八幡屋涮涮鍋

营业中

休息中

今日嚟呢間涮涮鍋店係日式裝修風格為主題，一入門口已經見到好多達摩，好似返左家鄉咁😳呢度嘅職員相當友善，好快就安排入座，除此之外仲會幫忙介紹自助台！突然之間我發現咗自助枱有好多唔同嘅嘢食食令我最吸引嘅係有啫喱！好耐都冇食過啫喱啦！佢仲有好多隻唔同嘅味道俾我任君選擇😆正呀！好啦講返個火鍋先，我哋就叫咗麻辣湯底！呢個湯底嘅麻辣味香濃😚又夠麻又夠辣！食得好過癮😆我最鍾意食嘅就係佢哋嘅牛肩胛！肉質鮮嫩可口，肉汁豐富仍然鎖在肉內，真係verygood！

首先要讚下師傅刀功好好，每片都薄如紙，所以好易煮得熟好快就食得！我最中意食美國進口牛肉，比牛肩胛係相對上無咁嫩，但都係牛肉味濃。「澳洲M5和牛」牛味最濃最香，食到停唔到落黎，肉味好好好濃最嫩滑！所以呢款食左三至四碟😚麻辣湯底好正之餘，汽水任飲，可以解辣。另外，蔬菜丸都係出面自己拎，所有野都有蓋既都算衛生！疫情下有蓋真係會減低風險！仲有！！！呢度嘅刺身竟然可以任食！係任食啊！無限次添加實在太吸引了！三文魚仲要係厚切，一啲都唔hea👍🏻最緊要係可以添😍下次一定會再黎

我覺得呢間餐廳防疫措施做得幾好，由於而家係疫情期間所以呢間餐廳將自助枱添加保護蓋，以免細菌入侵。👍🏻除咗呢個位抵讚之外我仲覺得佢哋嘅自助區域係有超級多食材㗎例如有打邊爐嘅配料、前菜、壽司、甜品、同埋一啲炸物。我見壽司都好搶手㗎職員refill都好快！食食吓突然之間送咗鮑魚俾我哋，一問之下原來因為我哋早三日訂枱所以有鮑魚送🤩呢隻鮑魚都幾新鮮！另外呢度嘅海鮮都係任食，我哋可以無限次追加。食咗勁多盤。我覺得最好食嘅係帶子、海蝦同埋蜆！下次會再嚟！因為呢間餐廳好吸引！

八幡屋日式火鍋放題店同以前食開嘅放題店真係好相似，我以為而家好多地方已經唔再可以比客人自己去夾自己鍾意食嘅嘢，點不知原來呢度仲有好多配料去比你自己揀除咗配料之外仲有熟食🤭有好多唔同嘅炸物都可以自助，例如有炸薯仔炸番薯、炸粟米、炸春卷、炸饅頭等。種類都好多㗎，平時食嘅丸都已經有10幾款、最令我驚喜嘅係呢度竟然有炸魚皮食！除此之外我哋仲可以手機落單有好多唔同嘅串燒，我認為燒海蝦同埋燒金菇肥牛係最好味嘅！我仲叫咗牛肩胛同埋黑豚肉，入口即化，牛肉味香濃無比👍🏻

呢間八幡屋日式火鍋放題店佢哋嘅員工服務質素非常之好就算疫情期間都仍然面帶微笑非常有禮貌👍🏻除此之外佢哋出餐都出得幾快！而且仲會不厭其煩咁樣幫我哋收碟✔️除咗火鍋之外我覺得最令我讚嘆同埋回味無窮嘅就係佢嗰啲新鮮嘅刺身，冇雪味之餘仲要勁新鮮，你睇吓佢個三文魚腩！竟然係厚切㗎一啲都唔Hea！仲有一樣嘢要讚嘅就係佢哋嘅海鮮，有海蝦、帆立貝、廣島蠔、蜆等等我覺得都真係好新鮮！如果早三日訂位，仲可以送鮑魚添㗎你話抵唔抵食！🤩下次我都會再嚟㗎因為我覺得服務實在太好了唔似平時一般嘅放題店

