兄弟工房 (已結業)

上星期，朋友新屋入伙約我返沙田石門食飯，由佢家中步行過嚟10 分鐘都嗰駛，位置非常方便！店鋪面積唔係好大，主打2人到4人檯，啱晒我哋，不過環境又幾舒適，而且服務都幾殷勤，值得讚下！我哋主要傾下計，聚下舊，朋友推介2人餐，勝在抵食夾大件，又唔駛點諗，2話不說就揀左338 既2人餐！餐湯好快送到，濃濃既蕃茄味，酸酸甜甜幾開胃！仲有爽口既沙律菜，配有醒神既油醋汁！ 作為前菜非常合適！小食都好快送到，久違了的波浪薯條，配上熱辣辣既芝士醬汁，同煙肉碎，又賣相到味道都相當吸引！仲有惹味既黑松露醬，令到香脆既薯條口感再增加！小食過後香煎鵝肝意大利飯首先送到，香噴噴既鵝肝香味，非常吸引！鵝肝肉汁豐富，意大利飯吸收左鵝肝既肉汁，帶點油都幾香，幾好食，意大利飯口感十足，幾有咬口！12安士肉眼扒份量真係唔講得笑！單係呢塊扒既份量同質素都已經覺得好抵食，足夠2人享用！切開5成熟既肉眼扒，肉汁豐富，脂肪做到入口即溶的感覺，半肥瘦就最好食，一來有肉汁又夠嫩滑，又有牛油既既香，帶點焦香味既肉質，唔駛點醬汁都已經好惹味！最後我哋再叫多份檸檬餅share食，估唔到佢主菜做得出色，甜品都同樣精彩，酸酸地既檸檬餅中和返牛扒

最近又去左石門覓食 食中一間好懂待客之道,服務態度非常nice既餐廳餐廳唔算好大間 係無訂位既情況下 當晚得返bar枱位置不過見到咁賞心悅目既拼磚枱面 坐bar枱都無問題有d驚喜見到set dinner既salad上竟然出現三色藜麥 配上黑醋sauce 開胃又健康daily soup飲落包含左幾種蔬菜既味道 好明顯落足料煲 好濃好creamy講真食完個藜麥沙津+碗湯都已經有3成飽左燒魷魚圈配墨汁意大利粉 賣相比平日食開既墨汁意粉美觀碟上完全無多餘既墨汁 只係剛好沾滿包圍住每一條意粉墨汁帶少許海鮮既咸味 味道唔錯另一道main course我地揀左12安士既肉眼扒五成熟既肉眼 生熟掌握得剛剛好 咬落既juicy又有肉味以今時今日既物價 $338既2人set有齊沙津,餐湯,飲品 Main course仲有咁大塊Rib eye 其實都幾抵食不過最最最重要 唔可以錯過呢度既甜品加$38就可以order Lemon tart/ Cream Brulee 兩樣甜品既賣相都好精緻Cream Brulee都好滑好濃蛋香 岩晒傳統既甜品愛好者至於Lemon Tart 懂檸檬的人便會懂新鮮檸檬既清新+酸

來到石門，朋友帶我去了一間抵食高質西餐廳 - 兄弟工房。店內環境光亮，有著一大塊落地玻璃，令光線更容易滲進店內，更光猛。裝飾得簡簡單單，但就給予了一種家的感覺，相當舒適休閑。設有Brunch: 沙律、炸蝦意大利粉、野菌意大利飯、炸魚、西冷扒、厚切豬扒等...真的魚牛豬海鮮都可以選擇。蕃茄湯蕃茄湯味道酸酸甜甜，認真開胃。即叫即磨咖啡，已聞到咖啡的香氣。咖啡味較濃，加入小量黃糖後，味道更佳。冰茶(Iced Orange Tea)味道清新，茶味香濃外，更有著香橙的味道，非常特別。香煎厚切豬扒配意粉厚切豬扒啖啖肉，而且肉味濃郁，口感十足，分外滿足。 香烤8oz紐西蘭西冷扒配薯菜紐西蘭西冷份量很大份，足足有8盎司，而且肉質軟腍，牛味濃郁，非常抵食。

