光榮冰室 (福昌大廈) (已結業)

平日午市入去，等左一陣好快入得叫左個快餐，蔥油雞扒飯少飯真係好快！！！應該一分鐘到齊晒🤣🤣🤣雞扒好大塊呀，煎香晒，好似成塊炸左少少～面頭既蔥油都好香，加埋啲豉油撈飯好好送～～大塊到我都食唔晒！啲飯粒粒分明，加埋啲汁軟硬岩岩好😗😗😗叫左杯凍檸茶少甜少冰走飲筒，欣賞佢地做得好足🤭（有時啲餐廳照比管）呢度既檸茶幾岩我口味😁 由於入座快，嚟得快，食唔晒，我都好快就走左。呢度流轉得好快，唔駛怕嚟要等好耐！