八幡屋涮涮鍋

营业中

休息中

疫情後終於出動係樓下瓊華排哂長龍上去，繁忙時間要預時間排隊入lift一入到去就放低刺身比我地呢一下似welcome food，係肚餓既情況覺得幾體貼揀左安格斯牛肩胛，覺得唔太有安格斯味，只係一般上級肥牛，都還可以唔靱同埋會預早上埋盤海鮮-------------整體上菜速度幾快，只係等幾分鐘內就會送黎收吉碟速度幾快👍🏻要彈既係雪糕質素好普通，完全冇興趣食比得差唔多$300-500，都冇好啲既甜品

今日叫左個 B 3 和牛任食套餐，之前食都正常, 最少食左 4-5 次, 但今日去食已經同之前唔會。首先，d牛肉並不是和牛。會夾雜左3種牛肉，即時一碟裏面會有 不是和牛嘅 牛肉。 我要和牛餐， 為何每碟都係雜牛肉？另外無論你點3碟， 4碟， 5碟都好， 佢都只會黎2碟。 (今日3人用餐)第2係d刺身， 全部用最平果個grade的刺身。 因為睇過size你就會知道， 例如甜蝦佢係細到只有手指尾那麼長。第3， 今日食食下發現個電磁爐壞壞地， 加熱得好慢。配菜又少又少嘢食。 你睇下其他任食打邊爐有冇你哋咁肉酸？比我感覺係間野差唔多倒閉。 今日一位收390。 原本諗住你哋間舖疫情好返啲你哋嘅質素會提升。 但係呢個只不過係一個幻想， 人多咗反而你哋嘅質素係跌到不能再跌。 我不會再去幫襯. 伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏

我阿媽成日都話煲奶白色的魚湯可能較易掌握，但熬豬骨湯總是較為清淡，要做奶白色的豬骨湯其實好難！因為豬骨內嘅血水好難清走，做得唔好好容易會有腥臭味，做得濃郁梗係無返咁上下功力都做唔到！你見到呢個湯底咁奶白色就知道師傅花咗幾多功夫啦，我媽都不忘讚賞👍🏻呢個豬骨湯嘅湯底非常之濃郁！我哋叫咗澳洲M5和牛放落個湯底度雖然係豬銅牛嘅分別但係仍然能夠提出鮮味，肉嫩多汁。牛肩胛部係牛經常運動的部位，所以筋肉較為發達，肉質較結實，比較有咬口。兩種牛肉我都勁鍾意，因為各有不同，但係肉質好嫩，浸落嗰啲湯底度幾十秒就熟咗，一啖一片。正！😘

呢間餐廳好特別㗎，除咗牛肉同埋火鍋配料可以任添之外，仲有小食甜品可以喺自選台任揀！款式好多總有一款啱你食！除此之外餐廳而家仲有免費無限次添加嘅海鮮同埋刺身，首先講吓個海鮮拼盤先啦我就叫咗勁多海蝦，因為我好鍾意食蝦㗎！啲蝦都幾大隻，比我想像中好，蜆肉冇沙，鮮味十足實在是令人讚嘆不絕！👍🏻令我覺得最抵讚嘅係佢哋嘅刺身拼盤，刺身都係任君選擇㗎你鍾意叫咩都可以！食完之後仲可以無限次添加食得晒先好嗌呀😘 我哋食咗好多帶子、赤蝦、鮑片、榮螺、三文魚腩、八爪魚、劍魚腩等等💖

燒肉食和牛我就食得多，但係打邊爐用和牛嚟淥熟我就真係未試過🤭M5和牛等級恰好在中間，代表油花適中。澳洲M5和牛肉味濃郁，油花豐富，入口融。另外仲有海鮮添加，添加嘅意思係真係無限次追加，我覺得呢度個職員真係態度非常之好佢哋從來都唔會怠慢，而且我哋叫完之後好快就幫我哋上菜👍🏻不厭其煩👍🏻有禮貌到每一次都同我哋講唔該唔使客氣！真係好難得！除此之外我哋仲可以喺手機上面點餐叫咗好多唔同嘅嘢食！仲有呀仲有呀可以去到自選枱嗰度自己揀自己鍾意食嘅火鍋配料，仲有小食同埋甜品可以揀㗎任君選擇。

