八木橋日式燒肉

营业中

休息中

位於旺角彌敦道T.O.P. This is Our Place 4樓的《八木橋日式燒肉》，餐廳氣氛很好，裝修簡潔而現代，服務態度亦非常好，令人感到很舒適自在。我哋叫咗個霞餐dinner，佢送一個四品拼盤，包括咗A4 黑毛和牛後腰肉、A4 黑毛和牛牛肩、A4黑毛牛三角腩和A4黑毛和牛和尚頭。A4黒毛牛三角腩超正，脂肪比例超多，入口滿滿油脂香味，幾乎係入口即溶。呢間餐廳主打日式燒肉任食，所以其他肉類都係任食，有米澤三元豚肉，油脂比例非常好，肉質唔會過硬。韓風瓷壺醬油牛肋肉，呢個醬汁超野味，配牛肋肉食，簡直一流！芝士同嫩滑嘅雞腿肉非常夾，簡直絕配！仲有飲品任飲，多款飲品任揀有罐裝飲品，汽水，紙包飲品，啤酒。雪糕都任食，仲有Haagen daz 添！

係旺角行完街同朋友去咗呢間位於T.O.P嘅日式燒烤，可以瘋狂咁食lu~ 餐廳有幾款套餐放題揀，當然要揀雨餐，可以狂食日本A4和牛😝而且雨餐依家仲有全日半價優惠，好抵呀！先上一盤A4和牛拼盤，有齊平時燒肉必食嘅部位，當中最正係A4香蔥薄切岩手和牛，薄身好快就聞到濃濃「和牛香」，油膩分佈平均，口感柔嫩、肉質嫩滑而講到最震撼係A5 和牛西冷，成塊仲大過塊面😝霜降分佈均勻，肉質有彈力，口感有嚼勁，真係好滿足！推薦必食係比目魚西京燒，燒完嫩滑，香口而唔油膩真係encore幾次😋除咗呢啲仲有小食、熟食等，泡菜、麻辣青瓜都可以中和下燒肉嘅油膩~仲叫咗啲蜆排，牛油金菇等，一兜兜咁上，都好方便燒~甜品除咗Haagen dazs雪糕，仲有日本菓子等，款式都幾多😝整體同朋友嚟聚會都好岩，款式多、上菜又快~最緊要係坐得舒服，不過好好咁聚聚！

復活節前夕，收工就同同事仔去咗旺角TOP既八木橋日式燒肉嘆一嘆！放題set分幾個grade <雪><雲><霞><雨>。<雨>set頭盤已經好吸引，視覺同味蕾都攞足💯分！重有過百款食物放題，肉類、海鮮、蔬菜、炸物同甜品⋯我好少會話’成個晚餐我揾唔到一樣野係唔好味’，但佢真係連伴碟既日本南瓜都超甜🤭真心大滿足，最終我決定俾夠120分佢🤣🤣A5和牛西冷食過真係返唔到轉頭🙈 份量十足，一人一半都食得滿足。油花分布均勻，賣相靚到唔捨得食🙈燒一燒，牛油香四溢，入口鬆軟即化，肉汁香濃，配飯一流🤤愈食愈驚🙈如果第日食唔返點算？重點食其他牛肉？四品和牛燒肉盛💮肉質細緻既A4黑毛和牛，可以一次過試四個部位: 牛肩同後腰肉相對無咁油腻，肉味較重同有咬口；三角腩最多脂肪，不過燒過之後特別香同爽滑；我就最鍾意和尚頭，油花最靚質地又最軟熟🤤香葱薄切和牛輕輕烤一烤，配上香葱、燒汁、炸蒜，再沾上蛋汁，好似食緊無咁甜既壽喜燒咁🤣正呢度另外一個加分既地方，係好貼心咁係坐位旁貼住一啲食材既燒烤教學，跟住貼士燒既鮑魚同比目魚西京燒都特別好味！除咗

選擇咗最貴嘅套餐，原價四千幾，折咗二千幾，但係加一要收成四百幾，上菜速度好慢，唔抵食，除咗和牛好d,其他都好一般，買單人頭差唔多$700，但係完全唔值呢個價，唔太推介

🇯🇵旺角日本燒肉之選-八木橋日本燒肉🥩同我閨蜜去慶祝生日，🎂我哋就揀咗最頂級嘅甜品又有我鍾意嘅Häagen-Dazs雪糕。🍦

同男朋友去旺角This is Our Place 4樓《八木橋日式燒肉 》食午餐，我哋叫霞餐，只要係中午五點前離座，就享有買一送一，記得要現金俾錢呀！餐廳主打日式燒肉任食，仲有飲品任飲，雪糕任食，雪糕係Häagen-Dazs 呢㗎！🐮牛肉有原味牛板腱，韓風醬油牛板腱，法芥牛板腱和七味辛辣牛板腱，連M 5和牛西冷都係任食！全部牛肉都非常新鮮惹味，七味辛辣牛板腱，辣辣地又香，最鍾意食呢款！海鮮都超正，有螺肉，蝦🦐，青口，帶子，蜆，蠔，全部都好大隻，非常鮮甜。炸物同樣好味，有一口芝士炸蝦多士同哈天婦羅。最後，佢哋仲提供一啲獨特嘅調味料，有辣椒醬，蒜泥醬，柚子醋等等，配埋海鮮同肉食味道更豐富！