朋友成日話石門好多好野食，今晚就同朋友撐下枱腳食西餐，呢間西餐廳聽閒係由一班認識十幾年嘅好兄弟一齊開❤地方細細但感覺非常舒適，環境亦以簡約為主_👣Dinner Set For 2 $338包了沙律、是日餐湯、一款麵食、一款主菜和餐飲，非常抵食😆_是日餐湯係甘筍湯🥕， 濃濃甘筍味而飲落有甘筍微粒🥰沙律份量充足，沙律菜夠晒新鮮非常開胃🥗_主食方面揀咗燒墨魚圈配墨汁意粉🍝不得不讚擺盤好靚，用左餅乾條串起魷魚圈，魷魚圈份量都五少🦑而且夠曬爽口彈牙，墨魚汁意粉軟硬度亦適中❤️_主菜方面就揀咗烤美國頂級12oz肉眼扒配薯菜肉眼夠晒大塊🥩五成熟既肉眼扒食落去有肉味亦有肉汁，沾埋旁邊既芥末醬好惹味香口🤩_餐飲方面我哋叫咗是日冰茶係橙茶🍊朋友仲想講話點解入到餐廳見到好多橙😂橙茶非常清新_另外我哋仲叫咗一個小食意式香草茄汁焗肉丸$62肉丸非常大粒而且配埋茄汁一齊食好夾，可以一試😎

因公司挺近沙田，剛好跟同事約吃晚飯又想試試新店，所以決定去石門覓食看看。然後看見這間感覺不錯的西餐廳，便決定來這嚐鮮。店面雖不算大，但位置不會給人感覺狹窄。看了我下餐單，決定叫個二人套餐，及叫了意大利巴馬火腿配哈蜜瓜小食。意大利巴馬火腿自然咸香感重，加上水分足又清甜的哈密瓜中和，挺惹味開胃。店會將火腿繞在哈密瓜上，所以很方面不怕掉火腿下來。二人餐會有湯，白湯挺濃郁，會吃到細碎的薯仔增加口感又不很膩。沙律加了藜麥非常健康新鮮。二人餐選了魷魚意粉，魷魚很爽彈，配上墨汁意粉口味剛好，既不會覺太重，又不會覺太素。西冷扒肥瘦剛好，叫了五成熟火喉控制不錯。肉仍鎖有肉汁，也挺嫩，味道剛好頗惹味。配菜也不少，選料也頗健康。另外加了錢要了燉蛋甜品，蛋很香甜，上邊焦糖很香脆。還不錯。整體這店價錢合理，味道也不錯，頗適合愛好支持本土小店的人來吃飯。

係石門好似多左好多野食，就去左呢邊搵食啦！見到一間小店，係食西餐既，雖然店舖細細地但有幾骨子！同埋係果啲望落好舒服，可以坐好奈既地放！佢有個Brunch set,有湯，主菜同野飲！都抵食架！我叫左我最愛既All Day Breakfast!個滑蛋加左啲黑松露落去，好好食！同埋真係好滑！同埋成個都好豐富！每款野食個份量岩岩好！好滿足！仲有呢到個麵包好好食，烤得岩岩好，面頭有啲脆，同埋係麥包！我朋友就叫左香烤8oz 紐西蘭西蘭扒配薯菜！有翠肉瓜！仲要好大舊！正丫！個牛扒7成熟，入口都好林，唔錯！成碟都好大碟，裝到滿滿咁，好多野食！