今日爸爸生日我同家姐同埋媽咪一齊陪佢食佢最鍾意嘅歌火鍋放題，我哋特登揀咗一間之前未試過嘅店舖諗住製造下新鮮感。點知令我哋一試難忘打算呢度以後都成為我哋嘅飯堂啊！其實呢間餐廳係朋友介紹我嘅，因為佢話呢度嘅牛肉係超級好味㗎。原來佢就係講緊澳洲M5和牛，一場嚟到我家要叫啦！估唔到真係咁好食喎尤其是係佢厚薄適中，淥一淥熟就食得！牛味濃郁已經不在話下，淨係齋睇佢啲油花已經知道真係靚嘢。除咗呢樣嘢要讚之餘仲要讚下佢哋可以追加嘅食物真係太正！海鮮可以任食之餘仲要刺身都可以任食！👍🏻👍🏻👍🏻

好掛住日本呀，已經好耐冇返嚟家鄉啦，今晚好想打邊爐之際突然之間醒起旺角瓊華中心有一間日式放題火鍋店！嗰度都有啲位你可以扮去咗日本㗎！我想話佢呢間餐廳嘅麻辣湯底真係超級好食，你見佢紅卜卜就知佢唔野少！好香濃嘅麻辣味，麻同埋辣嘅比例調得好好👍🏻唔會話搶味！原來而家仲可以有免費追加，可以追加刺身同埋海鮮！原來將啲海蝦同埋扇貝調落嗰啲麻辣湯底入邊係超級入味勁好食😋之前真係未試過。鮮味十足之餘，蜆肉冇沙！值得加分👍🏻除此之外我覺得佢嘅小食都好好味㗎例如金菇肥牛卷！仲有其他都係可以自己揀！

今日提早食母親節飯終於可以一家人出嚟食晚市啦，我哋一行八個人一早就訂咗枱！今日訂嘅呢一間餐廳就係日式放題火鍋-八幡屋涮涮鍋！我哋上網一早就睇咗原來早啲訂位都有着數㗎，就係有鮑魚送😍比我想像中都要大隻喎！呢間餐廳真係勁多嘢食呀除咗有火鍋配料蔬菜、炸物、壽司、甜品、雪糕飲品等等😝超多唔同嘅款式可以任君選擇！m5澳洲和牛切到厚薄適中，淥一淥就食得，油花靚之餘仲要油脂分布平均，入口即溶。相比起牛肩胛肉質嫩滑啲，但三款嘅牛肉味道都超濃郁完，冇諗過美國進口牛都咁好味👍🏻

啱啱開始疫情之前我成日都會嚟呢間放題邊度食晚餐，但係自從疫情來臨我就真係好少出去食嘢啦尤其是係放題有好多自助形式！自選台嘅配料方面，有粟米，菇類，娃娃菜，南瓜等蔬菜，職員會經常refill。亦當然唔少得有炸魚皮，炸饅頭啦亦有一個雪櫃專擺丸類同雞肉，超級多選擇鍾意揀咩都得！最緊要係而家係疫情嘅時候餐廳用咗唔同嘅遮蓋物體遮住食物，例如有蓋、有保鮮紙等。可以減低中招風險👍🏻澳洲m5和牛、牛肩胛、美國進口牛肉三款牛都勁好味，厚薄均一嘅肉肉，明顯見到牛花好靚，油脂分布平均。識落果然真係牛味超重😋

嘩！冇諗過冇黎過八幡屋涮涮鍋日式火鍋放題店，今日竟然門口大排長龍，不過職員已經好快咁樣幫我哋安排入座等我哋唔使喺出邊等咁耐。雖然咁忙佢哋仍然笑容滿面，毫無一絲怠慢。我覺得做飲食業真係唔易。疫情下都辛苦了，希望而家有返晚市堂食，每個企業都冇咁艱難啦！😁呢間餐廳都做咗好多唔同嘅推廣優惠，吸引客人前來。令我最驚訝同埋最欣賞嘅係佢哋有刺身同埋海鮮任食，免費添！無限次追加！😝上菜快手之餘仲要保持到質素！我自己就最欣賞嘅係三文魚腩，因為好新鮮㗎，又唔會有腥味。🥩澳洲M5和牛，牛肩胛，美國進口牛肉都係我最鍾意嘅。因為和牛油脂分佈好靚。和牛，我同我男朋友兩個人食左超級超級多