我想講呢間八幡屋日式火鍋放題店真係好多嘢食呀，我冇諗過用一個價錢已經可以食到咁多唔同類型嘅食物😍除咗可以任食海鮮之外仲有好多唔同款式嘅日式燒物、炸物、手握壽司、沙律甜品，連嘢飲都好多㗎！刺身方面好新鮮呀，三文魚腩同埋帶子都好正我叫咗好幾次㗎 ！而佢哋嘅澳洲M5和牛油脂分布好平均，脂肪為都好有肉味，唔會話非常Heavy😚最重頭戲嘅估唔到係佢個湯底，因為佢個湯底我係叫咗豬骨湯，我覺得豬骨味非常濃郁之餘仲要有少少豬骨係底啱晒我會拎嚟食呀！同埋我好鍾意放啲菜落個湯度煮，煮完之後吸晒啲味好正㗎🤭

我哋呢啲辣人去到邊度一定都要食辣嘢，簡直就係無辣不歡。聽人哋講瓊華中心呢間日式放題火鍋店嘅麻辣湯底非常之正！我上網查左先知原來叫做八幡屋😍好多人介紹㗎 ！我今日一於約埋男朋友一齊嚟試吓佢個湯底係咪真係咁正😋呢度除咗湯底正之外佢嘅火鍋配料種類繁多，除咗有牛肩胛、m5和牛、美國進口牛肉之外仲有豚腩片、黑豚肉、不同種類的海鮮、任君選擇的刺身之外，大家仲可以去到佢哋嘅自選台，自己選擇你鍾意嘅火鍋配料！我見到呢度有魚頭我都叫咗一份啦！真係好好味㗎大家都要試吓😝

唔知大家有冇一個習慣就係好鍾意行到邊食到邊，我自己就係一個咁嘅人啊好少訂枱我比較鍾意Walk in，但係今日食嘅呢間日式火鍋放題店-八幡屋你就一定要訂枱啦！你問我點解？😆😆😁因為呢度早三日訂枱可以送鮑魚㗎🤭你睇吓送嘅鮑魚咁大隻都抵啦！除此之外呢度仲有好多唔同嘅食物可以選擇我覺得都幾抵食㗎今日我就叫咗一個沙嗲湯底！呢度嘅沙嗲湯底真係要讚因為好香濃，就算之後加咗湯沖淡左之後仍然係味道非常濃郁🤩除咗有豚腩片同埋美國進口牛肉之外仲可以叫埋刺身同埋海鮮食㗎 ！首先講吓佢嘅肉類先啦，無論佢嘅豬定係佢嘅牛肉，都係非常嫩口！而佢哋嘅海鮮同刺身仲要係任食㗎我覺得呢個價錢都幾抵食！

八幡屋真係好抵讚，黎到日式火鍋放題店梗係要試吓日式湯底啦，就係平時我最鍾意食嘅昆布湯，唔知大家知唔知道食火鍋之前最緊要就係落菜呢！因為會吸晒啲味，好正㗎！💖除咗呢度嘅湯底之外周圍嘅裝修風格都係以日式嘅設計為主題，呢度嘅和風設計有門口到內在環境都有唔同嘅擺設㗎例如達摩、櫻花等！我有少少覺得自己好似去咗日本咁呀！好啦講返啲嘢食先首先就係今日叫咗澳洲m5和牛！呢個價錢食到和牛，真係超級抵呀，仲要可以瘋狂咁食，佢每一盤嘅份量適中一口一片，我同男朋友差唔多叫左10盤😘

我寫呢個食評嘅原因係因為想讚下呢度嘅職員，我覺得佢哋嘅態度非常有善😎因為我同三位朋友都勁鍾意打邊爐嘅時候食好多肉我哋好少食丸類食物或者蔬菜類㗎！我哋之前去過其他火鍋放題店佢哋嘅職員試過對住我哋冷眼看待😖但係呢度嘅職員唔怕麻煩不斷為我哋傳菜🤩好啦首先介紹吓我哋今日食嘅肉類先，分別就係有澳洲m5和牛、牛肩胛、美國進口牛肉、黑豚肉同埋豚腩片等等，我覺得呢度嘅食材肉質真係幾鮮嫩幼滑，肉味香濃十足，配埋麻辣湯底豬同埋牛嘅味道更加出眾👍🏻除此之外我要提醒各位食得辣嘅朋友一定一定要將啲菜放落個湯底裏面，因為真係好吸味㗎 ！

