八幡屋涮涮鍋 (已結業)

雖然係盛夏，但係去打邊爐既意慾沒有因而減低。最近見到八幡屋星期一到四做緊和牛海鮮買一送一，所以選擇左呢度食下午茶。店內裝修時尚簡約，座位舒適，檯與檯之間保持一定距離。餐牌上有90分鐘、120分鐘及150分鐘各有四款既任食火鍋選擇。我地選左150分鐘既M5和牛海鮮盛宴食到飽套餐。湯底方面，則選左骨膠原豬骨湯以及壽喜燒鴛鴦鍋，湯味濃郁。我地選既套餐性價比高，大部份既海鮮、燒物、肉類、飲品已經包括在內。 海鮮類選擇豐富，有蠔、蝦、鮑魚、螺、帆立貝、鯛魚，就連蟶子都有。至於肉類方面，我很喜歡澳洲M5和牛，和牛油脂分佈均勻，非常嫰滑；五花肉則層次分明，脂香感十足。此外，餐廳亦提供多款小食和甜品，例如刺身、壽司、燒物、雪糕。飲品方面，除左一般汽水，還有多種啤酒可供選擇，意想唔到係餐牌亦有清酒提供。 當然，餐廳亦提供蔬菜、多款丸係自助bar，任由我地去各取所需。總體而言，呢個價錢有咁多食物選擇真係唔話得，性價比高，值得再來回味。