八幡平石燒牛扒專門店 (東匯坊)

营业中

休息中

今日突然好想食石燒牛扒,  上OPENRICE 搵下附近有無啦.  搵到呢間"八幡平石燒牛扒專門店. 環境乾淨整潔唔會油淋淋. 好似日本小店精緻實用所有野都係.  門口有自助點餐機可直接點餐, 店員都會過來幫忙如有問題  ,  座位上提供圍裙 非常好 ! 八幡平招牌牛扒 270G   $125 招牌牛扒好大份.   我自己比較鍾意食medium rare, 所以一上枱我馬上切開一半. 一半放碟上先. 先食一半. 表面焦香鎖住肉汁.  非常可口軟淋. （如果石頭唔夠熱可以請店員協助更換一塊熱石）珍寶元貝 (扒餐+HK$25/一枚)    元貝好大隻，好厚肉, 鮮甜多汁, 記得唔好燒咁耐. 青檸封門柳 230G$160   肉質柔嫩，牛味濃郁 加埋青檸汁 多一重種清爽味道， 餐廳幫我切件， 方便食用。 加配左元貝， 好大粒啖啖肉， 煎到表面焦脆特別爽口， 值得加配。 自助吧提供的沙律， 蘿蔔牛肉湯和 珍珠米飯仲有飯素 ，全部都係無限任添。 特別一提個牛肉湯一定要飲，真係好足料用好多牛肉煲，入邊仲有洋蔥所以都好清甜。 單係個湯已經完勝好多石燒牛扒店。 八幡平石燒牛扒專門店 地址: 鰂魚涌英皇

八幡平日式石燒牛扒專門店，首先喺購票機選擇自己想食嘅扒種類和重量，跟住坐定定就會有尊人送上，好方便！牛扒上枱前會先煎封表面，之後我就可用熱石板燒至自己想食嘅熟度😍我鐘意依度嘅肉，全部沒有加味精，真正食到肉本身嘅原汁原味，可以配搭醬汁、或鹽等等去提升味道，自己食物由自己話事，創造出有個性十足嘅口味！我同朋友分別叫咗日本🇯🇵產豚扒和青檸美國封門柳，豚肉肥瘦適中！封門柳配搭上青檸汁真係份外醒神！而家跟扒拼巨物元貝，只要加25元便可以品嘗到其鮮嫩可口嘅美味😋而且助放題區，沙律🥗、湯🍲、白飯任食😍😋下次再約朋友去食過！

這家主打速食石板牛扒，價錢相對實惠。可以配不同的醬料⭐️八幡平招牌牛扒八幡平的招牌牛扒選用上等牛肩胛牛扒，上桌時，牛扒厚厚的，還有一粒帶子。切開後焦脆的外層下是誘人的粉紅色澤，口感軟硬適中，加上柔軟的帶子，增加口感。⭐️青檸美國封門柳這道青檸美國封門柳走的是清爽路線。封門柳是牛隻橫隔膜附近的部位，肉味濃郁且帶點嚼勁，快烤至medium rare，脂肪分布均勻，在口中化開時，油脂的甜香與炭火焦香完美融合，這份牛扒口感較佳。

喺鰂魚涌東匯坊商場地庫發現一間高質性價比高嘅石燒牛扒店，餐廳提供多種牛扒部位。入餐廳後用機器自助點餐。餐廳提供位置掛外套同圍裙，唔怕外套衫沾味沾醬，十分貼心！ .🌟招牌牛扒拼巨物元貝 餐廳會預先將牛扒煎3成熟，底面封層鎖住肉汁，客人按照自己喜好將牛扒繼續燒熟，牛扒部位脂肪較少，微微有焦香，加鹽同胡椒就已經好好食，之後如果有油膩感可加芥末醬。元貝爽口彈牙，以為係配角卻非常好吃！ .🌟美國封門牛柳拼巨物元貝 牛柳肉質更為嫩，餐廳會先將底面燒好，鎖住肉汁，呢款肉就算燒耐咗都唔會好柴，因為餐廳已經切好一片片，處理更容易方便。 .🌟自助放題區 餐廳提供無限珍珠米飯、湯、沙律同水，就算係大胃王都可以食得飽！

這次去了八幡平石燒牛扒專門店，真的讓人驚喜！🥩✨ 環境日式風格，簡約舒服，重點是食物質素超高！🔥 青檸封門柳 (230g)入口即化的口感，牛扒煎得剛剛好，帶點青檸的清香，解膩又開胃，超推！🔥 八幡平招牌牛扒 (270g)這款招牌牛扒真心juicy，肉質嫩滑，石燒的香氣撲鼻，每一口都滿足到不行！🦪 巨型元貝新鮮肥美，烤得外脆內嫩，簡單調味就已經好吃到飛起！💚 仲有任食沙律同任飲湯，健康又抵食，簡直是加分位！整體感覺好chill，適合同朋友或另一半來慢慢享受一餐～ 下次一定要再試其他款牛扒！😋

