光榮冰室 (福昌大廈) (已結業)

光榮冰室真係數一數二又好味又抵食既港式餐廳，次次食飯時間都會見到絡繹不絕既人流。食物份量多，用料同味道都好好，冷熱飲都唔駛加錢架。 🍴叉燒滑蛋飯$48 (配飲品)叉燒半肥瘦，咬落肉質唔韌，蛋係整得超級滑，仲有韭黃係入面超加分，叉燒同蛋既份量都係好多，配埋甜豉油同白飯，可以話係係港式餐廳既浪漫😍。 🍴開心浩園餐(雞扒+3太陽蛋)$56 (配飲品)用料超足，一個飯有3隻蛋真係好少有，個人覺得係外賣盒入面焗左一陣，蛋既熟度係剛剛好，蛋白熟晒蛋黃仍然係流心。而雞扒就厚身又入味，配埋葱油豉油同蛋汁，撈飯超正👍👍。 雖然菜式都係好簡單好平常既配搭，但要煮得好食都唔容易，食過就知真係一啖接一啖停唔到口，冇得輸！支持！

睇相都唔係第一次幫襯了 堂食又食過 外賣又食過之前都唔係呢個量 上次係裝到掂到個蓋今次只係裝到個盒一半 專程由秀茂坪搭車來回落黎買比d 咁既野我我極度懷疑我叫4份奄列 係姅兩份既料整4盒比我味道係可以 但太少我都唔敢再黎 一陣又比埋呢d 野我咩色都冇用冇下次

在忙碌的一天無時間食正餐來個外賣🥡三文治🥪😎.一入餐廳問侍應火腿扒是不是一塊扒？ 還是火腿來的？😂侍應笑說：「是厚身的火腿」.拆開盒後看到真係香煎了的白麵包，所以個名有「香煎」仲要燶燶地🤩其實我係第一次見到燶成咁，但又覺得賣相好吸引！預計會幾好味🤣.再看看芝士，比平時的厚身再看看火腿扒，的而且確係厚身啲一咬之下，真係好味😋因為係厚身的芝士，溶左的時候好有質感配埋厚身嘅火腿扒，同埋好香嘅麵包個配搭本身無得輸！好好好味！一定會再食.🇭🇰價錢：$34（外賣+$1）😋味道：🎈🎈🎈🎈🎈😍再來：🎈🎈🎈🎈🎈funny最高指數😜：🎈🎈🎈🎈🎈

返工前嚟呢度食早餐，睇吓工業區有啲咩食。記得呢度近排開左間光榮冰室，身為冰室粉絲嘅我一於試一試。叫咗一個自己成日食沙嗲牛肉米粉常餐 $34推介程度：⭐️⭐️⭐️熱奶茶個茶膽偏苦，真係麻麻地。唔落糖仲有少少澀口。沙嗲牛肉米粉佢嘅米粉應該係福字米，牛肉都大塊的，但係偏淡口。麵包冇影到，因為真係一般般

光榮冰室, 𝙆𝙬𝙪𝙣 𝙏𝙤𝙣𝙜 🍛I really like when the service is fast and food comes out right away. Nothing to complain about - it costs only $50 or $55 with a cold drink. #EatLikeALocalSeries 🇭🇰.📍 Shop A11, G/F, Fook Cheong Building, 63 Hoi Yuen Road, Kwun Tong #HappiMuffinKowloon🌟#HappiMuffin Rating: 8/10💰Price: $60-70 pp

久違了的沙嗲牛肉飽，依家係茶記好難搵到了。有下午茶餐，包野飲都係27蚊，尼個價錢算抵食，而且個份量唔細架，放滿晒牛肉，唔係姑寒餐廳得三四塊。咁既價錢，唔好嫌三嫌四下次要試下午市套餐

