全聚德烤鴨店 (已結業)

頭先0岩0岩係果度食完$58 lunch buffet,以咁既價錢都ok呀...d片皮鴨最好味,豆腐花好滑, 又有串燒食, 加埋其他野食, 都算幾抵食..唔知係咪冇乜做宣傳, 所以人流唔多...星期六日假日就貴10蚊...食到好鬼飽..

星期日呢度食晚餐,因為有coupon,所以特定幾款套餐有半價.我叫一個六人餐,菜式大約係咁...(1)冷盤3拼(2)燕窩什菌湯(3)瑤柱津白(4)片皮鴨一隻(5)炒雞丁(6)賽磅蟹(7)鍋貼(8)北京炒麵(9)宮廷甜品因為有半價,所以毎人只係$90包晒所以加一茶芥.但坦白句,如果要一倍價錢就唔抵食啦.我覺得食無以前咁好食,唔知係唔係因為特價所以將貨就價>_<

公司某高層請食飯, 包房開2圍, 我地當然"飛的"兼call齊人支持.片皮鴨麻麻咋, 係塊"包"皮幾好食. 席間其他送甚至可以用難食來形容, 難委"老闆"比成$4000圍都係咁, 唉~

我成日去食lunch buffet架...70幾蚊~~又多食物揀呀..真係好好味呀!!環境又好~~d人既服務態度又好!!又好clean!!!真係好正!!!^^

星期六同屋企人去左呢度食晚飯, 預祝亞媽生日。我地選擇呢度, 係因為我晌西方日報剪左coupon, 一個8人餐都係640蚊jar, 都幾抵呀。呢個餐都有好多味菜1)冷盤3 拼(2)蜜餞火腿(有蓮子, 金華火腿, 仲有厚厚地o既包皮用黎包住d火腿食架)(3)瑤柱津白(4)片皮鴨一隻(5)北京水餃(6)松子桂魚(7)沙窩雲吞雞(8)炒麵(9)宮廷甜品(好似差唔多)。本人覺得(1)蜜餞火腿好特別, 用厚厚地o既包皮包住d火腿黎食, 感覺幾得意, 甜甜地幾好味。(2)沙窩雲吞雞d湯好甜。(3)松子桂魚, 又熱又香口。(4)片皮鴨味道唔錯, 有鴨香, 皮又熱又脆, 只可惜太遲先上菜, 不過我都食左唔少呀。(5)北京水餃都好好味, 不過食完片皮鴨, 仲要等左好耐先至上, 個肚飽晒仲點食得咁多喎?!(6)炒麵就係正中北京拉麵, 不過太飽關係, 都冇咩點食過, 結果打包番屋企。(7)d宮廷甜品- 豌豆糕同類似紅豆糕o既物體- 就麻麻地啦, 我個妹話寧願食紅豆沙喎。總括黎講, d 服務唔錯, 食物都ok, 如果有coupon o既話, 確實抵食架...

係唔係利群呀???我都有去過利群,呢間野係o係四合院食, 果度都幾多外國人食架~~~ 不過裝修就差左少少, 但勝在有特色~~~

我有個北京工作的朋友帶我去過金鴨都和利, 都係出名食填鴨的地方, 利係有好多外國人都識去食既北京食肆, 我食過兩間都好正, 金鴨都就好坐d : )

我去左總店果間囉~~~~ 好似o係前門外大街.....而老店果間就o係前門既商業街.....王府井果間我經過過, 裝修幾靚.... 不過我冇入去試囉~~~

我想問下你去北京哪間全聚德?是不是王府井, or ??

睇左上面咁多食評, 香港全聚德真係好似唔多掂..... 雖然本人未試過香港的全聚德, 但係我前排就去左北京自由行, 去左全聚德既總店同老店, 本人覺得佢地既烤鴨好正呀~~~未食已經聞到佢既香味, 真係勁香!!!! 個師父o係你面前片完之後, 一試.... 嘩~~~ 實在太好食!!! 又香又脆~~~ 真係勁想食返呀依家~~~~ d服務都ok既, 總店好大, 以酒店式管理~ 都唔錯~~ 如果有人會去北京旅行, 記得去全聚德試下呀!!!!!(希望大家唔好介意本人o係呢度講北京的全聚德吧...因為好想同大家分享......^^ )

基本上佢都係得個名囉,北京係有好多全聚德既..不過都唔係話好味囉~

全聚德o係尖東的帝國中心一樓開了一間新的鋪頭!! 請editor 加上去丫~~~~~ thx！！！！！！！！(By Editor : Added. Thx)

星期六那天於全聚德雀局加晚飯，可能是由於週末，見近大門口也加了位，我們則坐於盡頭的廂房，因為間了獨立房，不受隔壁騷擾，裝修環境也算不錯，打牌時侍應不停幫我們換熱茶，很勤力，可惜冷氣時猛時冇，很不舒服。到了吃晚飯時，可能由於遲食肚餓，大家也覺得頭盆的六小碟幾好味，可惜近著的未能繼續保持這水準！那個什麼燕窩羹，確實名字忘記了，但很記得十分之淡，要加胡椒粉才有點味；京都骨味道不錯，很入味，但不看菜單還以為吃緊的是五香或鹵水排骨！瑤柱津白味道適中；蔥爆牛肉味道很香濃，幾好味；片皮鴨不是太肥，不錯，可惜那些包著吃的粉皮雖然還是暖的，但口感較硬；蒸魚則不好吃，火力太猛，外面過熟，”鞋口”，近骨處則還黏著肉，未熟透；湯麵很淡，只發現菇和毛豆，麵也太”林”了；糖水合桃糊很稀，但極甜，吃了兩三啖便甜到咳，不能再吃下去，應該還有一兩味菜忘記了，但整餐總括來說談不上好味，全包總共二千五佰元，不算太貴，但不很值。還有侍應於席上只顧上菜及清潔轉盆檯面，完全不理人客正在挾菜，以致經常發生角力場面，理應改善。

上個禮拜一,我第一次同成班同事去呢度食晏,我地8個人叫左個八人餐,大約有片皮鴨,雲腿津白,xx三蔬,西湖魚柳,宮保雞丁,酸辣湯,炒飯咁上下,另外再叫左兩客花卷。<br />我對d野食都冇乜印象,因為都唔係特別好食或唔好食。整體都ok啦,唔算好肥膩,但個花卷真係好乾同冇味道,仲差過食白饅頭,而個酸辣湯呢我就嫌佢太辣喇。<br />埋單六百零蚊,算做可以接受啦,聽d同事講,原來價錢比以前平左好多架喇,冇計啦,世界難撈嘛!<br />

特別係依家食晏大都有半價(全包套餐除外)<br />可能係名氣太大<br />所以大家對它的期望也非常大吧<br />食品算ok<br />但服務員落order比較亂<br />不過如果唔係有半價就唔化算啦<br />