--係香港終於比我搵到平民價既石燒扒餐廳！😍八幡平石燒牛扒專門店位於鰂魚涌東滙坊，地理位置非常方便，而且店內採用半自助式，任添白飯牛肉湯沙律，超正！-🥩八幡平招牌牛扒八幡平個石燒牛扒真係有噱頭！成嚿滾辣辣嘅石板捧上枱，滋滋聲夠晒過癮。塊牛扒靚仔，外皮煎到脆卜卜，裏面仲係粉嫩多汁，牛味好出，簡單蘸啲鹽已經夠正。記住唔好煎太熟，五成左右最正，入口即溶咁滯，食到最後啖肉都係暖嘅，抵讚🥩封門柳封門柳瘦得嚟嫩過肥牛！肉質實淨又淋滑，牛味濃到黐線，仲有陣獨特微酸香，五成熟點鹽食最顛峰！識食一定嗌記住記住要嗌埋巨大既元貝，啖啖肉好有鮮味架

呢間餐廳嘅牛扒真係平民之選，性價比超高！睇吓個牛扒，燒得啱啱好，外層焦香，入面粉嫩多汁，肉質軟腍又唔會太油，咬落去滿口肉香，超滿足。配菜嗰個帶子煎得金黃酥脆，外面香口，入面軟糯，簡單但好味。有湯，仲有啲沙律菜同飯任拎，份量夠飽，唔使擔心食唔夠。整體嚟講，環境簡單樸實比較逼，服務都好親切，係平民食肆嘅溫馨感覺。價錢實惠，味道又唔失禮，絕對係同朋友或者家人輕鬆聚餐嘅好選擇。下次想食牛扒，會再返嚟試其他款！

同朋友去海山樓aka.怪獸大廈影相，原來地庫就係之前五百年一遇暴雨浸晒果個商場，入面樓底幾高，仲搵到呢間石燒牛扒店。店内幾乎以自助形式運作，在電子屏幕點付款，自取餐具及水之外，還有沙律菜，白飯，牛肉湯，我想講個牛肉湯好濃味，而且都有唔少料，好飲。① 八幡平招牌牛扒 270G$125② 青檸封門柳 230G$160極度建議食物上枱後先移走牛扒，之後再逐塊燒慢慢食，以免牛肉過熟而影響口感。（如果石頭唔夠熱可以請店員協助更換一塊熱石）兩塊肉燒至半熟享用，封門柳口感較嫩，招牌牛扒牛味較濃，另外有多款調味料，簡單加黑椒鹽又得，加芥末醬或燒肉汁亦得，我更愛將蒜蓉放在熱石上燒一燒，口感更佳。好豪咁加$25配粒巨物元貝，放在熱石上將元貝燒至金黃色，外脆內軟真係好正！最後要講調味料中有飯素，撈飯真係無敵，令我食多左碗飯！大滿足！

朋友想去怪獸大廈打卡，之後當然搵吓附近有冇好嘢食，朋友係食肉控，搵到就喺怪獸大廈下面，細小一個商場入邊有間石燒牛扒，望落去幾正，因為好早，完全冇人，咁就入去試吓，（食食吓已經坐滿晒）試咗招牌牛扒270 gram $125 紐西蘭牛柳200 gram $130試過後我同朋友都覺得「正」，性價比好高，牛扒送到嚟枱面已經非常吸引，重有一粒大大帶子，牛扒牛柳超「霖」之餘，好有牛味，想幾生幾熟都可以自己控制，食肉唔夠，重有沙律，湯，日本米飯任食，咁嘅價錢咁嘅份量同質素，真係冇得輸即刻已經介紹其他朋友去試吓，順便去怪獸大廈打個卡

今次去咗鰂魚涌一間隱世石燒牛扒店，真係糧尾恩物💯肉類高質+選擇多，白飯、熱湯、沙律任添，食肉獸至like，另外仲可以$25加配巨物元貝～糧尾想食好西又唔想嘥錢，呢度絕對係首選，$100左右就食到高質肉扒，仲想點？👍🍖八幡平招牌牛扒（270g）｜💰$125牛扒份量夠晒大塊，放咗係熱辣辣嘅石板上，可以自己控制生熟度，啱晒小女子呢啲鍾意食medium rare嘅人～牛肉質素對得住個價錢，肉味濃得嚟唔會韌，加少少鹽同黑椒已經好正！🔥🐷日本產豚扒（200g）｜💰$85豚扒燒到外脆內嫩，油脂分布平均，入口juicy唔乾柴，仲有陣陣焦香，絕對唔輸蝕俾牛扒🤌🏻