光榮而家好多分店，星期六中午喺觀塘就嚟試吓。我哋兩個人，一入去咁啱有人走，唔洗等位。因為第一次食，所以叫最受歡迎嘅叉燒滑蛋飯同開心餐。啲嘢食好快就到，個份量真係超大，我已經叫咗要一半飯，都應該仲有一碗飯嘅份量。有好多滑蛋叉燒，有少少豉油，蛋好滑，撈飯食真係超正。而個雞扒蛋飯又係勁足料，佢塊雞扒係同隻碟差唔多大，等於平時岀面食嘅兩塊咁，仲醃得幾好，食到有啲薑黃味，塊扒本身又冇乜肥膏，又煎得好，真係好正。兩個飯都勁抵，凍飲又唔洗加錢，真係超值。另外都見唔少人食常餐，有辛辣麵同丹麥多士揀，下次嚟再試吓。

平時放飯最緊要快靚正，如果餐廳係有良心更好😗💛，今日趕時間就去咗一間好出名嘅良心餐廳食午飯，真係好好食！🤤本身佢好出名蔥油雞扒飯，但我依啲做gym嘅人當然要食多啲蛋白質啦😎，叫咗個開心浩園餐（雞扒三蛋飯）。快餐當然好快拎得啦，但佢質素一啲都唔求其，我叫咗少汁，但佢啲豉油同埋蔥油都已經好夠味，好送飯！😏三隻蛋都係好正嘅燶邊太陽蛋，用蛋汁嚟撈飯真係一流呀！ 🥺👍🏻雞扒醃得好夠味，而且煎得好脆口，又香又好食，夾埋蔥油仲正！🤤叫埋個凍檸茶走甜，perfect嘅多肉午餐！😎唯一缺點就係… 一條菜都冇，有些少唔健康😂，但今餐當cheat day啦！最緊要有良心同好味呀！🤣

🍴光榮冰室- 美味飽肚之選光榮一向是筆者的飯堂，經常不斷地回訪這餐廳，原因是快、靚、正。這次不吃大熱叉燒滑蛋飯、開心浩園餐或砂窩沙嗲牛肉麵了…（以上三款是筆者心水之選）。試試店中客飯套餐-麻婆豆腐飯。麻婆豆腐飯 $49 （套餐包凍飲）配合香港人口味，不會有太麻的感覺，主要以鮮辣為主，辣度適中，加上免治肉充滿肉汁，不會乾身小紅椒不會太辣，可以照常食用，美味得來啖啖肉，沒有骨，是懶人必點單品。🔸小總結客飯大啖夾抵食，餸的份量超多，讓筆者不自覺地扒多兩啖飯了！建議女生謹記下單時落少飯，因為份量真的很足❣️👅 味道：4.8/5💰CP值：5/5🕴🏻服務：5/5🔰餐廳環境：4.2/5👀回頭率：5/5🍽 餐廳：光榮冰室🌐地址: 觀塘開源道63號福昌大廈地下A11號舖#foodie #hkfoodie #hongkongfoodie #852food #852foodie #foodstagram #hkfood #foodhk #hkfoodblogger #foodbloggerhk #foodblogger #hkfoodlover #foodig #hkigfood #igfood #glob

本來一心來試佢既沙窩沙嗲牛肉麵～但點知搵哂成個餐牌都唔見有既🥲咁唯有都試下佢既生滾沙嗲牛肉麵啦～套餐包括多士炒蛋凍飲～當然主菜就係生滾沙嗲牛肉麵啦！牛肉因為生滾所以肉質分外嫩滑～而且有沙嗲醬亦非常香濃增加了牛肉味香味麵底來講配出前一丁就緊係無得輸啦！仲會跟返包麻油/調味粉比你～加上麻油既沙嗲牛肉麵味道立時提升不小！炒蛋奄列都幾大分而且蛋汁豐富～多士唔記得叫烘底真係失策⋯⋯價錢真係相當親民$50有找！PS有無食家可以提供下沙窩沙嗲牛肉麵既消息😂

