元札幌拉麵 (悅來坊)

营业中

休息中

響AEON買完野見餓餓地, 走上一層搵野食先, 早排見呢間拉麵裝修, 估唔到咁快整好, 整完更加有日式風味, 就試試佢.要左個雜錦拉麵, 咩配料都有D, 有豬軟骨, 蟹棒, 义燒, 流心蛋.雖然义燒得一片, 但夠厚實又大塊, 咬落都好軟滑, 唔會好乾既感覺.豬軟骨好入味, 整體都炆得夠晒腍, 入口好嫩滑.拉麵軟硬度無特別要求, 不過夠晒適中, 爽口且彈牙, 份量亦唔會太少, 夠晒飽.另外要左款小食燒牛舌, 即燒好惹味, 牛吞都幾厚, 咬落特別有口感, 唔韌好爽口, 簡單鹽燒調一調已經好好味, 不失牛舌本身既肉香.仲有波子汽水, 夠凍唔錯.食材份量都幾好, 而且唔會太貴, 幾抵食. 其他款既拉麵都好平, 下次會再黎試下.

附近見完工有D餓, 行左黎悅來坊睇下有咩食, 原來除左地面果層, 落一層地庫仲有好多選擇, 平時少黎呢頭真係無留意.睇左一輪想食拉麵, 就入左呢間元札幌, 環境幾日式, 感覺舒服.拉麵款式有成十幾種, 而且有飯定食, 比其他拉麵店多個選擇.豚軟骨拉麵, 先飲下個湯, 好濃郁既豬骨味, 唔會太黏口, 感覺無咁漏. 豬軟骨有三大舊, 肉同軟骨平均分怖, 肉質夠嫩, 軟骨夠腍有黏口感, 好入味, 充滿骨膠原. 拉麵唔算太粗, 要左一般硬度, 口感較彈牙爽口, 唔會過腍.追加左煎餃子, 外面煎到金黃香脆, 唔會太過火.個皮算薄身, 餡料足夠嫩滑, 食完都唔會太飽濟.日式店特式綠茶可樂, 甜甜地有D氣, 夠解喝.

行開荃灣探朋友，探完朋友係我最肚餓之際，就衝左入去呢間日本餐廳。又於太肚餓乜都想食，諗都唔諗就點左個「雜錦拉面」，滿足一番，無諗過呢度居然會比到我意外驚喜！一個「雜錦拉面」係$75，咁大碗其實都算幾抵食！有叉燒、有蛋、有栗米，全部都好岩食，至於湯底我就揀左境醬油湯底。面底做得好，好適中，唔會太林，而且有味粉吊味，湯底濃郁，好香，仲有濃濃既豬骨味...........另外叫左個鹽燒牛利，口感好林唔un，燒完出黎好熱，鹽味好足，食到有幾種味粉！加檸檬汁更現鮮味不會覺得膩！是一間熱食做得有水準的日式餐廳！

呢間環境比較清潔同大,係panda hotel 下面,呢間配料來說,塘心蛋不錯,湯底有幾種,我覺得醬油湯不錯,一般來說香港食既都係豬骨湯,得閒食下第2類的會別有一番風味,份量來說已經好多,我就是望落去很小加了底..結果飽死了面身有小小卷,小小似韓式拉麵feel送菜如果加多小小特色野選會更好~章魚燒唔錯, 呢到小食都不錯,首先夠熱, 第2入面醬既味道酸酸甜甜都幾好食最緊要都係熱辣辣既個種感覺~安格斯肉眼串肉汁比較多,同埋成件厚身多肉, 咬落口感大大件咁既感覺.整體價錢不貴,拉麵 70-90左右不過對於中意飲豬骨湯既人黎講呢到無得選呢隻湯底要注意~

