八幡屋涮涮鍋

营业中

休息中

今日嚟到瓊華中心度打邊爐，呢間八幡屋嘅裝修風格好似去咗日本🇯🇵咁呀，講起上嚟我已經好耐冇去日本啦好掛住嗰度嘅特色。尤其是係見到呢隻達摩諗返起以前周街都係🥲唯有上黎食住火鍋懷念下先啦！今日我哋叫嘅就係麻辣火鍋🍲湯底，你睇吓佢個鍋紅到😆正呀，麻辣湯真係應該要咁紅先至啱㗎嘛？未食已經覺得好正！首先介紹吓啲肉先我哋就揀咗澳洲M5、牛肩胛！其實我覺得兩個都超級有牛味！厚薄適中入口即溶！我最最最最推介呢間餐廳係因為佢哋嘅海鮮係可以無限次追加！你睇吓我兜海鮮同埋刺身幾新鮮！我真係超級鍾意嚟呢度！

好伏！這是近年吃的最差放題，沒有之一。食物選擇不多，明顯不新鮮。海鮮一煮全部縮水，刺身有明顯不新鮮，赤蝦沒有去蝦線，尾部發黑，有些連下頭都無，一嘴滿口的沙。串燒品質不行，火候不行，蝦瘦無肉，多春魚黑焦又硬。菜品不多，小料台髒亂，明明沒什麼人，檯上的食物也很少。服務人員態度一般，簡單來說，沒有受到任何照顧，除了上菜，沒有任何用處。價格和食物品質不符，性比價極低，欺騙消費者。同樣價格，在外有更多更好的選擇。

我提早預約訂座，早一天都有問清楚如何收費，點知到店時職員先講要額外加收 「附加費」 $40，預約時又唔講，對此店誠信扣分。專登揀星期一平日下午去，點知都係要收貴啲。食物質素一般，有些食物食到我成口沙，職員態度ok, 環境就麻麻。點了6件的食物，職員送到枱上得4件。啫喱無曬又無 refill. 打邊爐的蝦好瘦小，食唔到蝦應有的鮮甜味，肉質都好差，感覺不太新鮮，有幾塊澳洲M5 和牛有好多筋，有的 M5 和牛底嗰面有好多肥（脂肪），唔怪得咁快就有飽肚感，湯底亦不夠味。

朋友請我食生日飯🎂，畀我揀地方，喺社交平台見到呢間，撳入嚟睇有九百幾個😋 以為係好嘢 ，就建議喺呢度食，誰不知，原來中伏😭啲plan唔算好平，唔緊要，如果好食，乜都無問題，我哋仲專登揀中價plan。可惜，啲安格斯牛同黑豚肉嚟到竟然係燈影版💡🧐，薄到根本食唔到牛味😒。到刺身🍣，除咗三文魚係大片少少🐟，其他都係迷你版，猶如一陣風，牙罅都攝唔到😑 真係擔心大家食得太飽😒 全晚最好食嗰樣嘢竟然係嗰粒疑似係番薯波波嘅物體。其實成間店舖整體食物、飲品選擇提供太少，而且食物質素、新鮮程度普通，refill又慢，同其他放題比較，真係令人頗失望😔 絕對破壞咗我原本食生日飯嘅興奮🥺但最經典、最過份嘅失敗😡🤬 就係連上畀客人嘅蜆🦪或者貝殼類🐚食物都冇吐晒沙就畀客人食用。客人將啲未吐沙嘅海鮮放曬入煲，煲入面嘅菜、冬菇、肉都被沙污染，食到成口沙，咁你叫客人如何是好😤 客人對佢哋食物嘅衛生程度真係有好大疑問🤔 其實佢哋啲食物有冇真係清潔得乾淨嘅呢？因為啲蜆連沙都未吐，究竟啲食物處理的有幾乾淨呢？🤔🙄總括嚟講，我完全睇見唔到呢一間係值得咁高評價、咁多😋嘅食肆。大家去食飯之前，一定真係要小心啲選擇，聽朋友親身經驗會好

場內有曱甴 喺隔離陪住你食飯🤮🤮🤮野食選擇唔算多 好多野都sold out布甸啫喱溝水淡而無味雪糕溶左再雪炸物無味超油 炸麻薯波唔冧唔硬勁難食刺身唔新鮮又鞋蕨餅勁乾 口感核突泡芙淋哂晚市呢個價錢唔值，真係失望唔會再嚟