今次係我第二次挑戰光榮嘅巨型奄列上一次食嘅係叉燒奄列，最終要俾錢買個外賣盒打包，食剩半份都可以裝滿個外賣膠盒。上次個叉燒奄烈食唔晒嘅原因，我覺得某程度上係因為個蛋煎得太熟，太乾好頂肚。今日早餐都未食就到午飯時間，出門口就已經打算去光榮再次挑戰巨型奄列。坐低二話不說就叫咗一個沙嗲牛肉巨型奄列，蛋要生啲，走包。店員同我講好大份，有成20隻蛋，我會食唔晒，我自己已經試過一次當然心中有數。我覺得佢20隻蛋係講笑，8-10隻我就信。討論區有人話呢個巨型奄列係有六隻蛋，我就覺得一定唔止，我估計有8隻以上。沙嗲牛肉比起叉燒好食，因為有啲汁，而且叫咗佢唔好太過熟，今次比上次容易入口，而且蛋滑咗好食好多。入面嘅沙嗲牛肉都唔少，最好笑嘅係食食吓連廚房都望出嚟睇吓我食唔食得晒。我當然食得晒，除咗頭尾冇餸嗰啲蛋，係因為冇曬牛肉所以冇食埋。我本來仲想叫多件西多（西多餐$29），因為齋叫飲品好似冇咁抵，但係始終怕肥，都係放棄，叫咗杯凍檸檬茶走甜少冰。女孩子唔好飲咁多凍嘢係常識，但係嗰杯少冰嘅凍檸檬茶啲冰多到不得了。好在店員好好人，我同佢講，佢就畢起啲冰加番啲熱茶俾我。巨型奄列$33 凍檸檬茶$17大滿足結論：下次

光榮試食今日觀塘，一早search 下有咩可以試，見到有光榮冰室，應該可以一試，順便支持下小店。餐廳真係細，一枱4人中間有隔板，都算安全。雖然常餐有沙爹牛肉麵，但係真係會食唔晒，於是叫左下午茶嘅沙爹牛肉包餐，沙爹牛肉份量唔少，塞滿長餐包，牛肉唔算太咸，肉質都冧，冇泡打粉嘅感覺，但就少咗沙爹嘅香味，嗰長餐包有烘過，不過唔夠硬身，好容易俾啲汁浸淋左，如果改用熱狗包或者硬豬仔包就會好好多。不過包埋餐飲，經濟抵食，可以接受。

果日去完觀塘整銀行野 見到對面有間光榮冰室 個肚又餓餓地 直刻入去嗌左個開心浩園餐 (即係葱油雞扒三蛋飯) 一上檯 個樣勁吸引 三個蛋黃好似三眼仔咁 督穿佢地 d蛋汁同葱油撈埋飯一齊食 真係無比美味 塊雞扒亦煎到勁香脆 原來簡單既食物都可以做到好好味

約左朋友下午捐血，捐之前去填下五臟廟先，之前成日係銅鑼灣幫襯，今日終於黎返觀塘店。好在今日星期一，唔洗排飛就有位。入去時已經見到人地個叉燒滑蛋好正，當我們係光榮快餐猶豫時，終於狠心捨棄蔥油雞扒飯，決定要兩份叉光滑蛋飯，再加杯凍飲，唔洗加錢肯定叫凍飲過左冇幾耐，飯就黎到，果然冇令我哋失望，上菜快唔等於粗製濫做，蛋好夠滑，叉燒亦夠琳，一啖蛋一啖飯咁食好正。另外，佢飯量又好足，食一餐等於brunch咁制，加埋凍飲就好飽了。

呢間係🍄🍄會食完再去食的茶餐廳。點解？因為佢既叉燒滑蛋飯真係無得輸！蛋好滑、叉燒夠大舊、而且凍飲唔洗加$2😆所以每次都會叫凍o茶，但佢既凍o茶係少甜既，所以🍄🍄會叫加多點糖水😉午餐set 都係$49, 好抵食！另一人氣餐係『開心浩園餐』，意思係三隻煎蛋加一塊大雞扒！份量真係好大，雞扒係脆皮而惹味！🍄🍄真係叫少飯都食唔曬😑基本上光榮既份量係幾大份，茶餐廳格局，坐得都較逼。餐點都上得快，人流都多，所以lunch hour 去真係要等一等位！