星期三晚又係去練拳的日子！打拳前不宜太飽，最好就係去食碗麵😉隨意行咗落悦来坊揾食，見到間日式拉麵館，格局唔錯；加上時間早，人唔多，即管入去嘆嘆☺心諗，打拳適宜補補骨膠原，就叫咗碗豚軟骨拉麵😂日式飲食先睇『色』，碗麵拎到面前睇住那半邊流心温泉蛋已急不及待垂涎欲滴😍拉麵好唔好食關鍵在湯底，所以日本人食湯麵前必先飲啖湯！如果啖湯掂，其他就唔使講了😉個麵口感一流，再咬一口豚軟骨佐之，簡直绝配！即時胃口大開，也顧不得會否吃得太飽，即時再加一份吉列廣島炸蠔🤓黄金外衣鬆脆，包在內的卻是嫩口鮮軟生蠔! 就係咁，一碗拉麵，一份小食，已經令我非常滿足了😎

其實朋友平日都說我是個#拉麵 控，然後我就否認，不過回想起一個人的時候，我都是大部份時間去吃拉麵的🍲當然也有與朋友一起吃，所以我承認自己是半個拉麵控吧😬逛完奇趣天地，肚餓之神呼喚我，朋友說吃拉麵吧，不吃拉麵的話不像我的風格😈所以我「被」帶到元札幌拉麵。最近都是吃叉燒拉麵，我有點膩，故豬軟骨拉麵成了我不二之選。光是這碗拉麵份量已經超出預期的多，因為最近吃的拉麵不算太豐富，所以看見的時候蠻驚喜。拉麵裡頭有豬軟骨，粟米，芽菜，海帶，玉子，配料挺豐富。玉子味道還不錯，蛋黃也不會過熟。至於拉麵湯頭一點也不油膩，味噌湯濃厚，但不像平日的過於重鹹，相信不少人都會接受這鹹度，我都喝光了。豬軟骨相當入味，肉也燉煮至鬆軟，軟骨部份幾乎是入口即化，整體風味不俗，加上豬軟骨肥瘦分佈平均，我就是愛這。拉麵彈力十足，非常討好，不會偏硬或偏軟，不錯的說。塩燒五花腩風味多層次，油脂與瘦肉完美共全，嚐起來非常精彩。擠點檸檬汁伴以青瓜一起吃更增添清新感，而五花腩帶點嚼勁，不僅不油膩，燒得微脆迷人。朋友想甚麼也吃點，雜錦拉麵自然是她必選。湯底方面她選了豬骨口味，豬骨香氣濃厚，喝起來卻溫和順口。叉燒也超大片，有掌心般大，肉質

前日(10-6-2017 Sat)同老公最終o係荃灣逗留o左成日,食埋晚飯至返屋企啦,我同佢行到o黎呢o度睇,最後決定食呢間,睇完menu,我決定要$68.00o既牛油拉麵,老公要$52.00o既炒免治豚肉飯同$18.00o既靜岡綠茶可樂汽水.落完單,梗係汽水最後到o黎,老公話初頭飲到甜味,後來飲到綠茶o既甘,我就覺得飲唔到可樂味.等o左8分鐘,老公o既炒免治豚肉飯到o黎,原來呢個係餐,有沙律菜,麵豉湯同蒸蛋.碗炒免治豚肉飯砌得好靚.兩分鐘後,我o既牛油拉麵到o黎,佢o地放o左半片牛油o係o度,開餐喇.老公一路食佢o既飯就一路讃,話有好多絲,有新鮮o既薑絲,亦有醃成紅色o既薑絲同青瓜絲,佢撈埋o黎食話好好食,薑絲癖o左豚肉o既腥味,而豚肉甜.我食o左佢啲啲蒸蛋,幾滑,味道亦清.而沙律菜迎鮮而且係落柚子醋,不過柚子醋唔夠.而我o既牛油拉麵呢,片豚肉睇落好大塊,但其實薄切,口感爽,OK o既,拉麵亦爽,湯o既質地都幾杰身,OK.

