光榮冰室 (福昌大廈) (已結業)

光榮茶餐廳真係超水準，無論係服務定食物，水準都係一流，而且仲要只係茶餐廳嘅收費，成為好多人嘅食堂。今日星期日泥到觀塘呢間分店，等咗三張枱就有位啦。雖然話係茶餐廳，但係服務一流，非常有禮貌。一如既往，今日都係食佢招牌菜之一嘅蔥油雞扒飯，走豉油，飯只要一半。唔使2分鐘就火速送上！雖然佢係一間茶餐廳，但係佢食物嘅水準係完全超班。雞扒真係好大塊，好大塊，好大塊，大過塊面咁大！！啱囇做完gym補充protein，食完即刻feel到大隻咗！雞扒本身調味都非常足夠，所以我走咗豉油，淨係配蔥油已經好好食啦！蔥油調味落得啱啱好，白飯又煮得軟硬適中，粒粒分明！每次泥到都好滿足咁走！