係呀你冇睇錯標題啊真係送咗隻鮑魚俾我啊！至於點解送鮑魚？原來係餐廳而家做緊一個優惠，只要客人喺早三日之前訂枱就可以送😍啲鮑魚都幾新鮮幾大隻喎！除咗鮑魚之外就等我介紹吓醬料台，我覺得呢間餐廳好有心思，因為喺唔同嘅位置都會見到一啲日式嘅擺設，竟然連醬料台都唔放過，隻達摩真係好得意呀！😝😝今日我哋嚟到呢度就叫咗麻辣湯底，仲叫咗牛肩胛同埋豚腩片。我覺得佢哋切得幾好呀唔知係人手切定係幾切嘅呢？厚薄適中一啖一片😋最緊要梗係唔少得分享吓佢哋嘅任食項目啦，分為刺身區同埋海鮮區，兩個區域大家都可以任揀自己想食嘅嘢食仲可以無限次添加😍

首先瓊華中心嘅呢間八幡屋火鍋放題店，我諗都真係幾出名，我見好多人都食過，我問身邊嘅朋友佢哋都話成日食㗎 🤔而我自己就真係第一次食🤣哈哈真係好似大鄉里出城咁呀！老實咁講呀自從疫情開始我都好耐冇食過放題啦，成日都驚佢哋啲嘢唔新鮮唔乾淨，不過我見呢間八幡屋火鍋放題店防疫工作都做得幾足，我見佢嗰啲自選枱嘅食物都已經包好保鮮紙👍🏻講得係火鍋放題梗係唔少得嘢飲啦，佢啲嘢飲款式都幾多喎好少見到有咁大個嘢飲雪櫃😁我終於可以慢慢揀我心儀嘅飲品啦😍平時覺得有啲餐廳嘢飲太少選擇成日都寧願揀飲水今次發達啦！除此之外我覺得最好食嘅係佢哋嘅m5和牛，佢哋係來自澳洲嘅果然肉質都有返咁上下😍

八幡屋真係勁爆好食！我唔係誇張㗎，我真係覺得佢哋啲嘢都真係幾掂，今日呢我就叫咗昆布湯底，因為已經好耐冇食過😆而家我仲叫咗澳洲M5和牛，呢個黃牛嘅牛花真係幾靚，油脂分布平均，而且肉質嫩滑無比，仲有佢哋嘅豚腩片都好好食！我哋兩個人總共叫咗10盤🤭仲有啊呢度嘅認識就好似放題咁，可以自己選擇自己鍾意食嘅嘢，有串燒、燒物、壽司同埋海鮮等，多種唔同嘅款式任君選擇一次過可以滿足晒你咁多個願望！最緊要呢度餐廳嘅職員非常友善，我初頭想飲唔凍嘅嘢飲🧃，諗住問吓佢哋啦，佢哋好快就拎咗俾我啦仲拎咗幾包，叫我唔使客氣！

嘩好耐已經冇嚟過八幡屋！估唔到今日有咁多人食，唔知係咪因為啱啱開返晚市定還是今日係假期呢？就算好多人點完都好快安排座位俾我哋坐低😚我哋今日就叫咗沙嗲湯底！我想講呢間餐廳嘅沙嗲湯底真係好夠味㗎平時食開其他餐廳成日都會覺得佢嘅沙嗲味唔夠濃郁，反而呢間餐廳就好抵讚！今日就叫咗好多唔同嘅嘢食呀，令我喺心入邊樓下最好嘅印象就係美國進口牛肉、黑豚肉片！呀仲有唔少得嘅就梗係海鮮拼盤同埋刺身拼盤啦！佢哋嘅美國進口牛肉同埋黑豚肉片肉質都幾好㗎，厚薄適中！豬有豬味牛有牛味！😍我仲想話佢哋嘅海鮮拼盤其實係可以添食！！可以無限次追加，我哋全部人都食到捧住個肚走🤣

哈哈今日又係我嚟打邊爐嘅日子！講起上嚟自從冇咗晚市堂食之後我都好耐冇嚟過啦！好掛住呢間餐廳嘅牛奶布甸啊！😍好啦今日就等我為大家介紹吓啦首先呢間餐廳嘅小食先，由於而家仲係疫情嘅關係所以佢哋都有做好防護嘅設施，所有食物都有遮蓋好大家可以安心👍🏻今日我就叫咗豬骨湯底，我想話豬骨湯底再配埋佢哋嘅澳洲M5和牛，同埋牛肩胛係最好食㗎 ！雖然係豬同牛嘅配搭但係絕對令你有驚喜！😍除此之外仲有佢哋嘅海鮮拼盤同埋刺身拼盤都係我哋可以任食任追加！大家記住食得晒先好嗌啊！