兄弟工房 (已結業)

石門間兄弟工房好垃圾... 無本事煮就唔好做咁厚切豬扒啦，入面生咖大佬！意粉白烚一滴鹽都無！態度又差，落單嗰陣已經黑口黑面！我同事帶另一個餐，係辣蝦炒意粉，用嘅蝦係冰鮮嗰啲好細粒嘅玻璃蝦，意粉又係白烚 ，完全冇味。我地食食下聽到隔離枱有人吹個豬扒咁耐都未得，個侍應姐姐話，吹我都冇計㗎啦，個樣勁燥底，之後仲係度掉毛巾發脾氣！！！門口有人等位晒住太陽，今日真係勁熱，催個外賣又係俾人blackface....永遠blacklisted!!!!!!

今日老公生日,但突然有d唔舒服所以想近近地去石門食飯...openrice發現兄弟工房竟然即日book位7:00pm前都有85折優惠🤩,我們6:45pm到達,入面坐著3枱客,地方不大,但可能平日少人,仍可安排4人座給我們,坐得舒服👍🏻👍🏻餐湯:特濃蕃茄$68$88 面個塊ham唔好睇佢咁乾,但好好食😋入面d意粉同樣出色$178，份量ok,店員上菜時預先講,呢款黑毛豬鞍一般佢地只煮8-9成熟,入面d肉會有少少粉紅色,如果想全熟也可以幫我地再整,但會無咁好食,叫我地試下...既然放左上枱就試下😅老公切開的確有少少粉紅肉及少少血水,但可以接受既,食落係唔會死實實,老公說唔錯,但味道淡左少少我們平時也不太食生野,所以下次都應該會叫師傅煮熟d🤣呢個就係個驚喜啦，本來唸住食完d主菜就走,老公說不如去食甜品,我上openrice找不到附近有,所以問下店員有無,原來跟餐可以$38(原價$58)加,有3款甜品選擇...最後揀左芒果拿破崙,店員主動問係咪生日,跟住就加左生日牌及蠟燭比我地🎉,仲幫我地影相及切開件cake分碟,勁有禮貌😊👍🏻件cake係超好味,上面d cream似流沙包d蛋黃,芒果係帶少酸個

石門食飯選擇多，閒時都會過來吃晚餐 這晚朋友約在這間餐廳見面 入門餐廳不大，裝修簡約舒適 Menu Dinner晚餐加$12就會配餐湯跟飲品時日甘荀湯跟冰茶冰茶青檸味好fresk芝士薯條配黑松露沙律醬薯條焗得脆口，芝士份量唔算多值得一題黑松露沙律醬好食！烤西班牙黑毛豬黑毛豬肉質厚身，柔軟富彈性只作簡單調味，旁邊的翠肉瓜烤得香口生蠔忌廉汁配意大利麵意大粉也彈牙忌廉汁的味道掛於每條意粉上沙田石門安群街3號京瑞廣場一期地下G43號舖

去開沙田做野，放工後搵地方食飯，見到呢間*兄弟工房* d食物幾啱我地，所以就試下。職員們好好服務同招呼，介紹餐牌d食物，叫咗兩個set，加$12可以配埋冰茶同餐湯。餐湯係西蘭花湯，清清地又健康。美國頂級肉眼扒，超級大大塊，可以分埋俾我食，選了medium，肉質不會過生或太熟，微微紅色鮮嫩，軟硬適中，牛味香濃，正，推介！！ 烤西班牙黑毛豬，肉汁豐富，烤得好香。兩個餐都美味同抵食。最後飲埋柸冰茶，好消暑解渴。

前幾天同事介紹了一家西餐，剛好今天想吃牛排，這裡環境優雅整潔，一進來服務員熱情的招待讓人有種很舒適的感覺。Brunch -E-Pork Noodles $85豬扒肉質鮮嫩，很厚實燒的火侯剛好鎖住鮮美的肉汁，口感十分香甜，配上爽滑的意粉味道更佳。Brunch -F-SirloinSteak R-ice $92肥美的牛扒十分鮮嫩，肥瘦搭配的非常好，吃起來不會有老的口感，營養價值高，香香的米飯撲鼻誘人，粒粒晶瑩剔透好看又好吃。Soup 鮮美的湯汁，呈金黃色，很有美感，入口香甜，好喝。LemonWater淡淡的檸檬味很清新，熱熱的很暖很去油膩，剛好飯後來一杯很舒服。IceteaDaily自家製，冰冰涼涼，有股香甜的茶味，很清爽。今天朋友很滿足，還沒吃完就問下次還來嗎，能讓他這麼愉快的吃飯我心裡真幸福。