150分鐘放題任食任飲酒~ 最緊要係環境舒服~可以慢慢食傾下計🤩難得同朋友聚，梗係食好啲，揀咗個任食M5和牛放題，第二位仲要有半價🥳 任食M5和牛好正~油花分佈均勻，肉質軟嫩中帶有彈性，令人回味無窮🤤入座嘅時候會送一盤A4和牛同埋海鮮拼盤🤟🏻早幾日訂位仲會送埋鮑魚添🥴除咗M5任食之外，仲有海蝦、帆立貝、廣島蠔等~9款火鍋海鮮任叫任食！我哋就不停咁encore帆立貝😝 仲有12款新鮮刺身，無雪味絕對唔hea架~食燒烤嘅話一定要食鹽燒虎蝦，鹹味啱啱好，海蝦新鮮肉質爽口鮮甜，會忍唔住叫多幾隻送酒🍻 其實佢呢度種類真係好多，丸都有10幾款任你揀，雪糕仲係made in Japan！真係好揼本！最鍾意係佢有好多酒款任飲，我就揀咗梅酒，梅酒唔差喎，唔係平時出面放題啲平價野，一路食日本嘢一路飲好舒服😌另外估唔到啲甜品都好出色，足料嘅牛奶布甸同朱古力蛋糕，加埋杯日本雪糕送件蛋糕真係冇得輸！呢度上菜快唔會漏單，最緊要係啲職員都好勤力，有個姐姐好Nice，不停咁幫我哋收碟仲好有禮貌，唔會成枱碟食飯傾計都開心啲☺️下次突然想食日本野，但去食日本餐會好貴，又鐘意有好多款式，再黎呢度就啱哂了🤩

今日同朋友一齊去食放題形式火鍋🍲，今次我哋一齊選擇食C餐 「澳洲M5和牛」1.湯底方面（麻辣火鍋、日式壽喜燒湯底）可以選擇鴛鴦湯底不過要加錢💜你個人覺得加幾十蚊可以食到多一個湯底都唔錯選擇，因為佢個麻辣湯底真係好香2.職員喺我哋坐低嘅時候已經order左「牛肉、豬肉」，牛肉🐂有香味，雖然牛肉味唔係最貴嗰款，但係佢又唔會好”un”3.刺身拼盤4.海鮮拼盤（鮑魚、扇貝、螺、鮮蝦⋯）海鮮味道鮮甜5.自助式（不同的炸物：炸薯仔、炸紫薯、炸粟米仔、炸春卷、炸饅頭）6.手機下單（有不同的串燒）其中金菇肥牛🔥味道剛剛好

與好姐妹👭慶祝相識十週年。她喜歡吃火鍋🍲，我喜歡吃日本嘢🍣。為了同時滿足兩個人的願望，於是我們決定一起去吃八幡屋涮涮鍋。晚市提供150分鐘仼食仼飲。真係可以慢慢坐慢慢食都不怕。放題有四個不同價錢，我地選擇了C餐澳洲M5和牛。鴛鴦湯底加$20，好抵，有寫餐廳鴛鴦湯底要加$50呢！我們選了一個壽喜燒和沙嗲湯底。湯底送到時，同時送上手切安格斯肥牛和海鮮拼盤。這二個非仼食，不過其實有些海鮮可以在qr code menu處再添加。安格斯肥牛好吃😋由色澤看出肉質新鮮，一塊接着一塊吃完。於是再下單叫了其他仼食的牛，我地所點的C餐可以仼吃澳洲M5和牛和美國安格斯牛肩胛，二款都充滿牛肉香味，入口非常軟冧，切得非常薄身，所以放進火鍋數秒就已經可以享用了。qr code menu list 主要是添加肉類，海鮮及刺身，蔬菜，丸類和粉麵及醬料等火鍋配料都可以在外面自助區自行取用。之前說過，除了火鍋我亦很想吃刺身，第一轉會提供刺身頭盤，不同試了幾款刺身，但每款數量按人數而供應，因此二人只有每款二件。不過，所有刺身都可以追加，可追加的刺身款式比頭盤多，而且刺身非常新鮮，每次上枱都有冰鎮底，保持刺身新鮮度。很開心，

