光榮冰室 (福昌大廈) (已結業)

眾所周知，光榮冰室長期排長龍，想入去食，去到見到人龍都會打消念頭。不過，通常假期下午４點左右去到食下午餐，就可以直入坐下，人潮不算多。每次去食，都會很掙札，因為太多野食想選擇，網上的網友推介過的沙煲牛肉公仔麵（上次LUNCH想叫，但佢話冇），蕃茄排骨公仔麵，依家下午茶仲有美極生炒牛肉飯，干炒牛河，每樣都好想食。。。可惜，肚就只有一個...每次到最後，我都是會揀咗＂生炸大雞脾配沙律＂，因為它的雞脾真係食得出是生炸的，鎖住肉汁。同出面先弄熟後再炸完全兩回事。平時光榮的生炸雞脾會再炸得燶脆少少，香口多些，今次食的沒有平時咁燶，但仍然保持美味。炸雞脾每次都係咁大隻，我覺得下午茶餐３１元（連凍飲）來說，絕對超值。有時同朋友一齊來食，會叫２個餐ＳＨＡＲＥ，叫過蕃茄排骨（出前一丁）麵，估唔到蕃茄味香濃，美味到最後連湯都飲曬冇剩。不過，由於店舖環境陝窄，所以坐得比較擠逼，所以如果在附近返工，建議買外賣食就最好。最可惜是，這間舖７點收，不能去食晚餐。

平日午市入去，等左一陣好快入得叫左個快餐，蔥油雞扒飯少飯真係好快！！！應該一分鐘到齊晒🤣🤣🤣雞扒好大塊呀，煎香晒，好似成塊炸左少少～面頭既蔥油都好香，加埋啲豉油撈飯好好送～～大塊到我都食唔晒！啲飯粒粒分明，加埋啲汁軟硬岩岩好😗😗😗叫左杯凍檸茶少甜少冰走飲筒，欣賞佢地做得好足🤭（有時啲餐廳照比管）呢度既檸茶幾岩我口味😁 由於入座快，嚟得快，食唔晒，我都好快就走左。呢度流轉得好快，唔駛怕嚟要等好耐！

小妹係呢頭返工, 早餐店都食到悶,  經常都幫襯佢外賣. MTR 落黎都好快, 由消防局行過黎都係5mins 搞掂,  門面好細,  一不留神就MISS 左,  (係正BANK 對面咋)  呢間堂食位好少.佢D炒蛋足料.   唯檸茶偏重茶味, 個人就麻麻地,  所以我多數叫檸水 或其他.   重點, 個多士一定一定要加,  呢個丹麥包, 佢直情可以整條賣架.   呢個多士拎到返公司食仲係好味.  正正正.  (多士加嘛凍飲先$35 咋.)  叉燒意粉相信男人食完都覺好飽. 如果想叫外賣又唔想等, 建議打電話落左單先.  

佢個入口有啲隱蔽因為個門口太窄啦但係入邊都勁多人！叉燒滑蛋飯 $49勁大碟🍽最鍾意就係用豉油撈飯🍚啲叉燒煮得一啲都唔老唔會太硬啲蛋又係唔係乾爭爭 係又滑又甜🍳仲有少少蔥 令個口感冇咁dry👍🏻而且啲餸超級多 唔會食到最尾得返啲白飯😋📍光榮冰室 (福昌大廈) (觀塘)觀塘開源道63號福昌大廈地下A11號舖

呢日係星期六要去觀塘返工咁啱早咗出去見到光榮冰室竟然可以唔使排隊😮所以就即刻狗衝入去食😂平時都係食早餐或者下午茶好似未試過正餐時段幫襯光榮嗰日嘅午餐選擇有口水雞飯蔥油雞扒飯叉燒炒滑蛋飯同埋黑椒汁漢堡扒煎蛋飯全部都佬味十足啱我🤣最後我叫咗黑椒汁漢堡扒煎蛋飯因為見到隔離枱嗰碟飯真係超多！基於本人都仲有少少身形上嘅考慮🥲所以叫咗少飯真係好耐好耐都冇食過呢啲咁有快餐風味嘅午餐個黑椒汁真係有黑椒味甚至乎有少少辣兩隻太陽蛋超大隻！應該係size XL以上嘅雞蛋😂至於個漢堡扒有成三塊光榮喺份量上從來都唔孤寒但我覺得少少太咸不過攞嚟撈飯食就完全冇問題嘅凍飲照舊唔使加錢杯凍咖啡少甜少奶味道正常好滿足嘅一個快餐☺️

