全日雞實驗所 (通菜街)

营业中

休息中

今日就同朋友去咗旺角全日雞實驗所食飯溫泉雞套餐可自由配上髀, 雞胸, 雞翼, 每款套餐都包咗無味精靚湯, 醬油小黃瓜同飲品, 雞皮爽滑得來, 仲好有光澤, 雞肉肥瘦適中, 經過慢煮烹調, 肉質好嫩滑, 連雞胸都好有驚喜, 唔會好乾, 配撘三色汁, 薑蓉磨得細膩, 同油互相融合; 黑醬油鹹甜鹹甜, 味道較濃香飯粒粒分明, 帶啖啖雞油香味咖央多士烘底多士, 入邊既咖央醬帶椰香味, 再夾住嚿牛油, 比例剛好, 夠晒邪惡桑拿瑤柱肉餅肉餅超級足料, 肉質彈牙, 口感紮實, 混合瑤柱調味, 充滿鹹香鮮味蔥油干撈麵麵質彈牙, 面頭帶蔥花, 加入炸蒜等撈埋, 好香口惹味

呢間餐廳細細間，坐位唔多，星期日六點幾黎到見到已經好多人等位。我地第4張枱，等左大約10-15分鐘。溫泉雞脾套餐$73，再加$5轉左撈麵。原本我哋叫咗兩份雞髀餐，但得反一份雞髀，佢話如果要雞髀要再等多十幾20分鐘先有🫨🫨睇黎真係好好賣。而且叫完呢個撈麵，聽到佢話已經賣哂，好彩食到🥹🥹雞髀真係好滑，好高質，撈麵就偏鹹少少，但都好食👍👍由於太肚餓唔想等，所以另一份轉咗做温泉雞套餐$63（雞翼、雞胸、上脾），d雞都係好滑，雞胸肉好似食緊雞髀咁滑🥹🥹超正！另外加$13叫左一件桑拿瑤柱肉餅，都好食，正常發揮。原本仲想試下佢既咖央多士，可惜已經賣哂🫠🫠睇黎想食要晏就就好黎！

想吃很久的「全日雞實驗所」旺角店很方便就在女人街，六點左右已經很多人在等位，為的就是這款世一海南雞飯，老闆本身係設計師，所以餐廳設計簡約之餘，都幾有特色！全日雞套餐已經包含香飯、冇味精靚湯、醬油小黃瓜，非常豐富溫泉脾套餐最鍾意去骨雞髀啖啖肉，蘸上三色醬汁，雞肉蔥滿雞油香，份量很足，可以根據喜好選擇不同的位置，就算減緊肥都可以揀雞胸，一樣咁好食桑拿瑤柱肉餅加入乾瑤柱真係夠晒高級啊肉餅比平時在茶餐廳吃到的更有肉味和海鮮味，肉質比較濕潤，好似焗完桑拿般多汁鮮嫩除咗香飯之外，仲可以配搭蔥油乾拌麵，麵條包裹着香濃的蔥油，面質比較彈牙軟硬適中，出色！其實已經好飽啦，但係都點咗勁邪惡嘅咖央多士，厚厚的牛油，加上煉奶，烘底好香脆，值得一試❣️—————-𝙒𝙚 𝙤𝙧𝙙𝙚𝙧𝙚𝙙:溫泉雞套餐溫泉雞脾套餐桑拿瑤柱肉餅蔥油乾撈麵咖央多士—————————————————𖠿𖥣 全日雞實驗所〒 旺角通菜街80號地舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram

🐣溫泉雞下庄餐 $80超滑ヾ(〃^∇^)ﾉ好正香飯唔似出面食咁油淋淋🐣溫泉雞套餐 $63自由配 雞翼、雞胸、上髀雖然無下庄咁滑正常發揮但雞翼同上髀咸左啲葱油拌麵好惹味 有葱、蒜香(˶‾᷄ ⁻̫ ‾᷅˵)套餐配無味精靚湯、醬油小黃瓜、三色醬汁、飲品個湯好好飲，椰子味重嘅雞湯(˶‾᷄ ⁻̫ ‾᷅˵)三色醬入面嘅薑磨成薑汁👍🏻🐽桑拿瑤柱肉餅有驚喜(⁎⁍̴̛ᴗ⁍̴̛⁎)肉質彈牙肉餅唔係攪到碎曬嘅豬肉，食落較有口感充滿日本燒元貝嘅味道( ´▽` )ﾉ可以嗌雞飯加配😉🥪咖央多士 $25 推薦，好好食👍🏻👍🏻麵包烘到脆即使我地放耐左再食都keep到脆咖央醬有椰香同斑蘭香，甜甜哋(๑•᎑•๑)好大舊牛油，但食得好滿足！除左旺角之外，北角都有分店！