晚餐去邊食好？成日諗晚餐真係好頭痛🥴係Apps度搵吓搵吓🤕不如食燒肉啦😬反正都好耐無食過，黎到旺角食燒肉，旺角返屋企好方便，呢度真係好多牛款可以擇🫢而且每一款餐既牛都係好靚好吸引雨餐：👉🏻呢個係我地食過既雨餐，🤐鮮肉顏色好鮮艷，每一塊都切得好整齊好靚，呢個餐既牛有A4 黑毛和牛後腰肉、A4 黑毛和牛牛肩、A4黑毛和牛三角腩、A4黑毛和牛和尚頭、A5 黑毛和牛西冷，🤏每一塊既肉質都好柔滑，超好食味淋魚干，比目魚西京燒👉🏻試一試魚干同比目魚，魚干食落有咬口，滿滿既魚味，可以話滲透到成個口裡，比目魚燒得好香，佢地個爐真係值得讚，零技術都一樣可以燒到咁好食香蒽薄切和牛👉🏻雖然係薄切牛，但味道一啲都唔輸，牛味好香好勁，加埋香蔥，仲好食煙鴨胸沙律👉🏻食咁多肉點都要食下沙律既，煙鴨胸既沙律真係第一次食，煙鴨胸本身味道都好濃，所以唔需要額外調味，都覺得好夠味 

今日同朋友嚟慶祝生日，又再去旺角T.O.P. 4樓的《八木橋日式燒肉》食午餐燒肉放題，仲有任飲飲品同任食雪糕。霞餐中午買一送一 ，兩個人$500都唔使，而且佢啲嘢任食又新鮮，真係好抵食！呢個優惠要現金俾錢，同埋要五點之前離座，但都有大把時間食啦！餐廳座位非常開陽仲可以望到樓下街景，一路食一路望住出面好舒服！M 5西冷牛扒，好味到拒絕唔到，大大塊油脂，分布非常好，一路燒已經一路聞到牛脂嘅香味，肉味喺口裏面散開，完美啊！韓風瓷壺醬油牛肋肉，牛肋肉嘅肉味濃郁，配韓風瓷壺醬油，辣辣地甜甜地，突然間好想餸飯食！米澤三元豚肉和芝士雞腿肉，豚肉有豚肉味雞肉，有雞肉味，雞肉配芝士，真係經典嘅配搭比目魚西京燒油脂豐富，肉質爽口，配上日式醬汁非常好味！仲有日式冷盤螺肉同埋鴨胸肉沙律，美食選擇非常多，絕對抵食！下次再嚟encore！

因為工作成日要出旺角今日做完野去T.O.P 發現咗呢間放題🥹🤍頭盤有超級大塊和牛西冷🥩油花超級多！Pink Pink牛肉係幸福嘅顏色💗你哋睇吓張相🥹件牛仲大過我塊面只係呢嚿牛肉都已經覺得超值🫶🏻然後仲有海鮮🦪鮑魚同埋西京燒想講佢既西京燒係超級入味🔥白味噌濃郁 平時放題唔食魚嘅我都食晒全份✨另外仲包埋自選放題❤️‍🔥幾十種肉類、蔬菜、甜品任揀野飲又可以無限自己拎🤤A5和牛係《雨》set入邊仲包埋Häagen-Dazs雪糕🍦食到捧住個肚走😝😝🤍真係親身去試，真心推薦❤️‍🔥

平時食到中伏餐廳都係一笑而過，最多無下次呢間真係垃圾到嬲嬲地要特登開個帳戶上嚟比負評四眼長毛店員無禮貌又黑面，好似入嚟食飯好似係得罪左佢咁。咁可能睇到以上嘅大家會話服務呢啲野好主觀嘅，香港食飯真係冇乜預期店員係有好有服務好有禮貌，但係都唔使一副欠咗佢嘅咀臉嘅，OK講埋啲食物先嗰塊所謂嘅M5澳洲和牛扒唔好玩啦，乾身到以為係豬扒，Pepper Lunch嗰塊牛扒都好食過佢，冇影過相可以睇返其他留言有相睇。可以揀嘅嘢食種類非常之少，牛肋條唔靚唔完整，牛舌又薄身，一口牛超細粒，全部牛都係雪到無牛味，點燒都係又硬又鞋，有食豬有食牛但無肉味到我都唔係好分得出有咩分別，墨魚仔未燒都細細粒，燒完就你諗吓點樣搵返出嚟啦咁都有少少讚下先公道嘅，有玻璃樽裝汽水出面真係少見嘅，比目魚OK嘅幾好食全場最好食唯一推薦應該係炸薯角，好脆新鮮炸起係估唔到嘅(我建議可以店舖轉型向呢類發展)雖然四眼店員好西可能間鋪係佢㗎喇我唔知呀，但係反而執枱阿姐真係好有禮貌，又主動話幫我哋換燒肉板抵讚！