光榮茶餐廳真係超水準，無論係服務定食物，水準都係一流，而且仲要只係茶餐廳嘅收費，成為好多人嘅食堂。今日星期日泥到觀塘呢間分店，等咗三張枱就有位啦。雖然話係茶餐廳，但係服務一流，非常有禮貌。一如既往，今日都係食佢招牌菜之一嘅蔥油雞扒飯，走豉油，飯只要一半。唔使2分鐘就火速送上！雖然佢係一間茶餐廳，但係佢食物嘅水準係完全超班。雞扒真係好大塊，好大塊，好大塊，大過塊面咁大！！啱囇做完gym補充protein，食完即刻feel到大隻咗！雞扒本身調味都非常足夠，所以我走咗豉油，淨係配蔥油已經好好食啦！蔥油調味落得啱啱好，白飯又煮得軟硬適中，粒粒分明！每次泥到都好滿足咁走！

喺度諗緊食乜嘢早餐之際，係觀塘兜咗個圈見到光榮冰室，而且唔使等位就入去試吓！門面唔大，如果唔係對面經過都可能會行過咗😂裏面座位好少，只有八張4人圓枱，都明白地方細，做生意需要搭枱，但係都唔好叫人坐張得返¼邊位，而右手邊係搭起晒啲紙箱📦嘅邊皮位置，10:00早餐入座率有9成，但都有一張半嘅吉枱，都唔好要人坐到咁迫！早餐大致上都係嗰啲嘢！意粉過淋，义燒大乾，奶茶唔夠滑😥最出色係個炒蛋，夠大份，有蛋香另外都有下午茶餐同埋每日更新嘅午餐餐牌

平時唔常食茶記，但每次去都係淨叫常餐😆-🔻全日常餐(牛油多士、火腿煎雙蛋、沙嗲牛肉米粉、熱奶茶) $45牛油多士：多士雖然烘得算香脆，但可能烘好一陣先搽牛油，無晒熱力溶化牛油同帶牛油香出嚟，呢個應該係幾樣食物中最一般。火腿煎雙蛋：無乜特別，不過係多油左啲😂沙嗲牛肉米粉：呢碗份量好多😂牛肉質素就正正常常，咬耐啲都有牛味😂生熟程度啱啱好，又唔韌，不過沙嗲汁就普通，無花生香。熱奶茶：茶味相對較出，亦唔會澀。-👅食後感：作為常餐愛好者🤣我覺得正常水平~不過個多士就真係唔特別好🤧-👀個人喜愛度：7/10-🚩光榮冰室 (福昌大廈)觀塘開源道63號福昌大廈地下A11號舖

今晚同朋友去觀塘行街，順便去食光榮冰室！！食茶記一定係全日常餐啦！因為好抵食！🍜全日常餐 $45今次我轉咗沙嗲牛肉米粉沙嗲多到食唔晒🤑米粉份量都夠跟餐配🍞🍳炒蛋好滑 仲有蛋汁流出黎好香濃嘅蛋味仲包埋烘過嘅牛油多士 好有香港嘅人情味👾👾夠大份好抵食總結📝📝充滿香港風味嘅餐廳，最緊要要係支持香港人！評分時間～5隻👍🏻最高😉味道：👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻👍🏻👍🏻回頭機會：👍🏻👍🏻👍🏻👍🏻👍🏻#人總有一飽今餐我最飽！😋📍 光榮冰室 (福昌大廈) (觀塘)觀塘開源道63號福昌大廈地下A11號舖

午餐至下午茶時段去到，見其他人食午餐份量超大，免得浪費我就叫左下午茶當午餐～炸魚柳配西多，西多士本身已經係一個非常之邪惡嘅食物，本身以為只會得四分之一份點知竟然有半分，而且是剛剛炸起，熱辣辣索哂d牛油！又香又鬆軟！加埋糖醬，絕對係我最愛嘅組合！個人始終覺得最原始嘅細都係最好食～炸魚柳好大件所以分開咗兩塊，炸得有輕微燶但絕對唔乾，肉質仲好結實，炸皮好薄，一切開會有少量肉汁同大量煙冒岀，見到都流哂口水！朋友叫嘅炸雞髀沙律同樣出色！連飲品都係三十幾蚊，有這樣的美食！抵！