之前上網已經睇到介紹，浸「溫泉」嘅海南雞，睇到店家為咗製作出色嘅海南雞自己研發儀器，為咗呢啖雞去到幾盡？對於有ʜᴇᴀʀᴛ的小店一直都相支持，呢排勁ʜɪᴛ有時都要排隊，好彩流轉都好快，等一陣就有位。💛溫泉雞下庄餐|雞下庄| 香飯| 無味精靚湯|醬油小黃瓜|三色醬汁| $80🥒醬油小黃瓜： 已經去皮，少少酸同鹹味，黃瓜咬入口都爽口，算清爽。靚湯冇味精，味道香甜，飲到椰子雞嘅味道，完全唔油膩，雖然冇配料，但清清地作為餐湯都好恰當。✨海南雞重點：一定要嫩滑嫩滑同埋超嫩滑，果然經過浸溫泉嘅雞肉更加好食，以慢煮雞肉達到烹調最佳時間，雞皮仲散發光澤，肥瘦適中，ʏᴜᴍᴍʏ！🤎海南雞醬汁都好重要：薑蓉、黑醬油、辣醬： 薑蓉打得好均勻，唔會好似平時嗰啲太過油膩，薑磨得非常細滑，同油互相融合，與別不同。🖤黑醬重甜重鹹味，點少少就可以啦，否則會蓋過雞味。🥢桑拿瑤柱肉餅套餐| 葱油干撈麵|無味精靚湯＄90瑤柱肉餅咬入口真材實料，咬到粒粒豬肉嘅質地，仲保留肉餅Juicy，同平時過硬嘅肉餅完全不同，味道就充滿鹹香，加咗瑤柱調味，真係提昇成個肉餅嘅味道。🥣撈麵醬汁好出色，入面加咗炸蒜，個醬汁有啲似印尼撈麵嗰個醬，超級

「溫泉海南雞套餐」。盤子上呈現出來的雞肉,色澤白皙,散發著淡淡的油光,看起來就令人垂涎三尺。雞肉肉質鮮嫩多汁,入口即化,清甜可口。伴隨而來的是一碗熱騰騰的雞湯,湯頭清爽,沒有半點油膩感,單喝也是一大享受。除了主菜,套餐還附有白飯、青紅椒等配菜。白飯的米質軟糯,配搭雞肉及雞湯更是絕配。青紅椒方面,則提供一種清脆爽口的口感,為整道菜式增添了層次感。相比起平日人聲鼎沸的用餐時段,這個較為清閒的下午時段,讓我能夠安心地品嚐佳餚,倍感放鬆。除了通菜街分店外,「全日雞實驗所」在北角和富地庫B50-51號舖和富美食廣場C1及C2號舖也設有分店,供饕客選擇。

📣📣海南雞飯關注組▫️ 全日雞實驗所呢間餐廳備受海南雞飯關注組熱烈討論，想試好耐㗎啦～開咗旺角分店之後勁方便👏🏻未到飯市已經排緊隊，不過好快就可以入座，期間仲見到好多人外賣～雞飯套餐均包：雞|主食|湯|醬油小黃瓜|三色醬汁|飲品今次試咗 雞胸 & 雞髀Set名副其實溫泉雞〰️雞髀唔使講都知道一定好滑，就連雞胸都好有驚喜，一啲都唔柴，出奇地嫩滑👍🏻桑拿瑤柱肉餅除咗雞之外，肉餅都係呢度嘅名物！瑤柱香氣十足，好鮮甜，肉質飽滿咖央多士 多士都好推介〰️牛油同咖央醬比例完美全日雞實驗所 (通菜街) (旺角)旺角通菜街80號地舖

同事撩lunch 食新野🤣🤣所以走左去旺角，全日雞實驗所，聽就聽得多，食都真係未去過，ok go💨💨叫左個雞胸🐥🐥，飯轉蔥油撈麵🍜，想講佢個雞話係慢煮，真係超超超滑，個蔥油都都好吸引，係粗麵，唔怪得咁多人推介，新寵😋😋