提醒大家一定要訂位啊，初頭我哋冇諗住訂咪加大諗諗吓因為我哋人多嘅冇位坐，錯有錯着就訂咗枱，點不知原來早幾日訂枱可以有鮑魚送㗎！一問之下原來一定要係早三日之前訂枱先會有得送！都幾有誠意喎！唔怪得知全場爆滿啦！今日就叫咗麻辣火鍋湯底，你見啲辣椒浮晒喺五都知佢真係好辣啦，香濃嘅麻辣味食到我嘅咀超級麻痹😂仲有其他唔同嘅丸類，烏冬可以喺出邊任拎，按照自己喜好，仲有炸物，例如天婦羅，都可以喺出邊任拎！最後要讚讚佢嘅炸物 當中炸芋頭丸子正到癲左，可以保持熱辣辣又脆，確實有技巧！💖任食M5和牛好正~油花分佈均勻，肉質軟嫩中帶有彈性，令人回味無窮♾️❤️勁香牛味，超正正

今日520 好多地方都無位最後排隊食宜間打邊爐我哋選擇左包括日式刺身同埋海鮮嘅打邊爐任食套餐湯底加配咗龍蝦蕃茄湯底湯底有少少失望，加配左$78都唔覺個湯底特別出色，唯一特點真係有半隻龍蝦係入邊，感覺比唔想比如牛大人嘅湯底另外，今晚主要不停食三文魚刺身同埋赤蝦刺身三文魚刺身普通，赤蝦刺身都OK嘅打邊爐配料方面，主要不停咁食生蠔同埋聖子生蠔同聖子都係比較細粒，味道都OK嘅至於牛肩隻都唔差嘅小食方面，主要都係食金菇生肉卷整體來講食物選擇都幾多，味道都OK，一個人均420左右好似有啲小貴，任食打邊爐黎講

今日呢間放題日式火鍋店係我經常來嘅舖頭！因為呢間餐廳嘅麻辣湯底超級好食㗎 ！建議大家一定要嚟食我成日同男朋友一齊都係會叫麻辣湯底，因為我哋兩個都幾食得辣㗎，湯底又香又濃。今日就叫左M5澳洲和牛，牛花勁靚，肉質嫩滑！師傅嘅刀工非常好👍🏻厚薄均一，油脂分布平均，要比個Like。仲有呢間餐廳嘅特色就係可以任食海鮮同刺身！係任食啊，你冇睇錯我亦冇講錯！可以免費追加無限次！🙈早幾日訂位仲會送埋鮑魚添❗️仲有海蝦、帆立貝、廣島蠔等~9款火鍋海鮮🦞全部都係任食！係任叫任食！我哋就不停咁encore帆立貝。 仲有12款新鮮刺身，無雪味絕對唔hea架💁🏻‍♀️食燒烤嘅話一定要食鹽🧂燒虎蝦，鹹味啱啱好，海蝦新鮮肉質爽口鮮甜😝其他小食或者火鍋配菜可以去到自選台任揀，款式多，一定可以揀到岩心水嘅食物。而且仲有得揀甜品😆

和牛質素幾好，薄身，勁牛味！好新鮮。基本上煮5秒就食得！！！！因為佢哋嘅廚師切到厚薄適中每片多啱啱好，淥一淥就熟！真係超級驚喜。而且我超級推介佢哋嘅沙嗲湯底，因為超級香濃，就算加咗湯之後都冇減淡！除咗牛其他食材都要自己出去攞，芽菜烏冬等等，佢哋幫食材蓋上蓋子，疫情之下也是非常體貼的行為，以免增加風險。除此之外仲有少量嘅熟食可以出去自選台度拎💪🏻呢個價錢來講牛質素唔錯，食物款式多，最緊要係坐得好舒服，枱與枱之間有距離，員工都好有禮貌，有問有答同埋會逐一介紹。安排入座嘅時候都好快手唔駛等好耐㗎🤭超級推薦大家去試吓！

今日同屋企人黎到旺角瓊華中心食八幡屋涮涮鍋日式火鍋放題店，呢度格局都幾大，餐廳環境唔算逼夾地面好乾淨唔會有油漬👍🏻枱同枱之間有少少距離，疫情之下，可以減低風險！同平時食放題一樣，都會睇到一個雪飲品既雪櫃，而旁邊有茶包、熱水等供應😋，飲品選擇多之餘，仲有甜品供應，全部細細碟岩晒女士同小朋友！我食左超多啫喱！不過食開火鍋放題既經驗話我知，單靠湯底都已經非常入味，根本唔需要再點豉油啦！火鍋配料選擇都算多，選擇都唔少，出面既粟米好甜湯底就建議麻辣湯底，味道好濃，用黎灼熟M5和牛都別有一番風味，雖然入口即溶，但惹味十足！