食石燒牛扒之前，有無限量提供的牛肉湯，白飯和沙律。真係超多牛肉。菜都係新鮮蔬菜。熱騰騰的牛扒散發著誘人的炭烤香氣，肉質嫩滑多汁，搭配新鮮的元貝，帶來海陸結合的美味享受。牛肉的鮮美與元貝的鮮甜在口中交織，讓人回味無窮。試咗佢哋嘅新品，鮮嫩的封門柳放在熱石上燒烤，散發出迷人的香氣，搭配清新的青檸調味，帶來清爽宜人的口感。封門柳的肉質鮮嫩多汁，搭配青檸的清新風味，牛肉味超香超突出，真的要嘗試一下。配飯價值一流。

值得推介，唔需要食貴嗰啲🥩就算係最平嘅嗰隻牛扒，只需要$85 ，已經有好好嘅肉質，份量又夠大，煮出嚟熱辣辣香噴噴，非常吸引🤩另外，佢哋嘅沙律，牛腩湯，白飯，全部都係任食。個人好欣賞佢哋嘅牛腩湯，每一次我都會飲三大碗，湯濃，啲蘿蔔同埋牛腩都煲到好腍好入味。本身我就好少食白飯，但去親依度我都會食，因為啲牛扒連埋啲汁，再連埋啲飯食，係十分香口，會令到我好唔小心食晒成碗白飯。另外都要讚賞吓佢哋用嘅調味品，全部都係優質，仲可有飯素加落啲白飯度，所以真係十分之性價比高，你一定會返轉頭再食。

朋友想任食沙律同湯啦， 我就話去食肉肉好唔好！ 佢話都好想食肉肉！ A5日木產和牛西冷 鐵板 A5和牛可是肉質非常嫩滑，油花分布均勻，吃上一口就能感受到那種入口即化的感覺呢！✨鐵板燒的方式更是能讓牛肉的香氣和鮮味得到充分釋放，搭配一些簡單的調味料，配上白飯一流🍽️鐵板牛柳😋牛柳通常選用的是嫩肩肉或者牛里脊，切成細條後在鐵板上煎烤，外焦里嫩，肉質鮮美。鐵板的高溫能鎖住肉汁，讓每一口都充滿了濃郁的肉香。再加上一些簡單的調味，比如醬油、黑胡椒，或者搭配一些蒜蓉，簡直是美味無比！✨同時，鐵板牛柳的顏色也很誘人，金黃的外皮和鮮紅的牛肉形成了鮮明的對比，看著就讓人忍不住想要嘗一口！🍽️

✨ 今日嚟到太古站地下街搵食，「八幡平 」門口宮崎牛廣告吸引到我哋，裏面坐滿人客，餐牌有有各式各樣牛柳、牛扒、和牛、仲有雞扒豬扒同鰻魚。***** ***** ***** ***** ***** 我哋先帶上店內提供的圍巾之後，order咗兩個餐八幡平招牌牛扒🥩日本產地雞扒🐔上檯每客人有一板燒得熱烘烘的石頭🪨客人自行熱熟，材料品質上盛，肉質非常嫩口，邊玩邊食好過癮。還有一個自助餐區，有白飯飲添、有沙律菜、最重點推介有任飲的蘿蔔牛肉湯，牛肉湯好清甜，農鄉的黑胡椒味，飲完好暖胃，我飲咗5碗，真心推介好香牛肉味無味精湯。總結，整體店子招呼一流，食材夠新鮮，價錢都好合理，打算下次嚟試吓宮崎和牛呀。

夜晚經過呢度附近，見到食石燒牛扒專門店，凍凍地天氣食下石燒牛扒，暖下個身。鐘意食肉既人一定會成日食石燒牛扒，大大塊肉，啖啖肉餐廳內飯、湯、沙律免費任食，飯係珍珠米，湯係牛肉白蘿蔔湯，沙律用料好新鮮，我食左好多碗沙律我同朋友點左八幡平招牌牛扒270g, 牛柳200g招牌牛扒必點！一上碟270g 對比起200g 有明顯size分別，招牌牛扒大大舊，半燒半生狀況外面有好多血汁滲出來，用石燒將肉汁鎖住。我鐘意食石燒原因自己可以控制到幾多成熟，我想熟多少少又可以放係石上煮一煮，唔想太熟又可以拎起。當煎到3-4成熟肉質細密，無筋，再點餐廳提供既燒汁令牛扒味道昇華。另一塊牛柳200g，牛既肌肉紋，每一條都見到，一切起好腍，不論幾多成熟一切好易分開，肉質唔痴牙，好嫩又易咬開。餐廳係門口放置一部只接受八達通付款自助點餐機，好方便餐廳內有提供掛褸既位置，好貼心既服務