「全日雞實驗所」於網上口碑不俗，今天相約朋友到店朝聖；全店所賣嘅食物唔多，主要係海南雞、肉餅、靚湯、幾款小食同飲品；簡約帶時尚感嘅裝潢感覺衛生，由於座位不多，周末中午到訪需輪候片刻-🔹溫泉雞脾套餐 $73套餐包括無味精靚湯、醬油小黃瓜、三色醬汁及冷泡烏龍茶/罐裝飲品3件桑拿瑤柱肉餅 +$36、醬油溏心蛋 +$10、蒜香娃娃菜 +$12無味精靚湯清甜帶淡淡椰子香，毫不油膩；醬油小黃瓜已去皮，調味適中；醬油溏心蛋蛋白唔係全熟，所以保持嫩滑，蛋黃發揮正常唔算好重蛋香桑拿瑤柱肉餅夠厚身，肉餅屬於有彈性嘅一種，似人手剁，肉香幾重而且肉汁豐富，食到淡淡瑤柱鹹香同輕輕甜味，味道好平衡又唔油膩，有驚喜！雞髀肉質緊緻而且非常嫩滑，鹹香啱啱好，有唔錯嘅雞味，雞皮爽滑帶雞油香；三色醬汁最有驚喜係蘑到好滑嘅薑蓉，有濃郁薑味同蔥香；香飯粒粒分明帶少少雞油香，如果雞油香再重少少更完美

好耐之前，同事介紹過依間［全日雞］比我，話係佢食過最好食嘅海南雞飯，但因為喺北角，我又好少會經過，佢又講到話唔係咩餐廳，又話喺food court咁…..所以一直都只存在喺我To eat list入面，冇衝動要特登去試🤷🏻‍♀️直到幾星期前見到旺角開咗分店！！😏finally!!食物款式唔多，都係圍繞住海南雞唔同部位同埋有一個桑拿瑤柱肉餅，對於有選擇困難症嘅我好好😆好快就決定到食咩！我地就冇試肉餅，order咗兩款唔同部位嘅雞試試：溫泉雞髀套餐（HK$67)套餐除左雞同油飯之外，仲有一碗湯、醬油小黃瓜同一罐野飲！好抵！雞髀肉又滑又嫩，平時食海南雞飯嘅三色醬入面，我只會dip甜醬油同辣醬，從來都唔會考慮dip薑蓉，但估唔到今次反而鍾意佢地嘅薑蓉😍溫泉雞下庄套餐（HK$80)當以為雞髀肉一定最滑嘅時候，估唔到下庄比佢仲嫩仲滑🤤！超超超推介大家order下庄！雞皮雖然有d 厚度，但食落唔會覺得好油好膩，連埋雞肉一齊食，正！ 👍🏻另外，想讚下佢地個湯，餐牌寫話冇味精🤔應該係真，同埋我覺得好好飲，絕對唔係平時其他餐廳嗰種味精湯！加醬油糖心蛋（套餐+HK$8)糖心蛋應該係用甜醬油整，因為帶有甜味，味

曾經幫襯過北角店，見旺角有分店試幫襯下。於是昨日中午去買了一隻雞外賣，198+2外賣盒，服務員話要等15分鐘，即時真空包裝。滿滿期待，點知晚上吃已梅梅得得。失望，不會再買！

主要就是海南雞飯吧，但過兩個街口雅蘭地庫有間名店，比較好食同坐得舒服，不同之處係，可以點自己喜歡既部位，雞胸，雞脾，上腿雞翼咁，然而，當然唔會有新鮮雞過你啦，肉質不過不失，肥瘦適中既，但唔算滑雞，亦唔算香雞🤣，睇黎要再變做全月研究雞，唔係對唔住個招牌，點左香飯，只係微香果隻，不太油，細碗，而肉餅黎講，佢係細細舊果種，3X蚊三舊，唔加恐防會唔飽，香港食店的悲哀？定人為？本來食得好地地，後尾人多，坐滿，職員唔放過每一個空位，坐到手爭頂手爭，食完唔走只能俾人批爭，想行出門口都踢到其他人椅腳，可能…他監入面食都無咁迫…