今日去咗 ✨八幡屋 食日本火鍋放題，我哋揀咗 澳洲 C3 M5和牛！呢度大部分係卡位，坐得幾舒服。揀咗骨膠原豬骨湯 + 沙嗲湯底～一坐低，就先來一盆新鮮嘅刺身，包括：帶子、赤蝦、劍魚腩等等，仲有火鍋海鮮拼盆，包括：海蝦、帆立貝、廣島蠔等。然後係牛肩胛、黑豚肉，入口juicy，而且唔韌！除咗肉類，呢度仲有熟食。而丸類、菜類、飲品等就可以自助任食任飲，飯後仲有杯裝雪糕任食🍦。金菇天婦羅炸到好脆，好好味😋!菜類選擇都唔少！飲品任飲

呢個優惠好抵，之前都有食過八幡屋涮涮屋。見啲食材都好新鮮。見網上寫只要Whats app訂座，就有買一送一優惠！真係好平，每人二百零蚊就可以仼食仼飲150分鐘。2個半小時，真係可以慢慢嘆。一上座，店家先安排一個刺身拼盤，海鮮拼盤，二碟牛同二碟豚肉。 刺身新鮮，食完可再添食😋追加餐單竟然有劍魚腩，油脂一流，肉質柔軟脂肪鮮甜而不油膩。希靈魚都好有爽脆口感，二者都叫左幾次。三文魚又厚切又肥美。海鮮拼盤有海蝦，帶子，蜆，螺，青口。唔算好豐富，不過原來追加既海鮮仲多款，有生蠔，蟶子，魷魚。生蠔好大隻又肥美😌都係仼食澳洲M5和牛仼食，每份都大大盤👍🏻還可以揀牛肩胛，牛肩胛肉肉質比較結實、M5和牛則口感細嫩。睇得出牛肉色澤紅潤，入口富彈性，油脂均勻😋我地仲食左A4和牛。嘩，薄薄的A4和牛絕對是入口即化，放入湯淥幾秒就最好食。下次可以試吓最高級的日本黑毛和牛仼食。自助區同點餐表都有熱食熟食。咖喱魚蛋，炆牛腩，青口，炸芋丸，炸饅頭，薯角，天婦羅，春卷等等等，好多不同款式，我比較愛食燒三文魚頭，炸蝦多士，燒菠蘿。還有壽司，前菜，甜品，二個雪條櫃。另外亦都有好多火鍋料可以自己取食，有生雞蛋，炸魚皮大大塊好脆

上星期同老公去呢間打邊爐，揀左買一送一優惠嘅M5澳洲和牛放題，勁抵食！ 今次已經係第2次食呢間野啦！！ 要再encore！餐廳近門口有一排L字型自助區，有打邊爐嘅食材、 前菜、壽司、甜品同熱食。壽司都幾搶手， 但我見refill得幾快好欣賞佢嘅炸物，全部都熱熱地同脆口！個春卷幾好食如果拎完，佢有時會refill新款式，我食到中段果陣見到有炸饅頭勁脆刺身質素都唔錯，甜蝦同帶子都好鮮甜，劍魚腩就唔夠油脂感。打邊爐揀咗兩個湯底一個係龍蝦蕃茄湯，另一個係麻辣湯。龍蝦湯隻龍蝦係另上嘅，唔驚佢煮得太老，幾貼心，同埋幾多膏。麻辣湯底勁多花椒八角，好香！！煮蜆真係一流，食果陣索晒佢啲辣湯送左一盤海鮮，有扇貝、鮑魚、螺、生蠔、蝦等等，鮑魚幾爽彈螺肉高質，encore左幾次， 愈煮愈入味M5和牛盤盤質素都保持到， 我見佢一盤其實有唔同部位，所以油花都唔同，覺得咁樣幾好，又公平啲，又試到多啲唔同口感。m5牛牛肉味重，又嫩滑呢個價錢食到都抵！

今日夜晚帶呀媽去見識下，食好西。去左一間之前已經食過嘅餐廳，水準一如以往，呀媽都好滿意，特別係老人家唔鐘意你破費，鍾意依啲任飲任食嘅野。首先我地叫左個冬瓜薏米湯底，呀媽話無咁熱氣。個湯都幾清甜一開始已經送左M5和牛同埋海鮮比我地。和牛睇落啲油脂好平均，食落都重牛味，任食黎講相當唔差。海鮮入面我覺得個青口、鮑魚最好食，好鮮甜。全部海鮮都開口，證明都新鮮。仲有呀媽最鍾意嘅刺生，全部都好新鮮，夠油，當中最好食係三文魚，好肥美。仲有其他食物叫，我媽最愛拎出面嘅SUSHI，另外仲有啲太、響玲、菜。手機仲可以ORDER其他熟食，多到真係食唔晒。 最後唔少得食埋個甜品先走，我揀左雪條，呀媽揀左雪糕。總括，呢間野都幾全面，其中海鮮同埋牛都出色，值得帶老人家黎食。