慶祝工作忙碌的朋友生日，特意找近他office的餐廳食dinner.身為一個都會型男，普通野當然佢唔會睇得上眼，最基本的，也要帶佢去鋸下扒。幸好俾我搵到呢間極具時尚品味文青風格的西餐廳兄弟工房。店面雖小，但入到去坐底都幾舒服架，難得佢樓底幾高，補充了香港人需要的空間感。仲有點家的感覺!那就先來一碗熱湯吧，經典忌廉粟米湯，濃郁粟米香，有點粟米蓉，口感有層次。吹水談心，必備小吃，炸尤魚圈是一個好好的選擇，難得的是肉質挺有水份，多吃也不覺口乾。再來也是小吃，白酒煮blue mussles配蒜蓉包，用一個好似LC的小鍋盛載，份具生活品味，白酒汁很鮮甜，亦有濃濃的牛油香，邪惡得來也算拿到一個平衡，沒太大罪惡感。 然後好快就到主菜，ANGUS肉眼扒，超厚肉，MEDIUM 好正，肉汁必哂出黎，個面又煎得香，脂肪比例平均，肉汁融入油香之中，口感軟滑，肉味夠，好好食，咁大件扒唔知點解兩分鐘就俾大家分哂...食左個扒先，再食牛柳，好似有D比下去，雖然都係好靚仔，PRESENTATION一流。切開覺得肉質相對會比教粗諧，肉味不比肉眼扒差，可是我會寧願叫多份肉眼扒。然後來的西斑牙黑毛豬扒好有驚喜，厚肉，個面煎

幾個兄弟都話想支持小店，又想食下西餐，就梗係嚟附近間兄弟工房試下啦，食完都感覺滿足。是日餐湯係粟米溶湯，味道還好，但就稀左d，口感一般。到叫餐飲時，侍應話有橙菜茶，一心諗住試下有甚麼特別，但感覺上傳統嘅檸檬茶反而吸引d。主菜到喇，我哋呢班食肉獸梗係會揀扒類啦，叫左香烤8oz紐西蘭西冷扒、香煎厚切豬扒、香烤雞扒，仲有一個係黃薑忌廉汁煙鴨胸意大利飯。西冷扒夠juicy，唔太靭唔太淋，薯角就普普通通；雞扒就煎得剛剛好，雞味都有d嘅；至於塊豬扒，厚身得嚟都夠肉汁，唔柴身；最後，意大利飯就真係普通左d，唔太覺有黃薑味，飯身都有意大利飯本身嘅濕淋，唔硬，口感唔錯。整體嚟講，不過不失啦，可能係過左食飯時間，人流唔多，旺d會熱鬧d。

今日大K帶 大家去石門試下一間好有品味嘅特色小店。近幾年沙田石門 急速飛星。 加入咗我唔少嘅美食 正嘢! 呢一間美式兄弟扒房，就係其中嘅佼佼者啦。就算平日夜晚，坐底不久，一陣間唔夠就已經全場爆滿。 想食嘅朋友記得早啲嚟霸位呀。好去片!第一碟上檯嘅，就係炸墨魚圈。 嘩真係好食到西飛起喇( +*+) 香濃嘅墨魚 炸到脆卜卜熱辣辣咁。好食到你唔信!第二個就係藍青口多士， 真係有新鮮又好味。青口+多士原來真係perfect match!廢話唔多講今晚嘅主角出場 - 黑毛豬~豬肉最怕就係煮得唔熟， 但係幾靚嘅豬都有煮過火嘅一日。 講多無謂大家睇下相就知道兄弟扒房嘅功力有幾深厚。再來呢一份12安嘅安格斯牛扒， 入口即溶， 舐下就化， 唔信自己快啲過嚟舐下佢啦!

今次嚟到石門附近站搵食。見到呢間兄弟工房，一問之下原來真係幾個識左幾十年好朋友嘅兄弟一齊開嘅。餐廳設計像咖啡室，很舒服亦有不少佈置。餐廳提供多款經典西餐菜式，包括有西班牙黑毛豬，烤羊假， 美國肉眼扒，選擇種類之多總有一款啱你口味。餐廳仲會每星期轉換餐牌，為食客帶來新鮮感。餐廳有二人晚餐，有薯仔忌廉湯， 沙律，主菜方面亦有幾款選擇。我就揀咗燒墨魚圈配墨汁意粉同埋豬肋骨。另外加咗個白酒煮藍青口配多士。率先上枱嘅係薯仔忌廉湯，湯底夠晒濃厚，飲落去有好香嘅薯仔味。之後嘅沙律菜夠晒新鮮配上黑醋夠晒開胃。份量亦夠曬大碟。之後嚟到嘅係白酒煮藍青口配多士。青口好新鮮湯汁亦有好龍濃嘅白酒味好鮮甜配上多士好好味。極力推介燒魷魚配墨魚汁意粉。一上枱伴碟已經好靚，有餅乾條串起一串魷魚圈，賣相夠晒精緻。魷魚夠曬爽口彈牙，而墨魚汁配上嘅意粉好好味。豬肋骨夠晒大份配上新鮮嘅香炸薯條以及燒烤汁。豬肋骨肉質好軟，夠曬juicy。食呢個二人餐非常滿足。