路經旺角見到依間門面咁別緻嘅小店，鍾意食海南雞飯嘅本人決定入去試試 ~ 餐廳只提供四款套餐，包括三款溫泉雞 set 有唔同部位，做占人士可以揀雞胸柳 set，仲有一款瑤柱肉餅套餐。等食物期間都見佢外賣一個接一個，店內座位長期坐滿。○ 溫 泉 雞 套 餐 // $𝟲𝟯有齊晒雞翼、雞上髀、雞胸肉，可以試晒咁多部位，啱晒選擇困難重症嘅本人。聽聞老闆自己研發咗一部專門浸海南雞嘅機器，分開浸雞髀雞胸，好似幫雞肉浸溫泉咁，令每個部位都可以慢煮至最佳時間。金黃有光澤嘅雞皮爽脆又滑，肉質軟嫩多汁，有適量脂肪啫喱，食落更滑溜，啖啖滿足感！配以三色醬汁：黑醬油、辣醬、薑蓉最出色一定係薑蓉，磨得非常細滑，食落唔會過於油膩。醬油甜甜地屬於正常發揮；自家製辣醬辣味慢慢滲出，越食越開胃。油飯粒粒分明，食落唔覺油膩，帶少少雞油香，吸收咗雞油嘅精華，口感軟糯。除咗飯亦可以揀配湯米粉 / 惹味蔥油撈麵。套餐附送醬油小黃瓜、冇味精椰子雞湯、冷泡烏龍茶/罐裝飲品。青瓜去咗皮更容易索汁，有麻油香味幾清新。湯清甜唔油膩，飲完唔會口渴。冷泡茶茶香濃郁甘甜，可以解膩。○ 醬 油 溏 心 蛋 // $𝟭𝟮蛋黃味道濃郁帶有微甜，同鹹香

主打海南雞飯 同埋瑤柱蒸肉餅👅呢度叫套餐會有一份主食、一份肉、一份醬油小黃瓜、一碗冇味精椰子雞湯同埋飲品👍🏻價錢合理！去皮醬油小黃瓜清新開胃🥒 椰子雞湯非常清甜，雞味香，完全冇過咸或者飲完口乾嘅感覺 而且已經撇好油 一啲都唔膩！😋套餐我哋揀咗：溫泉雞髀套餐 ($68) (配雞湯米粉)已經去骨嘅海南雞髀肥瘦適中，超嫩滑超juicy！成嚿都係好平均地熟得啱啱好，浸溫泉咁慢煮果然係有效果😍✨有時食啲差嘅海南雞會唔想食啲皮，一係太靭好似擦膠咁、一係太肥好油 但呢度嘅雞皮好軟滑而且唔油膩，連埋海南雞一定要有嘅皮底啫喱，成嚿雞口感一流！💛至於雞味就唔係超濃但都算香 完全唔會有任何雪味血水味等奇怪味 調味都啱啱好夠味得嚟冇太咸，滿意！🐣揀雞嘅會有三款醬汁：黑醬油🥄、辣醬🌶️ 同薑蓉🫚特別想講吓薑蓉，唔同平時油浸住一粒粒薑咁，而係磨到好幻滑嘅好似醬咁，口感新奇得嚟容易啲點雞😗桑拿瑤柱肉餅 ($78) (配香飯）肉餅同海南雞一樣，肥瘦適中有肉汁！💁🏼‍♀️食到瑤柱香同豬肉香！口感perfect，可以喺彈牙得嚟爽口嘅啖啖嫰肉之中咬到少少瑤柱！💜至於肉餅嘅主食就揀咗配香飯香飯唔算好香好濃雞油味 但感覺係比起平時

滿懷期待來食，雞件滑就滑，但真係超鹹⋯⋯冇雞味都算了，但真係鹹到最後雞搥都唔係好想食曬，唔知係咪佢浸/醃嘅過程太耐或湯太鹹。對我一個大食怪黎講好少可唔想食曬啲雞⋯⋯好失望😟😫店面整潔，空間都ok，裝飾得其實幾靚。用qr code落單，都好快就有得食。其他小菜反而幾好，個青瓜唔錯，湯冇油很好。三色醬料個薑蓉磨得好細緻，真係衰在個雞度，好失望。反而其他餐廳食嗰啲海南雞仲好味啲，都係去返海南雞/東南亞嘢餐廳食吧。