這是一間很難得我沒有吃雪糕的放題店!真的太多選擇了，吃得太飽，最後竟然吃甜品的位(胃)置也沒有選好想要的湯底就可以出去大雪櫃選飲品，醬料，火鍋配菜，跟小食有我最愛的皇帝菜!碗仔翅都有~火鍋每次太飽都必須要有的熱茶小食爐有4款，可惜我太飽，沒有機會試一下刺身十分新鮮，平時放題/任食的我都不太喜歡刺身，因為大多都會有雪藏味這間的刺身令我很感動，所以我有點第2 reound~正啊~好麻辣啊~另外一邊是用來煮菜跟海鮮的~牛跟豬的油花也很好看~而且重點是之後再點的肉也很好海鮮不是太多種類，但也是可以再點的丸類這間店很多款，也是最令我飽了的凶手!因為每款我都試了一粒，最後真的太飽了!連甜品雪糕我都沒有機會吃!(太生氣自己的戰鬥力了!)我來來回回了很多躺，但都沒有能力可以再吃了之後再點的刺身，擺盤很好看~令我飽肚的第二個凶手~他們的香芋球(類似的名字)真的太香甜了!我吃了很多個這間店選擇太多了，下次再光顧我一定要再試其他款式!

香港雖然一年四季都可以打邊爐，但總覺得冬天是最好的火鍋季節，適逢經app訂座八幡屋涮涮鍋澳洲M5和牛刺身海鮮火鍋盛宴，平日一至四晚上八點半後入座可享買一送一優惠，當然不可錯過。平日晚上八點半後全場滿座，食客雖多，但不覺擠迫，眼見大部分枱為四人卡位，坐得十分舒適。叫了辛辣泡菜湯湯底，等候期間，刺身、海鮮、澳洲M5和牛、牛肩胛及黑豚肉已經送上。除了用手機落單加叫外，另可自取蔬菜、丸類、壽司、熟食、炸物、甜品、雪糕雪條及飲品。刺身種類很多，計有赤蝦、甜蝦、鯛魚、吞拿魚、三文魚、劍魚腩、希靈魚、赤貝、馬刀貝、鮑片、八爪魚、帶子，款式與一般日式放題無異。各樣刺身都很新鮮，尤其喜歡赤蝦，赤蝦體型碩大，柔軟綿滑。帶子入口滑溜，很有質感，鮮甜味於口腔爆發。三文魚口感柔軟細滑，入口甘香。希靈魚肉質鹹實，魚籽爽口。赤貝馬刀貝爽脆，鮑片煙韌鮮甜。泡菜湯湯底不算辛辣，但用來打邊爐，食物味道已足，可以不用蘸醬油。海鮮種類也不少，翡翠螺用來打邊爐比較少見，但味道同樣爽口鮮甜。肉類眼見顏色十分鮮嫩，薄切用來打邊爐，更快見熟，肉質更鮮甜嫩滑。友人很愛燒菠蘿，不可不叫，菠蘿清甜多汁。即食麵原個上，不是散裝或雜牌，平日少

天氣凍啦就想去打邊爐，結果搵到呢間火鍋店，一入到去都幾爆場，職員喺入去之前會問你要咩湯底，跟住落完單之後好快就上湯底，快手。今次我揀咗壽喜燒湯底同澳洲M5和牛套餐，呢間主打連刺身都可以任食，非常吸引。壽喜燒湯底甜甜地，加埋醬汁調味，唔錯，下次會試吓麻辣湯底。一黎既和牛，油脂分布平均，好香牛味，即刻想再叫。另外刺身有非常多選擇，重點可以任叫，刺身蝦好大隻，三文魚亦厚身，我地兩個人重複叫咗幾次剌身，性價比幾高。第一次送來嘅海鮮拼盤仲有鮑魚，打邊爐嘅時間啱啱好，好彈牙，雖然海鮮嘅選擇唔多，但係勝在新鮮，貝類冇沙。仲有其他唔同嘅丸類，烏冬可以喺出邊任拎，按照自己喜好，仲有炸物，例如天婦羅，都可以喺出邊任拎。除左打邊爐仲可以叫熟食，今次叫咗虎蝦同多春魚，同出邊燒烤店質素差唔多，不錯。另外仲有任拎飲品同雪糕，呢個價錢任食海鮮打邊爐同刺身，性價比不錯。