今日食呢個係^霞^餐，我地仲要平日中午去食，買一送一，用現金俾就得。濕式・熟成M5和牛西冷🐄呢塊牛西冷厚薄岩岩好，有啲筋有啲膏，油花十足，鮮紅色既牛扒一睇就知新鮮！好快就燒得熟，燒到岩岩熟啲肉質就夠晒嫩，好鮮好重牛味，肉質真係好好，一定要試！頭盤🐟🐓🐄🐖呢知餐既頭盤都有好多唔同既食物，芝士雞腿肉好正呀，日本既雞肉，特別嫩，再同啲燒溶既芝士一齊食，真係好香！仲有豚肉都係靚既豚肉，有3個品種既豬，豬肉特別香特別腍！而鮑魚亦好新鮮，唔會燒到好老好硬，好正呀！比目魚都好肥好鮮嫩添，味道又好！香草羊架🐑羊架好大舊呀，羊膏燒香佐都不知幾滑，同啲腍腍地既羊肉一齊食，又滑又柔軟，香到爆！炸物🍤炸物都有幾款，同樣好出色，炸蝦多士就最好食，多士唔太厚但又好香蝦味，脆卜卜，好香口！

每一次上菜都好少份量 得1-2件 上得慢 人手不夠 但是落單時間只有60分鐘 完全唔夠時間食… 食完會準時趕人走 但係明明仲有好多空台… 野食都比較少款揀，所以性價比不算高吧。

呢日嚟左一家位於旺角彌敦道的日式燒肉店，提供多種美食選擇，讓顧客可以享受到豐富的餐飲體驗😋😋店內的裝潢簡約時尚，氣氛舒適愜意，可以在舒適的環境下享用美食，同朋友chill下☺️我同朋友叫了霞餐🤩是可以享用到超多款食物，包括燒肉、海鮮、炸物等等。這個餐點現在透過社交平台內連結訂座更有優惠，買一送一位，😌讓顧客可以更加划算地享用美食。M5 和牛西冷仲可以任食‼️‼️仲有十幾款肉類可以選擇，包括牛板鍵和和牛西冷等～肉質鮮美，風味獨特，讓人回味無窮🥳🥳🤍🤍店內還有許多其他的美食選擇，🤍如天婦羅和海鮮等等。其中，扇貝、廣島蠔和虎蝦都是非常受歡迎的海鮮選擇，新鮮美味，讓人流連忘返🥹🥹旺角彌敦道700號T.O.P. This is Our Place 4樓409A & 409 B號舖。

今日夜晚黎呢度燒肉，雖然果餐係正價，但有成94品食物，亦有唔少靚牛，絕對唔差呀！呢個餐仲會送四品和牛燒肉盛，有A4 黑毛和牛後腰肉，A4 黑毛和牛牛肩，A4黑毛和牛三角腩同埋A4黑毛和牛和尚頭，全部都係和牛呀😍我特別中意食三角腩，係肩腹肉既一部分，好高級稀有架🤭霜降油花超均勻，入口即化，牛味激濃，真係唔夠食呀！另外頭盤亦已經有幾款料理，全部都任食，佢地既芝士雞腿肉，米澤三元豚肉同埋韓風瓷壺醬油牛肋肉就絕對係我既encore之選😋雞腿肉夠晒嫩，同芝士一齊燒，沾晒芝士既濃香，豚肉都好腍好嫩，牛肋肉就有啲筋位，幾有嚼勁，又咸咸地😗全部頭盤既肉都好正，仲要每次俾既份量都唔少，出色的！仲有仲有濕式・熟成M5和牛西冷都係任食，雖然無A4和牛咁靚，但都已經唔差😌唔會太肥，紅肉較多，但肉質同樣好軟腍，牛味都好重😚薄薄地燒完，勁香口，超好食呀！另外前菜炸物都係任食，有啲泡菜，沙律，炸丸子咁，真心唔錯，試下就岩！

我地今日食既呢個套餐，午市有買一送一，用現金俾錢，食到5點，但勁多野食，食都食唔晒呀！前菜🤞🏻呢度既前菜都係任拎，都係沙律為主，有醃菠菜，泡菜呢啲，好有韓式風味，辣辣地酸酸地好開胃，亦都可以中和番燒肉既油膩感，好好！頭盤🫶🏻呢個餐既頭盤有好多野食，淨係肉都有芝士雞腿肉，韓風瓷壺醬油牛肋肉同埋米澤三元豚肉，仲有比目魚，鮑魚，魚干，成個拼盤一上枱就好豐富。我最中意芝士雞腿肉，本身啲雞肉已經好柔嫩，加埋香濃既芝士，燒到好香好滑，包住啲雞腿肉黎食，正到癲！濕式・熟成M5和牛西冷🫰🏻呢個都係任食，和牛西冷果然唔同啲，本身西冷肉質已經好好，呢個就更有口感，好腍身，好重牛味，肥瘦岩岩好，一片片去燒，啲油花出晒黎，真係正到無朋友呀！