全聚德烤鴨店 (已結業)

22 號冬至個日去依到做節，一家五口叫o左個四人套餐，另再加一碟烤夫、北京炒拉麵同豆沙鍋餅。<br />個套餐有一個豆腐羮、半隻北京填鴨、賽旁蟹、糖醋松子魚柳、雲腿津白、甜品係紅豆榚及豌豆王。<br />好似預先order定，係5分鐘已經上菜啦，d 野又唔熱，<br />總知就唔好食啦，又話係北京好出名，落到o黎香港勁差。<br />

真係post完個食評至醒起果日的起菜次序：併盤烏魚羹黃金蝦球蔥油餅煨麵津白松子魚烤鴨甜品當中途殺出蔥油餅同煨麵時我地仲以為個佢食完！最後個烤鴨仲等左成半個鐘頭，唔知係唔係好多人叫的關係。幾難得至搵個阿姐問問：「餘係個烤鴨好耐都未來喎！」佢邊行邊答：「整緊啦！」嘩！Simple, precise and right to the point，不過全無服務精神可言，面對如今逆境仲可以用這樣的態度，簡直係我偶像！！可以的話我真係想比10個喊面(><) ?！

都好少可咁齊心一致劣評的，真係唔明白點解環境咁差仲搞D 特價餐來砍自己招牌。<br />又唔知係唔係有特價套餐的關係，平日夜晚都坐滿八成人。一行七人來吃晚飯，叫了特價的八人烤鴨餐。併盤有海哲、鹵豆腐、雞腎等，味道還可以；松子魚coat 了一層厚厚的、超杰的甜酸汁，睇見就怕所以無食，不過味道應不俗因其他人都有起筷；烏魚子羹似走牛肉的西湖牛肉羹，烏魚子似一片片豆腐，味道亦淡而無味，食左半碗就停手。黃金蝦球即蛋黃炸蝦球，夠咸香幾好食，一下子就掃清，是比較見得人的菜色；烤鴨唔太大隻同唔肥，只可起大約三十件鴨片，皮都脆肉亦不算韌，但好奇怪，食極都無鴨肉的味，係可以講係淡而無味，青瓜同京蔥已經?在檯上成晚，亦都淡而無味，唯一有味就係碟甜醬，總結來說是本地吃過最難食的烤鴨。雖然係人都知唔會用新鮮鴨來烤，但都可以整得好食一D，真係連一般燒臘舖45蚊一隻的燒鴨都不如；瑤柱津白D 菜唔夠林同入味，與杰杰的茨汁原全不能融合，都幾差；蔥油餅同煨麵叫做正常一D；甜品碗豆黃同紅豆糕完全唔掂，可以講係好難食，無咩味道之餘又「散收收」，完全無「糕」的質感，個樣仲好似?左好耐，說成慈禧太后的指定甜品有點

樣樣野都細細碟，４個人叫個４人餐都好正常啦，但係完全食唔飽人，最抵死係隻鴨，師傅一輪快刀手就將隻鴨既皮片左，我地４個人望住佢片，點不知有個侍應一個箭步走上黎問我地”邊個想要ｄ麵呀？”，我地答完之後，師傅就推住我地隻鴨走左入廚房！我地對住一碟鴨皮，都欲哭無淚，４個人每人食到３－４塊啦！唉，你話，雖然我係用ｃｏｕｐｏｎ黎食，你都唔洗咁對我丫，你當我乞你架咩？我都有比＄架！仲有呀，一黎到知你用ｃｏｕｐｏｎ食野就唔理你，幾時上菜？上咩菜？埋單又慢，到我地食完仲落ｄ乾淨碗落黎，問佢ｄ碗用黎做咩，佢只係話”哦，搞錯唶”，一句唔好意思都無，點叫名牌呀？

我0個次去食無帶COUPON﹐D野貴到嘔D送上檯0個陣個樣勁衰﹐好似畀人用筷子撩過0甘侍應D態度又差﹐我地好似乞食0甘今時今日0甘0既服務態度好得呀﹗﹗﹗

如果係原價食左佢個餐就真係喊3聲啦!

因為睇到飲食xx介紹有特價4人套餐, 六百幾減到三百幾. 佢又咁出名, 咁咪去試下囉. 一試之下, 搵大笨!! 個餐食0既野同本書講0既好有出入, 冇左水餃, 變左麵, 都算啦. 幾驚係冇左烤鴨!! 佢d野味道好一般, 又細碟, 幾乎唔夠食. 最離譜係隻烤鴨, 都冇乜幾多舊, 又唔好食, 都唔知佢出名在乜? 如果要我比正價食, 我寧願去我屋企樓下食. 車錢都慳番!!

絕不鬆化，片皮功夫極差，份量呃秤，客人又少但上菜又慢，所有菜只得微全無熱度，全部糖水開粉由稀由冇味，松子奶露有變壞異味，總評﹕難以與市面上一般普通酒樓所做之北京田鴨或其他菜式相比，全心呃遊客

持有百年老店之名，老遠從北京到香港開店，味道應該好掂，但可惜招牌菜北京烤鴨令人非常失望，烤鴨皮脆但肉不嫩，鞋口非常，乾睜睜，失敗之作。相反，其他小菜味道就幾好，腰果雞丁及松子魚都水準之作，送飯一流，但此飯店以烤鴨做招睞就有點兒失望。待應服務唔錯，晚市更有師傅表演拉麵，其實此店主要做遊客生意！晚市有九成是遊客。