為了和家人慶祝生日，就在家附近找了間小店來幫襯。地方有點點難找，不在當眼處。店面也不大，最多坐到廿個人左右。坐低後店員介紹了個優惠，只要點牛扒類，在Facebook like 佢地專頁同share 佢地個推廣貼文，就可以免費贈送啤酒一支。優惠大約係咁，詳情可以問問店員。說回牛扒，我點了五成熟。出來的嫩度相當好。肉和脂肪的比例很好，不柴也不油膩。肉味夠，而又夠嫩，應該可以滿足追求口感及牛肉味平衡的朋友。而12oz對於我這個細食的男人來說有點大份。勉強可以食哂。事實上是分了五份一比太太先可以食埋啲配菜。值得一提係如果加$12就可以升級至套餐，就會有餐湯和飲品。他們的冰茶也好好飲，青檸好香又順喉。最後我覺得這份牛扒性價比好高。同等級的牛扒係其他地方食一定要上二百。但二百唔洗有12oz的美國頂級肉眼，原材料錢都差不多。甚至可以說係賠了錢要讓客人享福。烤美國頂級(prime)12oz肉眼扒

之前我咪提過我響石門返工食咗好多不錯的餐廳嗎？除咗之前介紹嗰啲呢間高質西餐廳都係我最近發掘的。嗰日同朋友放工就試咗，真係喜出望外和出奇地高質！首先佢個名叫兄弟工房，我估佢應該係一班好兄弟一齊做老闆掛😂係一間小店形式嘅西餐廳，枱唔算多，大概七點就已經坐爆左。Menu上嘅食物種類都唔算好多，基本上A去到L餐大概12款，我哋就揀咗佢比較出名嘅肉眼扒同埋豬肋骨，加$12仲有餐湯餐飲。首先嚟嘅就係烤美國12安士肉眼扒配薯菜($198), 你冇睇錯佢真係12安士先至$198，我哋見到嘅時候都覺得幾抵，上枱12安士的肉眼扒真係好大塊，大過我塊面😂😂😱如果冇特別要求生熟程度，佢都會有廚師發板，而佢嘅牛扒真係煎得啱啱好介乎六至到七成熟， 就係啱啱好中間有粉紅，而外面係輕熟嗰種我至愛嘅程度！份量足之餘，佢塊肉眼扒都好juicy有牛味，我亦都鍾意食肉眼扒因比較肥身會有啲脂肪，我同朋友都不禁大贊好食好食！仲要佢哋做緊promotion, 凡點牛扒餐幫佢打卡上面書就可以送啤酒一支！正！😋👍另外BBQ醬燒豬肋骨配薯菜（$168）亦都係令我很驚喜😍簡直幫我為豬肋骨平反😍平時我食豬肋骨會覺得比較少肉同埋乾身，佢呢度嘅

**兄弟工房**天氣太熱叫媽媽唔好煮飯出街食,今次又係黎石門搵食!!同埋BB出街,又未識坐,最緊要搵間地方乾X企理,又可以擺到BB車既食肆食.經過見到呢間小店,有DINNER set 就一於入去試下.嗌左一個  #Grilled Tuna Salad   香煎半熟吞拿魚沙律 HKD88 # , 吞拿魚加沙律菜 仲有D 酸酸味味既汁 , 好FRESH.仲覺得唔夠喉 , 想再要多D吞拿魚, 但其實本身份量都好足夠主菜方面同媽媽每人 1個 DINNER SET SHARE 食.#Grilled U.S.D.A Prime Rib-Eye 12OZ 烤美國頂級12OZ 肉眼扒配薯菜 HKD198 #個扒煎得岩岩好 , 熟成度岩哂 ! 好香 , 讚 !# Pan-fried Salmon Fillet 香煎檸檬牛油汁三文魚扒 HKD 78 #厚厚既三文魚 , 魚皮煎得脆卜卜 , 不過可能三文魚太厚既關係 , 有D位食落唔夠熱 DINNER SET仲可以加HKD8 要埋餐湯同飲品今晚呢個係 粟米湯 , 唔同平時忌廉粟米 , 所以飲完都唔會有頂胃既感覺!

難得星期六放假，同朋友相約去石門食Tea！石門現已開了很多新的餐廳，選擇很多，閒逛了一輪，最後選擇了京瑞廣場1期地下的兄弟工房。這裡雖然面積不大，但枱與枱之間也有頗大的空間，坐得也舒服，而且裝修簡約，環境舒適。我們叫了一個兄弟全日早餐，加$8仲有冰茶及餐湯，最後要了熱檸茶和餐湯是薯仔湯，薯仔湯味道濃郁，有少少薯仔蓉，咬落有口感，是真材實料！入面有茄汁豆份量不少帶微溫，香草腸香草味濃郁，法包幾脆口，炒蛋滑身蛋味濃，炒雜菌吾油身好香菇味，當然仲有香口煙肉。整體還算不錯！