今日黎到荃灣嘅商場Lunch 試下呢間拉麵我地坐嘅位可以睇到師傅係入面整緊野食Lunch set 我覺得真係好抵食 一個餐又有拉麵又有小食 咁我地就叫左一個叉燒拉麵set 配雞軟骨串 $72叉燒大件 又多 配料好豐富 湯底唔油膩都幾唔錯👍🏻👍🏻👍🏻👍🏻雞軟骨燒得岩岩好 加d 檸檬汁減輕油膩感 好味😚😚海鮮拉麵 $88都有好多海鮮係入面 湯底同叉燒拉麵有d 唔同 但都好味👍🏻👍🏻👍🏻安格斯肉眼串燒 $38個串燒伴左個海帶柚子醋沙律👍🏻而個串燒 7成熟 唔太老 肉汁keep 得好好yumyum🤤🤤平時係其他拉麵鋪食一個拉麵嘅價錢 係呢到就食到咁多野 真係好抵👍🏻👍🏻👍🏻

平時好少去呢邊食飯，難得經過就一於試下！點知真係有驚喜呀﹗環境唔錯，坐得舒服﹗主菜就點左份叉燒拉麵配味噌湯底。食拉麵最緊要就係湯底，本人偏愛咸味嘅湯底，所以味噌就岩晒我啦點了一份鹽燒五花腩，未食已經覺得超香啦！五花腩最緊要嘅係啖啖肥肉連住瘦肉，而且表面果層亦都有鹽同黑椒味，所以好香好吸引。 試第一啖，一口咬落去所有燒肉嘅油同五花腩嘅油都融於口腔，真係好正。而肉質都好嫩口，唔會太難咀嚼，加少少檸檬汁就更加帶出香味。而五花腩底帶沙律菜墊底，既吸左五花腩多左嘅油脂，又可以淨化下油膩。

荃灣出名多好野食，這晚來到熊貓酒店旁邊的悅來坊覓食，現在香港一碗拉麵閒閒地都要$90，但元札幌拉麵就是一個較經濟的選擇。 座位有分店內及店外，想有多D私隱當然要坐入面啦。 餐牌上最平的拉麵只要$55，而除了餐牌外，亦會有些新產品寫在牆上可供選擇，我跟男友就揀了牆上的拉麵。蟹籽沙律 $25非常簡單的一道蟹籽沙律，只要青瓜絲切得夠薄夠幼，醬汁不要水汪汪，這道沙律都幾難唔好食。將面頭的蟹籽拌勻，食落一粒粒就更加爽口。香蔥拉麵 $68由於我不想吃太多肉，所以我便選擇了香蔥拉麵，面頭真的加入了大量香蔥，加上底層的芽菜，多到我覺得單吃蔥已經會夠飽~麵身的粗幼是我喜歡的那種，食落算有咬口。雖然只得一塊叉燒，卻是超大的一塊，入口不算極之腍滑不過念及這個價錢可以收貨啦。海鮮拉麵 $88這個跟我的香蔥拉麵比起就較濃味，下次再食的話一定要點淡湯，海鮮方面有蝦、魷魚及細細粒的扇貝。由於麵底不少之餘又有超多配菜，所以男友也差點吃不完。如此經濟的價錢能有這個質素算很不錯了，而且環境很闊落，兩個人也可以坐四人座位，算是一個傾計好地方。

難得空閒，獨個兒到荃灣搜購至愛精品。口痕想食拉麵，不過始終對荃灣熟悉度有限，所以向諳熟的朋友請教一下！悅來坊鄰近熊貓酒店，地理位置尚算便利，而食肆選擇也不少。拉麵有將近十款，湯底亦可自選！最後還是要雜錦拉麵，因為貪心。豬軟骨質感軟淋易分離，肉質密度甚高不黏牙！叉燒薄薄一片，燒得香噴噴，食落頗鬆化！溏心蛋半凝固尚有蛋香，流心度亦不俗！麵質要求偏硬，質感彈牙有嚼勁！湯底選了鹽味，小飲一口，味道適中不咸不甜。小食選擇也有不少，最後又忍不住點了一份塩燒五花腩。五花腩燒得香氣四溢，充斥著油香，食落質感厚實，有微微脆口！