上個星期去光榮吃過兩次下午茶第一次試佢嘅蔥油鴛鴦扒飯（少飯） 凍檸檬茶走甜第二次係吉列豬扒西多士 凍鴛鴦走甜蔥油鴛鴦扒飯，有一件雞扒， 一件豬扒，兩塊扒都好大塊。蔥油同甜豉油好香好好送飯。檸檬茶茶味足夠，檸檬比較薄同埋少。見店員姐姐好好服務，對面位客人要求加冰，佢拎杯冰埋去，叫佢飲減幾啖先，小心翼翼幫佢加，唔係放低就算。隔離枱話要多飯，佢又係即刻叫廚房𢳂一碗飯出嚟，全程都笑笑口，仲問埋另外一個使唔使要多啲飯，要就出聲，直頭有媽媽嘅感覺。第二次就食呢個吉列豬扒西多士，我見到四周圍食炸嘢嘅人都係炸到好過火，所以已經叫咗唔好咁燶，都聽到樓面姐姐同廚房講炸得輕手啲。出嚟都係比較熱氣嘅感覺，佢塊豬扒都幾大塊，西多士入邊都有足夠嘅花生醬，就係炸嘢嘅技術唔係幾好，西多士咬落口都幾油。食西多士果支糖漿好乾淨食西多士嘅牛又係植物牛油（馬芝連）凍鴛鴦就冇凍檸檬茶咁好飲，唔係幾香濃。要讚嘅依然係樓面姐姐嘅服務態度下午茶餐嗰塊豬扒一定係吉烈，如果想食煎豬扒就一定要食飯，同埋明明吉列豬扒同埋炸雞髀，散叫係一樣價錢，偏偏雞髀就唔可以配西多廚房偏好煎同炸嘢都好過火，食完兩次都好熱氣。

喺觀塘返工，每日中午一杯凍奶茶少甜少冰就係我嘅精神食糧🙂身為茶記之鬼，都會知好多出色嘅茶餐廳都會出自己茶記的「公司飯」，今日叫左一份光榮公司飯$58包凍飲🥤，其實就係雜扒餐：煎豬扒、炸大雞扒、荷包蛋、香腸🤪 另外叫左個光榮浩園餐$50包凍飲：蔥油雞扒+3隻太陽蛋🍳 雞扒真係好大塊同好香口*名副其實嘅大件夾抵食！

原來光榮喺觀塘都開咗分店，我好似知得太遲啦🙈 位置仲好方便，觀塘廣場間匯豐對面就係！招牌大大隻字，但係入口就有少少隱蔽🤣 都唔會期望環境靚，始終係超平價茶記！餐牌都有四大張，選擇困難症嘅我最後都係揀返貼牆嘅午餐餐牌，叉燒滑蛋飯！淨係睇圖應該都睇得出，個滑蛋真係好滑！係水準幾高嘅滑蛋，有啲位係creamy架！叉燒份量都好多。而個飯，我諗係平時食嘅一碗半至兩碗嘅份量！完全係地盤飯嘅份量😯🤣 最後食唔晒戰敗，不過味道係好味嘅～ 另外加個凍檸茶，凍飲唔使加錢。聽人講凍奶茶都好出名，下次要試吓先！！

光榮冰室於觀塘開設的新分店非常方便工廈的打工仔～ lunch hour堂食人頭湧湧，所以公司的同事建議叫外賣，雖然擺盤沒有堂食般instagramable，但份量仍舊豐富🤤🎁開心浩園餐🎁到光榮冰室必點的開心浩園餐🙌🏻 其實就是三眼仔（三隻太陽蛋🍳）加上一塊大蔥油雞扒🐣 蛋黃漿、甜豉油和蔥油用來伴飯是完美的配搭😋雞扒很厚，口感不會過硬👍🏻 蛋白質份量超多，所以飽足感很高，即使我吃剩了半碗飯，整個下午也完全沒有碰過零食🤣

光榮冰室既開心浩圓餐賣到街知巷聞，幾個月前觀塘開左分店，今日終於的起心肝去試下！（食左一啖先影😂）嗌左開心浩圓餐外賣，唔駛10分鐘就攞到，爆哂場都咁高效率👍🏻👍🏻一打開見到塊扒大塊到cover哂成個飯，雞扒應該係半煎炸，好香口👍🏻 再加埋三隻太陽蛋，雞扒上面仲有薑蔥油，飯底又有甜豉油，撈埋一齊真係無敵🤩 份量大到我食唔哂😂 留左一半夜晚再食過😂 $50+$1外賣，食到兩餐仲包凍/熱飲，呢個價錢無得頂🤣 以後一定會繼續幫襯😻