影片
营业时间
今日营业
11:30 - 22:00
星期一至日
11:30 - 22:00
*最后落单时间: 21:00
以上资料只供参考，请与餐厅确认详情
--系香港终于比我揾到平民价既石烧扒餐厅！😍八幡平石烧牛扒专门店位于鲗鱼涌东汇坊，地理位置非常方便，而且店内采用半自助式，任添白饭牛肉汤沙律，超正！-🥩八幡平招牌牛扒八幡平个石烧牛扒真系有噱头！成嚿滚辣辣嘅石板捧上枱，滋滋声够晒过瘾。块牛扒靓仔，外皮煎到脆卜卜，里面仲系粉嫩多汁，牛味好出，简单蘸啲盐已经够正。记住唔好煎太熟，五成左右最正，入口即溶咁滞，食到最后啖肉都系暖嘅，抵赞🥩封门柳封门柳瘦得嚟嫩过肥牛！肉质实净又淋滑，牛味浓到黐线，仲有阵独特微酸香，五成熟点盐食最颠峰！识食一定嗌记住记住要嗌埋巨大既元贝，啖啖肉好有鲜味架
继续阅读
呢间餐厅嘅牛扒真系平民之选，性价比超高！睇吓个牛扒，烧得啱啱好，外层焦香，入面粉嫩多汁，肉质软腍又唔会太油，咬落去满口肉香，超满足。配菜𠮶个带子煎得金黄酥脆，外面香口，入面软糯，简单但好味。有汤，仲有啲沙律菜同饭任拎，份量够饱，唔使担心食唔够。整体嚟讲，环境简单朴实比较逼，服务都好亲切，系平民食肆嘅温馨感觉。价钱实惠，味道又唔失礼，绝对系同朋友或者家人轻松聚餐嘅好选择。下次想食牛扒，会再返嚟试其他款！
继续阅读
同朋友去海山楼aka.怪兽大厦影相，原来地库就系之前五百年一遇暴雨浸晒果个商场，入面楼底几高，仲揾到呢间石烧牛扒店。店内几乎以自助形式运作，在电子屏幕点付款，自取餐具及水之外，还有沙律菜，白饭，牛肉汤，我想讲个牛肉汤好浓味，而且都有唔少料，好饮。① 八幡平招牌牛扒 270G$125② 青柠封门柳 230G$160极度建议食物上枱后先移走牛扒，之后再逐块烧慢慢食，以免牛肉过熟而影响口感。（如果石头唔够热可以请店员协助更换一块热石）两块肉烧至半熟享用，封门柳口感较嫩，招牌牛扒牛味较浓，另外有多款调味料，简单加黑椒盐又得，加芥末酱或烧肉汁亦得，我更爱将蒜蓉放在热石上烧一烧，口感更佳。好豪咁加$25配粒巨物元贝，放在热石上将元贝烧至金黄色，外脆内软真系好正！最后要讲调味料中有饭素，捞饭真系无敌，令我食多左碗饭！大满足！
继续阅读
朋友想去怪兽大厦打卡，之后当然揾吓附近有冇好嘢食，朋友系食肉控，揾到就喺怪兽大厦下面，细小一个商场入边有间石烧牛扒，望落去几正，因为好早，完全冇人，咁就入去试吓，（食食吓已经坐满晒）试咗招牌牛扒270 gram $125 纽西兰牛柳200 gram $130试过后我同朋友都觉得「正」，性价比好高，牛扒送到嚟枱面已经非常吸引，重有一粒大大带子，牛扒牛柳超「霖」之余，好有牛味，想几生几熟都可以自己控制，食肉唔够，重有沙律，汤，日本米饭任食，咁嘅价钱咁嘅份量同质素，真系冇得输即刻已经介绍其他朋友去试吓，顺便去怪兽大厦打个卡
继续阅读
今次去咗鲗鱼涌一间隐世石烧牛扒店，真系粮尾恩物💯肉类高质+选择多，白饭、热汤、沙律任添，食肉兽至like，另外仲可以$25加配巨物元贝～粮尾想食好西又唔想嘥钱，呢度绝对系首选，$100左右就食到高质肉扒，仲想点？👍🍖八幡平招牌牛扒（270g）｜💰$125牛扒份量够晒大块，放咗系热辣辣嘅石板上，可以自己控制生熟度，啱晒小女子呢啲钟意食medium rare嘅人～牛肉质素对得住个价钱，肉味浓得嚟唔会韧，加少少盐同黑椒已经好正！🔥🐷日本产豚扒（200g）｜💰$85豚扒烧到外脆内嫩，油脂分布平均，入口juicy唔干柴，仲有阵阵焦香，绝对唔输蚀俾牛扒🤌🏻
继续阅读
您可能会有兴趣的...