過百款野可以任食，我覺得呢個價錢選擇都好多，而且都有啲貴價嘢，好似鮑魚呀比目魚咁。其實佢仲有A5可以食，雖然唔係任食，不過2個人分享一塊已經超滿足，脂肪分布好靚，好好食！另外，牛既種類都唔少，除咗一口牛，又有和牛西冷，牛板鍵等，加加埋埋都成廿幾款，比想像中多。我覺得整體味道都唔錯，可能因為好多野都啱我食，熟食選擇都吸引，估唔到佢會有蝦多士。如果說中意熟食既話，呢間都應該滿足到你。

好耐冇食燒肉放題，今日心郁郁想去食，一於call為食姊妹放工食餐飽， 套餐有多款選擇，豐儉由人，雖然雨餐最貴，但可以食哂霞、雲、雪套餐上嘅各類食物，我哋呢啲大胃王點會放過，加上FB訂座雨餐成人只係半價價錢，幾百蚊可以食齊咁多款和牛，又真係好抵， 打頭陣頭盤 有牛肋/薄切牛/鮑魚/魚干/比目魚，我哋二個人有塊A5和牛，下次要再叫多啲人一齊嚟分享好西！脂肪分布得超靚，令人欲罷不能。另外還有岩手和牛三角腩，岩手和牛肩胛肉，岩手和牛肉眼蓋肉、岩手和牛五花腩燒肉任食，和牛入口即溶香滑，牛脂充滿口腔，久久不散，其他牛肉就各有特色，五花腩肥瘦適中，雖然感覺油膩，但果份油香令人難以抗拒，Haagen daz 任食，忍不住又食咗三杯，今餐又捧住個肚滿足行出門口！

今日應承咗請屋企人食燒肉大餐，就嚟咗呢間燒肉店，每位都叫咗霞餐，啲肉好夠食。餐廳環境寬敞，坐得又舒服。💡霞餐而家做緊優惠，FB book位買一位送一位！而且呢個餐仲可以食埋雲、雪餐，食物種類多到你都食唔晒。而且仲有頭盤、比目魚，雖然有d美食只上一次，不過仲有超多野食任點，食到個肚都裝唔落。試咗佢唔同嘅肉，有啲都好特別。好似係山葵牛板腱、七味辛辣牛板腱，呢啲都係第一次喺燒肉舖見。估唔到依啲醬汁同牛肉都幾夾，牛嘅香濃味道又唔會被蓋過。除此之外， M5和牛仲可以任食，和牛油脂分布平均，入口甘香。我仲試咗鮑魚，燒鮑魚要啲時間，但絕對值得，因為入口夠爽，調味都啱啱好。

好耐冇食過燒肉放題，最近襯朋友生日一於食餐好嘅😉餐廳放題有4個價位選擇，今次就揀左食雨餐，一次可以食晒霞、雲、雪餐，*真係超多款野食*🤩最近佢地仲做緊雨餐（成人半價）食足120分鐘大滿足😝FB訂位就有啦！_雨餐可以食到日本🇯🇵 A5和牛西冷✌🏻 除A5外4品和牛燒肉都會係任食，各位食肉獸一定會好滿足，多款頭盤都好好吸引💜包括有韓風瓷壼醬油牛肋肉/香蔥薄切和牛/鮑魚/味淋魚干/比目魚西京燒🐟自己最鐘意牛肋肉同鮑魚，牛肋肉非常入味，醬油甜甜地口感軟諗惹味👍🏻 鮑魚燒得剛剛好入口爽彈，一口接一口😎當然仲有多款雞/豬/海鮮/野菜/揚物食，推介試下佢地既豚拖羅，好好食☺️食飽飽佢地仲有Haagen dazs 任食，為整餐畫上完美句號

今日同朋友聚舊，想輕鬆一邊食一邊傾，✨ 八木橋日式燒肉✨🌈雨餐（FB 訂位成人半價）✅雨餐會有 A5 和牛，視乎人數而定。原來2至3位有1塊，4位或以上就會有2塊添~和牛質素好高，油脂分佈靚到不得了，燒個陣吱吱聲真係令人不禁不停流口水🤤，油香撲鼻，牛味濃厚，肉質鬆軟，入口即溶，滿口幸福感。頭盤 （牛肋肉/薄切牛/鮑魚/魚干/比目魚）飽魚好新鮮，食落好彈牙。牛肋肉肉味濃厚，好有嚼勁。比目魚燒到魚油好香，魚皮帶有少少焦香，啖啖肉肉質好滑溜。燒魚干香噴噴，美中不足係爭一杯中之物。雨🌧️餐：可以食晒霞、雲、雪，▶️4品任食，連M5和牛都可以任食M5質素一樣唔錯，入口鮮嫩多汁。就算過左火一樣輕鬆咬得開。✅Haagen daz 任食，食飽飽就可以食雪糕做過完美總結。▶️ 旺角彌敦道700號T.O.P. This is Our Place 4樓409A & 409 B號舖

/ 八本橋日式燒肉旺角區高質日式燒肉店平時都比較少去旺角食飯，不過難得同朋友聚會，為咗方便大家所以就揀個中心點食飯，朋友搵到呢一間燒肉店可以任食，餐廳位置仲好方便，旺角地鐵站B3出口一出就到，呢間放題好特別，仲係A4和牛任食添啊😍就當係未去到日本旅行食住先啦😊順帶一提啊如果而家揀雨餐，成人以半價優惠享用👍🏻雨set $1108平日/ $1128星期五六日公眾假期及前夕呢個套餐係包咗A4牛同熟成肉120mins放題，而且可以食晒前面霞、雲、雪餐包嘅所有嘢食而呢個餐特別嘅包括:A4岩手和牛三角腩A4岩手和牛肩胛肉A4岩手和牛肉眼蓋肉A4岩手和牛五花腩燒肉A4香蔥薄切岩手和牛韓風醬油牛肋條Haagen Dazs雪糕雖然價錢都唔平，但係和牛真係好出色，油脂分布均勻，和牛紋路好靚，食落入口即溶，絕對對得住呢個價錢😋📍 八木橋日式燒肉 (旺角)旺角彌敦道700號T.O.P. This is Our Place 4樓409A & 409 B號舖

上網見到FB訂位有半價, 又BOOK到位, 當然要試下.我哋揀咗個"雨餐"嘅放題餐: 120分鐘內, 有一塊A5和牛西冷, 加上可以任飲任食放題MENU(包括雪, 雲 ,霞套餐)內所有飲品食品!!最先上枱嘅係A4嘅岩手和牛三角腩, 肩胛肉, 肉眼蓋肉, 五花腩燒肉同香蔥薄切和牛.齋睇已經好吸引! 色澤嫩紅, 雪花分佈好靚好均勻!!快快手燒好肩胛肉, 沾上少少生熟蒜.一入口, 不但夠香口, 而且牛味好濃郁!!薄切和牛基本上一放上爐就可以轉.可以食多幾塊!!試下最令人期待嘅A5和牛西冷.油花好靚, 肉質柔軟, 入口即時食到油脂香!! 除咗有和牛, 仲有包括鮑魚!! 另外仲有味淋魚干, 比目魚西京燒等等.鮑魚幾大隻, 幾飽滿!魚干煙煙韌韌; 比目魚有鮮味.最後, 甜品仲有Haagen daz 任食!!超級滿足!!