今日兩公婆去食飯， 突然之間想食西餐， 所以去咗馬鞍山石門搵食， 之前都有聽過石門有間 細細間嘅 小店西餐， 今日見有時間就同老公去試下順便知支持下啲小店， 去到見到個門面幾靚， 入面裝修好有歐陸風。嗌咗兩個小食其中一個係芝士薯條配黑松露沙律醬， 沙律醬個味好特別， 個店員好好我食完啲沙律醬仲可以再加。另外個小食係炸魷魚圈，嗰個魷魚圈炸到好脆好入味仲有個份量好多， 價錢又唔貴。、煮食嗌咗個香煎鵝肝意大利飯， 好creamy ，啲飯軟硬適中 唔會太硬。再叫多個香煎大蝦墨魚汁意粉 ，食落去 好香墨魚汁味 ，食到成口 墨魚汁， 成棚牙黑曬好搞笑。下次要約多幾個朋友一齊試多幾款菜

今日放假，又唔出咁遠食野，突然諗起碩門依個美食綠洲，又係馬鐵沿線，咁方便，即刻上網揾下碩門有咩好食，揾到一間唔係連鎖式既西餐小店，叫"兄弟工房",之前都好似聽過係幾個後生仔一齊開。唔駛10分鐘到，去到現場，需然唔大，但感覺幾好，好舒服仲有2人set dinner,價錢唔貴佢地今日既湯係手打粟米湯，好好飲，好香新鮮粟米味，唔會太漏仲有個沙律，好開胃揀左個香煎鵝肝意大利飯，好入味，鵝肝入口即溶，d飯軟硬適中另外的揀左燒豬肋骨，好大份，啖啖肉，仲配埋薯條，份量好足由於份量好大份，咁樣食已經好飽

未黎過石門食野 最近知道有呢間餐廳而呢度既Dinner Menu大部分野食都岩我口味趁媽咪生日前夕 帶埋佢去試叫左炸魷魚圈 大蝦墨魚汁意粉 德國豬手另加左餐湯同冰茶（橙茶）墨汁意粉幾彈牙同I❤️墨魚汁😋👍🏻👍🏻德國豬手 外皮脆唔會太乾 橙茶幾清新🥰🥰 下次想試下😛西班牙黑毛豬配蘋果焦糖汁

位於沙田石門京瑞廣場一期地下 G43號舖的兄弟工房，主打西餐。午飯時間提供午市套餐，連餐湯約七十至八十元一客，頗適合附近上班的打工仔。餐廳的位置約有二十多個，椅子坐得舒適，而且日光會從門口透進來。特別加配了餐湯和飲品，是日餐湯為甘荀湯，新鮮熱辣，質感滑溜creamy。青醬忌廉汁青口意大利飯 - Risotto with Mussel in Pesto Cream Sauce 來到了，意大利飯即點即煮，熱騰騰。用青醬來煮這款意大利飯，味道頗不錯，夠濃郁，頗有驚喜。意大利飯粒軟硬適中，份量足夠。香烤 8oz 紐西蘭西冷扒 配薯菜 - Grilled New Zealand Sirloin Steak 8oz with Potato Wedges來到了。 西冷扒肉味頗濃郁，肉汁豐富。朋友則覺得略嫌有少許韌。薯仔炸得頗香口，車厘茄和翠玉瓜也有微微煎香，味道更加甜。檸檬茶的味道濃郁，朋友相當喜歡。是日特飲為香橙冰茶，能嚐到淡淡的橙味，味道甜甜的。

門口有貼label  過收卡但係只收cash一句sorry都冇...😤 有被騙嘅應覺環境都算可以，上菜時間就麻麻地，我一行兩個人去食lunch，一個人食晒嘅時候，另一位嘅lunch 都未黎。