上星期去左一間西式小餐廳，叫『兄弟工房』， 地點就位於石門站外附近， 非常方便沙田友前去一試。前菜叫了凱撒沙律配烤雞，蔬菜新鮮清爽，烤雞吾馬虎，食得出真係烤出來，因為出面好多都只係煎出來，烤出來既雞件配凱撒沙律一流，同埋叫左炸魷魚圈，香口好食。而Set Dinner，叫左香草燒春雞和炸德國咸豬手，仲有濃厚的南瓜餐湯同餐飲送。南瓜湯熱騰騰飲得出南瓜蓉 ，而且一啲都吾味精。燒雞賣相好好，切入去雞肉都會噴出一陣香草味， 雞胸和雞髀肉的燒烤口感，入口非常唔錯。之於豬手就要趁熱切出來點醬吃，啖啖肉有相當唔錯的口感。若鍾意飲啤酒的就可以再order佢地特有的本地啤酒(Brother's Craft Beef)，一啖肉一啖燒雞一啖啤酒咁去嘆下，倩侶或與朋友之間短短相聚，呢間兄弟工房小店非常輕鬆寫意有質素。

石門呢個新商場真係有超多食肆，今日我同朋友又發現咗一間新餐廳，就決定入去食 呢度嘅價錢 同出面差唔多不過食物質素比較高~是日餐湯係濃郁嘅蕃茄湯，order主菜加$12就有一個餐湯加一杯嘢飲凱撒沙律配煙三文魚 $88沙律賣相唔錯而且夠大份Caesar醬份量都啱啱好，唔會太咸，而且上枱前已經攪拌好，仲有幾大片煙三文魚烤澳洲羊扒配薯菜 $208主菜超大份，所以決定兩個share七成熟既羊架，好juice, 唔會有羊羶味，有四件咁多，每人兩件都夠曬飽，配菜亦好多，唔怕淨係食肉咁滯

接近父親節想找一間西式餐廳慶祝，經過這間小店風格的餐廳就胆粗粗試一試。店內坐位不多，在門口大約等了十五分鐘左右就有位，之後我們叫了 冬陰功海鮮意大利飯 ， 卡邦尼大蝦意粉， 西冷牛扒 ，蘑菇湯。冬蔭功海鮮意大利飯味道不錯 ，有點驚喜， 如果能夠再辣一點就會更好味。西冷牛扒就比較普通了，我們叫七成熟，來到之後我們覺得是五成，但仍可接受，肉都算新鮮，多肉汁，只是烹調味道一般。卡邦尼大蝦意粉不過不失，大蝦尚算新鮮彈牙不錯。最後總結，食物味道不錯，但服務有改善空間

今日去到石門做野，終於完成就諗下食午餐，見到有一間小店都幾舒服而且都不少人在裡面，就和同事決定去這間試一試，入到去見到餐牌有扒有飯有意粉都不少選擇，最後我和同事各叫了一個餐一起食，而加八元可配湯今日是薯仔湯和每人有一杯飲品，當然我地都叫啦，湯來到幾香而且飲落去好有薯仔蓉，味香濃。不久第一個飯就來到，青醬忌簾汁煙肉意大利飯，意大利飯煮得好香，青醬汁都幾特別又清新，加了煙肉落去好惹味。而另一款香烤八安士紐西蘭西冷扒配薯菜，沒想到八安士都幾大份，牛扒口感都軟熟有肉香，薯角是粗的口感都不錯，食完都幾飽肚，之後再叫了飲品，一路食一路傾計都不錯。

今晚自己一家人出街食飯，臨近父親節中餐實多人，所以嚟咗石門呢間西餐廳，餐廳唔算大，大約坐到20幾個人，最搞笑係咁都俾我哋撞到朋友，真係世界真細小！我地叫咗一個凱撒沙律配印第安式烤雞胸（ $88 ），兩個set dinner，包括南瓜汁煙肉意大利飯（$98 ），同埋烤澳洲羊扒配薯菜（ $208 ），晚餐仲可以加$12就有埋餐湯同飲品。凱撒沙律好好味，份量都唔少，除咗羅馬生菜，仲有車厘茄、煙肉碎，烤雞都唔少，切咗細細件，撈埋個凱撒沙律醬，感覺好清新又有少少飽肚。個意大利飯有好多南瓜汁，飯質偏軟，南瓜好入味。至於羊架，竟然有四件咁多，仲有車厘茄、沙律菜、薯仔和翠玉瓜伴碟，羊架醃得好入味，而且都夠腍，小朋友都食到。整體來講，食物質素幾好，而且招呼周到。後來見佢門口有人等位，我哋都係嗱嗱聲食完讓出位置，下次黎食都係訂定位穩陣了。

喺沙田搵好嘢食，自然諗起新城市廣場，但係商場的餐廳又貴又多人，近期有個熱門地方，就係 在我家附近的石門有馬鐵直到， 交通十分方便，有好多不同餐廳選擇，今次就去到（兄弟工房)食西餐， 餐廳設計非常舒適，坐喺度傾吓偈同享受美食，十分舒服。是日餐湯，薯仔湯入口有微粒的薯蓉，好香滑。香辣蒜香鮮蜆扁意粉$88份量十足，蜆肉鮮甜，每条煙韌的意粉掛滿醬汁，十分入味。烤西班牙黑毛豬 $178 肉質鮮嫩，還帶有粉嫩色，加埋厚切，咬落口仲好有質感。香煎海鱸魚配薯菜、芒果莎莎$128