人在荃灣突然想念扎幌拉麵，札幌以味噌拉麵聞名，湯底用上白味噌，味噌湯底比平日食豬骨湯底有特色。整體食物質素唔錯，除左拉麵，亦有定食、小食，而且小食款式多雜錦拉麵 $75每樣都想試時候，雜錦拉麵可以滿足三心兩既人，拉麵有豬軟骨、叉燒、螃蟹、糖心蛋、粟米、海帶。豬軟骨燜得入味而且軟骨淋身帶有醬油味叉燒不論厚度肥瘦適中帶肉香糖心蛋用上日本蛋，蛋香及流心程度理想自家製手包餃子 （拉麵+$22）餃子頗大隻，一碟四隻一個女仔未必食得曬，餃子外皮煎得香脆，內有肉汁，絕對皮簿饀靚，一啖拉麵再食粒餃子好滿足喔！串燒雞軟骨 $18串燒雞翼$14外皮燒得香脆，簡簡單單灑上鹽已經好好味Menu

平時好少去呢邊食飯，難得經過就一於試下！點知真係有驚喜呀點了一份鹽燒五花腩，未食已經覺得超香啦！五花腩最緊要嘅係啖啖肥肉連住瘦肉，而且表面果層亦都有鹽同黑椒味，所以好香好吸引。試第一啖，一口咬落去所有燒肉嘅油同五花腩嘅油都融於口腔，真係好正。而肉質都好嫩口，唔會太難咀嚼，加少少檸檬汁就更加帶出香味。而五花腩底帶沙律菜墊底，既吸左五花腩多左嘅油脂，又可以淨化下油膩。主菜就點左份豬軟骨拉麵配味噌湯底。食拉麵最緊要就係湯底，本人偏愛咸味嘅湯底，所以味噌就岩晒我啦除左湯底，麵質麵係重點。餐廳對麵質嘅要求非常嚴格的，基本上三分鐘內就已經煮好麵，再將熱騰騰嘅湯底淋上，希望保持到麵質嘅柔韌度。而豬軟骨都非常入味同容易咀嚼，配埋拉麵絕對一流。不得不提係溏心蛋，溏心蛋唔係每間餐廳都做得好，唔單止要流心，仲要希1/3熟蛋包住先係最完美。這裡就是完美

地獄拉麵，湯底可以選擇較淡口味或濃郁口味，而我就選擇了較濃郁嘅口味，湯底入口辣中帶豬骨湯甜味，而拉麵也很彈牙，叉燒很大塊很厚，加埋筍條，粟米粒等配菜，不妨一試。炸榴槤波，外皮炸至金黃色，Size像一粒乒乓波，入口外脆內軟，入口時要小心因為裏面的榴槤漿，很熱很辣口，很臭，非常正，鍾意食榴槤的朋友很值得吃。去拉麵店必試之一的餃子，上枱是熱辣辣，食落口啖啖肉，不會太鹹味道適中。蟹子沙律，青瓜很新鮮很爽，與蟹子一起吃，一直是最搭配的。

依間鋪喺商場裏面，行完商場，想食個日式拉麵，搵個位坐低，咁就有得食啦，都算方便青瓜絲沙律，青瓜絲爽口清甜，喺夏天熱辣辣嘅溫度之下，食返個前菜涼伴沙律，必選章魚燒，外皮色澤金黃，內裏軟感十足，上面鋪滿一堆嘢，好似要你寶物沉歸底叉燒拉麵，你可以落單先講聲你要濃湯底定淡湯底，照顧唔同濃淡口味嘅人，枱面提供埋七味粉、蒜泥、胡椒粉，要幾多就落幾多，真係考慮周到同體貼叉燒厚度都算幾厚吓，唔同一般嘅餐廳切片到塊叉燒可以吹得起