光榮冰室 (福昌大廈) (已結業)

呢間餐廳好出名，尤其是係尖沙咀間分店。今日咁啱經過觀塘見人唔多，就入去食，嗌左個叉燒滑蛋飯加凍檸茶。蛋同叉燒嘅份量都幾多，啲火候掌握得幾好，食落真係覺得啲蛋好滑。茶餐廳嘅價錢，但係真係食得出用心同人情味嘅感覺。不過下次我會想去最出名間尖沙咀分店，試吓有冇分別。

今日夜晚比較夜收工，都係再黎食光榮冰室，佢平時最出名係三眼仔飯，但平時食得多，都想轉下口味😂本身想食個漢堡飯，但過分地賣曬❗️❗️❗️❗️都係叫個椒鹽豬扒飯算，但都出奇地好食👍🏻👍🏻👍🏻椒鹽豬扒飯 $48椒鹽味重，但又唔會太辣，粒粒炸蒜，好咬口又香，好味👍🏻👍🏻👍🏻豬扒又多汁夠juicy ，唔怕太干，好食👍🏻👍🏻👍🏻而另外私心推薦熱朱古力，朱古力🍫味好香好濃，好飲👍🏻👍🏻

⏺觀塘開咗光榮冰室，由於距離問題一直未去食食，咁啱好朋友去咗嗰邊做野，梗係約埋佢齊齊支持良心店，食好西。（朋友表示連續兩個星期，被逼陪佢同事日日唔係食A茶記就B 餐廳，呢個我覺得算係香港十大酷刑之一🤭）🧑🏻‍💻由門面同裏內都絕對係濃濃本土茶記風格，簡單嘅格局，無靠背嘅茶位，迎合香港人急促嘅節奏～🉐揀咗一輪心大心細下，最後揀咗佢嘅「開心浩園餐」=勁大大塊雞扒+3太旦飯餐•🔹一上枱，大家睇相都知靚仔，嗰三隻太旦極嫩滑，蛋黃閃blingbling🤩真心問一句三隻egg會否太過份！配上蔥油同港式鼓油，又香又開胃。塊雞唔淨至大塊咁簡單，煎到片皮金黃香脆，而雞肉仍然滑嫩架！我想講本人真心唔大食，呢個餐其實可以兩個人share阿！ 我最後俾咗一隻太旦朋友食🤭 阿！ 唔記得講野飲都好緊要架，奶茶夠滑，茶味足，話少冰真係有少冰，加分位👍❗️❗️注意位：惜食朋友，細食架唔好叫阿，實食唔晒，咪晒野～☀️簡結：朋友話貴幾蚊，野食高質好多，為食到好西，結束兩個星期嘅痛苦開心，見到佢咁，我都好感動🤣 本人係去到兩三日內有食重複餐廳，已經要表示不了😛（haha壽司店另計~)

隱世角落嘅小店，真係會唔覺意唔會留意到。叫左茶記嘅標準餐滑蛋叉燒飯，蛋夠生，叉燒夠大塊（不過其實我覺得太大塊😅），份量好足。上菜來得快，價錢唔高，鬧市中快食之選。

🔅光榮冰室🔅.超多人幫襯的茶記.Lunch time 真係好Full 仲要等位~~!!不過都好快入得去。.茶記一定要食常餐啦.全日常餐 ($45)牛油多士火腿煎雙蛋叉燒湯出前一丁 .P.S. 本身係意粉，轉出前一丁唔使加錢架！ 仲有凍飲都係唔使加錢！ 唔使加錢！ 唔使加錢！ 唔知加錢！ 重要嘅嘢要講3次！ .叉燒份量好多，多到食唔晒，常餐都食到勁飽，出前一丁會比埋包粉同麻油自己落。味道唔錯，太陽蛋煎得好好，蛋黃仲係流出來而蛋白又唔會太生，有功架！

106蔥油雞扒飯 $49凍飲唔洗加錢2分鐘有得拎雞扒好大件 都幾嫩🥰 無骨😚薑蔥夠多盒飯好大盒 但如果外賣有筷子就好了 塊雞扒好難一大塊咁食推介😍😍😍😍———————————————————-見好多人食104 叉燒炒蛋飯 $48下次試下先！———————————————————原來入面都有6-7枱堂食！都好多人買外賣！亦都有唔少人係到等位! ———————————————————-btw收銀好型仔😂😂

從來未試過寫食評但係今日嗌網上外賣平台見到係黃店所以幫襯但係我個叉燒蛋飯得一舊叉燒真心嬲從未試過有咁差經歷 諗住打電話去反映一下點知冇電話Number 而家我俾咗60幾蚊食一個齋蛋飯

光榮係觀塘開左一段時間，平日lunch 都大排長龍買外賣，今次終於有機會試到佢哋嘅名物！🤤係鰻魚炒蛋飯，鰻魚唔算得非常肥美，但勝在大大件，一整條嘅鰻魚，真係淨食鰻魚都飽 🤣 仲未計鋪滿面嘅炒滑蛋同飯底，食曬真心會飽到上心口😆食過光榮嘅朋友仔對呢3隻荷包蛋一定唔會陌生啦！😋荷包蛋下面嘅扒係因應當日嘅午餐而定，我果日係蔥油雞扒，2件加埋雞扒足足有成個碟咁大，雞扒尚算嫩滑；蔥油非常香，送飯一流 👍🏻平均$50幾蚊就可以食到咁大碟飯，而且味道唔錯，難怪一到lunch hour就個個都爭住黎幫襯啦～

上星期知道觀塘開咗光榮冰室即刻去試下! 店舖唔算大, 入面放咗8張圓枱, 去到門口有好多人等外賣, 堂食亦要排隊, 但返枱算快所以唔算等得好耐就有位.睇睇menu好豐富呀! 店舖唔大但menu款式好多! 本來想食開心浩園餐但3隻蛋實在太多... 😆😆 我揀咗叉燒滑蛋飯, 同事揀咗蔥油雞扒飯, 蕃茄薯仔湯排骨粒通粉特餐, 重點佢凍飲唔洗加錢呢. 👍🏻香煎雞扒一丁特餐. 蔥油雞扒飯既蔥油好多, 雞扒勁大塊簡直睇唔到啲飯 😂😂 重點塊雞扒煎得好香脆, 真係好正!!! 😋😋叉燒滑蛋飯佢既蛋好滑, 佢既飯量好多, 好彩我已經叫咗少飯, 將蛋汁同飯拌勻真係超好味!!! 😋😋 同事既蕃茄薯仔湯排骨粒通粉都唔錯, 我有試咗啖個蕃茄湯. 😆😆好搞笑我同同事一邊食一邊望住個menu諗緊下次要試邊款 👍🏻👍🏻